مذكرات مجنونه

[duha]

ايه دا يا هند
دا انتي طلعتي فرعونة بجد

[eme]

ههههههههههههه

ايوه كده البنات والا بلاش

انا اختي كانت كده ومازالت

[hend]

المشاركة الأصلية بواسطة الورد الجوري

اهلا هند
بجد ضحكتيني

في انتظار التكمله يا حبيبتي

اوك مفيش مشكله
بس ايه رايك فيا ؟
خلى بالك دا تخويف للاعضاء منى
هههههههههههههههه

[hend]

المشاركة الأصلية بواسطة Dr.Hammood

انتي قتلتي الولا ولا ايه يا نهار ابيض دا احنا كنا غلابه بقى صحيح ضربت ولد بحديده في عينه بس ما ماتش

كملي كملي وريهم عظمة بنات الفراعنه

لا ما قتلتوش
دى ضربه خفيفه
وبعدين انت ضربته بحديده وانا استحاله استخدم وسائل عنيفه زى دى
انت ايه ؟؟؟؟
بحديده
ايه العنف دا
ههههههههههههههه
حاضر هكمل
تحت امرك

[hend]

المشاركة الأصلية بواسطة فارس اصيل

معقوله
وتقولى لست شرسه
لالالالا ده انتى مش شرسه بس ولا شرسه خالص ده انتى الحاجه شرسه

لالالالالالالالالالالالالالالالالالالالالالالالالا لالالالالالالالا
مش ممكن
حضرتك بتقول ليا انا شرسه
جبت الكلام دا منين؟
على اى اساس بتقول عليا كده
اهىءاهىءاهىء

[hend]

المشاركة الأصلية بواسطة فراق84

ما شاء الله عليكي..ويحميكي
انا بانتظار الجنون الباقي
تقبلي ردي
اختك فراق

انا مش مجنونه قوى
بس مجنونه شويه صغيره
الف شكر على متابعتك

[hend]

المشاركة الأصلية بواسطة duha

ايه دا يا هند
دا انتي طلعتي فرعونة بجد

هههههههه
ااااااااه الفراعنه سابوا مصر كلها وادونى كل الجينات الوراثيه

[hend]

المشاركة الأصلية بواسطة eme

ههههههههههههه

ايوه كده البنات والا بلاش

انا اختي كانت كده ومازالت

لا انا عقلت قوى بعد كده حتى واخده لقب عقل المنتدى
شوفتى طلعت اعقل واحده فى المنتدى
ههههههههههه
شرفنى متابعتك
واتمنى يعجبك الاجزاء التاليه

[hend]

البلطجيه الصغيره الجزء الثالث
طبعا بما ان اخويا هو الضحيه المثاليه فهو بالطبع كان بيتحمل الكثير منى وكثير ما عوقب على جرائم ارتكبتها انا
وكثير ما كان يعنفنى جدى على اثار برائتى الظاهره على وجه اخى والتى تنوعت الوانها واشكالها من خربشه الى قرص او عض او جروح
كنوع من انواع التميز (والتميز يبدأ بالتنوع )
وكانت دوما خناقاتنا هاديه تستدعى تدخل ابى الذى يسأل "فيه ايه؟"
فنرد بسرعه معا"مفيش حاجه"
ودا مش خوف من ابى بقدر ماهو رغبه فى عدم تدخله والذى سيؤدى الى انهاء الوضع بدون تحديد الفائز فيه

ولكنى طبعا عقلت
مش بمزاجى وانما كرد فعل طبيعى لنمو جسم اخى المفاجىء واصبح يزيدنى طولا بنحو 20سم و ازدياد وزنه ايضا
مما ترتب عليه ماتش اعتزال
وكان الماتش رائعا بحق
لا اعرف حتى الان اسبابه
ولكن اذكر مشاهده ومازالت عالقه بذهنى
فانا كما وضحت ضئيلة الجسم مقارنة بالخصم وقصيرة القامه مقارنة به حيث طوله حوالى 188 سم
لذلك تركزت لكماته على عينى وتركزت لكماتى على فكه السفلى وانا اتميز بقوة القبضه
وطبعا كان له نصيب الاسد فى توجيه اللكمات الى عينى وبالطبع (لا لم تزرق........ فانا لست من هؤلاء الذين يزرقون من اثر اللكمات ) وانما لسوء حظى كان يرتدى خاتما فى يده شرط اسفل جفنى الايمن
وتطور لقاء الخصمين حتى وصلنا الى المطبخ واذكر ان المطبخ امتلىء بالحلل المتساقطه والاطباق المتكسره .

