| |
15-02-2008, 07:09 PM
|
#1 (رابط ثابت)
|
|
gone with my sins
تاريخ التسجيّل: Jan 2007
الإقامة: inside my mind
المشاركات: 1,285
|
"المسقعة" .... بين الواقع و الدماغ !!!
بسم الله الرحمن الرحيم
------------------------------
النهاردة إن شاء الله , هنتكلم على موضوع مهم جدا
عن المسقعة !!!!
طبعا كلكم بتحبوها ؟ صح ؟؟
ايه ؟ فيه ناس ما بتحبهاش ؟؟؟
احنا في أسرتنا مثلا , كلهم بيحبوها ........ ما عدا أنا !!!!
طبعا هم شايفين انها حلوة , علشان كدة بياكلوها ...
لكن أنا شايف انها مش حلوة -طعماً- علشان كدة برضه ما باكلهاش !!!
لكن احنا هنا بندور على الحقيقة ..... هل المسقعة حلوة و لا لأ ؟؟؟
لأن المسقة بتبقى في طبق واحد قدامنا , هم بيقولوا عليها حلوة , و أنا بقول لأ ....
يبقى مين الصح و مين الغلط ؟
أصل احنا ما نقدرش نجمع بين النقيضين في ذات الوقت و نقول انها حلوة و وحشة في نفس الوقت ...
لكن الحقيقة "المرة" , هي إن المسقعة , لا هي حلوة و لا وحشة !!!
ايوة ... هي دي للأسف الحقيقة العارية اللي احنا مغمضين عينينا عنها من زمان -تا تا تا تا !!! -
لأ بجد , العيب مش في المسقعة ,
العيب -الاختلاف يعني- هو في طريقة نظرنا و تصورنا للمسقعة ,
أيوة , المسقعة حاجة عادية مجردة , انما تصورنا -اللي احنا بنشكله- عنها هو اللي بيدينا الاحساس بأنها حلوة أو لأ !!!
فهمان ؟ و لا نجول كمان ؟؟
بص يا سيدي , ..... بصيت ؟ طب ما تبحلقش قوي ؛)
العالم "الخلل" -مش خلل و لا حاجة , دول على راسنا من فوق - بتوع علم النفس و الاشتغالات دي بيقولوا لك ايه ؟؟
بيقولوا ان فيه حاجة اسمها الخريطة الذهنية !!!!
يعني ايه بقى الخريطة "البتاعية" دي ؟
يعني كل بني آدم فينا بيشوف الدنيا عن طريق وسيط في دماغ حظرته , بيترجم ليه اللي بيحصل بره , و يدخله للدماغ جوة !!!
يعني أنا مثلا لما أشوف لحمة خنزير , تدخل المعلومة على الدماغ , تسألة يا جناب البيه , الخنزير ده حلو و لا وحش ؟ هيقول وحش , فأنا هاحس بقرف تجاهه و مش هاكله ....
- يا سلام , ده ايه التفاهه دي , طيب ما كل الناس كدة ؟؟؟ و دي حاجة طبيعية !!
لا يا عمنا , مش كدة ,
خدها بطريقة تانية بعيد عن الحلال و الحرام ,
سيادتك قاعد في مطعم مع واحد زميل من دولة "شقيقة", الباشا عزمك على أكل مخصوص و عملها ليك مفاجأة , مش هيقول لك ايه ده إلا بعد ما تقول له رأيك في الاكل ,
جنابك جايلك الأكل , شكلة غريب يعني , بس عادي , حاجة جديدة , دقته , حلو مش بطال , لأ بجد طعمة لذيذ , هم يا جمل سعادتك مليت بطنك , و الحمد لله ,
اسأل جناب الزميل بقى ايه الاكلة النار دي يا سيدي , يا ترى كانت ايه ؟؟
الباشا هيقول لك .... رز بقطع الجراد المفتته -دي أكلة أنا مألفها - , طبعا الجراد أكله حلال , و بعدين انت كلته أصلا و عجبك ... تنكر ؟ لكن قول لي احساسك يا زعيم دلوقتي ايه ؟؟
بعد ما تطلع من الحمام بعد ما تكون فضيت كل اللي في بطنك , هتحلف و الله ما انا واكل معاك تاني و ..........
