عايزة اسمع آراءكم

[الورد الجوري]

السلام عليكم و رحمة الله و بركاته
يارب الكل يكون بخير
النهارده انا جايه عايزه اسمع آراءكم
و اتمنى اني الاقي آراء كتيره جدا
********
المشكله في قصة صغيره حاصله في اكتر من منتدى
و بقت بتتكرر بشكل ملحوظ و مشين
تعالو نشوف

ابطال القصه 5 افراد
1- فتاه اسمها " ب "
2- فتاه اسمها " س "
3- فتاة اسمها "ص"
4- شاب اسمه " ي "
5- شاب اسمه " و "
نشوف القصه بقى .. " ب" و كل الشخصيات الباقيه في القصه
متواجدين في منتدى من المنتديات .. "ب" علاقتها كويسه مع الكل .. و تعرف س - ص - ي - و من المنتدى و في المنتدى فقط .. " ي " مشترك في المنتدى قبل " و "
المهم " ب " وصلها من " ي" معلومات و " ي" موثوق
منه و مكذبش قبل كده و اخلاقه في المنتدى ممتازه
المعلومات بتقول ايه ؟؟
بتقول ان " س " " ص" بيتصرفو بشكل مش كويس
او مش لطيف .. و طبعا هم احرار في نفسهم
لكن باقي المعلومات بتقول انهم بيمثلوا على الشاب " و "
و بيستهبلو عليه كويس جدا .. مع العلم يا جماعه ان
الشاب " و " ذكي لابعد الحدود .. بس " س" و "ص" مش عارفين هم عايزين ايه ..و اللعبه دي لعبوها على شباب
غير " و" و جابت نتيجه معاهم و وقع شباب في حبهم
او حب واحده فيهم على الاقل
"ب" متعرفش " و" الا عن طريق المنتدى و معرفه سطحيه
زيه زي باقي الاعضاء .. بس هو صعبان عليها جدا
و حاسه بمسؤوليه تجاهه
و هي بنفسها لاحظت سلوكيات على " س " و " ص"
بس هي محتاره تنبه الشخص ده ازاي ؟؟
لو بعتتله و قالتله هتحط نفسها في شبهة انها هي اللي عايزة
تكلم الشاب ده .. و كمان الله اعلم " ي " مع انه موثوق فيه بس هل هو متاكد مليون في الميه و لا بناء عن حركات هو شافها
و كمان هيبقى صعب جدا ان شاب في مجتمع شرقي يتلقى
نصيحه بالشكل ده من فتاه
فياترى " ب " تعمل ايه و هي شايفه ان " و "
احتمال كبير جدا يقع في الفخ ؟؟؟
******
عايزة اقولكم يا جماعه ان القصه دي موجوده بالاسماء
الحقيقيه في مكان تاني .. و لكن انا رمزتها بالحروف
عشان مش حابه تظهر الاسماء الحقيقيه بتوع ابطالها
هستنى آراءكم

[حروف]

انا من رائ انك تخلى ى هو اللى يقله لانه مش هيسمعك وخليه يحاول يفهمه انهم بيلعبوا عليه وتحاولوا تجيبوا دليل من اشخاص او الشاب اللى مثله عليه قبل كدا لو تعرفوه علشان يصدق ولو مسمعش الكلام يبقى هو حر وانتى عملتى اللى عليكى

[™BATISTA]

الورد الجورى

بصراحة انا اتلخلبطت مش عارف و مين ك من ن

والله انا راى ان ب تخلى ى يتكلم مع و لانهم شباب زى بعض ومش ممكن يحصل زعل بينهم وأكيد هيتقبل الموضوع بصدر رحب وعندك حق فعلا لما ب تتكلم مع و ممكن مش يصدقها وتحصل مشاكل

[الورد الجوري]

المشاركة الأصلية بواسطة حروف

انا من رائ انك تخلى ى هو اللى يقله لانه مش هيسمعك وخليه يحاول يفهمه انهم بيلعبوا عليه وتحاولوا تجيبوا دليل من اشخاص او الشاب اللى مثله عليه قبل كدا لو تعرفوه علشان يصدق ولو مسمعش الكلام يبقى هو حر وانتى عملتى اللى عليكى

اهلا حروف
هو فعلا راي ان الشاب هو اللي يتكلم
بس الله اعلم ينفع و لا لأ
بس تعالو نفترض انه مفيش بين الشابين اي علاقه
القصه مقالتش انه اصحاب
عموما ميرسي لتواجدك و لرايك

