فخوره بيكى يا مصر......... ولكن....

[نيهال]

موقف متوقع للاسف بعد زياره بوش الاخيره
والحمد لله ان الامور بدات تتفرج ولو بالقليل

لاول مره بجد سعيده فخوره بخارجيتنا المصريه اللى قدرت تاثر ولو بالقليل بمساعيها ومساعى الريس
علشان يدخل الوقود منظقه غزه او بمعنى ادق الجانب الاكبر
اى جانب اكبر...........؟؟
معلوم للجميع ان غزه بتمد بالطاقه عن طريق الوقود ب3 وسائل
وقود مباشر من اسرائيل و وقود بتشتريه المنظمات الدوليه برده من اسرائيل
و
الاخير من مصر مباشره عبر معبر رفح

فلم يصب ها الجزء الاخير اى سوء

ولان القطاع كبير فكانت الفاجعه ان معظم القطاع اصابه الشلل التام لعدم مرور اى معونات متمثله فى ضروريات البشر من غذا ودواء

لاول مره فخوره بالامن المصرى اللى مش رفع الرشاشات على الفلسطينيات عند عبورهم رفح بالقوه

ده احنا اتبهدلنا والله فى الكليه
قنابل مسيله للدموع
ورشاشات مياه بقوه فى جسمك

الحمد لله...........على اد حزنى للموقف اللى حصل وعلى اد خجلى من سكوتنا كعرب على الوضع المشين اللى بتعمله اسرائيل
بس اهى باعثه امل

اينعم فيه كذا حاجه مش عارفه الاقى ليها اى مبرر زى امداد اسرائيل بالغاز ......
لكن بجد
فخوره بيكى يا مصر النهارده
فخوره بموقفكم وانا شايفه المتظاهرات وهمه بيعبروا الحاجز بمنتهى الاصاله والاحترام
اللى احنا عن نفسنا لو فى نفس الموقف ولو مع بلد تانيه يا دوبك لو ولد قرب وكان بيلعب يتفتح عليه النار

[دقه قلب]

بارقة امل
اتمنى تكون فاتحة خير علينا
ويفوق المصريين بقى
كفاية نوم فى العسل
دول عرب زينا
بنى ادمين زينا عايزين يعيشوا حياة طبيعية وان كانت
غير طبيعية
كفاية بجد

[بنت فلسطين]

موقف مصر معروق دوما مع فلسطين
أنا اتكلم كشعب ..
وعندما اتى عبدالناصر أكمل الصورة المشرفة لمصر وضم الحكومة للصورة الجميلة لمصر
لا أدري لماذا تحاول الحكومة المصرية الحالية محو كل تلك البطولات المشرفة لمصر
سواء كانت مع فلسطين ام غيرها

جل ما نريده هو أن يبقى الشعب المصري كعادته أخ شقيق للشعب الفلسطيني
ويسانده ويؤازره دوما .. وجل ما نتمناه أن تبقى مصر هي بر الأمان الاول لفلسطين

[نيهال]

مرحبا بيكى دقه قلب.........

ما فيه اى شك ان المصريين كتير طيبين وبيتصرفوا بقلبهم اكتر من عقلهم ولو كنا بنحاسب على الماضى كنا بقينا منعزلين عن كل الدول العربيه بلا اى استثناء


ارجع واقول النهارده.
كان نفسى اكتب امبارح اول ما شفت الخبر بعينى


فخوره بيكى قوى يا مصر يا ام الدنيا
فخوره بيكى لما فتحتى الحدود( اللى اتكسرت)
فخوره بكل جندى مصرى لم يرفع السلاح فى وجه اخيه الفلسطينى
بجد سعيده جدا

بس فى نفس الوقت خايفه ومرعوبه من رد فعل اسرائيل لو بعتنا سيارات وقود مصريه
واستهدفتها

وقتها حتكون كارثه بكل المقاييس
مش علينا لاننا نقدر نقف فى وشهم

بس خايفه ان الموقف يعدى بدون رد فعل

لانهم كده بيقولوا يا اما احرب يا اما الحرب
ملهاش خيار تالت


فلو سكتت الخارجيه وقتها ...........مش حيسكت الشعب ابدا



كلمه اخيره حبيت اقولها


نورتوا مصر يا كل اهل غزه
واتمنى ان الامدادات توصل اليكم ............وتكونوا بافضل حال

[ابن يافا]

اكيد نيهال الكل مبسوط من موقف الشعب المصري..

وانا بأيد بنت فلسطين لانه زي ما حكت انو الشعب المصري شعب بطولات وتاريخ وامجاد..

وعلى فكرة لو الموضوع بايد الشعوب كان اتحدو من زمان لانه الشعوب كلها مع بعض.. المشكلة بتصفي عالحكومات هي اللي بتواجه وبتكون الضد.. لانه ما بتقدر تخالف البابا..

والله يفرجها على اهل غزة وعلى اهل فلسطين ولبنان والعراق والعرب اجمعين يا رب..
لانه كل العرب دون استثناء تحت الاحتلال.. سواء عسكري او غيره..

تحياتي..

[نيهال]

المشاركة الأصلية بواسطة بنت فلسطين

وعندما اتى عبدالناصر أكمل الصورة المشرفة لمصر وضم الحكومة للصورة الجميلة لمصر

مش من ايام عبد الناصر فقط .من ايام فاروق ايضا ولكن حدثت تلفيقه الاسلحه الفاسده ودى كانت مشكله ايضا.
ولكن عبد الناصر كانت الظروف كلها معه ووكانها مفروشه على بساط اخضر

المشاركة الأصلية بواسطة بنت فلسطين

لا أدري لماذا تحاول الحكومة المصرية الحالية محو كل تلك البطولات المشرفة لمصر
سواء كانت مع فلسطين ام غيرها

ده اللى نفسى افهمه
ازاى بيفكروا وازاى بيتصرفوا.مع انى احيانا بتفق معاهم لحمايه البلد

المشاركة الأصلية بواسطة بنت فلسطين

جل ما نريده هو أن يبقى الشعب المصري كعادته أخ شقيق للشعب الفلسطيني
ويسانده ويؤازره دوما .. وجل ما نتمناه أن تبقى مصر هي بر الأمان الاول لفلسطين

اكيد طبعا ى رؤى احنا اخوات
وان شاء الله نصر الله قريب

مرسيه على مرورك الطيب