أبناء مصر ...... نحن في خطر

[صديقة الكتاب]

أبناء مصر ................... نحن في خطر

هذا الموضوع قرأته في أحد المنتديات وأنا أعتذر أشد الاعتذار قبل أن أكتب الموضوع حيث أنني نقلت الموضوع , ولكن لم أنقله إلا للاستفادة فحسب , فأرجو أن تتقبلوا اعتذاري , وكذلك أن تقرأوا الموضوع جيدا
أما نص الموضوع فهو : -

عفوا..الشباب المصرى غير متاح حالياً!!
هل أنت ولامؤاخذة مثقف؟؟
هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟
يا ترى بتدخل ع النت ليه؟؟ عشان تتثقف؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن :
80% لا يقرأون الصحف و 70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح -
أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية ".. وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس -يا حلاوة !!-.. و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..
طب تعالوا نشوف ازاى الشباب المصرى بيستفيد من الإنترنت :
فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي !!!
لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا
فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟
فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..فنزلت للجامعة وعملت استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة -..
طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟

لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟

[hend]

اولا احب اوضح شىء
الشاب المصرى هو اكثر شاب عربى يقرأ على مستوى الوطن العربى
يعنى احنا بنحب القراية ولو مش مصدقنى ابقى اتفرج على معارض الكتاب والزحام اللى عامل زى بتوع الجمعيه

اااه مش بنقرا زى زمان بس ده لاننا مشغولين
بنشتغل علشان نبنى مستقبلنا
ومش معنى ده اننا مش بنقرأ خالص
ازاى
مش ممكن طبعا
ااه فيه مشكله بس مش بالخطورة دى
الحكاية انك مش بس هتحث الناس انها تقرأ
لان الموضوع اكبر من كده منه سعر الكتب النار ومنه ايضا عدم وجود كتاب وجهابذه كما كنا فى الماضى نجد متعه للقراءة لهم
ومنه طبعا الانشغال والاشياء الاخرى حيث ان القراءه تحتاج الى متسع من الوقت وفراغة بال لاستيعاب ما يتم قراءته

[احمد نجم]

وبعدين يا هند انا عايز اقول ان المجله المثقفه دى معلومتها فيها خطأ
اولا الاحزاب ف مصر مش 22
24 حزب حسب اخر الاحزاب انتشارا
ومنين جاب الارقام دى؟
الارقام دى مش صح

لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟
اما بالنسبه لجهلنا فاحنا مش جهله والحمد لله
وبعدين طيب انا بدخل على مواقع علميه يبقة منين ولا واحد؟
يا جماعه مش كلنا وحشين
لالالالالالالالالالالالالالالالا
مفيش حد فينا وحش
بس نتاكد اننا لو بعدا عن اى افكار هدامه زى دى
والله هنكون احسن من الهند
بس نحب البلدى ونعرف انها مش وحشه اااااااااااوى زى مانتا بتقول

[صديقة الكتاب]

أولا أحب أن أشكركم على مروركم الطيب

وأنا أتفق معكم فيما قلتم . ولكن اسمحولي يمكن أكون أنا نقلت الموضوع دون التأكد من صحة دراسته . بس صراحة أنا واحدة من الذين يرون أن الشباب المصري ويمكن العربي كله محتاج وعي أكبر من كده .

وبالنسبة لكلام هند : يمكن نكون فعلا بنقرأ كتير , لكن المشكلة بنقرأ إيه ؟
وبالنسبة للكتب اللي أسعارها نار فأظن إن النت دلوقتي ممكن تقرأي عليه أغلب اللي انت عايزاها . ولو قلنا مش كل الناس عندها نت فعلى الاقل نقرأ الصحف .

و أنا أشكرك ثانية على المرور

بالنسبة لكلام الاخ أحمد : صراحة أنا فعلا مكنتش أعرف أن الاحزاب في مصر 24 - أكيد لإني من 50%- وأشكرك على تصحيح المعلومة .
أما إن احنا مش وحشين , فإحنا مش وحشين أبدا والله كفايه إن من مصر أكبر العلماء ورجال الدين .

