إيقاف عصام الحضري

[BATISTA]

قرر الأهلي إيقاف عصام الحضري بعد سفر الأخير إلى سويسرا للاحتراف في سيون بدون علم النادي، كما طالب النادي اتحاد كرة القدم المصري بعدم إرسال البطاقة الدولية للاعب لعدم صحة رحيله.

وقال القيعي في تصريحات إن الأهلي أبلغ اتحاد الكرة بقرار إيقاف الحضري لسفر اللاعب دون علم الاهلي رغم تعاقده معه.

وأضاف القيعي أن اللاعب لا يحق له الرحيل بتلك الصورة في منتصف الموسم دون الاهتمام برأي النادي.

وتقضي المادة رقم 17 من قانون الاتحاد الدولي بأن اللاعب الذي تخطى 28 عاما من عمره، ومر من عقده مع ناديه عامين أو أكثر، يحق له فسخ التعاقد من طرف واحد.

واشترط الفيفا أن يُخطر اللاعب ناديه قبل فسخ العقد بـ15 يوما، وفي حال عدم حدوث ذلك توقع عليه عقوبات مالية.

وتابع القيعي أن النادي لابد أن يعلم بقرار اللاعب قبل 15 يوما على الأقل من سفره، وهو ما لم يحدث.

[BATISTA]

نتمنى ان ينتهى الموضوع على خير

خصوصا ان عصام أفضل حارس مرمى فى افريقيا ولا يعجبنى ردود البعض بان يعنى اية راح فى أمير


راى الخاص ان صعب حد يحل مكان عصام الحضرى

واتمنى ان تنتهى المشكلة على خير ولا يحدث صدام بين عصام الحضرى ومجلس ادارة الاهلى

[b_smsm]

مشكور يا باتيستا علي نقل الخبر

اعتقد ان الحضري حط نفسه في موقف لا يحسد عليه
بس ده رد فعل طبيعى للمعاملة اللى بتتعامل بيها اللاعبين في مصر
خصوصا لما لاعب يحب يحترف مفيش حد بيديله الفرصه نهائي
والكلام ده شفناه مع عمرو زكى واصرار ممدوح عباس علي عدم احتراف اللاعب
اتمنى التوفيق للحضري واتمنى ان ادارة النادى الاهلي تحاول انهاء الموضوع
دون خسائر للنادى او للاعب

[BATISTA]

المشاركة الأصلية بواسطة b_smsm

مشكور يا باتيستا علي نقل الخبر

اعتقد ان الحضري حط نفسه في موقف لا يحسد عليه
بس ده رد فعل طبيعى للمعاملة اللى بتتعامل بيها اللاعبين في مصر
خصوصا لما لاعب يحب يحترف مفيش حد بيديله الفرصه نهائي
والكلام ده شفناه مع عمرو زكى واصرار ممدوح عباس علي عدم احتراف اللاعب
اتمنى التوفيق للحضري واتمنى ان ادارة النادى الاهلي تحاول انهاء الموضوع
دون خسائر للنادى او للاعب

بخصوص عمرو زكى مين قال ان ممدوح عباس اصر على عدم احتراف عمرو زكى ؟

الموضوع ان مافيش عرض يليق بالاعب ولم يصل للنادى عرض رسمى من اى نادى ثانيا الزمالك قام بمكافأة عمرو زكى بالغاء كافة الغرامات التى كانت وقعت علية والبالغة 300.000 جنية مصرى مكافأة للاعب كما تم وعدة بوجود تسهيلات لة فى حالة الاحتراف

[amr3x]

اتمنى الموضوع ينتهى ودى... لان كل الكلام دلوقت ضد الحضري و فيه خطر على مستقبله وان اى حكم للفيفا هيكون مش فى مصلحته وده طبعا خساره كبيره .....