طب ليه ؟
انت كلت الأكل
حلال
طعمه حلو
عجبك
و الراجل لو ماكانش قال لك هو ايه أو قالك أي حاجة -و اشتغلك- , كانت العملية هاتعدي عادي ..
أمال ايه اللي حصل ؟
سعادة دماغك ما كانش عندة فكرة عن اللي انت كلته , و لا حاجة في الخريطة عنده يقارن بيها و يحكم , راح داخل يجرب ,
انما لما عرف الحاجة دي , راح مقارنها على طول و خد القرار , انه ما ينفعش الاكل ده يبقى في بطنك ,
لاحظ انه لو ما كانش عرف ما كانش هيبقى فيه أدنى مشكلة ,
طب خدلي بالك معاك كده -بدل ما انت سايبه على الكنبة ؛) - انت ايه اللي خالاك تاخد فكرة أصلا عن الاكل ده انه مش حلو , هو انت دقته قبل كده ؟؟ لأ , يبقى تخزنة عندك في شعور سلبي ليه ؟
أهي هي الحياة كدة ,
هي هي , مش بتتغير , اللي بيحصل لك , بيحصل لملايين غيرك , طب ليه فيه ناس بتنجح و ناس لأ ؟
المشكلة مش في الواقع و لا في الظروف , المشكلة في رؤيتنا للواقع و الظروف ,
و الشخص الفاشل أو المتشائم هيفضل فاشل و متشائم حتى لو الظروف حواليه اتغيرت , لأن المشكلة فيه هو , مش في الظروف ,
و الناجح هينجح , لأنه هيحط في دماغه ان كل حاجة وحشه هيشوفها في دماغة بحاجة حلوة ,
- يا عم عاوزنا "نشتغل" نفسنا يعني ؟
و فيها ايه لما تشتغل نفسك و تضحك عليها في سبيل انك تعيش مبسوط و ناجح ؟
مثلا أنا لما كنت بادخل امتحان الشفوي ,
كنت باقول ياااااه , ده الدكتور هيستفرد بيا و يسلخني جوه , و أتوتر بقى و العملية تبوظ ,
لكن قلت طيب ما "اشتغل" نفسي , و أقول , ان الدكتور "هيتناقش" معايا !!! و "سنتحاور حول القضايا العلمية المختلفة " , طبعا باشتغل نفسي , بس الطريقة نفعت , ما بقتش أتوتر قبل الامتحان , بادخل و أنا مرفوع الرأس - و بلاش أقول باطلع ازاي  - ,و باعرف أجاوب و الحمد لله ,
في الشغل مثلا , الناس كلها بتتكلم عن البطالة و غيرها , و ان مافيش شغل و الحالة بايظة ,
ليه ما تبصش من وجهة نظر أخر , ان الشغل ما بقاش أي كلام زي زمان , و ان فيه شغل محترم للناس اللي بجد , و تحاول تطور نفسك , و تعرف ان ده خير ليك , لأنه هيخليك تبقى أحسن , يعني هيدفعك انك تطور من نفسك علشان تلاقي شغل , -الله أعلم , ممكن لما أخلص كلية أقول زيهم , ربنا يستر -