[الورد الجوري]

المشاركة الأصلية بواسطة BATISTA

الورد الجورى

بصراحة انا اتلخلبطت مش عارف و مين ك من ن

والله انا راى ان ب تخلى ى يتكلم مع و لانهم شباب زى بعض ومش ممكن يحصل زعل بينهم وأكيد هيتقبل الموضوع بصدر رحب وعندك حق فعلا لما ب تتكلم مع و ممكن مش يصدقها وتحصل مشاكل

اهلا محمد
لا الاعضاء هنا انا عارفاهم كويس انهم اذكيا
و خمس رموز ميتوهوش اي حد منهم و انت اكيد زيهم
و بعدين انا مرقمالكم الرموز عشان اللي يتوه يلاقي مفتاح
الخريطه زي الجغرافيا بالظبط

بالنسبه بقى لرايك
هو طبعا سليم بس زي مقلت لحروف
خلينا نحتمل ان الشابين و + ي مفيش اصلا علاقه بينهم
و تفتكرو الشاب " و " ممكن يتقبل من الشاب " ي"
والا التفكير قد يذهب به الى مواطن اخرى ؟؟

ميرسي يا محمد على مشاركتك و رايك

[amr_miza]

هو بصراحة يا ورد ... بما ان "و" بيتسم بالذكاء .. فالمفروض انه يعرف كدا وياخد حذر من "س" و "ص"

او اى محاولة للإيقاع بيه فى الفخ .. .. وما أكثرها

وموقف "ب" بيتحدد على حسب علاقتها بـ "و" فيعنى لو علاقتهم رسمية اوى وسطحية يبقى تقوله على اساس ان مفيش اتجاه لتفكير اخر وتقوله بأسلوب يحسسه بأنها مش تقصد تلفت انتباهه ليها .. وان قصدها خير فعلا ..

اعتقد يعنى ..

[™BATISTA]

الورد الجورى
مش ممكن برضة يكون ..و.. بيكون بيتصرف عادى فى المنتدى وبيضحك وبيهزر مع الكل والكل عندة سواء وهو مش مستعد يدخل فى المهاترات دى ويصبح قلب محطم جديد يدخل لنادى القلوب المحطمة

وبرضة ممكن ..ى.. يكون فى غيرة برضة من ..و.. وبيحاول يدخلة فى لعبة مالوش فيها من الأساس

دة رأى شخصى فقط

دمتى بالخير

برضة لى رأى خاص ب ..ى.. وهو أنة يخلية فى حالة فى المنتدى ومايكونش رقيب على حد لأن ممكن يكون كل الى فى دماغة دة ماهو الى أوهام لأساس لها من الصحة

من الأخر توبك فى منتهى القوة والجمال وهايخلى الكل يراجع علاقتة بالمنتدى ويحاول يشوف ردودة ويتحكم فيها أمام الملأ

[أحمر شفايف]

الورد الجوري ^!^
انما انا فكرتي في الموضوع ده ان الولاد يتفاهموا مع بعض والبنات يتفاهموا مع بعض وكل واحد فيهم يقول مشاعره الحقيقيه بصدق عشان كل واحد يفهم التاني وكل طرف يلاقي الطرف التاني اللي بيتعامل زيوا
ياريت اكون قدرت اساعدك في المشكله دي
أحمر شفايف

[رؤيه]

ياقهلا بالورد الجورى
موضوعك جميل وحاصل بكثره وخصوصا فى المنتديات
ما اكثر من فسدت ضمائرهم وتلاعبو بقلوب الغير
فكم من شباب تلاعبو بقلوب بنات واستغلو برائتهم وطيبه قلبهم مجرد تسليه وتضييع لوقته واضافه جديده على لائحته القذره ونسي ان الله يراه
ولكن الغريب ان تصدر مثل هذه الافعال من بنات
يعنى اين ذهب الحياء والخجل وعفه القول واللسان
وللاسف ذكاء الاشخاص قد يخونهم فى مثل هذه المواقف فكثير ممن يتمتعون بالذكاء والفطنه ولكن ايضا يتمتعون ببراءه العقل فلا يتصورون انه يوجد فى الدنيا مثل هؤلاء
اتقوا الله يا شباب ويابنات فكما تدين تدان وليس الله بغافل عما تعملون
ولكن المشكله تكمن فى ان الشخص المراد ايقاعه فى هذا الموقف يصيبه العند فلا ينتبه للجهود المبذوله حوله لايضاح الامر له وربما يسيئ فهمها
فليحذر كل انسان فى علاقته بغيره ولا يلقى بمشاعره بسهوله قبل ان يتأكد من صدق نوايا الاخر وحسن اخلاقه ولا ينخدع بمعسول الكلام
فقط ادعو الله ان يكشف لكل شخص مايدبر ضده وان نرى الاشياء ببصيره واضحه
تحياتى لكى عزيزتى ولاسلوبك الراقى

