من حبيبي اه .. من عدوي لأ

[الورد الجوري]

السلام عليكم و رحمة الله و بركاته
ايه اخبار الجميع ؟؟
يارب تكونوا جميعا بخير و بصحه ممتازة
النهارده عايزة اتكلم عن صفه في مجتمعنا
الصفه دي غايظاني جدا جدا
و بتخنق اي حد

زمان سمعنا في الامثال الشعبيه
" حبيبك يبلعلك الزلط و عدوك يتمنالك الغلط "
عن نفسي مصدقه المثل ده
و ده فعلا بيحصل و كتير جدا جدا
و مفيش فينا حد دائم السماح
و لا فينا حد مش بيغلط
و لا فينا حد مثالي و حياته بالمسطره و القلم
واللي هيقول غير كده " هيكون بوشين "
لان الرسول عليه افضل الصلاه و السلام قال
" كل بني آدم خطاء ، و خير الخطائين التوابون "
و استكمالا للموضوع
كتير قوي بشوف ناس متعصبه و اجي اهديهم
يردو : لا اي حد يقول الكلمه دي ماشي انما فلان ده بالذات ..لأ

اللي عايزة اعرفه بقى
ياترى بتتعامل ازاي ؟؟
ياترى بتبلع الزلط لاحبابك كلهم ؟؟ و لا في كده و في كده ؟؟
ياترى ليك اعداء بتتمنالهم الغلط ؟؟
ياترى قبل كده مسكت سناره و فضلت تتصيد لحد اخطاؤه ؟؟
طيب امتى حصل ؟؟ و كانت ايه مبرراتك ؟؟
و ياترى ممكن الكلمه ايا كانت تتعامل معاها باكتر من وجه ؟؟
يعني لو حبيب قال (...) هتضحك و لو عدو قال (...) هتتعصب ؟
ياريت اسمع آراءكم و ياريت تكون وقفة صراحه
مع النفس و مع اخواتنا هنا في المنتدى

تحياتي للجميع

[زهره مصر]

ولا الموضوع رائع تحياتي علي هذا الموضوع
ياترى بتبلع الزلط لاحبابك كلهم ؟؟ و لا في كده و في كده ؟؟
في حاجات الواحد بيحاول يستحملها من ناس معينه بيكونه مش فهمين هم بيقوله ايه بس ناس معينه وناس تانيه لا طبعا
ياترى ليك اعداء بتتمنالهم الغلط ؟؟
ياترى قبل كده مسكت سناره و فضلت تتصيد لحد اخطاؤه ؟؟
طيب امتى حصل ؟؟ و كانت ايه مبرراتك ؟؟
لا انا الحمد لله مليش اي اعداء بس انا من الشخصيات اللي مبتمناش حد يغلط او استني غلط من حد لو غلط معايا ده اللي احسبه عليه
و ياترى ممكن الكلمه ايا كانت تتعامل معاها باكتر من وجه ؟؟
الكلمه بتكون علي حسب الطريقه ممكن اسمعها من اكتر من شخص بس طريقه الالقاء نفسها هي اللي بتختلف بس لو بنفس الطريقه بخدها عادي جدا بنفس الروح سواء من حبيب او حد تاني
تحياتي ليكي

[مستر كاراتيه]

ياترى بتبلع الزلط لاحبابك كلهم ؟؟ و لا في كده و في كده ؟؟

طبعا بدون مبالغه كلهم


ياترى ليك اعداء بتتمنالهم الغلط ؟؟
الحمد لله مليش أعداء ولو فى ناس بتعتبرنى عدو وبتتمنالى الغلط بدعيلهم ربنا يهديهم .. يمكن بعد كده يكونوا اصحابى ..انا اتعودت ان انا لو مش عاوز أتعامل مع حد على الاقل مخسروش

ياترى قبل كده مسكت سناره و فضلت تتصيد لحد اخطاؤه ؟؟طيب امتى حصل ؟؟ و كانت ايه مبرراتك ؟؟

فعلا حصل معايا كده فى وقت كنت محتاج فيه ان الدنيا تبقى فعلا زى المسطره .. كنت محتاج ان كل حاجه تمشى صح فى الوقت ده وللأسف خسرت بسبب تصرفى ده أعز وأقرب الناس ليا .. وندمان طبعا على كده ... ومش هاقول هما ماستحملونيش ..اكيد برضه انا غلطان