وهنا تدخل ابى الى فض اللقاء وذلك باستخدام اقرب شىء الى يده وكان عصا المكنسه
ولمزيد من حسن الظن كان ذلك اليوم هو فرح ابنة خالتى ولابد من حضورنا
جلسنا على مائده واحده فى الفرح وقال لى ببطء"سنانى بتتخلخل ......نهارك اسود بس لما نروح"
وانا رديت عليه بمنتهى الهدوء "عينى .........عاوز تعمينى ..........حسابنا بعدين "
ومن يومها انتقلت علاقتنا الى مسار اخر من البلطجه واصبحت بلطجه كلاميه اكثر منها جسديه

وطبعا بما ان الانطباع المأخوذ عنى انى شرسه هوقف حلقات البلطجه شويه ونتكلم فى نقاط عن جنونى المميز فى حلقات قادمه
يتبع..........

[Dr.Hammood]

كملي يا هند محمد علي كلاي

والله جده خد عين من عنيكي دا يمكن من الغلاوه

فعلا حصلنا الرعب والتهديد


كملي يا اخت هند ولا بلاش اخت لحسن سناني تلخلخ

[فارس اصيل]

المشاركة الأصلية بواسطة hend

لالالالالالالالالالالالالالالالالالالالالالالالالا لالالالالالالالا

مش ممكن
حضرتك بتقول ليا انا شرسه
جبت الكلام دا منين؟
على اى اساس بتقول عليا كده

اهىءاهىءاهىء

هو انا الى جبت الكلام ده

ده ما بين سطور كلماتك هو اللى قال مش انا
وعموما انتظر منك باقى امور البطجه

هو فيه بلطجه من غير شراسه؟؟؟؟؟

[نيهال]

ده انتى طلعتى حكايه يا هند
بس عجبتينى فى الجزء التالت انك عرفتى توصلى ..........اينعم عينك كانت ممكن تضيع

بس تعرفى ان بالكلام الموضوع بيكون قوى جدا..........لان مفيش حدود ليه
انما العنف اللى انتى كنتى تتبعيه كان بينتهى بنتاصارك الدائم



منتظره بقيه الصفحات

[hend]

المشاركة الأصلية بواسطة نيهال

ده انتى طلعتى حكايه يا هند
بس عجبتينى فى الجزء التالت انك عرفتى توصلى ..........اينعم عينك كانت ممكن تضيع

بس تعرفى ان بالكلام الموضوع بيكون قوى جدا..........لان مفيش حدود ليه
انما العنف اللى انتى كنتى تتبعيه كان بينتهى بنتاصارك الدائم



منتظره بقيه الصفحات

انا كنت عنيفه ؟؟؟؟!!!!!!!!!!
انتى جبتى الكلام دا منين ؟
دا انا بريئه خالص وطيبه جدا
هى برضه احيانا مش بتوصل لحاجه بس اهى احسن من مفيش
وبعدين الواحد كبر على انه يضرب اخواته
وبمعنى اصح انه ينضرب من اخواته خاصة انه الصغيرين
شرفنى تواجدك واسعدنى تفاعلك واتمنى يعجبك الاجزاء التانيه

[hend]

برنسيسة العيلة
طبعا بما انى كائن بيتوتى قوى ومش بخرج كتير فكان دايما اللى بيخرج مع ماما فى كل حتة اختى الضغيره وممكن يروحوا سوا السوق او حتى يزوروا قرايبنا
لذلك لم يكن لى احتكاك كبير بالاقارب او الجيران
وكانت النتيجه زياره ابن عمة ابى لنا مرة واستقبلنى بجملة فجائيه:"انتى بقى هند ؟؟؟ انتى بقى البرنسيسه ؟"
فرديت باندهاش شديد :"برنسيسة؟؟؟؟؟"
فقال:"ايوة ........ماانتى مش بتعرفى حد وبحس انك برنسيسة, انما اختك من الطبقة الكادحه زينا ودايما بنشوفها ونتكلم معاها "
وطبعا دا كان مفاجىء ليا
لكن تبعات كونى بيتوتيه كانت كتير
ومنها على سبيل المثال حضورى مع ابى لحفل خطوبة ابنة عمته وكان حفله صغيره فى البيت ويومها كانت العروسه اسمها "شيرين"(ركزوا معايا لان الموضوع دا مهم )
وعمة ابى لديها من البنات حوالى سته
فقابلت الخمس بنات الاوائل مقبله قائلة: ازيك يا شيرين ؟؟؟؟؟؟؟(الظاهر ان عمتى كان عندها ازمة اسامى)

وعند الخامسه بعد ما قولت لها ازيك ياشيرين ؟ تذكرت ان اسمها رشا
وهنا ذهبت لتهنئة العروسه قائلة :"الف مبروك يارشا "!!!!!!!!!!!
يتبع ........
محدش يعلق على ذكائى الحاد احسن ازعل

[فراق84]

ههههههههههههههه
شكرا لك ..انك كتبتلنا مذكراتك
بس بجد رسمتي البسمة على الوجوه
انا بانتظار الباقي