سجن ضابط شرطة 5 سنوات - مبروك - !!!

[دقه قلب]

القاهرة، مصر (CNN) -
- قضت محكمة مصرية بالسجن لمدة خمسة أعوام على ضابط في الشرطة، وعام واحد لرجلي أمن آخرين لممارستهم انتهاكات ضد شاب احتجزوه داخل القسم وأجبروه على ارتداء ملابس داخلية نسائية والسير في شارع مزدحم.

وقال مصدر قضائي، رفض الكشف عن هويته، إن محكمة بمدينة الإسكندرية قضت بحبس رائد الشرطة، ويدعى يسري محمد عيسى، لإصداره أوامر إلى جنوده بإجبار الشاب على ارتداء الملابس النسائية، والسير بها جيئة وذهاباً في أحد الشوارع الرئيسية بالمدينة الساحلية.

ولم تتضح ماهية التهم التي وجهت إلى عيسى، وفقاً لما نقلت وكالة أسوشيتد برس.

وكشف المصدر القضائي أن الشاب المحتجز، كان يعمل في موقف للسيارات، طلب من الرائد إبعاد سيارته ليتسنى للمستخدمين الآخرين الدخول إلى الموقف في أبريل/ نيسان الماضي، وهو ما اعتبره ضابط الشرطة إهانه بحقه، وبناء عليه قام باعتقاله.

ويزعم أنه حاول إجبار السجين للاعتراف قسراً بجريمة سرقة.

ونقلت صحيفة "البديل" المستقلة، أن الضحية زعم تعرضه للضرب بالهراوات داخل قسم الشرطة.

...

[BATISTA]

عقبال الباقى علشان البلد تنضف شوية من الى بيعملوة

شكرا على الخبر

[دقه قلب]

عقبال الباقى علشان البلد تنضف شوية من الى بيعملوة

شكرا على الخبر

ايوة طبعا دلوقتى الباقيين هيخافوا بعدين يحصلوه

العفو يا فندم
نورت الصفحة

[hend]

مش بيخافوا ولا حاجه
لو بيخافوا كانوا تلموا مثلا بعد عماد الكبير
انما دول مرضى فاكرين نفسهم فوق القانون

[hassan omran]

سلام الله عليكى ورحمته وبركاته
العزيزة/ دقات القلوب
أول الغيث قطرة
وهذا بفضل الله ناصر المظلوم
والمنتدايات والمدونيين الذين فتحوا طاقه عباره عن
شعاع نور فى جنح الظلام ليتسرب منه الحق
ولن تسد

............................حسن عمران

[وائل المصري]

انا والله مش عارف هو تحدي ولا ايه.
انا ابويه الله يرحمه كان لواء والله عمري ما شفته بيضرب حتي عسكري او حتي غفير.
ولما كان عم محمود العسكري الخدمه بتاعه بيعمل حاجه او بيشتري حاجه للبيت الدنيا كانت تقوم ومتقعدش.
اعمل ايه مع البهايم دول
ربنا معانا ومع الناس.
وائل المصري.

[koko15]

الحمد لله ربنا ينتقم من كل واحد ظالم ويرجع حق كل المظلومين وعقبال الباقىىىىىىىىىى يارب

[fawzy525]

عقبال كل ظالم

[hoss65]

الحمد لله الذى نصر المظلوم وأذل الظالم
عسى أن يكون عبرة لغيرة من الظلمة الطغاه

[دقه قلب]

المشاركة الأصلية بواسطة وائل المصري

انا والله مش عارف هو تحدي ولا ايه.
انا ابويه الله يرحمه كان لواء والله عمري ما شفته بيضرب حتي عسكري او حتي غفير.
ولما كان عم محمود العسكري الخدمه بتاعه بيعمل حاجه او بيشتري حاجه للبيت الدنيا كانت تقوم ومتقعدش.
اعمل ايه مع البهايم دول
ربنا معانا ومع الناس.
وائل المصري.

متعملش حاجة يا فندم للبهايم
ادعى معانا بس
لو ينفع يعنى

[فيضان الحب]

ربنا يصبرنا يارب
نتقدرشى نقول غير حسبنا الله ونعم الوكيل
وربنا ينتقم من الظالم
مشكورة

[amr_miza1]

وما خفى كان أعظم ..

ربما تكون صحوة او ممكن نسميها عودة الضمير التائه ..

وربما نسميها حادث عارض ويبقى الحال كما هو عليه

شكرا دقة قلب

[wael.galal]

المشاركة الأصلية بواسطة دقه قلب

...

ياااااااااه وصلت ل cnn
ي جماعة الحادثة ديه تقريباً من سنيتن في منطقة المتراس التابعة لقسم شرطة مينا البصل

في حي غرب الأسكندرية

ولكن لنا أن نشهد لشجاعة وكلاء النيابة
الذين نزلوا مباشرة فور وصول المجني لسرايا النيابة وقاموا بالنفتيش علي النقطة ( نقطة المتراس ) ووجدوا بعض أقراص المخدرات بدرج مكتب الرائد (في إنتظار مظلوم جديد لتلفيق تهمة له )
وصدور الحكم الحكم ليس فقط لتعذيب المواطن ولكن عقابا علي أثني عشر تهمة موجه إلي الضابط منها أنتهاك عرض المجني عليه .

ويرجع الفضل لقيام المجني عليه بالشكوي إلي مساندة أهالي منطقته الذين وقفوا بجانبه
وأحد ناشطي حقوق الإنسان ومحامي نزيه لا يخاف لومة لائم إلا الله سبحانه وتعالي
ولكن السؤال كم من المواطنين الذين لا يعرفون شيء عن حقوق الإنسان ولا حتي يعرفون ما هي حقوقهم
وكل ما يعرفوه أنه لما يشوف الضابط يموت في جلده ألف مرة
مع ان المفروض أن يكون هذا الضابط مركز للأمن وللإطمئنان

تقبلوا مروري ....

[لهلوبة..!!]

الجماعة دول يخافو ما يختشوش
دلوقتي الشعب هو إللي في خدمة الشرطة والحكومة.. وعمار يامصر

[نيهال]

الله يبشرك بالخير نجلاء...............

بجد خبر جميل واتمنى انهم يراعوا ربنا فينا