يعني أنا مثلا في الكلية -هو كل شوية أنا أنا ؟؟ معلش أصلي ما أعرفش ناس كتير - باحول أتعلم ألماني -على أساس ان الصناعة الالمانية مستنياني- و أعرف شوية عن الأقسام التانية في الكلية و تداخلها مع القسم بتاعي و هكذا , و ده هيخليني أحن مما لو كان فيه تكليف مثلا زي الطب , كان زماني نايم في الخط و "مأنتخ" و حاطط رجل على رجل و مستني التعيين ,
ياااااااه ده أنا "أخذتني الجلالة " و أنا طولت قوي ,
معلش , أنا بس حبيت أوضح بس شكلي "أفورت" -over- -على فكرة , انت قلتها قبل كدة ؛) - ,
و قبل ما أمشي عاوز بس أذكر حديث للرسول -صلى الله عليه و سلم- :
عن ابن عباس: أن النبي صلى الله عليه وسلم دخل على أعرابي يعوده وكان إذا دخل على مريض يعوده قال: "" لا بأس ، طهور إن شاء الله "" فقال له: "" لا بأس طهور إن شاء الله "" . قال: كلا بل حمى تفور ، على شيخ كبير ، تزيره القبور . فقال: "" فنعم إذن "" . رواه البخاري
الشاهد من الحديث انه لما الأعرابي قال لأ ده أناتعبان قوي , الرسول -صلى الله عليه وسلم- قال له فنعم إذا , يعني خلاص هيحصل اللي انت بتقوله , بتقول حمى و هتموت يبقى هتموت , و لو عاوز تقول ربنا هيشفيني إن شاء الله يبقى ربنا هيشفيك ,
و قوله -صلى الله عليه وسلم- : "تفاءلوا بالخير تجدوه" , أظن ده بقى واضح قوي ,و مش عاوز شرح , صح ؟
آسف طولت عليكم ,
و أرجو لو حد استفاد يدعيلي "اللهم تب عليه ,اللهم وفقه لما تحب و ترضى, اللهم أدخله الجنة و أجره من النار"
آه صح , فيه ملف عن الحوار ده في المرفقات , لو عاوز تزود الجرعة أو لو أنا لخبطك و لا حاجة , الملف مش بتاعي طبعا , ممكن أسلوبه يكون مختلف عني فتفهم من غير لخبطة ,,,
و .......... ربنا يسهل و آكل المسقعة
__________________
--
وَلَوْ أَنَّهُمْ فَعَلُواْ مَا يُوعَظُونَ بِهِ لَكَانَ خَيْرًا لَّهُمْ وَأَشَدَّ تَثْبِيتًا
--
قال عبد الله بن عمر : ( إن الرجل ليستخير الله فيختار له ، فيسخط على ربه ، فلا يلبث أن ينظر في العاقبة فإذا هو قد خار له ).
--------
صغيرٌ يشتهى كبراً.... وشيخٌ ود لو صَغُرا
و ربُّ المال فى تعبٍ .... و فى تعبٍ من افتقرا
و خالٍ يبتـــغى عمـلا.... و ذو عملٍ به ضجِرا
و يشقى المرء منهزماً .... و لايرتاح منتصرا
---------------
!!!aufwiedersehn
i've made up my mind
------
|
|
|
|
15-02-2008, 10:23 PM
|
#2 (رابط ثابت)
|
|
... . . ...