[b_smsm]

المشاركة الأصلية بواسطة BATISTA

بخصوص عمرو زكى مين قال ان ممدوح عباس اصر على عدم احتراف عمرو زكى ؟

الموضوع ان مافيش عرض يليق بالاعب ولم يصل للنادى عرض رسمى من اى نادى ثانيا الزمالك قام بمكافأة عمرو زكى بالغاء كافة الغرامات التى كانت وقعت علية والبالغة 300.000 جنية مصرى مكافأة للاعب كما تم وعدة بوجود تسهيلات لة فى حالة الاحتراف

قبل بداية البطولة وصل للنادى عرض من نادى ويجان الانجليزى

اظن العقد ده كان صحيح وتناولته كل الصحف بالصورة والفاكسات المرسلة للنادى الزمالك
ومماطله ممدوح عباس كان بيزود في المقابل المادى حتى وصل ل50 مليون جنيه مصري
ووافق نادى ويجان علي العرض مع امكانية زيادة العرض في حالة موافقه نادى الزمالك
ولكن ممدوح عباس كان ليه راي اخر بان عمرو زكى هيتئلق في البطولة الافريقية
وهيجيلو عروض احسن وللاسف حصل العكس

[koko15]

انا زعلانة بجد انا من عشاق عصام الحضرى ياريت تبلغونا بالجديد اول باول
(شيرين)

[eshoo4ever]

الحضرى حط الاهلى فى موقف صعب
بعد ان القائمة الافريقية كمان اتقفلت
وصعب حد يكون مكانة فى الاهلى او المنتخب
ياخبر بفلوس بكرة يبقى ...
ايدنا ننتظر الى هيحصل

[نرجسية]

النظام فى النادى الأهلى صارم جداً
و صعب التراجع فى قرار الاستغناء عن خدمات الحضرى
طبعاً حاجة تزعل انها تطلع من لاعب كبير زى الحضرى

النادى الأهلى رفض الصفقة لأن العرض كان متواضع و النادى مش معروف

أما عصام الحضرى بيقول ان عمره 35 سنة و ان ما كانش حيحترف دلوقتى حيحترف امتى
و تعليقاً له على ما اذا كان النادى السويسرى حيحقق له طموحاته
قال أنه نادى متواضع لكنه هو العرض الوحيد اللى جاله دلوقتى و هو محتاج يلعب فى أوروبا عشان الناس تشوفه

يعنى يا عصام ماحدش شافك فى كاس أفريقيا ؟!!!

السماسرة بيتفرجوا و مدربى الأندية بيتفرجوا
و أعتقد أنه لفت نظر العالم كله

ياريته كان انتظر شوية لما يجيله عرض يتناسب مع حجمه كلاعب حصل على بطولات دولية و محلية
و بدل ما يهرب من ناديه بالشكل المخجل ده و يتركه فى نص الموسم


شكرا باتيستا على المتابعة الطازجة للأخبار الرياضية

[الورد الجوري]

اهلا محمد
خبر بجد يزعل
لا لشيء الا عشان التصرف لايليق بلاعب المفروض انه
له قيمته على الساحه الرياضيه
و الاضواء مسلطه عليه
و الانتظار كان افضل من الهروب لان محدش بياخد الا نصيبه و اللي فيه الخير ليه
يللا قدر الله و ما شاء فعل
شكرا محمد على الاخبار

[فرجينيا]

شايف يا عبد المنصف الناس لما بتتخنق بتعمل ايه حاول كده واهرب زيه وصدقني محدش في الزمالك هايوقفك

ياسلام ياباتيستا لو موضوع احتراف الحضري فشل ورجع مصر والاهلي رفض ياخده والزمالك ياخده زي ابراهيم سعيد كده
وساعتها بقى يبقى في الزمالك

معلش ياجماعه اعذروني واحده ومخنوقه من فريقها

[فرجينيا]

بجد الحضري طلع غبي جدا وساذج جدا
ويستحق اي حاجه تحصله لانه طماع
احسن لاعب في افريقيا مرتين واحسن حارس في بلده والاهلي احسن فريق في افريقيا
واتعمله اغاني باسمه والناس بتحبه في كل مكان والمكافات تنهال عليه بصفه خاصه
عايز ايه تاني
صحيح ابن ادم مايملاش عينه الا التراب
انا مش عارفه هو مشي ليه لا الفرقه كبيره ولا العرض مغري ولا الاهلي ظالمه ولا محتاج فلوس

[BATISTA]

المشاركة الأصلية بواسطة b_smsm

قبل بداية البطولة وصل للنادى عرض من نادى ويجان الانجليزى

اظن العقد ده كان صحيح وتناولته كل الصحف بالصورة والفاكسات المرسلة للنادى الزمالك
ومماطله ممدوح عباس كان بيزود في المقابل المادى حتى وصل ل50 مليون جنيه مصري
ووافق نادى ويجان علي العرض مع امكانية زيادة العرض في حالة موافقه نادى الزمالك
ولكن ممدوح عباس كان ليه راي اخر بان عمرو زكى هيتئلق في البطولة الافريقية
وهيجيلو عروض احسن وللاسف حصل العكس