واسمحولي أقول في النهاية :
إن دوة مش معناه إن مفيش مشكلة احنا من عاني منها . صح ؟

[صديقة الكتاب]

أولا أحب أن أشكركم على مروركم الطيب

وأنا أتفق معكم فيما قلتم . ولكن اسمحولي يمكن أكون أنا نقلت الموضوع دون التأكد من صحة دراسته . بس صراحة أنا واحدة من الذين يرون أن الشباب المصري ويمكن العربي كله محتاج وعي أكبر من كده .

وبالنسبة لكلام هند : يمكن نكون فعلا بنقرأ كتير , لكن المشكلة بنقرأ إيه ؟
وبالنسبة للكتب اللي أسعارها نار فأظن إن النت دلوقتي ممكن تقرأي عليه أغلب اللي انت عايزاه. ولو قلنا مش كل الناس عندها نت فعلى الاقل نقرأ الصحف.

و أنا أشكرك ثانية على المرور ,

بالنسبة لكلام الاخ أحمد : صراحة أنا فعلا مكنتش أعرف أن الاحزاب في مصر 24 - أكيد لإني من 50%- وأشكرك على تصحيح المعلومة .
أما إن احنا مش وحشين , فإحنا مش وحشين أبدا والله كفايه إن من مصر أكبر العلماء ورجال الدين .

واسمحولي أقول في النهاية :
إن دوة مش معناه إن مفيش مشكلة احنا من عاني منها . صح ؟

[نرجسية]

الشباب فعلا قليل القراءة

اعتقد ان سياسة التعليم هى التى بنت عداوة بين الشباب و الكتاب
فأصبح الكتاب مرادف للمذاكرة و الاستظهار و الملل

كما ان التطور التكنولوجى و الثورة التكنولوجية سواء فى الانترنت او فى تنوع الفضائيات
كان لها أثر كبير على توجيه الشباب الى تلقى المعلومة المرئية أو المسموعة
و تراجع دور الكتاب
لكن مازال هناك من يستمتع بالكتاب

شكرا بالضيفة الجديدة صديقة الكتاب
و شرفتى المنتدى

[حنين الشوق]

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!


دي صدمتني اوي
اانا ملاحظه كده ومش كده وبس وياريت الوقت والفلوس بتضيع في حاجه مفيده
الكل بس مشغول بحاجه المفروض الواحد ميكنش مشغول فيها
انا علطول بسأل نفسي السؤال ده ياترى لو الرسول كان بينا كان كل ده حصل؟

الموضوع حلو ومحزن اوي

[صديقة الكتاب]

المشاركة الأصلية بواسطة نرجسية

الشباب فعلا قليل القراءة

اعتقد ان سياسة التعليم هى التى بنت عداوة بين الشباب و الكتاب
فأصبح الكتاب مرادف للمذاكرة و الاستظهار و الملل

كما ان التطور التكنولوجى و الثورة التكنولوجية سواء فى الانترنت او فى تنوع الفضائيات
كان لها أثر كبير على توجيه الشباب الى تلقى المعلومة المرئية أو المسموعة
و تراجع دور الكتاب
لكن مازال هناك من يستمتع بالكتاب

شكرا بالضيفة الجديدة صديقة الكتاب
و شرفتى المنتدى

سعدت جدا بمروركم الطيب .
وشكرا على ترحيبكم

[صديقة الكتاب]

المشاركة الأصلية بواسطة حنين الشوق

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!


دي صدمتني اوي
اانا ملاحظه كده ومش كده وبس وياريت الوقت والفلوس بتضيع في حاجه مفيده
الكل بس مشغول بحاجه المفروض الواحد ميكنش مشغول فيها
انا علطول بسأل نفسي السؤال ده ياترى لو الرسول كان بينا كان كل ده حصل؟

الموضوع حلو ومحزن اوي

أشكرك أختي على مروك الطيب .
بس النسب المعروضة أنا مش متأكدة بصحتها . بس هي فعلا كارثة

[جناب العمدة]

بالتكيد هناك بعض الحقيقة فى الدراسة ولكن ليست
الاحوال على هذا القدر من السوء . مثلا هناك شريحة
كبيرة غير مهتمة بالانترنت ولا تملك كمبيوتر ومهتمة اهتماما
بالغا بقراءة الكتب .. الروايات والكتب العلمية والسياسية
فوجىء الدكتور عبد الوهاب المسيرى بنفاذ آخر نسخة
من موسوعته (اليهود واليهوديه والصهيونيه ) وهى نتاج
25 سنة من الاعداد .. وما اثار استغراب الدكتور هى انها
بيعت لشريحة كبيرة من الناس من غير المتخصصين .

