خلى الشعب يعيش1

[hassan omran]

خلى الشعب يعيش1

أيها الشعب المصرى العظيم
النهارد خطابى سيسجل فى تاريخ الأمه لآنى سأجيب على تساؤلات عديده
يستغرب الشعب منها وهى ليست عشوائية كما يعتقد البعض ولكنها منظومه
لها قواعد وأسس مبنية عليها

لو أنا وفرت الأكل وسبل الراحه وشبعت بطونكم ايه حاتعملوا حاتتكلموا فى
السياسة. ولو أنا وفرت لكم فرص عمل ومنعت الواسطه حا تمشى أموركم
وحا تتكلموا فى السياسة . لو منعت التعرى والفديو كليب والذى منه حا يبقى
وقتكم فاضى وحا تتكلموا فى السياسة . ولو أنا ما أهملتش التعليم وعلمتكم
حا تفهموا كل حاجه وبردوا حا تتكلموا فى السياسة . ولو نظمت البلد وأنتهت
الأزمات حترتاحوا وتتكلموا فى السياسة

لذلك أيها الشعب الأصيل الصابر على مر السنين أبقوا قابلونى لو نفذت حاجه
من الحاجات دى

واليوم قررت تعيين عسكرى لكل مواطن
وأبقوا قابلونى لو أتكلمتوا فى السياسة
وخلى الشعب يعيش
-------------------------
كتابات/ حسن عمران
خلص الكلام وحان وقت العمل

[fawzy525]

السلام عليكم ورحمه الله وبركاته
هي فعلا منظومه اتخططت لها واتلعبت صح الصح
بس الظلم مش حيستمر ده شىء اكيد

[وائل المصري]

من يرزق هو الله سبحانه وتعالي.
هذا وبرغم من بالفعل كلامك صحيح لكن وبرغم كل شيئ نتحدث في السياسه وفي كل شيئ.
السيايه هي الطعام والشراب .
لا تستعجب من كلامي بالفعل التعامل مع الناس يطلقون عليه سياسه.
كيفيه الحصول علي رغيف الخبز يطلقون عليه سياسه.
كل شيئ اصبح دخيل في السياسه وليس خارجها.
وكل عام وانت ومن تحب بخير بمناسبه عيد راس السنه الهجريه,اه ديه اسمها سياسه التهنئه بالعيد.
وائل المصري.

[عاشقة الوطن]

تصدق فعلا لو ريحتنا وهننتنا وعملت اللى يريحنا برضه هنتكلم فى السياسة
شعب غريب تيجيلى يمين يجيلك شمال تجيلي شمال هيجيلك هو يمين
يعنى المفروض نحاول نبوظ الشعب على قد ما نقدر ونشغله بالهيافات اللى مالهاش لازمة
ونخليه يعمل كل اللى نفسه فيه عشان ميقولش اننا حرمناه من حاجة برضه
بس معلش بلاش السياسة ياشعب عشان السياسة عيييييب وبكرة تتحرم كمان

[hassan omran]

المشاركة الأصلية بواسطة fawzy525

السلام عليكم ورحمه الله وبركاته
هي فعلا منظومه اتخططت لها واتلعبت صح الصح
بس الظلم مش حيستمر ده شىء اكيد

وأنا بضم صوتى لصوتك

ولعلمك أنت ممكن تكون قلت كلامك بتلقائية

لكن الحقيقة السلطان بيلعبوه بخيطان

أبتسم أنت فى مسرح العرائس

لك تحياتى

أخوك............... حسن عمران

[hassan omran]

المشاركة الأصلية بواسطة وائل المصري

من يرزق هو الله سبحانه وتعالي.
هذا وبرغم من بالفعل كلامك صحيح لكن وبرغم كل شيئ نتحدث في السياسه وفي كل شيئ.
السيايه هي الطعام والشراب .
لا تستعجب من كلامي بالفعل التعامل مع الناس يطلقون عليه سياسه.
كيفيه الحصول علي رغيف الخبز يطلقون عليه سياسه.
كل شيئ اصبح دخيل في السياسه وليس خارجها.
وكل عام وانت ومن تحب بخير بمناسبه عيد راس السنه الهجريه,اه ديه اسمها سياسه التهنئه بالعيد.
وائل المصري.

