لعبة ترافيان (( عربية ))

[sharky]

:: بسم الله الـرحمن الرحيـم ::




[ السلام عليكم ورحمة الله وبركاته ]

هذا أول موضوع لي في هذا المنتدى الرائع .. و أتمنى أن يحوز على رضاكم و إعجابكم ..

-----


واحد من زملائي عطاني هذي اللعبه ( من اسبوع تقريباً )


وانا من ذاك الوقت الا الحين وانا مدمن عليها


واحسن شي باللعبه انها ما تحتاج لـ تحميل وقلق .. سجل وابدا باللعب


واللعبه عباره عن :


انت يكون عندك قريه و تبني فيها مباني وتزود المحاصيل وتكوّن جيش تحمي نفسك فيه من الأعداء

وتهجم عليهم فيه وتستوي على قرى ( صعب مرره أنك تستولي على قرى ) و تكوّن او تنضم حلف

ووووووو ... الخ


-----


قبل ما تسجل في اللعبه تختار الحضاره ( الرومان - الجرمان - الأغريق )

وكل واحد من الثلاثه له سلبياته و ايجابياته

ادخل هذا الرابط وشوف الفرق بين كل حضاره


أضغط هنـآ


وأول ما تسجل يصير عندك قريه وتكون فاضيه ما فيها غير ( المبنى الرئيسي )


شوف الصوره :





وفيه المواد الخام واللي هي : الخشب والحديد والطين والقمح


وبهذي المواد تبني المباني والأسواق والجنود وكل شي


وعشان تزيد انتاج هذي المواد لازم تطور الحقول , شوف الصوره :





يعني قبل ما تهتم ببناء المباني , ركز على تطوير المواد الخام ( الحديد والقمح والطين والخشب )


بعد ما تطور المواد الخام يمديك تبني مباني جديده


اول شي اختر موقع المبنى , شوف الصوره :





اذا اخترت موقع المبنى .. راح تطلع لك عدّت مباني


وكل مبنى وله شروطه من القمح والحديد والخشب والطين ( على حسب نوعه )


وكل مبنى جديد تبنيه يزود سكان القريه بقدر معيّن


وفي هذا الرابط راح تلاقي المباني الموجوده باللعبه


أضغط هنـآ


وفي ترافيان أنت تلعب مع الآلاف من الاعبين


في الخريطه يمديك تشوف قريتك وجريانك


ويمديك تحط احداثيات اي واحد ويجيب لك قريته


شوف الصوره :





بعد ما تسجل باللعبه .. بعطيك لمحه عن بعض الأشياء






1 - المحيط: هنا تجد مجال موادكم الخام

2 - المركز: في القرية يمكنك انشاء المباني

3 - خريطه : بلدك وجيرانك هنا

4 - احصائيات : الرتب ومقارنات مع لاعبين

5 - تقارير : معلومات عن الأحداث في قريتك

6 - رسائل: ارسال واستقبال رسائل


----


وممكن بعد ما تبنى وتتعب وكل شي تكون قريتك بهذا الشكل :





----


واخيراً انتهيت من شرح اللعبه


ادري انه شرح مختصر بس اعذروني اول مره اسوي تقرير

رابط اللعبه

وطبعاً هذا السيرفر العربي ( يعني كل اللي موجودين عرب )


واللاعبين اللي فيه 30,000 لاعب تقريباً !!


وفيه سيرفر امريكي وايطالي وبرازيلي وتركي بس منتوا فاهمين شي الا من العربي






ملاحظه هامه !!


ارجوا من كل اللي سجلوا باللعبه ان ما تلهيهم اللعبه عن صلاتهم وعبادتهم ..



لان طاعة الخالق اهم من كل شي بالعالم .. وبعد الموت ما ينفع الندم



وكل واحد مهدد في اي لحظه انه يموت .. مو شرط انه يعجّز



ابري ذمتي الى الله .. اللهم انّي بلغت اللهم فشهد



----




في انتظار ردودكم

[hay_sam]

ألف شكر علي المجهود

ندخل ونشوف ان شاء الله

[لايوجد اسم]

لو سمحت في اي سيفر مسجل وارسلي اميلك الي حاط الموضوع

[ميت العامل1]

مشكوووووووووور