الاحساس بالضعف ..؟!!

[فراق84]

المشاركة الأصلية بواسطة مستر كاراتيه

تسلم فراق على وجودك بجانبى



بس كتير بحس حالى مش عارف افكر فى حاجه كويسه كل تفكيرى فى الحزن والوحده
بخرج من بيتى بلاقى قدامى ساعات ان الدنيا كلها بتضحك فى وشى وساعات بحس ان حتىالناس فى الشارع مش عاوزه تبص ناحيتى من كتر مانا حزين من جوايا
هوه ليه مستحيل الدنيا تكون من غير خيانه ؟؟؟؟؟؟؟؟؟؟؟؟

ليه دايما الضعف اكتر من القوه والحب اقل من الكره
ليه اليأس والضياع طريقه اسهل بكتير من اننا نحافظ على طريق لصح

اول شي مستر كاراتيه انا بدعيلك بجد ربنا يشيل همك ..ويارب يستجيب
لانو الانسان المهموم انسان قرب يصير بقايا انسان او انسان عايش ومش عايش
هي بداية الحزن دايما تحس الدنيا سودة وما فيهاش حاجة حلوة ..لانو المهموم بيبص من ناحية وحدة وهي همو وحزنو ..وبيرجع زكرياتو ..ولو جميلة بيبدا يبكي او يقترب من البكاء
حاول تتناسى الموضوع اول حاجة ..لانو مش اخر الدنيا ...لسة قدامك حياة طويلة
لو بقيت على حزنك حتحسها اطول ما انتا متصور
اول حاجة لما تتدايق صللي ركعتين لربنا وادعيلو
ولما تصحى من النوم حاول ما تفتكرش اللي انتا بتفتكر فيه الخيانة
والناس بتدحك بوشك ..بس جواها يمكن هم اكتر منك
الخيانة صعبة كتير ..وانا حاسة فيك
وانا من الناس اللي ممكن احقد على الخاين ...لانو ما بحبش لما انسان يكون مخلص من قلبو انو يتقابل بالخيانة والغش...لانو اصلا من انواع الغش ..ومن غشنا فليس منا..
والناس كلها مش مهم عندها انتا زعلان ولا مبسوط
وازا بتدحك بوشك لانها عايزة تدحك
وازا كشرت فهي بتكون متدايقة
وزي ما الدنيا فيها خيانة ..فيها الاخلاص ..بس الاخلاص مدفون جوا ولازم ندور عليه شوية ..لانو زي الكنوز ..عايز وقت ..ويمكن حواليك ناس كتير مخلصة
بس انتا اللي مش شايفها ..لانو حزنك مغطي على كل حاجة
حاول تفتكر انو في ناس حالتها اصعب من حالتك بمليون مرة ..مثلا ناس اتحرمت من اولادها ..ناس تركت اهلها ..تخيل الشعور دا يبقى ايه....انا ما بقول انو انتا شعورك بسيط ..بس في ناس اصعب من كدة وعايشة
الدنيا عايزة قوة ..وعايزة تفكير
يمكن التجربة دي تقويك ..وتخليك تفكر صح تاني مرة..وتبني افكار صح
وصدقني زي ما في ضعف ..في قوة ..وكل انسان فيه قوة ..وانتا فيك كمان قوة ..بس مغطية او انتا تاركها ..لانو القوة البشرية قوة عظيمة ربنا اهداها لينا ..عشان كدة لازم تستغلها ..
مستر كاراتيه ..فكر بالكلام تاني وتالت ومليون مرة..
وحاول تخرج من الموضوع دا باسرع وقت ..قبل ما تيجي دنيا حلوة ليك ..وانتا مش شايفها لان احزانك مغطية عليك..وحاول ترجع لكتاب ربنا دايما وكل ما تحس حالك متدايق تقرأ سورة يوسف انا لما ابقى اتدايق اقرأها..لانو بتخيل المصايب كلها اللي كانت عليه ..وهو اتحملها ازاي
وحاول تختار صديق قريب منك يكون جنبك بمحنتك ..او اخ قريب او اب ..لانو البني ادم صعب يعيش لوحدو واسمع منهم ومن الكل واحكي اللي جواك حتحس براحة حتى لو ما حدش فادك ..بس الاهم يكون واحد قريب منك خايف على مصلحتك
ربنا يصبرك ويشيل همك ...
اختك..فـــــــــــــراق

[نيهال]

حاول تضحك ..........تعالى بس على نفسك وصدقنى كل شئ بتخف صدمته...بمرور الوقت

ربنا يهون عليك امورك جميعها

[روما الشعنونة]

لية بس الحزن دة مهما حصل مش ينفع تكون حزين كدة وكاره الحياة والدنيا وحاسس بالضعف حاول تحب الدنيا والناس الي معاك حاول تفكر في اي حاجة بتبسطك اعمل اي حاجة بتخليك فرحان متستسلمش للياس والضعف والخوف اكيد الحياة كلها مش هتبقي وحشة اكيد هيجي الوقت الي تحس فية بالحب والراحة والامل بلاش الحزن دة صدقني حرام تضيع احمل ايامك في الحزن والخوف والضعف تقبل مروري ريهام

[مستر كاراتيه]

فراق

نيهال

روما

بجد تسلمولى على وجودكم جنبى ... ربنا يعمل اللى فيه الخير
بحاول والله ....... بس غصب عنى بلاقى الزكريات فى كل حتى بشوفها قدامى فى كل وقت
مش بعرف انام بجد ممكن افضل اكتر من 3 ايام صاحى بفكر ومش عارف اعمل ايه
حاولت اسافر حاولت اخرج حاولت كتير اغير من المود ده بس بلاقى نفسى رجعتله بسرعه جدا
ولله هحاول وبحاول