و ياترى ممكن الكلمه ايا كانت تتعامل معاها باكتر من وجه ؟؟
يعني لو حبيب قال (...) هتضحك و لو عدو قال (...) هتتعصب ؟؟

اه بصراحه حسب الشخصيه اللى قدامى .. واللى علمنى كده شغلى انى اتعامل مع كل كلمه حسب الشخصيه اللى بتنطقها ... وكمان الشغل فى التجاره بيعلم الواحد انه يتعامل مع الناس بسوء الظن لحين اثبات العكس .. مع ان ده ضد مبادئى بس بضطر انى اتصرف كده أوقات ..

بجد توبك رائع حسيت انى بتكلم مع واحد صاحبى وأخدت راحتى وجاوبت بكل صراحه
دمتى لنا بكل طيبه وود وأحترام

[نيهال]

صباح الخير يا ورد........

بجد احيان كتير مش بعرف بتجيبى الامثال دى منين
كانك كنتى فى مصر من وانتى صغنونه
والله بحييك انك بتعرفى تبحثى .......ههههههه

بصى يا جميل
اكيد طبعا المثل صح فى حياتنا كلنا.......بدليل ان اصحابى لانهم طبعا بيحبونى(هههه) بيعدولى حاجات كتير لانهم عارفين انى مش اقصدها بالمعنى الحرفى
وبالمثل معايا
انما جزئيه ان عدوى يتمنالى الغلط.....دى مش متاكده منها
بس الظاهر ان لو حد مش تعرفيه كويس وكل علاقتكم زمايل وخلاصى
يبقى مش حيعدى الامور .....بس جزئيه انه يكون سعيد لما اغلط
جايز وجايز لا


بلتمس النيه الطيبه فى اللى قدامى لحد ما يثبت عكسها....ده مبدا......الا اذا كان احساسى بيقولى حاجه تانيه

فهمانى يا ورد؟؟؟

[رؤيه]

المشاركة الأصلية بواسطة الورد الجوري

اهلا ياورد كلاكيت تانى مره يارب المره دى النت يفصل عشان ارفع عليكى قضيه

اللي عايزة اعرفه بقى
ياترى بتتعامل ازاي ؟؟
ياترى بتبلع الزلط لاحبابك كلهم ؟؟ و لا في كده و في كده ؟؟
بصراحه فى كده وفى كده مش كلو معزه وحده وطبعا على حسب الكلام اللى بيتقالى فى حاجات حعديها وحاجات لا
ياترى ليك اعداء بتتمنالهم الغلط ؟؟
اعتقد مليش بس فى ناس مش بتحبنى لله فى لله مش بستلطفنى يعنى بس اعداء معتقدش
ياترى قبل كده مسكت سناره و فضلت تتصيد لحد اخطاؤه ؟؟
لا مش فاضيه عندى اهتمامات تانيه سناره ايه وبتاع ايه
طيب امتى حصل ؟؟ و كانت ايه مبرراتك ؟؟
و ياترى ممكن الكلمه ايا كانت تتعامل معاها باكتر من وجه ؟؟
مش الكلمه نفسها قد اللى وراها يعنى ممكن واحد يقولك كلمه بس يقصد من وراها حاجه تانيه وواحد بيقولها بحسن نيه وواحد خوفا على مصلحتى فحسب الشخص وقصده ايه حيتم التعامل
يعني لو حبيب قال (...) هتضحك و لو عدو قال (...) هتتعصب ؟
اممممممممم هوه بصراحه انا حساسيتى زياده شويه تجاه الناس القريبه منى يعنى لو حسيت انهم قاصدين الاساءه ليا حزعل بجد وحتأثر سلبا لكن لو ناس مش فارقه معايا وعلاقتى بيهم سطحيه مش حركز معاهم يعنى الا لو الموضوع اتكرر ممكن افكر الناس دى عاوزه ايه وبيتكلمو على اى اساس
واجمالا ممكن اتقبل الهزار من الاصحاب والاهل لكن مش حقبل الغلط باى شكل ومن اى حد بس حتضايق اوى لو من شخص عزيز عليا
بس بردو عشان الامانه يعنى انا بسامح كتيرالناس اللى يهمنى امرهم وبغض الطرف عن حاجات كتير بس لو حسيت ان نيتهم مش حلوه بيكون رد الفعل سيئ جدااااااااااااااااا
ياريت اسمع آراءكم و ياريت تكون وقفة صراحه
مع النفس و مع اخواتنا هنا في المنتدى

