الفضفضة

[ابتسامة الحياة]

الفضفضة

ياترى ايه هى الفضفضة؟
هى فعلا بتعالجنا , يعنى بتخرج الالم اللى جوانا ,وبتخلينا نخرج من الجو اللى وضعتنا الظروف فيه؟
ولا هى مجرد ثرثرة وخلاص ,لا بتودى ولا بتجيب؟

ولكن مع من نفضفض؟

نحتاج عند الفضفضة الى انسان نثق فيه
قد يكون أخ -صديق-.............أو غير ذلك ممن نثق فيهم.
وقد يكون هو الحبر والورقة
ونحتاج للفضفضة عندما يكن لدينا هموم ومشاكل ,ونحتاج لأخراجها لأن صدرنا ضاق بها
نحتاج أن نحكى لهم عن أحلامنا , أمانينا
................أى كل شيئ وقد تصل الى اعترافاتنا


وهل نحتاج للفضفضة لكى نحصل على النصيحة ,أم لمجرد ان يستمع احد الينا؟

يا ترى بقى الفضفضة بالنسبة ليكم ايه ؟
ولو مش انت اللى بتفضفض (الشخص المستمع) يا ترى شعورك ايه؟
هل فيه حدود للفضفضة دى ولا لأ؟
وهل الفضفضة كلام فاضى وافشاء للاسرار العامة والخاصة ولا؟ مجرد راحة نفسية؟

[moslima online]

موضوع قيّم..ما شاء الله

هى فعلاً الفضفضه تعتبر علاج نفسى لان معظم الناس بتبقى محتاجه حد يسمعها

او يهتم بيها...

ولا اعتقد ان الانسان ممكن يفضفض عشان يحصل على نصيحه فقط..

دى -فى رأيى- المسمى الاصح ليها استشاره ..

ممكن استشير حد عشان يدينى نصيحه اقدر احل من خلالها مشكلتى..

لكن موضوع الفضفضه ده بيبقى الواحد محتاج يحس ان فيه حد جنبه او نقدر نقول

انه بيحتاج يسمع كلام تلخيصه -انك مش لوحدك-..

ممم

واكيد فى حدود للفضفضه..مينفعش مثلاً اروح افضفض لحد ودايرة الكلام بقى توسع معايا وادّخَل

ناس تانى فى الموضوع وتقلب معايا بنميمه واسرار ناس وهلم جر..

لازم يبقى فيه خط احمر وإلا متبقاش فضفضه بقى ..

وهل الفضفضة كلام فاضى وافشاء للاسرار العامة والخاصة ولا؟ مجرد راحة نفسية؟

هى مجرد راحه نفسيه بس زى ما قولت لازم يبقى فيها حد معين او خط احمر..

لو اتعديته هقلب بكلام فاضى وافشاء للأسرار..

موضوع جميل اوى يا ابتسامه

ربنا يباركلك...

[BATISTA]

إبتسامة الحياة شكرا على طرح الموضوع


طبعا الفضفضة
بتخرج الالم اللى جوانا ,وبتخلينا نخرج من الجو اللى وضعتنا الظروف فيه


وهل الفضفضة كلام فاضى وافشاء للاسرار العامة والخاصة ولا؟ مجرد راحة نفسية؟


الفضفضة راحة نفسية تسمع فيها اراء مختلفة ممكن راى من دول يقنعك ويخليكى فى راحة نفسية

[عطر المحبة]

والله موضوع الفضفضة دا جميل جدا خصوصا لما يكون هناك انسان تثق فية وتكون انت وهو صورتين لعملة واحدة لكن المشكلة لو كان انسان طيب جدا اتخدع ووثق فى انسان غير اهل للثقة اية الحل وقتها خرجت اسرارك لانسان مريض او بمعنى اصح شيطان فأنا من وجهة نظرى ان الاسرار ما تخرج عن نطاق البيت لان مهما يحصل بين الاخوة عمر ما حد فيهم هيأذى اخوة او اختة لكن حتى الاصدقاء محتم فراقهم لاى سبب من الاسباب وبعدين مرت الايام واتغدر بيك واطعنت فى ظهرك من ناس اطمئنتلهم وقتها هتفقد الثقة فى كل ال حواليك وهتندم لآن الدنيا ما عدت فيها خير وهتبكى بحرارة وتقول ياريت ال جرا ما كان عطر المحبة

