كلام مش فارغ

[uniQue]

شعر حلمنتيشي


كلام مش فارغ


الموت الكامن في الطرقات

يغريني أن أقتل نفسي
فأدور علي كل الحانات

أحكيلهم عن حزني ويأسي
الموت الموت يحاصرني

في الشارع وأقسام الشرطة
أصبح قتلانا أنواعاً

فيه ضحية .. وضحية بشرطة
الموت بوطني كالكوليرا

والكوليرا منتشرة وقازحة
لا تنفع أمصال معها

أصلها مش برد ومش كحة
الموت ببلدي موفور

أكتر م اللحمة الأثيوبي
والأكل سيقتل .. فالجوع
أوفر لحياتي ولجيوبي
والشرطة في مصر عظيمة
لو مات بني آدم ما تونش
وتتساءل كيف تري قد مات ؟؟
لكن عاش إزاي ؟؟ ميهمش

[uniQue]

10/5/2006
بقلمي

[uniQue]

أهواك دون النظر إلي عينيك ؟!




أهواك دون النظر إلي عينيك
أهواك وكلي ضعف بين يديك
أحسك حتي حين تقسو علي
فلماذا تكتب كل الأحرف
دون نقاط ؟
لماذا تمشي إلي الوهم
بغير صراط ؟

فلتكثر من إعطائك للقرارات
أو حتي الرد علي ما أبدي من اتهامات
أو اصمت فما عدت أنتظر اعترافات
وأنا سأصمد دون النظر إلي الدمعات
حبيبتي
أحبك وكفي اختبارات

[Dr-Ayat]

شكرا يا متيم وهو فعلا كلام مش فارغ

عجبتني الجزئية ديه

والكوليرا منتشرة وقازحة
لا تنفع أمصال معها

أصلها مش برد ومش كحة
الموت ببلدي موفور

ترجمة لواقع بنعيشه للأسف ..
المعاناة المصرية ..

بس انا ليا سؤالين؟؟

اول حاجة انا لاحظت في الخاطرة الأولانية خليط من العامية والفصحى
هو ده مقصود؟؟ وايه السبب ؟؟

والسؤال التاني يعني ايه حلمنتيشي ؟

واخير ابداء اعجاب باللي كتبته فتوقيعك ..

وانا بقول يا ريتني سواق تاكسي وبردو ما حدش يسال ليه..

شكرا لك وبانتظار المزيد من الكلام اللي مش فارغ..

[جناب العمدة]

شاعر فى الطريق .. تسلم ايدك ويسلم قلمك
استمر متيم .

[uniQue]

شوفي يا دك :

الشعر الحلمنتيشي هو نوع ظريف من أنواع الشعر العديدة
ويعتبر اظرف أنواع الشعر الفكاهي علي الإطلاق وبـ يعتمد علي
قصيدة بالفصحي في الاساس وبـ يقوم الناظم اللي هو الكاتب
بتحويرها لعامية وادخال شوية كلمات عامية طبعا بنظام محدد
والشعر الحلمنتيشي برع فيه ناس كتيره منهم الشاعر الجميل
بيرم التونسي وحسين شفيق المصري والشاعر المأمون أبو شوشة
ومتذكر لابو شوشة شعر حلمنتيشي جميل بيقول فيه :


يامن أهواك ولاتدري
وأسير وراءك ع الكوبري
داهواك يضعضع في صدري
ويشيل القلب ويهبده

وكان في منولوج للراحل اسماعيل يس دمج فيه بين الشعر الحلمنتيشي والزجل فقال :


شم الهيروين خلاني مسكين
مناخيري بترف وقلبي حزين

اما عن الشعر الحلمنتيشي الخام فاذكر لك تلك الابيات واتمني ان تحوذ اعجابك :


ياخيبة قدروها بالقناطير
جاءت لنا في نهار كالدياجير
اني ذهبت إلي النادي فطالعني
مقطب الوجه مغبر الاسارير
يبكي ويندب من خابو بملعبه
وفي المبارة صاروا كالطراطير
من كل شحط اطال الله قامته
يكاد يصلح في جر الحناطير
في الماتش لم تلعبوا لكني رايتكم
في البرتقال نزلتم كالمناشير
لاباس بالقوم من طول ومن غلظ
جسم البغال واحلام العصافير

اتمني ان اكو افدتك !!

[uniQue]

المشاركة الأصلية بواسطة جناب العمدة

شاعر فى الطريق .. تسلم ايدك ويسلم قلمك
استمر متيم .

شكرا جزيلا يا ابن البلد

[amr_miza1]

حاجات حلوة اوى والله تسلم ايدك ..

احنا قدام شاعر حلمنتيشى قصدى شاعر عامية خطير

على فكرة بيرم كان رائع فى الحلمنتيشى دا وبجد هو نوع من انواع الادب الشعبى الذى لايقل أهمية ولا جمال عن الادب الجاهلى مثلا ...

شكرا وتحياتى ليك

[Dr.Hammood]

انا هيغمن علياوبعدين سمكري سيارات او صانع اقفال يا عم اينشتعلى فكره ايات دمها بجد زي امممممم العسل المحمر تحياتي

[قلب الكنارى]

مدد يا شعر


بيرم يا تونسى ، بديع يا خيرى ،

مدد مدد ، يا شيوخنا يا أقطاب ..

احضرنا يا حسين يا شفيق يامصرى ،

و النجدة يا عبد السلام يا شهاب ..

يا سعيد يا عبده ، يا مصطفى يا حمام ،

محمود يا رمزى نظيم ، تعال الينا ..