تاريخ التسجيّل: Apr 2007
الإقامة: EgYpT
المشاركات: 6,042
|
تمام كلامك يا ابراهيم
انا برضو ماكنتش بحب المسقعة
بس من هنا و رايح مش هاكل غيرها
اسلوبك فالكلام و الفهم حلو
و كل مواضيعك مفيدة
متابعينك يا بشمهندس 
__________________
رَبِّ قَدْ آتَيْتَنِي مِنَ الْمُلْكِ وَعَلَّمْتَنِي مِن تَأْوِيلِ الأَحَادِيثِ فَاطِرَ السَّمَاوَاتِ وَالأَرْضِ أَنتَ وَلِيِّي فِي الدُّنُيَا وَالآخِرَةِ تَوَفَّنِي مُسْلِمًا وَأَلْحِقْنِي بِالصَّالِحِينَ
مراقب عالم الكومبيوتر و الانترنت ,
اضحك كركر بس تفكر
|
|
|
|
|
15-02-2008, 11:10 PM
|
#3 (رابط ثابت)
|
|
gone with my sins
تاريخ التسجيّل: Jan 2007
الإقامة: inside my mind
المشاركات: 1,285
|
الله يخليك يا باشمهندس حازم
دايما بتحرجنا بذوقك كدة
و على فكرة , الكلام اللي توقيعك الجديد عجبني قوي .... سكلك ليك في التنمية البشرية , صح ؟؟
__________________
--
وَلَوْ أَنَّهُمْ فَعَلُواْ مَا يُوعَظُونَ بِهِ لَكَانَ خَيْرًا لَّهُمْ وَأَشَدَّ تَثْبِيتًا
--
قال عبد الله بن عمر : ( إن الرجل ليستخير الله فيختار له ، فيسخط على ربه ، فلا يلبث أن ينظر في العاقبة فإذا هو قد خار له ).
--------
صغيرٌ يشتهى كبراً.... وشيخٌ ود لو صَغُرا
و ربُّ المال فى تعبٍ .... و فى تعبٍ من افتقرا
و خالٍ يبتـــغى عمـلا.... و ذو عملٍ به ضجِرا
و يشقى المرء منهزماً .... و لايرتاح منتصرا
---------------
!!!aufwiedersehn
i've made up my mind
------
|
|
|
|
|
15-02-2008, 11:48 PM
|
#4 (رابط ثابت)
|
|
... . . ...
تاريخ التسجيّل: Apr 2007
الإقامة: EgYpT
المشاركات: 6,042
|
تؤ تؤ
مش ليا خالص
بس اديني بتعلم منك و بنتظر كل مواضيعك
ربنا يزيدك يا بشمهندس و تقدر تفيد ناس كتير
__________________
رَبِّ قَدْ آتَيْتَنِي مِنَ الْمُلْكِ وَعَلَّمْتَنِي مِن تَأْوِيلِ الأَحَادِيثِ فَاطِرَ السَّمَاوَاتِ وَالأَرْضِ أَنتَ وَلِيِّي فِي الدُّنُيَا وَالآخِرَةِ تَوَفَّنِي مُسْلِمًا وَأَلْحِقْنِي بِالصَّالِحِينَ
مراقب عالم الكومبيوتر و الانترنت ,
اضحك كركر بس تفكر
|
|
|
|
|
16-02-2008, 08:09 PM
|
#5 (رابط ثابت)
|
|
gone with my sins
تاريخ التسجيّل: Jan 2007
الإقامة: inside my mind
المشاركات: 1,285
|
الله يخليك يا باش مهندس حازم
و يرفع من روحك المعنوية زي ما انت عامل معايا كده على طول
__________________
--
وَلَوْ أَنَّهُمْ فَعَلُواْ مَا يُوعَظُونَ بِهِ لَكَانَ خَيْرًا لَّهُمْ وَأَشَدَّ تَثْبِيتًا
--
قال عبد الله بن عمر : ( إن الرجل ليستخير الله فيختار له ، فيسخط على ربه ، فلا يلبث أن ينظر في العاقبة فإذا هو قد خار له ).
