السلام عليكم ورحمه الله وبركاته
اولا تحيه لجميع الاعضاء
ثانيا التوبك ده انا عملاه علشان اشرح فيه ايه نادى الخير وكيفيه الاشتراك فيه
1-قصه نادى الخير ان فى عضوه اسمها اسراء من فتره اجتلها فكره نادى الخير ده فدخلت المنتدى هنا وقالت فكرتها ان هى عايزه تعمل عمل خير وان كلنا نكون معها فى العمل ده وكانت مجرد فكره عندها وبعدها بفتره العضوه اسراء صاحبه الموضوع اصبها مرض وتوفت رحمها الله وقبل متتوفى وصت على نادى الخير ان هو يكبر وعينت eshoo4ever رئيس للنادى وايشو عمل كل جهده علشان النادى ينجح وللاسف مكنش فى اعضاء بيدخلوا خالص النادى راح ايشو عمل ايميل للنادى وطلب مننا ان احنا نبعت ايميلاتنا عليه ونبعت كمان بياناتنا علشان نعرف مين الى مشترك ونعرف بيانات كل واحد حسب بلده وسنه وطبيعه عمله او دراسته وطبعا للعلم ان البيانات دى للسريه التامه المهم نادى الخير لغايت دلوقتى مجرده فكره يعنى لسه مشتغلناش فى اى حاجه خالص لان زى مقولت مافيش اى اعضاء بتدخل خالص الا قليل جدا وكمان مافيش اى اقتراحات او اراء بتيجى من اى عضو وكمان على العلم ان ايشو عينى نائب الرئيس وانا عامله التوبك ده علشان عايزه اعرف من كل عضو هيدخل نادى الخير هل عنده استعداد يشتغل معانا وعايزه اقتراحات احنا لازم نعمل ايه فى النادى بجد احنا مش عايزين اراء تقول حلو ولا وحش احنا عايزين اقتراحات وانا دلوقتى هقول ازاى نشترك فى النادى ده على الايميل وهقول مين الاعضاء المشتركين لغايت دلوقتى لو فى اى اسئله او استفسارات ياريت نعرفها وان شاء الله هنرد على اسئلتكم وبردوا ياريت الى هيشترك يقول علشان نضيفه عندنا فى ايميل النادى وياريت البيانات كامله
بصوا ياجماعه
عشان نبدا من الاول
يجب ان اذكركم بالاخت اسراء صاحبة الفكرة
وهى كمان الى اخترتنى كده المسئول او رئيس النادى
ياريت كلنا
ندعى لها ونقرا الفاتحة على روحها
ثانيا انا هبدا من جديد
بمعنى كل الاشتراكات القديمة هتتلغى لانهم اصلا نسيوا الموضوع
كل عضو حابب يكون معانا هيعمل الاتى
يبعت إميل الى الاميل الخاص بالنادى
ياريت محدش يبعتلى على الخاص بليز يبعت اميل عادى لاميل النادى
Nade_elkher@hotmail.com
فيه اسمة ، سنة ،دراستة او شغله ، منطقة سكنة (بس ياريت ميقلش اسم المحافظة كمان يقول المكان..يعنى مثلا شبرا القاهرة..وده هيفدنا لو فعلا بدانا نحقق اهاف خارج المنتدى) وكامن الحالة الاجتماعيه(خاطب..اعزب..متزوج)
ويجاوب السؤال ده......فعلا لو احتجناااااااه هنقلية يعنى هيكون معانا فى كل الظروف؟؟
وشكرا ليكم ويارب فعلا ننفذ الخير
"اللهم ارحم اسراء"
__________________
وده اقتباس من كلام ايشو فى اول الموضوع
اولا زورى الصفحة دى
Sign In
هيفتحلك صفحة اكتبى فيها على الشمال
مكان لاميلك وباص وردك
ودوسى على كلمة سجن ان بعد متكتبى الاميل والباص
هيفتحلك اميلك
فوق على الشمال هتلاقى كلمة نيو
دوسى عليها
هيفتحلك صفحة فى فوق كلمة Toاكتبى اميل النادى
تحتها كلمة سبيها فاضية تحتها كلمة "سبجكت"اكتبى فيها رأس الرساله العنوان يعنى
وفى المساحة الكبيرة الى تحت اكتبى الررساله عادى جدا وبعد كده دوسى Send من فوق
__________________
وده بردوا اقتباس لكيفيه الاشتراك فى النادى
*&nour&
2*sosoo_sunshine
3*wael galal
4*biroo
5*eme
6*جاسمين ( تم تعين جاسمين نائبة لرائيس النادى )
7*BATISTA
8*Eshoo4ever
9*انا مصرية
10*امل حياتى
11*tasawof 2010
__________________
الاعضاء الى تم اشتراكهم فى النادى حتى الان
فى حاجه كمان عايزه اقولها بالنسبه لبرنامج النادى ودى بردوا عباره عن فكره مش اكتر هيكون عباره عن اى عضو يقترح اقتراح او مشروع هيتم التصويت عليه ونشوف ايه الصح والغلط وكل عضو يقول راءه وبعد منخلص التصويت هنشوف هيتم المشروع ده او لا على حسب نجاح التصويت وبعدين هنبدا نشتغل وهنحدد لكل حاجه وقتها المعين وبعدين كل عضو يكتب النتائج وايه الى عمله بالظبط وهكذا ونشوف الفكره او الاقتراح الجديد وهكذا لو سمحت لو فى اى ملاحظه على كلامى انا منتظره بس ياريت النقاش يكون فى الموضوع الاساسى انا عمله الموضوع ده علشان اوضح نادى الخير مش اكتر
بس طبعا اهم حاجه دلوقتى قبل منبدا نشوف مين الى هيشترك معانا ومين الى هيشترك بجد
وشكرا ليكم كلكم وياريت كلنا نقرا الفاتحه وندعى لاسراء وجزاكم الله خيرا
منتظره اسئلتكم فى نادى الخير
مواضيع مشابهة
النمط الخطي
