هزة يمين ....... هزة شمال
هزة يمين ...... هزة شمال ,, وبكدا يمشي الحال
هكذا يكون الرقص الشرقي ... وقبل ان اصيب بجنان رسمي وان " يهتز " كياني
العقلي قررت ان اكون مثل اي مسئول عربي ان " اشجب ...... اعترض ...... استنكر ......"
مما يحدث في المنطقة العربية........ اقصد من البرنامج المدعو " هزي يا نواعم "
هزي يا نواعم واقفة ليه ؟!
زمان كان برنامج مشهور اسمه " سمعنا صوتك " واليومين دول الصوت المسموع
هو صوت " الهز " - وبفضل النظريات الحكيمة اشتهر القول المأثور " ليه تهزي ببلاش لما ممكن
تهزي بفلوس " ؟؟
الي ان لمعت الفكرة الشيطانية في رأس أحد المهتمين بمجال " الهز " فعرض الفكرة علي الوسط الهزاز حتي تدفقت عليه
عشرات العروض من رجال أعمال وبعض شركات الدعاية وبعض المستعدين
للموت من أجل " الهز "
وبالرغم من ان الفكرة قديمة فإن نبوءة صاحب فكرة الهز بشكله الجديد تحققت
وفي يوم من الايام وعلي قناة من القنوات الفضائية بدأت مسابقة " الهز " رافعين شعار " ليه تهزي ببلاش لما ممكن تهزي بفلوس " مش بس كده ده اللي " هـ تهز " أكتر هتاخد 50 ألف دولار , الي جانب لقب راقصة الشرق الأولي , والبرنامج مباشر علي الهوا كمان ... يعني عم محمد وعم جرجس هيكونوا قاعدين في البيت وشايفين بناتهم " اسم النبي حارصهم " بيهزوا قدام عيونهم وعيون الملاين ... وعلي صوت المذيع الظريف الممثل يوسف الخال , واللي حكايته حكاية هو كمان لأنه كان رافض إنه يعمل كـ مذيع ... لكن الموضوع شكله أثر عليه قوي " وأصر يصر إلحاحاً " إنه هو اللي يقدم البرنامج وكان شكله هـ يعيط يا عيني من كتر الاندماج مع الملبن . اما التقديمة اللي قام بيها كانت عبارة عن فقرة مسجلة لكل راقصة ,بتحكي فيها عن نشأتها في وسط راقص يعز الهز زي عنيه , وإن نص عيلتها ماتوا تحت الأنقاض من كتر " الهز " والزلازل , وإن الهز كل حياتها والبنية يا عيني الدمعة كانت هتفر من عينيها من كتر الموهبة اللي رجت المكان وإن هي إن شاء الله بإذن الله هترفع رأس بلدها عالياً ...لأ حقيقي هترفع رأس بلدها وهترجع بالكأس بس هي تخلص النية وتتوكل علي الله كده وتهز بضمير وبعد الفقرة اللي هزت فيها تقريباً مهزتش بضمير لأنها سهام من المغرب كانت أول " هزازة " يقولوا لها bye bye يمكن الأداء كان مش قد كده أو متمرنتش في الجيم كويس ومجانصها وترابيسها مش مساعدينها سسيمون باشا اسمر مخرج البرنامج وعضو لججنه التحكيم طلبوا منه رائيه في اداء احدي المتسابقات من اوكرانيا ..يقوم الراجل يعطيها درجه كبيره ويقول كتر خيرها انها من دوله اجنبيه واتعلمت الرقص الشرقي !!!!...ياراجل ؟؟انت محسسني ان كل الدفعه بتاعت اوكرانيا واخده اعفاء نهائي وان هي بكل شهامه تطوعت عشان تهز عشان ترفع راس بلدها ..ثم انه ليه يديلها درجه كبيره كدا ..يعني ماشفهاش وهي بتغش من بدله زميلتها .....ههههههه... وهو كان في هدوم اساسا؟! نخش علي لجنه التحكيم ..واللي بتتكون من عناصر الخبره في استخلاص كل الملبن والجيلاتين واي حاجه بتتحرك من مكاناها ..الراقصه المعتزله (الخبره)نجوي فؤاد ومدرب الرقص المصري ظاظا حسن كان رايح يرفع راس مصر هو كمان مدربه الرقص نادره عساف وسيمون اسمو وايميليا زيدان واللي ياعيني كانت متاثره ومتشحتفه علشان لبنان دلوقت بتفتقر للهز وان العالم العربي اهمل المواهب دي وانها مهدده بالانقراض
يعني هاقول ايه ؟ ..حسبي الله ونعم الوكيل ..ماهو العالم العربي ده بيهزر اصلا معلش يا ست ايميليا بكره تتحل ولبنان كلها تتهز ان شا الله وبعدين دول كلهم 50 الف دولار يعني ..ولاليهم لازمه! وفعلا ياشباب البنت اللي هتفوز تستحق المبلغ ده ..دي رفعت راس بلدها ياشبابا والشعب كله هيكون فخور بيها والشعب هيفضل رافع راسه كده لحد مايبقي شبه الزرافه ..هو احنا كده ولا بنقدر الفن ولا بنصون اللقمه الحرام !
ولمتي هنفضل نضحك علي الناس وعلينا وعلي جهلنا ؟..ولحد امتي هنضحك علي نفسنا اساسا خلاص بنتاجر بلحم بناتنا عيني عينك عشان مبلغ حقير والكارثه ان الناس بتبيع وفخورين انهم بيبيعوا شرف بناتهم وبيقول انا برفع راس بلدي ..انا من اللي بيحافظوا علي الفن العريق ..
مين بيدور علي الفن دلوقت هات لي بني ادم بيتفرج عليها وهي بترقص علي انه لون من الوان الفن بلاش نضحك علي بعض وفورا فلوسكم وشوفوا كباريه هيفرق ايه اذا كانت اجنبيه ولا غيرها بترقص شرقي ولا حتي جنوبي ..كده كده بتقلع وتهز ولاهو العري قدام العالم بيكون فن وغير كده بيكون عيب ؟
بس بامانه بدله الرقص بتاعه اوكرانيا اللي جايه متطوعه تستاهل انتوا مش واخدين بالكم البدله كان فيها ترتر اوكراني جامد موووووووز
اصلي يعني بجد بجد وبكل امانه هو ده الترتر اللي يرفع راس البلد !
حاجة تفرح وتسر القلب الحزين ويعني بصراحة مش لاقي تعليق سوي حسبي الله ونعم الوكيل
لعلمك " في جزء لا يتعدي السطرين مقتبس من كلمتنا " وجميع حقوق النشر محفوظة لدار الهز الشرق اوسطي " حزمني يا "
__________________
شغل دماغك!
|
مواضيع مشابهة
وكمان الولاد مع البنات في بيت واحد
طب ليييه كده بس...!!!!!
....لا وايه مش تانجو او فلامنجو لا ده على واحدة ونص 
يااااااريييييييييت
النمط الخطي