[فراق84]

معلش يا مستر كاراتيه ...انا بجد كنت زعلانة انك حاسس كدة
ومكنتش عاوزة ابطل كلام الا لما تقللي انك بجد حتحاول ..وانتا دلوقتي قلتها ..الحمد لله
وحدعيلك ربنا يشيل همك
والحياة لسة حلوة قدامك
ما تيأسش

[foash]

السلام عليكم
اولا بحييك على الموضوع
الضعف كلمة محوطانا من كل مكان بمشتملاتها الضعف والحزن والياس والكابة والنكد والهم كلها كلمات قابلتنا تعبتنا جدا منها ومين منا محسش فى يوم انه ضعيف بس انا عاوز اقولك حاجة وتجربة شخصية والله انا مريت بظروف حسيت انه الدنيا خلاص اسودت وحسيت بضعف جامد جدا لحد ماتقريبا احلامى كلها مبقتش بحلم ولا الوقت كان له اهميه بالنسبة ليا اوقات كتير مكنتش بحس احنا فى ليل ولا نهار
الغريب انه المرحلة دى جاتلى بعد مرحلة توهان انا كنت فيها سهر وخروجات وسفر وفلوس وحاجات كتير حسيت انى مليش هدف يعنى اوقاتها عمرى ما فكرت انه افكر انى اتجوز مثلا او ظلمت مين او نميت على مين او نافقت مين خالص وجيت فى يوم حسيت انى ضعيف اوى اه المرحلة دى خلتنى انعزل عن الناس فترة لكن والله يا اخى ثقتى فى ربنا وفى نفسى كنت اقوى مليون مرة من الضعف اللى حسيت بيه بقي عندى اهداف والله الحمد لله بحققها الاول ورا التانى رسمت طريق بقالى حوالى اربع سنين او اكتر عمرى محسيت انى ضعيف او يائس غير فترة وجيزة جدا واتعديتها الضعف لو اتمك منا فى نظرى انه الانسان ساعتها بيبقى ميت مش عايش واللى عاوز يوصل لهدفه هيقابله مليون حاجة تكسره
وافتكر انه من يهاب صعود الجبال يعش ابد الدهر بين الجحور
انت وانا وكلنا اقوى من الضعف اتوكل على الله وارمي همومك عليه وربنا كريم ويارب المرة الجاية متبقاش حاسس بضعف ممكن تقول انك زعلان حبة لكن ضعف لا
انا اسف على الاطالة وتقبل مرورى
ahmed

[مستر كاراتيه]

Foash
صديقى العزيز : عندك حق فى كل كلمه قولتها بجد ان الازم احاول اقرب من ربنا اكتر
يمكن انا بعدت عن ربنا فتره خلانى احس بكده

فراق 84
بجد انتى كل كلمه بتقوليها بحاول احفظها وادرسها كويس جوه عقلى

دمتم لى بطيبه وود اوحترام

[شمس النهار]

كن مع الله سيكون الله معك

[مستر كاراتيه]

شمس النهار
نصيحتك أغلى عندى من الدنيا كلها


دمت لى
بطيبه وود واحترام

[فراق84]

المشاركة الأصلية بواسطة مستر كاراتيه

فراق 84
بجد انتى كل كلمه بتقوليها بحاول احفظها وادرسها كويس جوه عقلى

دمتم لى بطيبه وود اوحترام

انا مبسوطة انك بتحفظها ..لانها بصراحة كلمات انا احفظتها بعز الازمة ..ودي كلمات غيري ..لانو اللي بيحس بالضعف بيفتكر انو هو الموجوع بس..
ربنا يسعدك ويسعد كل مهموم..
اختك ..فراق

[مستر كاراتيه]

تسلميلى على اجمل دعوه فى الدنيا

ربنا يسعدك ويسعد كل آيامك ويحققلك كل آمالك

اخوكى احمد

[مستر كاراتيه]

... احساس الضعف
هوه البكاء بدون توقف على حلم لا تقدر على المحاوله مجرد المحاوله لتحقيقه

يا خساره..

[رورو11]

إذا استعنت بالله فستكون اقوى الناس وسيقف الله بجوارك ضع الله فى قلبك يصلح الله لك احوالك وييسر لك امورك وانا ليا كمان حاجة عاوزة اقولهالك لو حبيت تشتكى اوعى تتشتكى لغير الله لان لا احد يتحكم فيك او بيدة شئ ليك غير الله سبحانة وتعالى دالانك مش لازم تثق بأى حد واعتقد ان ربنا ثقتنا فية ما لها حدود ضع الله فى قلبك حتى يطمئن قلبك وربنا يصلحلك حالك ياأخى العزيز.

[مستر كاراتيه]

المشاركة الأصلية بواسطة رورو11

إذا استعنت بالله فستكون اقوى الناس وسيقف الله بجوارك ضع الله فى قلبك يصلح الله لك احوالك وييسر لك امورك وانا ليا كمان حاجة عاوزة اقولهالك لو حبيت تشتكى اوعى تتشتكى لغير الله لان لا احد يتحكم فيك او بيدة شئ ليك غير الله سبحانة وتعالى دالانك مش لازم تثق بأى حد واعتقد ان ربنا ثقتنا فية ما لها حدود ضع الله فى قلبك حتى يطمئن قلبك وربنا يصلحلك حالك ياأخى العزيز.

انا مش عارف اقولك ايه بجد على وقوفك جنبى كده

بس بجد انا مش بشتكى انا زى ما قلتلك مره من نفسى بس حبيت اتكلم

[OSHOSH2050]

اتكلم برحتك يا احمد
ربنا يبعد عنك كل حزن يارب