--------
صغيرٌ يشتهى كبراً.... وشيخٌ ود لو صَغُرا
و ربُّ المال فى تعبٍ .... و فى تعبٍ من افتقرا
و خالٍ يبتـــغى عمـلا.... و ذو عملٍ به ضجِرا
و يشقى المرء منهزماً .... و لايرتاح منتصرا
---------------
!!!aufwiedersehn
i've made up my mind
------
|
|
|
|
|
16-02-2008, 08:39 PM
|
#6 (رابط ثابت)
|
|
مجنونه فى السرايا الصفرا
تاريخ التسجيّل: Apr 2007
الإقامة: مصر ( المنصورة)
المشاركات: 5,987
|
اسلةب جميل وبيشد قوى
فعلا وجهة نظرك حلوة وشرح لطيف
سلمت يداك
__________________
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
|
|
|
|
|
16-02-2008, 08:58 PM
|
#7 (رابط ثابت)
|
|
شهيدة لله
تاريخ التسجيّل: Nov 2005
المشاركات: 16,692
|
موضوع جميل جدا
لازم الانسان يكون عنده حسن ظن بالله
انا فاكرة في يوم كان خطيبي مسافر في نفس اليوم ده والمفروض هايغيب شهر وده كلام اكيد
وكنت بكلم صاحبتي وبقولها يارب ييجي بكرة  قالتلي قولي يارب بعد اسبوع
قولتلها لا بكرة مفيش حاجة بعيدة على ربنا
والله سبحان الله فعلا جه في المعاد اللي اتمنيته
لاني وانا بادعي كان عندي يقين ان ربنا هايستجيب ليا
فياريت اي انسان بيدعي يكون عنده يقين ان دعاؤه مستجاب
وباذن الله ده هايحصل
بس برده ونفسي اكل المسقعه لاني مش باكلها
__________________
اشراف عام متخصص لبوابة ابن مصر
|
|
|
|
|
16-02-2008, 09:42 PM
|
#8 (رابط ثابت)
|
|
عمر
تاريخ التسجيّل: Oct 2007
الإقامة: egypt - red sea
المشاركات: 5,974
|
إبراهيم ...
مقال جميل ..دعوه للإيجابيه و العمل .... تسلم ايدك
تسلم لينا يارب
|
|
|
|
|
16-02-2008, 11:01 PM
|
#9 (رابط ثابت)
|
|
gone with my sins
تاريخ التسجيّل: Jan 2007
الإقامة: inside my mind
المشاركات: 1,285
|
إقتباس:
المشاركة الأصلية بواسطة hend
اسلةب جميل وبيشد قوى
فعلا وجهة نظرك حلوة وشرح لطيف
سلمت يداك
|
جزاك الله خيرا أخت هند
و الحمد لله انه شدك , مع انه طويل قوي
__________________
--
وَلَوْ أَنَّهُمْ فَعَلُواْ مَا يُوعَظُونَ بِهِ لَكَانَ خَيْرًا لَّهُمْ وَأَشَدَّ تَثْبِيتًا
--
قال عبد الله بن عمر : ( إن الرجل ليستخير الله فيختار له ، فيسخط على ربه ، فلا يلبث أن ينظر في العاقبة فإذا هو قد خار له ).
--------
صغيرٌ يشتهى كبراً.... وشيخٌ ود لو صَغُرا
و ربُّ المال فى تعبٍ .... و فى تعبٍ من افتقرا
و خالٍ يبتـــغى عمـلا.... و ذو عملٍ به ضجِرا
و يشقى المرء منهزماً .... و لايرتاح منتصرا
---------------
!!!aufwiedersehn
i've made up my mind
------
|
|
|
|
|
16-02-2008, 11:02 PM
|
#10 (رابط ثابت)
|
|
gone with my sins
تاريخ التسجيّل: Jan 2007
الإقامة: inside my mind
المشاركات: 1,285
|
شكرا على المرور أختي عتاب ,
و حق ما تقولين , فقد قال رسول الله -صلى الله عليه و سلم - : "إذا دعا أعدكم فليعظم الرغبة , فإن الله لا يتعاظمه شيء "
__________________
--
وَلَوْ أَنَّهُمْ فَعَلُواْ مَا يُوعَظُونَ بِهِ لَكَانَ خَيْرًا لَّهُمْ وَأَشَدَّ تَثْبِيتًا
--
قال عبد الله بن عمر : ( إن الرجل ليستخير الله فيختار له ، فيسخط على ربه ، فلا يلبث أن ينظر في العاقبة فإذا هو قد خار له ).