شكرا صديقة الكتاب على النقل واتاحة الفرصة لنا لنتحدث
حول الموضوع .

[صديقة الكتاب]

المشاركة الأصلية بواسطة جناب العمدة

بالتكيد هناك بعض الحقيقة فى الدراسة ولكن ليست
الاحوال على هذا القدر من السوء . مثلا هناك شريحة
كبيرة غير مهتمة بالانترنت ولا تملك كمبيوتر ومهتمة اهتماما
بالغا بقراءة الكتب .. الروايات والكتب العلمية والسياسية
فوجىء الدكتور عبد الوهاب المسيرى بنفاذ آخر نسخة
من موسوعته (اليهود واليهوديه والصهيونيه ) وهى نتاج
25 سنة من الاعداد .. وما اثار استغراب الدكتور هى انها
بيعت لشريحة كبيرة من الناس من غير المتخصصين .

شكرا صديقة الكتاب على النقل واتاحة الفرصة لنا لنتحدث
حول الموضوع .

شكرا على مرورك الطيب

[omarr]

صديقه الكتاب ...

من خلال خبرتى الشخصيه .. ومقابلتى ومعاشرتى لكثير من الأجانب فى مصر
بسبب عملى فى مجال السياحه ..

اجد اننا من الناحيه النظريه ومستوى الذكاء لا نقل فى كثير او قليل عن ابناء الحضاره الغربيه

لكن من الناحيه العمليه والخبرات و المهارات و التخصص اجد انهم يتفقون علينا تفوقا ساحقا ..

فالبيئه هناك تسمح لهم بتجربه ما يقرأوه فى الكتب .. وهناك سهوله للأنضمام الفعلى
فى اى مجال او هويات مشتركه .. توجد مؤسسات و جماعات عامله تلبى جميع ميول الأنسان
لكن فى مصر الوضع مختلف .. شباب مصر مقارنه بشباب الدول الأروبيه اقل فى التجربه والخبره
العمليه .. ولذلك تجدى شباب الغرب غير مقبل على المواضيع الدينيه او السياسيه مثل شباب
مصر .. تركيزهم على ما يفيد جسمهم و مستقبلهم المهنى اكثر ... فنادرا ما اقابل اروبى
بنت او ولد لا يجيد السباحه او قياده السيارات او خبره شخصيه فى دوله اجنبيه عن بلده
نادرا ما اقابل اروبى ليست له هوايه يمارسها عكس شباب مصر .. اقابل من المثقفين من
يحملون اطنان من المعلومات عن اشياء هم فى الحقيقه لم يلمسوها يوما .. معلومات نظريه
لا تفيد و لاتؤخر الا فى التشدق والكلام .. مافائده القرأه بدون تجربه ...

فى تلك البلاد جميع الهويات يتم ممارساتها فعليا وليس نظريا .. فمن يحب علوم الفلك
سوف يجد بسهوله وفى اى مدينه مراكز وكورسات تعليم و سوف يستطيع بسهوله
ان يتشارك مع المهتمين بنفس هوايته .. اى هوايه سوف تجدين من يشارك فيها فعليا
المشى .. الجرى .. السباحه .تسلق الجبال .ركوب الخيل . الكشافه ..الكمياء .. جميع انواع
النشاطات يتم فعليا ممارستها وذلك لأن تلك المجتمعات تهتم اهتماما شديدا
بتوفير خدمات فى المدارس و الجامعات ..الخ ...اما نحن فى مصر فالوضع مختلف
تماما ويكفى نظره واحده على مستوى مراكز الشاب و مايوجد و عدد المكتبات والمعامل
والندوات . .. قرأت معلومه تفيد بأن مساحه الترفيه الموجوده لو قسمنها على عدد سكان
مصر فسيكون لكل مواطن مساحه 17 سم متر مربع لممارسه الهويات والترفيه ..
رقم ضئيل جدا ..

