هدفك ايه؟؟؟؟؟؟

[الكناريا]

اظن ان الموضوع واضح من اسمه فعشان مطولش عليكم حشرحه فى ايجاز
كل واحد حيشرفنى فى الموضوع يقول هدفه ايه فى الحياة يعنى عايش ليه
واتمنى ان الكل يشارك[IMG][/IMG]

[محمود ممدوح]

عشان نعمر الارض واطاعة الله الذى كرم الانسان على جميع المخلوقات

[الكناريا]

شكرا لك على المشاركة واتمنى ان الله يوفقك فى تحقيق هدفك

[محمود ممدوح]

المشاركة الأصلية بواسطة الكناريا

شكرا لك على المشاركة واتمنى ان الله يوفقك فى تحقيق هدفك

امين يارب العالمين

[tasawof_2010]

" وما خلقت الجن والإنس إلا ليعبدون "
في ناس كتير جدا بتفهم إن الآية دي معناها إن ربنا خلقنا علشان نعبده وبس
لالالالالالالالالالالالالالالالالالالالالالالالالا لالالالالالالالالالا
دا لو كان كده كان سيدنا النبي أول واحد عمل كده
لكن خلقها لينا علشان نعمرها ونبنيها ونتعلم حاجه في الدنيا دي
بجانب العبادة طبعا

[محمود ممدوح]

المشاركة الأصلية بواسطة tasawof_2010

" وما خلقت الجن والإنس إلا ليعبدون "
في ناس كتير جدا بتفهم إن الآية دي معناها إن ربنا خلقنا علشان نعبده وبس
لالالالالالالالالالالالالالالالالالالالالالالالالا لالالالالالالالالالا
دا لو كان كده كان سيدنا النبي أول واحد عمل كده
لكن خلقها لينا علشان نعمرها ونبنيها ونتعلم حاجه في الدنيا دي
بجانب العبادة طبعا

الله ينور على حضرتك

[الكناريا]

عندك حق والله
العمل برده عباده ونشر الخير عباده والتعمير فى الكون عباده
جزاك الله خيرا

[فراق84]

انا اول حاجة هدفي ارضي ربنا ..وبعدين ارضي امي ..بس اكيد لي اهداف تانية..
بعد الاهداف دي ..عايزة اكون حاجة كبيرة ..وساعد الناس فيها..
حفكر شوية كمان وجيب كم هدف كمان ..انا مليانة اهداف بس ياريت تتحقق..

[hassan omran]

حلو الموضوع يا كناريا
زمان كان هدفى أكون لاعب كره قبل ما أصاب
وأعتزل وأنا صغير
وبعد أكمال تعليمى فى رومانيا
أتغير هدفى الى أهداف كثيرة
وأصبحت حياتى ملخبطه
بالرغم أنى مؤمن بأن للرجال مقاصد
وربما يكون هدفى الآن نصرة المظلوم
وتغيير حال بلادنا الى الأفضل
.......................حسن عمران

[حنين مصر]

انا بتمنى بعد رضى ربنا عني احافظ على مكاني عند الناس اللي بتثق فيا وكمان اتمني من ربنا يزيد اخلاقي حلا فوق حلاها ويثبت صبري الي هو سبب حكمتي ويبعدني عن الغرور عشان دي الحاجة الوحيدة اللي بدمر الاخلاق الحلوة

[foash]

موضوع جميل واسمحيلى انى اشارك فيه
احلى حاجة انه السؤال فكرنى بزمان وانا كنت لسة طفل لما كانوا بيسالوا كل واحد فينا انت عاوز تبقى ايه كنا مفيش غير ياظابط يامهندس يادكتور واغلبيتنا كانوا دكاترة وهما عندهم اربع خمس سنين حلمى كبر واحلامى كبرت وكل هدفى انه ربنا يكون راضى عنى كمان اسمى هدف انك تخلى والديك مبسوطين منك اهدافى الشخصية انا الحمد لله اخر سنة ليسانس حقوق فاتمنى من ربنا انى اكمل نيابة كمان انى ازيد فى شغلى اللى بداته من اولى جامعه بجانب دراستى ايمانا منى بانه الانسان الصح لازم يعتمد على نفسه وان شاء الله بعد السنة دى الحياة العملية فى مجال تخصصى كمان موضوع الزواج برده انا باصص ليه لانه البيت السليم واختيار الزوجة السليم بيخليك فى طريق صح كمان انا بحب الاولاد اوى فانشاء الله ربنا يسهل واحقق اللى بتمناه واللى حضارتكم بتتمنوه وربنا يارب يحققلكم كل احلامك
اخر حاجة عاوز اقولها واسف للاطاله
(انه الانسان الصح اللى نفسه يوصل لهدفه وحلمه هيقع كتير وعشان توصل لحاجة انت عاوزها خلى عندك ايمان بربنا وعزيمة وعندك ثقة فى نفسك انك اقوى مليار مرة من الضعف والكسل)
ahmed