[الورد الجوري]

المشاركة الأصلية بواسطة amr_miza1

هو بصراحة يا ورد ... بما ان "و" بيتسم بالذكاء .. فالمفروض انه يعرف كدا وياخد حذر من "س" و "ص"

او اى محاولة للإيقاع بيه فى الفخ .. .. وما أكثرها

وموقف "ب" بيتحدد على حسب علاقتها بـ "و" فيعنى لو علاقتهم رسمية اوى وسطحية يبقى تقوله على اساس ان مفيش اتجاه لتفكير اخر وتقوله بأسلوب يحسسه بأنها مش تقصد تلفت انتباهه ليها .. وان قصدها خير فعلا ..

اعتقد يعنى ..

اهلا عمرو
هو اللي باين من القصه ان " و " يتسم بالذكاء
بس تفتكر يا عمرو الاذكياء عمر ذكاءهم مبيخونهم ؟؟
و ياترى حتى في المشاعر كمان مش بيتخدعوا ؟؟
بس على رايك الميزه الوحيده ان المحاولات
اللي زي دي من الشباب او البنات ما اكثرها للاسف

بالنسبه للشخصيه " ب " مش عارفه بجد ياعمرو
هل ممكن شاب يتقبل من فتاه علاقته بيها رسميه انها تكلمه
في شيء حساس زي ده
يعني يا عمرو متنساش اننا شرقيين في الاول و الاخر
و الراجل مهما كان غلطان او مضحوك عليه
هتعز عليه نفسه قدام حواء ايا كانت علاقته بيها
و ممكن عزة النفس دي تترجم بعدين على انها عدة حجات
- بتقرب منه
- غيرانه من س او ص
- هي اللي بتضلله و بترسم الفخ ليه
او اي سبب و حجج اخرى الله اعلم بيها

عمرو رايك اسعدني فعلا و اضاف الى
الموضوع الكثير
شكرا لتواجدك

[الورد الجوري]

المشاركة الأصلية بواسطة BATISTA

الورد الجورى
مش ممكن برضة يكون ..و.. بيكون بيتصرف عادى فى المنتدى وبيضحك وبيهزر مع الكل والكل عندة سواء وهو مش مستعد يدخل فى المهاترات دى ويصبح قلب محطم جديد يدخل لنادى القلوب المحطمة

وبرضة ممكن ..ى.. يكون فى غيرة برضة من ..و.. وبيحاول يدخلة فى لعبة مالوش فيها من الأساس

دة رأى شخصى فقط

دمتى بالخير


برضة لى رأى خاص ب ..ى.. وهو أنة يخلية فى حالة فى المنتدى ومايكونش رقيب على حد لأن ممكن يكون كل الى فى دماغة دة ماهو الى أوهام لأساس لها من الصحة
من الأخر توبك فى منتهى القوة والجمال وهايخلى الكل يراجع علاقتة بالمنتدى ويحاول يشوف ردودة ويتحكم فيها أمام الملأ

اهلا محمد من جديد
هو ممكن " و " يكون زي مانت بتقول
سبحان الله مهو العالم هو ربنا .. بس احنا منعرفش
مدى امكانيه ان " و " من النوع ده و لا يكون من النوع الطيب
ذكي ايوة بس ممكن ينخدع بالمسلسلات
و كمان لازم ناخد بالنا ان الزن على الودان امر من السحر
و كتر الدق يفك اللحام

بالنسبه لـ " ي " معطيات المشكله بتقول انه موثوق فيه
و تفتكر يا محمد هل ممكن شاب يحط شاب زيه في الموقف ده
او انه يقول عليه كلام كده مجرد بدافع الغيره ؟؟!!
مش عارفه بجد ده ميحددوش الا الشباب

بالنسبه لرايك عن " ي " مش عارفه الصراحه اذا كانت اوهام او مشاهدات .. بس اللي اعرفه ياما كتير في الحياه قابلتنا مشاهدات و اشياء اقرب للاوهام و ترجمتها الحياه الى حقائق مريره

