ارجوكم انا محتاجه حد يساعدنى

[love 55]

السلام عليكم


ارجوكم يا جماعه انا محتاجه اوى ولو لكلمه بس اعرف انا اعمل ايه فى مشكلتى دى
انا اتعرفت على واحد وحبينا بعض جدا وكان اساسنا من البدايه الصراحه والكذب ده ننساه خالص
وانا من ناحيتى ربنا وحده اللى يعلم انى ماكذبتش عليه ابدا
لكن هو كذب عليا فى حاجه مهمه جدا
كان قايلى انه فى 3 علوم لكنه معاه دبلوم تجاره وحصلت مابيينا مشاكل بسبب الكذب ده
وفعلا حاولت ابعد عنه وغيرت رقم تليفونى عشان مايعرفش يكلمنى ابدا
انا فعلا كنت بتعذب بس كان ده اللى فى ايدى اعمله
لكن هو عمل المستحيل عشان بس يعرف يكلمنى يشرحلى بس موقفه ايه
لدرجه انه راح الكليه واخد جدولى وجالى الكليه
المهم انه قال انه كان خااااااااايف جدا انى ابعد عنه لو عرفت انه معاه دبلوم وقالى انه هيسافر يكمل تعليم بره ويشتغل فى نفس الوقت
وكان عايز ييجى يتقدملى بس انا اللى ماوافقتش عشانهو لسه مااشتغلش اصلا ولو كان جه كان بابا هيرفضه
انا دلوقتى مش عارفه اعمل ايه اصدقه واسامحه واديله فرصه تانيه يثبتلى فيها حبه ولا ايه


انا اسفه اوى انى طولت عليكم بس ياريت حد يقولى رايه

[شمهورش يحب مصر]

اولا السلام ثانيا الكلام
المهم انا اللي اعرفه في الحب ان لو حد بيحب لازم يساعد اللي يحبه مهما كان وهو لما كدب كدب عشان بيحبك ومش عازوز يخسرك فياريت تفكري بعقلك وقلبك مش بعقلك بس مدام هو عنده النيه للتغير اكيد هتغير ولو متغيرش ( شغليله اغنيه انا مش عارف اتغير لتامر حسني ههههههه) فاصل فكاهي المهم لازم تساعديه دا لو متاكده انه بيحبك بجد وانتي بتحبيه وانتي اللي تساعديه علي التغير والتطور للاحلي وفي الاو والاخر هو عاوزك مش بايعك لان في حكمه بتقول

(حب اللي يحبك مش تحبي اللي بينفضلك ) حكمه شمهورش المهم انا طولت بس انا بتكلم علي اساس اكون منصف مكنش منحاز ليه ولو عاوزه اي مساعده شمهورش تحت امرك وانشاء الله تتوفئو ويكون فيه صبيان وبنات ( بعد زمن طويل ) المهم انا عملت اللي عليا والباقي علي الله

اخوكي شمهورش / مصلح اجتماعي

[ابن الاردن]

السلام عليكم
بصراحة انا شايف ان الحل بايدك
لانو الحل من وجهة نظري انك تسامحيه لانو الي
بحب صعب يكره وانتي لازم تعطيه فرصة لانو مبين انو بخبك
ومتمسك بيكي

وبالتوفيق

لسا الدنيا بخير

[وائل المصري]

انا لا اكذب ولكني اتجمل
هذا هو الموقف بالضبط انا لا اعرف اظلمه او اتهمه ام ماذا اقول
لكن من بني علي باطل فهو باطل
هذا الانسان سيدتي من الاساسش ضعيف الشخصيه لا يهم فارق التعليم او الماده هم من الضروريات اي نعم لكن في النهايه المهم شخصيه الانسان لا بتعليم ولا بشهاده المهم الاخلاق
انما من البدايه كذب
(علي العموم دعيه ياتي لمقابله الاب واتركي الخيار في يد الاسره هم الانضج في التفكير لكن بعدها ان تم الموافقه ضعي شرط عدم اكذب مهما كان الامر
وان تم الرفض وهذا هو المتوقع اغلقي هذا الموضوع للابد
الي اللقاء
وائل المصري قاضي المنتدي.

[eme]

من راي وسامحيني لو كنت رخمه شويه في قراري بس بالذات في المواقف الـ زي دي مابسمحش وهو مش سبب يستاهل انه يكذب ولو هو عنده النيه انه يدخل من الباب كان دخل من الاول بلاش كلام فارغ مفيش حد في زمنا ده ممكن يداري حاجه زي دي عشان خايف ده لو ناوي من الاول علي جد وان ان شاء الله هتجمعوا في بيت واحد كان لازم هيصرحك في يوم من الايام يبقي كان من الاول احسن وبعدين اشمعني كليه علوم ليه مخترش حاجه اقل شويه وليه هيسافر ميكمل هنا والا يمكن مثلا هيهرب الله اعلم
معرفش بصراحه يعني الموضوع معجبنيش اصل انا قابلت حالات زي دي قبل كده
بصي ياريت تدخلي حد اكبر منكم في الموضوع ويكون عرفك وعارفه عشان يقدر يحكم لان الـ بره الموضوع شايف احسن من الـ جواه وحكمي عقلك وفكري كويس قبل ما تحكمي قلبك