و مدد يا عزت صقر ، يا خليل تظير ،

مدد يا شيخ يونس يا قاضى مدد ...

هاتوا الزجل ، شماريخ ، و صواريخ تطير ،

لسه الحاجات اياها .. ماليه البلد !


(صلاح جاهين )

[Dr-Ayat]

المشاركة الأصلية بواسطة Unique

شوفي يا دك :

الشعر الحلمنتيشي هو نوع ظريف من أنواع الشعر العديدة
ويعتبر اظرف أنواع الشعر الفكاهي علي الإطلاق وبـ يعتمد علي
قصيدة بالفصحي في الاساس وبـ يقوم الناظم اللي هو الكاتب
بتحويرها لعامية وادخال شوية كلمات عامية طبعا بنظام محدد
والشعر الحلمنتيشي برع فيه ناس كتيره منهم الشاعر الجميل
بيرم التونسي وحسين شفيق المصري والشاعر المأمون أبو شوشة
ومتذكر لابو شوشة شعر حلمنتيشي جميل بيقول فيه :


يامن أهواك ولاتدري
وأسير وراءك ع الكوبري
داهواك يضعضع في صدري
ويشيل القلب ويهبده

وكان في منولوج للراحل اسماعيل يس دمج فيه بين الشعر الحلمنتيشي والزجل فقال :


شم الهيروين خلاني مسكين
مناخيري بترف وقلبي حزين

اما عن الشعر الحلمنتيشي الخام فاذكر لك تلك الابيات واتمني ان تحوذ اعجابك :


ياخيبة قدروها بالقناطير
جاءت لنا في نهار كالدياجير
اني ذهبت إلي النادي فطالعني
مقطب الوجه مغبر الاسارير
يبكي ويندب من خابو بملعبه
وفي المبارة صاروا كالطراطير
من كل شحط اطال الله قامته
يكاد يصلح في جر الحناطير
في الماتش لم تلعبوا لكني رايتكم
في البرتقال نزلتم كالمناشير
لاباس بالقوم من طول ومن غلظ
جسم البغال واحلام العصافير

اتمني ان اكو افدتك !!

شكرا لك عالرد يا متيم فعلا ده نوع ادبي كان تايه عني وما خدتش بالي منه تشكررررر

[hassan omran]

المشاركة الأصلية بواسطة Unique

شعر حلمنتيشي


كلام مش فارغ


الموت الكامن في الطرقات

يغريني أن أقتل نفسي
فأدور علي كل الحانات

أحكيلهم عن حزني ويأسي
الموت الموت يحاصرني

في الشارع وأقسام الشرطة
أصبح قتلانا أنواعاً

فيه ضحية .. وضحية بشرطة
الموت بوطني كالكوليرا

والكوليرا منتشرة وقازحة
لا تنفع أمصال معها

أصلها مش برد ومش كحة
الموت ببلدي موفور

أكتر م اللحمة الأثيوبي
والأكل سيقتل .. فالجوع
أوفر لحياتي ولجيوبي
والشرطة في مصر عظيمة
لو مات بني آدم ما تونش
وتتساءل كيف تري قد مات ؟؟
لكن عاش إزاي ؟؟ ميهمش

رائع فى الكتابه وفى البساطه
التى صورت بيها الحدث بعيدا
عن كلكعت الكلمات
لك تحياتى وأحترامى

...............حسن عمران

[uniQue]

المشاركة الأصلية بواسطة amr_miza1

حاجات حلوة اوى والله تسلم ايدك ..

احنا قدام شاعر حلمنتيشى قصدى شاعر عامية خطير

على فكرة بيرم كان رائع فى الحلمنتيشى دا وبجد هو نوع من انواع الادب الشعبى الذى لايقل أهمية ولا جمال عن الادب الجاهلى مثلا ...

شكرا وتحياتى ليك

يـ اهلا بيك
واضح ان الادب الجاهلي مأثر فيك
وانك من المهتمين فيه !!
ولتصحيح معلومة ( شكل حبك في الادب الجاهلي مش عاوز يتطور ابدا ) LOli بهزر معك طبعا
الشعر الحلمنتيشي مش ادب شعبي !!
هو يعني ايه ادب شعبي اساسا ؟؟
زي الاغنية الشعبية كدا ههههه
الشعر الحلمنتيشي شعر فكاهي
ولا شكر ولا شئ يا ميزا
علي الرحب والسعة

[uniQue]

المشاركة الأصلية بواسطة Dr.Hammood

انا هيغمن علياوبعدين سمكري سيارات او صانع اقفال يا عم اينشتعلى فكره ايات دمها بجد زي امممممم العسل المحمر تحياتي

منوووور يا دكتور حمود
ولو حكاية الاغماء دي بتيجي الك كتير يبقي لازم تروح تشكف

[uniQue]

المشاركة الأصلية بواسطة قلب الكنارى

مدد يا شعر


بيرم يا تونسى ، بديع يا خيرى ،

مدد مدد ، يا شيوخنا يا أقطاب ..

احضرنا يا حسين يا شفيق يامصرى ،

و النجدة يا عبد السلام يا شهاب ..

يا سعيد يا عبده ، يا مصطفى يا حمام ،

محمود يا رمزى نظيم ، تعال الينا ..

و مدد يا عزت صقر ، يا خليل تظير ،

مدد يا شيخ يونس يا قاضى مدد ...

هاتوا الزجل ، شماريخ ، و صواريخ تطير ،

لسه الحاجات اياها .. ماليه البلد !


(صلاح جاهين )

شكرا عالضافه