[روميساء]

السلام عليكم ورحمه الله وبركاته

اولا بحييكي ياكناريا علي الموضوع الجميل
اكيد كلنا حطيين لنفسنا اهداف وبنحاول اننا نقدر نحققها
واول حاجه ياستي هدفي ان شاء الله الوصول للجنه بفعل كل ما يقربني منها
وتاني حاجه اني باذن الله انجح في دراستي وخلصها علي خير
وان شاء الله اقدر اني اربي اولادي تربيه صحيحه تنفعهم وتدخلنا كلنا الجنه

شكرا علي موضوعك الجميل وتقبلي مروري

[الكناريا]

انا اسفة لانى مكنتش موجودة امبارح عالمنتدى عشان اشكركم على المشاركة فى موضوعى المتواضع
بالنسبة لفراق 84 احب اشكرك على المشاركةواقولك انك لما حترضى والدتك بالتالى حترضى ربك وتاكدى طالما انتى هدفك ارضاء الله لازم لازم ربنا يوفقك فيه وادعى ربى من كل قلبى انه يحققلك هدفك ولك جزيل الشكر
وبالنسبة للاخى فى الله حسن فانااشكرك اولا على المشاركة واحب اقولك رب ضارة نافعة ....
يمكن يكون اصابتك وعدم قدرتك على لعب كرة القدم مرة اخرى يكون فيه خير ليك وانك لو كنت مشيت فى طريق لعب الكرة كنت تعبت او قابلت مشاكل والله اعلم فايريت تركز وتشوف انت لازم تعمل ايه او ايه اللى الناس محتجاه منك وخليك متفائل وتحلى بالصبر واتمنى ان يوفقك الله فى فعل الخير
وبالنسبة لاختى حنين اشكرك على المشاركة وانا اوافقك الراى فى ان الغرور بيهدم الاخلاق الحلوة لكن اطمئنى الانسان اللى بيبقى حلو من جواه وصافى حتى لو عاز يتغر مش حيعرف وادعو ربى ان يثبت لكى صبرك ويزيد من اخلاقك الفاضلة وجزاكى الله خيرا
وبالنسبة لاخى فى الله احمد لك لك جزيل الشكر على المشاركة . عادى جدا ان اهدافك وانت صغير تختلف عن اهدافك دلواتى يعنى انا مثلا هدفى وانا طفلة لا يمت باى صلة لاهدافى دلواتى واكتر حاجة عجبتنى فى ردود كل المشتركين ان كلهم كان هدفهم فعل الخير وارضاء الله اولا والوالدين وده مش هدف بسيط ابدا بالعكس ده اسمى هدف للانسان واتمنى ان ربنا يوفقك فى تحقيق هدفك وطبعا انت عندك حق فى ان الانسان لازم يعتمد على نفسه فى تحقيق اهدافه وارجو ان يوفقك الله فى حياتك العلمية والعملية واشكرك مرة تانية على النصيحة اللى ادمتهالنا وانا سعيدة جدا لمشاركتك وجزاك الله خيرا
بالنسبة لروميساءاولا احب اقولك انك زى الملايكة فعلا والنيك نيم بتاعك رائع وثانيا اشكرك على المشاركة وثالثا ادعو ربى ان يحققلك جميع اهدافك(الوصول للجنة والنجاح فى دراستك وتربية اولادك تربية سليمة) وجزاكى الله خيرا