وانا اسفه تاني لو كنت اسأت في ردي وانه كان فظ شويه بس اعتبريني زي اختك وخايفه عليكي

اسفه للاطاله

[abu3li]

لاء طبعا مفيش سماح فى موقف زى ده
الا الكذب
الانسان الكذاب لايؤتمن ابدااااااا
خلى بالك لو سامحتيه ( على حد تعبيرك)
هتندمى بجد
اللى يكذب كذبة زى دى ممكن يضيعك معاه فى كذبة اكتر

[OSHOSH2050]

انا من رايي انك تسامحيه وتديلو فرصه تانيه
باين عليه بيحبك وشاريكى
وربنا يقدملك الى فيه الخير

[love 55]

المشكله انى حاسه انه بيحبنى بجد لانه والدته كمان كلمتنى كتييييييييييير وقالتلى انها ناويه تيجى تخطبنى بس لما يكون هو خلص كل اللى وراه عشان اهلى مايرفضوش
وبالنسبه للسفر هو ليه خاله متجوز وبيشتغل بره فقالوا خلص ورق الجيش وانا هابعتلك تشتغل معايا فى شركه استيراد وتصدير وكمان تكمل تعليمك
المشكله بقى انى مش عارفه انساه ابدا حاولت انى ابعد عنه بكل الطرق لكن بردو عرف يوصلى انا بحبه اووووى ومش قادره احاول حتى انى انساه
هو لما كذب فى البدايه كان عايز يبقى حاجه كبيره فى نظرى وبعد كده حاول يقولى الحقيقه لكن كان مكسوف وخايف فى نفس الوقت
انا كنت اتفقت معاه اننا مانتقابلش ابدا ولو عاوز يطمن عليا يخلى والدته تكلمنى وانا بردو ابقى اكلمها اطمن عليه يعنى لغايه مايكون اشتغل عشان يعرف ييجى يتقدملى يعنى كمان كنت عاوزه اعمل حاجه ترضى ربنا
حتى على الاقل مااكونش حاسه انى باعمل حاجه غلط لانى بجد مش قادره ابدا انساه ابدا
وياريت بردو تقولوا للا رايكوا اكمل معاه على كده لغايه ما يتقدملى
ولا احاول انساه

[رورو11]

انا من رأى وائل المصرى وشكرا.

[حنين مصر]

انا بقول ادي فرصة مفيش انسان كامل

[foash]

السلام عليكم
رايي ولك انتى القرار اتمنى تفهمى كلامى اوقات كتير جدا الحب بيبقى سبب لانه الانسان يكذب الخوف هوه السبب هوه كان غلطان لما حس انه ضعيف انه دبلوم تجارة وده غلطه هوه خاف تضيعى من ايده لماتعرفى مستواه التعليمة فكذب بس بامانة الانسان ده بيحبك طالما مامته كلمتك ده اثبت حسن نيته اختى الفاضلة بتمنى انك تسامحيه سيبك من نعرة لا غلط يبقى لازم يتدبح لا ده حب حسسيه انك كبيرة بفكرك وانه المستوى التعليمى مش هيبعدكم عن بعده ولو كان المستوى التعليمى هوه اللى هيقف بنكم ياستى اقفى جنبه وخليه يقدم جامعه مفتوحة ويكمل ابنى متهديش جايز الانسان ده مرتبط بيكى اوى وبعده عنك هيكسر جواه حاجات كتير
اسالك قلبك لو بتحبيه سامحيه واسمعيه انا عارف انه غلطان بس صدقينى ساعات الانسان لما بيحب بيعمل حاجات كتير هوه مبيبقاش راضى عنها بس بيبقى خايف على حبه
اتمنى نبطل لا انه كده خانى وكذب عليا لازم اسيبه هلاقى احسن منه كل ده كلام ناس واقفة بسيف بتموت احيي حبك لو حاسة انه بجد بيحبك وافتكرى انه الانسان قليل فى الزمن ده قليل لما بيلاقى اللى يفهمه ويحتويه
اخر كلمة فيها رايي سامحيه وابداى صفحة جديدة كلها حب
ahmed

[just me]

التكافؤ ثم التكافؤ
ما فيهاش حاجة لما تقطعي العلاقة
ممكن هتتعذبوا شوية دلوقتي بس أحسن من ما تتعذبوا كتير بعد كدة

و لا يغرنك ما سميته الحب , إنما هو شوق يخبو بالوصال ,
و استعيني بالله و اصبري

[love 55]

انا بشكر كل اللى تفضل باعطائى رايه انا متشكره جدا
شكرا لشمهورش وابن الاردن ووائل وايمي وابو على واوش اوش ورورو وحنين وفواش وجست مى
بجد شكرا ليكم كلكم

وربنا يقدم اللى فيه الخير

ونخدمكم فى الافراح ان شاء الله واتمنى اسمع اخبار حلوه عنكم كلكم

[proactive]

ربنا يكرمك و يكرمنا و إن شاء الله تكون المشكلة اتحلت و وقعت على طريق الصواب