أحلى صحبه

[hassan omran]

الموضوع فكرة الآستاذه / هنــــــــــــــــد

ومبنى على الخروج من جو الكآبه ونبعد عن الهموم
مش مطلوب غير لما تدخل تقرأ وتحط نكته
وياريت تكون جديده ومتنوعه بمعنى عادية سياسية لا مانع
وشكرا لكم جميعا
أستاذه هند أنا أبتديت وواصلى
.................................حسن عمران



مره واحد بيصطاد سمك الطعم الي معاه خلص جاب ورقه وكتب عليها طعم شويه السناره غمزت رفع لقي ورقه مكتوب عليها سمكه
مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه
مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك
مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب
اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
تهنئة محشش: بمناسبة عيد الام المبارك أهنئكم برمضان جعله الله عليكم زواجا سعيدا وكريسمس خير وكل عام وانتم بخير بمناسبة السنة الجاية مع تحيات جمعية مرضى الزهايمر
مرة واحد مسطول قابل واحد قاله الساعة كام قاله خمسة وخمسة فرد عليه المسطول وقاله ما تعرفشى تقول عشرة وخلاص
واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية
واحد بيقول لصاحبه :امبار ح خليت مراتي تركع علي رجليها....قله صحبه ليه؟...قاله كانت بتقولي اطلع من تحت السرير
مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل
عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده.
مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو
مرة اتنين مساطيل مذيعة وقفتهو في الشارع سالت الاول ، انت بتحب مصر ؟ قال : اكيد مصر دي امي ..سالت التاني ، انت بتحب مصر ؟ قال : اكيد مش ام صحبي
واحد فافى وهو نازل من البيت أمه سالته "رايح فين؟" فقال لها "مش هقولك انا حر" ، نزل ووقف تاكسى فالسواق ساله "على فين يا باشا؟؟؟" قال له يعنى أنا مقولتش لمامي هقول لك أنت"
مرة دبانة سقطت فى كاس خمرة طلعت تقول وسع للنسر
مرة واحد بلطجي حب يتروشن كتب علي الشومة اديداس
كمبيوتر طلق مراتة قالتله يهون عليك السي دى اللى فى بطنى
مره وحدة روحت على بتها متاخر قال لها زوجها :انتى كنتى فين يا مدام ؟؟؟ قالت :لا مهوا ... اصلو ... كان فى واحد بيعكسنى قال لها :هو بيعكسك انتى اتاخرتى ليه ؟؟؟؟ قالت :اصله كان ماشى على مهله ....!
واحد ماشى ورا وحدة قالها الحلوة وراها مشوار قالتلة لا وراها حمار
مره واحد فتح الباب وقعد يصرخ بيقول حماتى هترمى نفسها من الشباك قالولو وانت زعلان ليه قالهم الشباك مش راضى يتفتح

هأهأهأهأهاااااااااااااااااااااااااااااااااااااى

[فارس اصيل]

فى سنة 2076 سأل صحفى
السيد الرئيس هيثم جمال مبارك :أنت ليه متجوزتش لحد دلوقتى؟
قال: أتجوز ليه! منا مستمتع مع الشعب.

[hend]

والله الف شكر ان حضرتك اهتميت بفكرتى
وان شاء الله هكمل مع حضرتك
بس للاسف المكان الاصح هو القاعه العامه
وان شاء الله لى عوده

[hassan omran]

*واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد

*مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

*مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك

......

[hassan omran]

محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !!

خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار

مرة واحدة قالت لجوزها "إهدى حبيبى كدة وأرجع زى زمان"، الراجل طلقها و رجع لأيام العذوبية

واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك

حسن عمران

[د/ايمى]

السلام عليكم
نكت جميله جدا يا حسن
ضحك بجد
وبالزات بتاعه المحشش

[hassan omran]

المشاركة الأصلية بواسطة د/ايمى

السلام عليكم
نكت جميله جدا يا حسن
ضحك بجد
وبالزات بتاعه المحشش

شكرا يا د. أيمى
على زوقك
وللعلم عجبنى موضوعك بدون عنوان
لان الصورة كانت أبلغ تعبير
هذا الموضوع للخروج من جو الكآبه
لو صادفك نكته حطيها

وشكرا لكى
.........................حسن عمران

[حنين مصر]

ههههههههههههههههههه تسلم يا عم حسن

[tasawof_2010]

على فكره يا ريس حسان
النكت دي فن
ونقلها فن بس صعب عن الأولاني شويه
وعلشان كده أنا نقلتلك كم نكته ... وانت احكم

مره نكته ماشية بتعيط ليه؟؟ عشان واحد ضحك عليها

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة.

بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"

مرة صرصار بيحب صرصارة قعدوا سنين يحبو بعض صاحبنا الصرصار معندوش فلوس يتقدم بيها للصرصارة راح اشتغل فى البلاد سنين وسنين وبعد غياب رجع من السفر وقابلتة الصرصارة وبتاخدة بالحضن جة واحد رخم وداس عليهم بالجزمة

[hassan omran]

المشاركة الأصلية بواسطة حنين مصر

ههههههههههههههههههه تسلم يا عم حسن

كل يوم حا نمتعك ونخليكى تضحكى من قلبك
لكى تحياتى واحترامى يا خفيفة الدم والروح
.......................حسن عمران

[hassan omran]

مره نكته ماشية بتعيط ليه؟؟ عشان واحد ضحك عليها
حلوة قوى يا tasawof_2010

لكن المشكله كان فى واحد صاحبى المفروض هو اللى شجعنى

على الموضوع لكنه نام فى السكه فا أصبر

صاحبى حايغير العجله وجاى على طول

واصل معانا وحط الجديد

..............................حسن عمران

[amr_miza1]

واحد محشش لقى كنز .. قال الحمد لله فاضل الخريطة

[hassan omran]

المشاركة الأصلية بواسطة amr_miza1

واحد محشش لقى كنز .. قال الحمد لله فاضل الخريطة

جميله يا عمرو

يخربيت الحشيش دا بيطلع حاجات

....................حسن عمران





مسيقار مسطول بيسألوه : انت ساكن فين؟ قالهم: عارفين بيتهوفن قالو آه عارفينه قالهم البيت االلي جمبه

مره اتنين طلبه مساطيل قاعدين يكتبوا ورا الاستاذ فى المحاضره وكل ما الاستاذ يمسح السبوره يقطعوا الورقه!!!!

مرة واحد رخم اوى وقع في حفرة ، قال احسن

مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم

[فراق84]

نكت حلوة كتير
تسلم ايديكم ..
ححاول اجيب نكت ..مع انو انا مش خبرة بالحاجات دي
اختكم فراق

[مستر كاراتيه]

يا بنى حرام عليك انت جايب كل النكت اللى فى الدنيا ادينى فرصه افكر فى نكته
هههههههههههههه بس كلهم اجمل من بعض بجد


للأسف انا عمرى ما بحفظ نكته ابدا... قليل اساسا لما بسمع ..
بجد موضوعك روعه