كويس ان الموضوع عجبك ..و جميلة قوي فكرتك
فعلا من الطيب اننا نراجع دائما ردودنا و معاملاتنا مع الناس
بس بشرط اننا نحتفظ بوجوهنا الحقيقيه .. يعني منراجعش جدا جدا لدرجه تركيب وجه آخر للانسان و طمس الوجه الحقيقي

شكرا محمد لاهتمامك بالمشكله و المشاركه في الحلول
انت كمان دمت بخير

[™BATISTA]

[quote=الورد الجوري;564628]

اهلا محمد من جديد
هو ممكن " و " يكون زي مانت بتقول
سبحان الله مهو العالم هو ربنا .. بس احنا منعرفش
مدى امكانيه ان " و " من النوع ده و لا يكون من النوع الطيب
ذكي ايوة بس ممكن ينخدع بالمسلسلات
و كمان لازم ناخد بالنا ان الزن على الودان امر من السحر
و كتر الدق يفك اللحام كويس ان الموضوع عجبك ..و جميلة قوي فكرتك
فعلا من الطيب اننا نراجع دائما ردودنا و معاملاتنا مع الناس
بس بشرط اننا نحتفظ بوجوهنا الحقيقيه .. يعني منراجعش جدا جدا لدرجه تركيب وجه آخر للانسان و طمس الوجه الحقيقي

أوك ربنا العالم بالنوايا طيب لية ..ى.. شاغل نفسة بالناس لية مايخلية فى حالة أحسن مش ممكن برضة يكون حاول التقرب من س . س. وكانت النتيجة عدم الاهتمام فاصبح بقى يتصيد الأخطاء لهم ويفسر كلامهم على هواة

معاكى ان الزن على الودان أمر من السحر بس مدام .و. زكى أكيد عندة دراية بالمسلاسلات دى وصعب أنة ينضحك علية

إحنا ماقلناش ان الواحد يبقى بوشين بس احنا بنقول ان الواحد مدام فى ناس بتتصيد الكلام وتفسرة على هواهم يبقى الواحد يخلي بالة من كلامة لأن فى نوعية بترجم الكلام حسب نوعية عقلها

المشاركة الأصلية بواسطة الورد الجوري

المشاركة الأصلية بواسطة الورد الجوري

بالنسبه لـ " ي " معطيات المشكله بتقول انه موثوق فيه
و تفتكر يا محمد هل ممكن شاب يحط شاب زيه في الموقف ده
او انه يقول عليه كلام كده مجرد بدافع الغيره ؟؟!!
مش عارفه بجد ده ميحددوش الا الشباب

بالنسبه لرايك عن " ي " مش عارفه الصراحه اذا كانت اوهام او مشاهدات .. بس اللي اعرفه ياما كتير في الحياه قابلتنا مشاهدات و اشياء اقرب للاوهام و ترجمتها الحياه الى حقائق مريره

الموضوع مش موضوع موثوق فية أو غير كدة موثوق فية لما أكون عايز أقولة سر او أقولة مشكلة ممكن يساعدنى فيها لكن لما يكون مخبر وجاى ينقل كلام طيب اية الفائدة الى هتعود علية من كدة ولما جة وقالك أن .س. ص. بيتصرفو مش كويس طيب لية شاغل نفسة بيهم أكيد 100% انة كان يريد الدخول فى علاقة أو عمل صداقة فقوبل بالرفض فبقى همة الشاغل هو تصيد الأخطاء والنظر الى المشاركات الخاصة بهم من أجل معرفة مايدرو خلف الكواليس

برضة شفنا كتير من المشاحنات فى عالم النت وفى الحقيقة بسبب الحكاية دى بس برضة نرجع ونقول أن كل واحد التصرف بتاعة بيعود علية لكن مش شرط بقى ان الكل يبقى بيدور على اقامة العلاقة مع الفلان الفلان ومدام الشخص دة دائم التواجد فى متصفح العضوة الفلانية وفى ضحك وهزار يبقى فى أسرار بنهم وانهم داخلين على علاقة حب او بيحاولو ينصبو الفخ للعضو الفلانى ممكن يكون كل الموضوع هو الفك عن النفس ونسيان أمور الدنيا فقط لكن لما العضو .ى . يقول انهم بيحاولو ينصبو فخ يبقى أكيد هو الى واقع ووقع على جدور رقبتة