[amr_miza1]

اكيد الفضفضة ليها عامل كبير جدا .. هى فى الاصل لمجرد الكلام
جواكى حاجة عاوز تحريجا ولما بتخرجيها بترتاحى حتى وان متوصلتيش لحل
اسمها اعتقد انه بيدل على معناها
فضفضة


شكرا يا ابتسامة للموضوع الجميل

[نرجسية]

الفضفضة هى تخريج ما بداخلنا
كما قلتِ يا عزيزتى شرط الفضفضة هو ثقتى فى الشخص الذى أتحدث اليه

وبالنسبة لى
لا يوجد شخص على وجه الأرض أثق فيه الثقة الكاملة
و لكن هناك الكثير من الأمور التى أفضفض بها الى أمى و هى أكثر شخص أثق فيه

فى حين أن بعض الأمور لا أتحدث فيها الا لصديقتى
و هناك أمور اخرى أفضفض بها مع أخى

و هناك أمور عامة أتحدث بها على صعيد المعارف

و يبقى جزء خاص جداً لا يمكن أن أتحدث به الى أحد من البشر

و انما يكون لربى
هى فضفضة من نوع خاص
بعدها أخرج منها بارتياح نفسى لا يمكن وصفه

الأشخاص اللذين لا يفضفضون يتعرضون الى متاعب نفسية و ضغط عصبى
لذلك فالفضفضة بحد ذاتها علاج لمشاكلنا
و فى دول الغرب يقومون بجلسات علاج عبارة عن فضفضة جماعية
مجموعة من الناس كل واحد فيهم لديه مشكلة تمر بحياته يتحدث بها الى باقى المجموعة

و هذه الجلسات تلقى اقبال كبير عندهم خاصةً أن الكثير منهم يجد حلول لمشكلته بعد مناقشة المجموعة و ان لم يجد حلاً فيكفيه أن هناك من شاركه مشكلته

يا ترى بقى الفضفضة بالنسبة ليكم ايه ؟
ولو مش انت اللى بتفضفض (الشخص المستمع) يا ترى شعورك ايه؟

شعورى هو الاهتمام و الاصغاء

فأنا بطبعى شخص مستمع
و اذا فتح لى أحدهم قلبه فانى أجمع كل خبراتى و تجاربى فى الحياة
قليلة كانت أو كبيرة من أجل افادته و حل مشكلته

تحياتى لابتسامة الحياة
أدام الله ابتسامتك

[هوبة]

الفضفضةهى راحة نفسية تحس من خلالها انكبتنفس عن نفسك واكيد الفضفضة تكون لانسان ترتاح ليةوتثق فى كلامة وانا مش برتاح نوعا ما لو حصل لى حاجة غير لمل اتكلم مع حد وانا كمان احب اسمع للاخرين واحاول ان اخفف عنهم بقدر المستطاع

[omarr]

إبتسامه الحياه ...

الفضفضه بالقلم بالنسبه لى شخصيا هى :

محاوله للمعرفه و التعرف على مكنون ذاتى وروحى

هى اشارات فى بحر الحياه ارسلها علها ان تقابل يوما

روحا اخرى تشاركنى فى مشاعرى وهمومى وافكارى

هى اثقال احاول اخراجها من نفسى ومن ذاتى ..مين عارف

ربما اتعرف على نفسى اكثر واكثر واقترب من نفسى اكثر واكثر

وافهم نفسى اكثر واكثر..

انا جسد و روح و الفضفضه احيانا تكون
روحانيات تخرج من الطين
او
طين يخرج من الروح الطاهره

الفضفضه هى صوت الصراع الدائر الداخلى بين الرغبات والمثاليات

هى تقرير مكتوب عن الخبره المتراكمه و الأفكار والمفاهيم التى تتغير داخلى

الفضفضه هى انا ...

[توتى3000]

انا شايفه ان الفضفضه تريح النفس لان لو عندنا مشكله وحكيناها لحد قريب مننا ولازم نكون بنثق فيه نصها بيتحل وممكن الاقى للموضوع زوايا تانيه مكنتش وخده بالى منها

[جناب العمدة]

الفضفضة كوامن فى النفس ان لم تخرج ربما تقتل صاحبها
هما .. مخزون من المعاناة تنوء بها النفس .. والانسان بحاجة
دائمة لتفريغها ولكن عليه حسن الاختيار فيمن يتلقى منه .
والا فالموت هما اهون من الموت ندما .