--------
صغيرٌ يشتهى كبراً.... وشيخٌ ود لو صَغُرا
و ربُّ المال فى تعبٍ .... و فى تعبٍ من افتقرا
و خالٍ يبتـــغى عمـلا.... و ذو عملٍ به ضجِرا
و يشقى المرء منهزماً .... و لايرتاح منتصرا
---------------
!!!aufwiedersehn
i've made up my mind
------
|
|
|
|
|
16-02-2008, 11:04 PM
|
#11 (رابط ثابت)
|
|
gone with my sins
تاريخ التسجيّل: Jan 2007
الإقامة: inside my mind
المشاركات: 1,285
|
إقتباس:
المشاركة الأصلية بواسطة omarr
إبراهيم ...
مقال جميل ..دعوه للإيجابيه و العمل .... تسلم ايدك
تسلم لينا يارب
|
ألف شكر يا أخ عمر على المرور
على فكرة
ممممم مش عارف أنا نفسي أتعرف عليك أكتر ليه ؟؟
بصراحة انت قربت من قلبي قوي ,
ربنا يخليك لينا كمان
__________________
--
وَلَوْ أَنَّهُمْ فَعَلُواْ مَا يُوعَظُونَ بِهِ لَكَانَ خَيْرًا لَّهُمْ وَأَشَدَّ تَثْبِيتًا
--
قال عبد الله بن عمر : ( إن الرجل ليستخير الله فيختار له ، فيسخط على ربه ، فلا يلبث أن ينظر في العاقبة فإذا هو قد خار له ).
--------
صغيرٌ يشتهى كبراً.... وشيخٌ ود لو صَغُرا
و ربُّ المال فى تعبٍ .... و فى تعبٍ من افتقرا
و خالٍ يبتـــغى عمـلا.... و ذو عملٍ به ضجِرا
و يشقى المرء منهزماً .... و لايرتاح منتصرا
---------------
!!!aufwiedersehn
i've made up my mind
------
|
|
|
|
|
16-02-2008, 11:10 PM
|
#12 (رابط ثابت)
|
|
مشرف
تاريخ التسجيّل: Jan 2007
المشاركات: 4,927
|
اهلا ابراهيم
موضوع مميز ومفيد مثل باقي مواضيعك
شكرا لك
__________________
أَنا ... وثمَّةَ حالمونَ مثلي
مازلنا حافلينَ
ومازلنا محتفلينَ
بفيضِ الخلاصِ
الذي يُشبهُ نور اليقينِ
في الأَبدية .
|
|
|
|
17-02-2008, 06:24 PM
|
#13 (رابط ثابت)
|
|
gone with my sins
تاريخ التسجيّل: Jan 2007
الإقامة: inside my mind
المشاركات: 1,285
|
شكرا جزيلا أخت ضحى على المرور
و الحمد لله ان مواضيعي بتعجبكم
__________________
--
وَلَوْ أَنَّهُمْ فَعَلُواْ مَا يُوعَظُونَ بِهِ لَكَانَ خَيْرًا لَّهُمْ وَأَشَدَّ تَثْبِيتًا
--
قال عبد الله بن عمر : ( إن الرجل ليستخير الله فيختار له ، فيسخط على ربه ، فلا يلبث أن ينظر في العاقبة فإذا هو قد خار له ).
--------
صغيرٌ يشتهى كبراً.... وشيخٌ ود لو صَغُرا
و ربُّ المال فى تعبٍ .... و فى تعبٍ من افتقرا
و خالٍ يبتـــغى عمـلا.... و ذو عملٍ به ضجِرا
و يشقى المرء منهزماً .... و لايرتاح منتصرا
---------------
!!!aufwiedersehn
i've made up my mind
------
|
|
|
|
|
|
مواضيع مشابهة
النمط الخطي