شكرا ليكى ياورد على الموضوع لانك قلتكى ان الموضوع دة بيحصل فى كثير من المنتديات

ووداعا للمواضيع المنقولة واهلا بالمواضيع الناتجة من بنات أفكارك

تحياتى

[وائل المصري]

ياحوريه.
انا اعرفيك من اول ما دخلت المنتدي وبجد بحب موضوعاتيك جدا لكن اول مره اكون متلغبط في فهم موضوع من موضوعاتيك.
علي العموم يجب علي من له حق النصيحه ان يقدمها مهما كانت العواقب والاحداث المتتابعه.
مع تحيات القاضي التايه وائل المصري
قاضي المنتدي.

[الورد الجوري]

المشاركة الأصلية بواسطة أحمر شفايف

الورد الجوري ^!^
انما انا فكرتي في الموضوع ده ان الولاد يتفاهموا مع بعض والبنات يتفاهموا مع بعض وكل واحد فيهم يقول مشاعره الحقيقيه بصدق عشان كل واحد يفهم التاني وكل طرف يلاقي الطرف التاني اللي بيتعامل زيوا
ياريت اكون قدرت اساعدك في المشكله دي
أحمر شفايف

اهلا عزيزتي
مش عارفه بجد اذا في امكانيه للبنات انهم يتفاهمو مع بعض
و للولاد انهم يتفاهمو مع بعض
لان يبقى الموضوع مجرد قصه
بتجسد حاله اجتماعيه
عموما شكرا عزيزتي على وجودك

[الورد الجوري]

المشاركة الأصلية بواسطة رؤيه

ياقهلا بالورد الجورى
موضوعك جميل وحاصل بكثره وخصوصا فى المنتديات
ما اكثر من فسدت ضمائرهم وتلاعبو بقلوب الغير
فكم من شباب تلاعبو بقلوب بنات واستغلو برائتهم وطيبه قلبهم مجرد تسليه وتضييع لوقته واضافه جديده على لائحته القذره ونسي ان الله يراه
ولكن الغريب ان تصدر مثل هذه الافعال من بنات
يعنى اين ذهب الحياء والخجل وعفه القول واللسان
وللاسف ذكاء الاشخاص قد يخونهم فى مثل هذه المواقف فكثير ممن يتمتعون بالذكاء والفطنه ولكن ايضا يتمتعون ببراءه العقل فلا يتصورون انه يوجد فى الدنيا مثل هؤلاء
اتقوا الله يا شباب ويابنات فكما تدين تدان وليس الله بغافل عما تعملون
ولكن المشكله تكمن فى ان الشخص المراد ايقاعه فى هذا الموقف يصيبه العند فلا ينتبه للجهود المبذوله حوله لايضاح الامر له وربما يسيئ فهمها
فليحذر كل انسان فى علاقته بغيره ولا يلقى بمشاعره بسهوله قبل ان يتأكد من صدق نوايا الاخر وحسن اخلاقه ولا ينخدع بمعسول الكلام
فقط ادعو الله ان يكشف لكل شخص مايدبر ضده وان نرى الاشياء ببصيره واضحه
تحياتى لكى عزيزتى ولاسلوبك الراقى

اهلا رؤيتي الجميله
ما شاء الله عليكي
وصلتي للهدف اهو
فعلا في كتير شباب و بنات كده
و مش عشان احنا بنات هنداري على عيب كبير موجود
بين افراد الجنس الرقيق .. الحكايه دي انا حاساها مرض
الموضوع ده اتناقش كتير في الجبهات الاخرى تحت مسمى
خداع الشباب للبنات
و الموضوع ده انا غرضي منه انه نعكس اتجاه الاتهام
اصل انا في رايي انه المسيء موجود في الجنسين
يعني الصفه بتاعت بيع المشاعر و الضحك على الافراد
باسم الحب او المشاعر الطيبه دي متوفره في الولاد و البنات
و مش مقتصره على نوع واحد او جبهه واحده
عموما زي مبقول دائما النت عباره عن شريحه من الحياه الواقعيه و بالتالي زي مبنشوف ده في الواقع بردو اهو موجود في النت
في النهايه انا كمان بضم صوتي لصوتك
يارب اي حد بيعمل كده سواء شاب او فتاه ربنا يهديهم
و اي حد هيبقى الضحيه ربنا ينجيه
شكرا حبيبة قلبي على مشاركتك الرائعه
اللي اثرت الموضوع