اية الى حصل العكس .؟

طبيعى لاعب قبل بطولة كاس الامم يجى لة عرض من نادى ومن المتوقع ان الاعب دة يتالق فى كاس الامم يبقى تفكير سليم من ممدوح عباس عدم التفريط فى الاعب الى بعد البطولة تفكير 100% وفعلا عمرو تالق واحرز 4 أهداف فى البطولة ومش معنى كدة ان تانى يوم يجى لة عرض لان البطولة لسة منتهية مايكملش من 12 يوم وكل العروض الى سمعناة عنها عن الارسنال لعصام واميلان لحسنى ولزيو لفتحى كلها عروض غير فعلية وكانت اشاعات

اعتقد ان لسة مش فاهمين يعنى اية حصل العكس .................

[The Master]

شكرا يا باتيستا

[BATISTA]

المشاركة الأصلية بواسطة نرجسية

النظام فى النادى الأهلى صارم جداً
و صعب التراجع فى قرار الاستغناء عن خدمات الحضرى
طبعاً حاجة تزعل انها تطلع من لاعب كبير زى الحضرى

النادى الأهلى رفض الصفقة لأن العرض كان متواضع و النادى مش معروف

أما عصام الحضرى بيقول ان عمره 35 سنة و ان ما كانش حيحترف دلوقتى حيحترف امتى
و تعليقاً له على ما اذا كان النادى السويسرى حيحقق له طموحاته
قال أنه نادى متواضع لكنه هو العرض الوحيد اللى جاله دلوقتى و هو محتاج يلعب فى أوروبا عشان الناس تشوفه

يعنى يا عصام ماحدش شافك فى كاس أفريقيا ؟!!!

السماسرة بيتفرجوا و مدربى الأندية بيتفرجوا
و أعتقد أنه لفت نظر العالم كله

ياريته كان انتظر شوية لما يجيله عرض يتناسب مع حجمه كلاعب حصل على بطولات دولية و محلية
و بدل ما يهرب من ناديه بالشكل المخجل ده و يتركه فى نص الموسم


شكرا باتيستا على المتابعة الطازجة للأخبار الرياضية

المشاركة الأصلية بواسطة الورد الجوري

اهلا محمد
خبر بجد يزعل
لا لشيء الا عشان التصرف لايليق بلاعب المفروض انه
له قيمته على الساحه الرياضيه
و الاضواء مسلطه عليه
و الانتظار كان افضل من الهروب لان محدش بياخد الا نصيبه و اللي فيه الخير ليه
يللا قدر الله و ما شاء فعل
شكرا محمد على الاخبار

المشاركة الأصلية بواسطة فرجينيا

شايف يا عبد المنصف الناس لما بتتخنق بتعمل ايه حاول كده واهرب زيه وصدقني محدش في الزمالك هايوقفك

ياسلام ياباتيستا لو موضوع احتراف الحضري فشل ورجع مصر والاهلي رفض ياخده والزمالك ياخده زي ابراهيم سعيد كده
وساعتها بقى يبقى في الزمالك

معلش ياجماعه اعذروني واحده ومخنوقه من فريقها

المشاركة الأصلية بواسطة فرجينيا

بجد الحضري طلع غبي جدا وساذج جدا
ويستحق اي حاجه تحصله لانه طماع
احسن لاعب في افريقيا مرتين واحسن حارس في بلده والاهلي احسن فريق في افريقيا
واتعمله اغاني باسمه والناس بتحبه في كل مكان والمكافات تنهال عليه بصفه خاصه
عايز ايه تاني
صحيح ابن ادم مايملاش عينه الا التراب
انا مش عارفه هو مشي ليه لا الفرقه كبيره ولا العرض مغري ولا الاهلي ظالمه ولا محتاج فلوس

تم اقتباس كل الردود لان الرد واحد

ياجماعة الله أعلم بظروفة يمكن عصام حاسس ان العرض دة يقدر بية يأمن مستقبل أولادة وثانيا محدش يعرف الى بيدور خلف الكواليس لازم مانتسرعش فى اصدار الاحكام