الا الصراحه دى موديانى فى دهيه

تحياتي للجميع

وتحياتى ليكى ولموضوعك الجميل
دمتى بخير دائما

[proactive]

موضوع حلو جدا أختي الورد الجوري
و كانت جت لي فكرة مشابهة برضه لأني فكرت في حاجة زي دي من مدة ,
ندخل في الموضوع :

ياترى بتبلع الزلط لاحبابك كلهم ؟؟ و لا في كده و في كده ؟؟
حسب نوع الحبايب و نوع الزلط نفسه , لأن مش كل الزلط اللي يتبلع و لا كل حبيب يتبلع زلطه

ياترى ليك اعداء بتتمنالهم الغلط ؟؟
الحمد لله , مش عاوز أبقى مثالي , بس بصراحة اللي ما بينزليش من زور ما بحبش أبقى عدو ليه , يعني ما بحبش أكسب عداوات , اللي مش بطيقة ما باحتكش بيه و خلاص , و خلي له زلطه لنفسه ..

ياترى قبل كده مسكت سناره و فضلت تتصيد لحد اخطاؤه ؟؟
يمكن أيام الابتدائي و الاعدادي , بس الحمد لله , الواحد كبر , و بقى يكبر دماغة من الحاجات دي

طيب امتى حصل ؟؟ و كانت ايه مبرراتك ؟؟
كان لعب عيال

و ياترى ممكن الكلمه ايا كانت تتعامل معاها باكتر من وجه ؟؟
هو بصراحة , الواحد "بيحاول" يفترض حسن النية , لكن طبعا ما بينجحش في ده على طول , و ده حسب الحالة النفسية , يعني لو انت فايق , هتتقبل أي حاجة بضحك و خلاص , أما لو متنرفز يبقى هتقف لأي واحد على الواحدة ...

يعني لو حبيب قال (...) هتضحك و لو عدو قال (...) هتتعصب ؟
حسب الـ(....) دي برضه ,


معلش أنا ردودي معظمها دبلوماسية , بس نعمل ايه ؟ باحاول أبلع الزلط !!!
لا زلط ايه ؟ أنا بهزر

[الورد الجوري]

المشاركة الأصلية بواسطة زهره مصر

ولا الموضوع رائع تحياتي علي هذا الموضوع
ياترى بتبلع الزلط لاحبابك كلهم ؟؟ و لا في كده و في كده ؟؟
في حاجات الواحد بيحاول يستحملها من ناس معينه بيكونه مش فهمين هم بيقوله ايه بس ناس معينه وناس تانيه لا طبعا
مبدا جميل اننا نستحمل
و اننا نكون عارفين ان في ناس بتكون تركيبة
عقولهم كده فبنفوت
ياترى ليك اعداء بتتمنالهم الغلط ؟؟
ياترى قبل كده مسكت سناره و فضلت تتصيد لحد اخطاؤه ؟؟
طيب امتى حصل ؟؟ و كانت ايه مبرراتك ؟؟
لا انا الحمد لله مليش اي اعداء بس انا من الشخصيات اللي مبتمناش حد يغلط او استني غلط من حد لو غلط معايا ده اللي احسبه عليه
جميل قوي
و ياترى ممكن الكلمه ايا كانت تتعامل معاها باكتر من وجه ؟؟
الكلمه بتكون علي حسب الطريقه ممكن اسمعها من اكتر من شخص بس طريقه الالقاء نفسها هي اللي بتختلف بس لو بنفس الطريقه بخدها عادي جدا بنفس الروح سواء من حبيب او حد تاني
تحياتي ليكي

اه يعني لكل مقام مقال


نورتيني في الموضوع
و شكرا لصراحتك

[hend]