فأنا لا استغرب ولا اتعجب من انكباب معظم الشباب على الكلام النظرى و التقاتل الفكرى
والنظرى على الأختلافات الدينيه والسياسيه ... لأن ما فى عقولنا يستحيل تطبيقه على
الأرض لأننا ببساطه لانملك الأمكانيات لذلك .. ونظره واحده على سايبرات النت و العاب
الفيديو كفيله بأن نعيد التفكير فيما نمارس ما نقرأه ونحبه ...انتشار كبير وملحوظ
للوهم العقلى فى ربوع مصر وجميع المحافظات و تقريبا جميع المناطق والشوارع
نجد شباب من جميع الأعمار منكبون للفرجه و ليس للمشاركه ..

نظره واحده على انتشار المقاهى و اعداد المتواجدين وما يفعلونه يوميا حتى ساعات
متأخره من الليل ..

نظره واحده على التقاتل والتحزب والتعصب الدينى لأشخاص ماتوا من مئات السنين كفيله
بفهم ما يوجد فى عقول الشباب .فتح موضوعات مغلفه من مئات السنين
طرح المواضيع الخلافيه للتناظر و اثبات وجه النظر ..

اد ايه احنا غلابه وطيبين .. نحن بلد من العالم الثالث .. بلد فقير .. لا يملك قوت يومه
نحن للأسف نعيش ازمه الأزدواجيه بين ما نعرفه وبين ما نطبقه عمليا ..
وكثيرا منا للأسف مازال هائم على وجهه فى دهاليز الوهم والعظمه والمجد
وكثيرا منا لا يعلم و كثيرا من مازال يرفض الواقع .. وكثير وكثير لا يهتم اصلا

امامنا مشوار طويل ..ندعو من الله ان يتحقق بعض منه فى الأجيال القادمه

اعتقد اننى قلت ما اشعر به شخصيا تجاه ذلك الموضوع ..

اشكرك من كل قلبى وتسلمى لنا وللمنتدى كله ..
تقبلى مرورى ومشاركتى معك فى الموضوع

[hay_sam]

السلام عليكم

أهلا بيكي يا صديقة الكتاب

أنا متفق معاكي في أنه هناك مشكله بينا إحنا الشباب والبنات فعلا

بس هي الصراحه مش بالسوء ده ولا بالأرقام البشعه دي

الشباب عندنا مظلوم في حجات كتير صدقيني

إبدأي خدي بالك من الشباب بمجرد أنه يدخل الجامعه

هاتلاقيه بيفكر في مستقبله وبيحس أنه بعيد عنك وعن السامعين (مسدود مسدود ياولدي)

بينصب تفكير الشاب في إزاي هايتجوز وكذلك البنات بيفكروا في مستقبل

وبتاخدهم الدنيا في الهموم والبلاوي دي كلها

مع وجود تخاذل منهم والبعض عنده إسترياح يعني مش بيوجع دماغه ولا بيحاول حتي أنه يطور نفسه عشان لما يروح شغل يبقي فرصته أحسن


أنا شايف إن المشكله موجوده والسبب هوه الظروف وكمان التخاذل السائد في الشباب

الظروف بتاعتنا دي مش موجوده عند شباب دول تانيه (يعني حالتهم أحسن من حالة شبابنا بكتير) ما عندوش لا مشاكل ماديه ولا عندهم أي مشكله من المشاكل إلي بتواجه شبابنا ومع ذلك هاتلاقيهم مش هاتلاقيهم عارفين أي حاجه وكلهم تافهين

أعتقد إن الدراسه دي ظلمت الشباب عندنا (كبرت المشكله جدا صراحة)

ومشكوره علي الموضوع الجميل

وإلي تقدم دائم إن شاء الله

دمتي بألف خير