تحياتى يا ابتسامة .

[هنوش]

اكيد الفضفضة حاجة اساسية مينفعش حد يستغنى عنها بينه وبين نفسه او بينه وبين شخص تانى***** انا بقى عندى مشكلة وكتير بفضفض بينى وبين نفسى لازم اتكلم مع حد يقدر يفهمنى ويقدر وبس

[هنوش]

بجد حيرانة وتعبانة نفسيا جداااااااااااااااااااااااااااااا
حس انى كل شىء بعد كده سلف ودين
وخايفة اوى من كده

[DaaMa]

لمشكلة في الفضفضه
المشكله احنا هنفضفض مع مين مين الى هيسمعنا مين الى عنده استعداد انه يسمع كل الجروح والاهات الي جوانا انا عن نفسي عندي استعداد اسمع واتسمع
لكن انا مش لقيه الانسان او الحاجه الي هتسمعني
ديما كل منقول لحد كبير عيزين نفضفض
يقول بكره تجوز وتكلم لحد ما تتعب

الفضفضة في الزمن ده حاجه صعب



انا من رايي تكتم لحد ماااا تسهل بعدين يجيلك حصبه وتموت

[proactive]

شكرا جزيلا على الموضوع الروعة اللي خلانا "نفضفض" عن طريقة فضفضتنا
و ندخل في الموضوع ....

ياترى ايه هى الفضفضة؟
هى فعلا بتعالجنا , يعنى بتخرج الالم اللى جوانا ,وبتخلينا نخرج من الجو اللى وضعتنا الظروف فيه؟
ولا هى مجرد ثرثرة وخلاص ,لا بتودى ولا بتجيب؟

لا هي بصراحة بتجيب نتيجة , و اسأل مجرب و لا تسأل طبيب .

ولكن مع من نفضفض؟



فعلا , أي وسيلة , ممكن لشخص و ممكن للورقة فقط , حتى لو ما حدش هيقرأها , أنا مثلا أول ما فكرت في الفكرة دي , ما كانش فيه حد أثق فيه , فكنت بكتب شعر و أقول فيه كل اللي عاوز أقوله , و بعدين تطورت إلى الانترنت و عملت مدونة -ما حدش بيدخلها- لكن كنت لما أكتب فيها باحس اني استريحت ,

وهل نحتاج للفضفضة لكى نحصل على النصيحة ,أم لمجرد ان يستمع احد الينا؟

في معظم الأحيان , لمجرد أن يستمع أحد إلينا , و في الحالة دي بتلاقي نفسك بتقول الحل بنفسك !!


ولو مش انت اللى بتفضفض (الشخص المستمع) يا ترى شعورك ايه؟
كنت زمان باتخنق , و أقول في نفسي "هي ناقصاك انت كمان" , لكن لما جربت حد يسمعلي بقيت أسمع للناس ,
seek 1st to understand then to be understood


هل فيه حدود للفضفضة دى ولا لأ؟
على حسب "المفَضفَض له " , لو شخص ما أعرفهوش زي اللي في عالم النت , و خصوصا لو مش من بلدي أصلا , باديها فضفضة , و أقول كل اللي في نفسي , أما لو حد عارفني , فلازم يبقى فيه حدود .

وهل الفضفضة كلام فاضى وافشاء للاسرار العامة والخاصة ولا؟ مجرد راحة نفسية؟
هي راحة نفسية جدا جدا جدا

[walaa moneir]

انا معاكى ان الموضوع ده مهم بس الاهم هو
كيف تجدى الشخص الذى تستامنية على اسرارك وتشعرى انه اهل للثقة
انا اعانى من هذه المشكلةو مع ذلك
فانه على ان اشعر الشخص الذى يوجد معى بالامان و ان يتحدث مع بصدق
اى ان
فاقد الشىء يعطيه و ليس لايعطية
لانى بوضوح لا احب ان ياتى احد ليتحدث معى ولا اعطيه اهتمام
مع انى لا اجد احد اتحدث معه و اذا تحدثت مع احد اشعر بعدم الامان