عايزة اعرف ايه السبب؟؟؟ضرورى حد يرد

[روح الجمال2007]

انا عندى واحده صحبتى من فترة كدة من الصيف تقريبا بتلاقى دم فى البراز وكل فترة بيحصل انها بتلاقى دم فى البراز يعنى مش باستمرار كل اسبوعين تلاته والدم بيكون معاه زى المخاط كدة وبتحس انها من اقل مجهود بتتعب اوى مع العلم انها لما الدم بينزل مع البراز بيكون عندها امساك جامد اوىومش بيكون فى الم

[نرجسية]

ممكن يكون الامساك هو السبب فى الدم و اللى كان سبب فى حدوث تقرحات فى القولون و المستقيم

صاحبتك دى لازم تشرب ماية كويس و تاكل أغذية فيها ألياف زى الخضراوات و الفاكهة كتير

و عشان نطمئن حنطلب منها تعمل تحليل للبراز

[روح الجمال2007]

متشكرة على ردك وانا هنصحها ان شاء الله انها لازم تعمل تحاليل وهنصحها بانها تشرب مايه كتير وخضروات والفاكهه بس انا ما فهمتش يعنى ممكن تكون عندها حاجه فى القولون يعنى ولا ايه

[نرجسية]

يعنى الامساك الشديد ممكن يؤذى القولون و يعمل التهابات

لما تعمل التحليل ابقى تعالى ورينا نتيجته

[روح الجمال2007]

ان شاء الله وشكرا لاهتمامك

[روح الجمال2007]

معلش انا عارفه انى رزلت عليكى اوى وتعبتك معايا بس ليه سؤال هى سالتهوليلى ان الدم فى البراز بيجى كل فترة فهى تروح فى اى وقت تعمل تحاليل ولا تستنى لما يكون فى دم فى البراز وتروح تحلل اقصد يعنى انها لو راحت دلوقتى ومفيش دم دة هيظهر فى تحاليل ولا ايه معلش انا طولت عليكى وانا اسفه مرة تانيه ويارب يجعله فى ميزان حسناتك يارب

[نرجسية]

لا يا عزيزتى لا تعب و لا حاجة
بالعكس أنا بافرح قوى لما باساعد غيرى
و أتمنى انى أكون باقدم مساعدة حقيقية و مفيدة

أنا باقول انها تروح تحلل دلوقتى بغض النظر عن أى حاجة تانية
لأن الدم و المخاط حيظهروا فى التحليل بالتأكيد
بس عايزين نشوف هل فيه طفيليات أو لأ

[روح الجمال2007]

اه شكرا لكى وجزاكى الله خيرا