نعم يا أستاذ / وائل

كل حاجه فى الدنيا سياسة

حتى الصمت نوع من الأحتجاج وبرده سياسه

لك تحياتى وأحترامى

أخوك/ حسن عمران

[hassan omran]

المشاركة الأصلية بواسطة عاشقة الوطن

تصدق فعلا لو ريحتنا وهننتنا وعملت اللى يريحنا برضه هنتكلم فى السياسة
شعب غريب تيجيلى يمين يجيلك شمال تجيلي شمال هيجيلك هو يمين
يعنى المفروض نحاول نبوظ الشعب على قد ما نقدر ونشغله بالهيافات اللى مالهاش لازمة
ونخليه يعمل كل اللى نفسه فيه عشان ميقولش اننا حرمناه من حاجة برضه
بس معلش بلاش السياسة ياشعب عشان السياسة عيييييب وبكرة تتحرم كمان

لا يمكن يقدروا يكمموا فمك يا مصرى

مهما يعملوا برده حا نتكلم

علشان أحنا بشر أصحاب حضارة ولنا رأى

فين كتاباتك / يا عاشقة الوطن

عايز أعلق على مواضيعك

أخوكى فى الله .....................حسن عمران

[البطة الشقية]

ههههههههههههههههههههههههيييء مشكور يا حسن علي الموضوع الا يودي في داهيه ده بس برافو عليك انك عرفتنا الحقيقه المره دي وبرضوا هنكلم في السياسه

[hend]

طب يعمل كل ده وانا اقسم بالله مش هتكلم فى السياسه ودا وعد من الشعب كله
بس هو يعمل وانا مش هنتكلم

بس يعمل
بس هو مش هيعمل
امال علاء بيه يسترزق منين ؟؟؟؟؟؟؟؟؟؟؟؟؟؟؟

[دقه قلب]

ازاى نبطل نتكلم فى السياسة
واحنا اساسا شعب كلام
كلام وبس

[hassan omran]

المشاركة الأصلية بواسطة البطة الشقية

ههههههههههههههههههههههههيييء مشكور يا حسن علي الموضوع الا يودي في داهيه ده بس برافو عليك انك عرفتنا الحقيقه المره دي وبرضوا هنكلم في السياسه

شجاعه ما البطه بتعرف تعوم

لكن أحنا بنغرق فى شبر مية

لكى تحياتى وأحترامى

تواصلى معنا

...................................حسن عمران

[hassan omran]

المشاركة الأصلية بواسطة hend

طب يعمل كل ده وانا اقسم بالله مش هتكلم فى السياسه ودا وعد من الشعب كله
بس هو يعمل وانا مش هنتكلم

بس يعمل
بس هو مش هيعمل
امال علاء بيه يسترزق منين ؟؟؟؟؟؟؟؟؟؟؟؟؟؟؟

الأستاذه/ هند المحترمه

ردك على الموضوع يدل على أنك خلاص

فاض بيكى ومليتى

ولعلمك هو قاصد يغيظك متسكتلوش

لازم كل حاجه نسايسها

لنا الهم ولكى الصبر على البلاء

.................................................. .حسن عمران

[hassan omran]

المشاركة الأصلية بواسطة دقه قلب

ازاى نبطل نتكلم فى السياسة
واحنا اساسا شعب كلام
كلام وبس

أزاى دقات القلب تبطل تنبض

لما نموت

علشان كده عمرك ما حاتبطلى كلام

لآن لو راح مبارك فى عندك سياسة فى البيت

مع الزوج والأولاد

وفى سياسة فى الشارع سياسة الفصال

مع البياع والخضرى

وفى سياسة .كفاية كده علشان متزهقيش

المهم عمرك ما حاتبطلى سياسة لآنها جزء من حياتنا

وكلنا عايشين بنسايس بعض لكن تحت مسميات أخرى

لكى كل الحب والأحترام

....................................حسن عمران[/b]

[mohamedadel_99]

و الله يا أخ حسن أصبت الجون...و أنا بصقفلك ويا الجمهور....أنت فعلا أصبت المضمون

[فيضان الحب]

حلوة عسكرى لكل مواطن دى
كملها علينا بالستر يارب
شكرا ع الموضوع السياسى الرائع