هذه ثالث مرة ارد فى هذا الموضوع والنت يفصل
ملخص مااردت قوله
اننا بالطبع نسامح احبائنا ولكن ليس دائما
وذلك لان لكل شىء حدود فى الدنيا
ففى البدايه نسامح ولكن اذا كثرت عن الحد نكون سلبيين
التسامح مطلوب اذا كان الخطأ غير مقصود او النيه وارؤه صافيه ولكن اكثر من ذلك يصبح استغلال من الطرف الاخر
لا نحاول بالطبع تصيد الاخطاء والا كان ذلك فراغ وقتى
وعدم نضج شخصى
بالطبع يفضل فهم المعنى الاوحد للكلمه ولكن هناك من الاشخاص من يقصد لكلمات اكثر من معنى بشكل مستفز
تتوقف اتجاهاتنا نحو الكلمة على طريقة نطقها
فربما كانت كلمة صعبه ولكنها ذكرت فى موقف هزار
فبالطبع نكون مخطئين اذا غضبنا منها وهى لا تحمل سوى الهزار والعكس صحيح
موضوع جميل ياورد
الف شكر

[الورد الجوري]

المشاركة الأصلية بواسطة مستر كاراتيه

ياترى بتبلع الزلط لاحبابك كلهم ؟؟ و لا في كده و في كده ؟؟

طبعا بدون مبالغه كلهم


ياترى ليك اعداء بتتمنالهم الغلط ؟؟
الحمد لله مليش أعداء ولو فى ناس بتعتبرنى عدو وبتتمنالى الغلط بدعيلهم ربنا يهديهم .. يمكن بعد كده يكونوا اصحابى ..انا اتعودت ان انا لو مش عاوز أتعامل مع حد على الاقل مخسروش

ياترى قبل كده مسكت سناره و فضلت تتصيد لحد اخطاؤه ؟؟طيب امتى حصل ؟؟ و كانت ايه مبرراتك ؟؟

فعلا حصل معايا كده فى وقت كنت محتاج فيه ان الدنيا تبقى فعلا زى المسطره .. كنت محتاج ان كل حاجه تمشى صح فى الوقت ده وللأسف خسرت بسبب تصرفى ده أعز وأقرب الناس ليا .. وندمان طبعا على كده ... ومش هاقول هما ماستحملونيش ..اكيد برضه انا غلطان


و ياترى ممكن الكلمه ايا كانت تتعامل معاها باكتر من وجه ؟؟
يعني لو حبيب قال (...) هتضحك و لو عدو قال (...) هتتعصب ؟؟

اه بصراحه حسب الشخصيه اللى قدامى .. واللى علمنى كده شغلى انى اتعامل مع كل كلمه حسب الشخصيه اللى بتنطقها ... وكمان الشغل فى التجاره بيعلم الواحد انه يتعامل مع الناس بسوء الظن لحين اثبات العكس .. مع ان ده ضد مبادئى بس بضطر انى اتصرف كده أوقات ..

بجد توبك رائع حسيت انى بتكلم مع واحد صاحبى وأخدت راحتى وجاوبت بكل صراحه
دمتى لنا بكل طيبه وود وأحترام

اهلا مستر كاراتيه
جميل اننا نكون صريحين مع انفسنا
شكرا للتواجد الطيب

[amr_miza1]

اهلا يا ورد

هو مبدئيا فى مقولة او مثل بيقول " اللى بيحب بيسامح " ودا يمكن علشان اللى بيحي بطبيعته بيبقى صعب عليه انه يزعل من حبيبه فبيتنازل كتير وبيسامح ..

بصراحة لو بحب الشخص دا فـ ليه مبلعش الزلط لكن فى نفس الوقت اكون على يقين ان هو بردة بيبلع الزلط علشانى ...
عدوى مش بتمنى له الغلط .. بدعى ربنا يهديه بس بعيد عنى
تصيد الاخطاء دليل على موقف ضعف .. ومحبش اتصيد اخطاء علشان مبقاش ضعيف
ممكن يحصل انى اتصيد خطأ ولكن فى حالة الدفاع عن نفسى والمهم انى اكون على حق
نهائيا محبش اتعامل بأكتر من وجه .. انا ليا شخصية معينه محبش انى اكون غيرها


موضوع جميل يا رود تسلم افكارك

[جناب العمدة]

متابع الموضوع الشيق ولى عودة باذن الله
تقبلى مرورى يا ورد .

[الورد الجوري]

المشاركة الأصلية بواسطة نيهال

صباح الخير يا ورد........

بجد احيان كتير مش بعرف بتجيبى الامثال دى منين
كانك كنتى فى مصر من وانتى صغنونه
والله بحييك انك بتعرفى تبحثى .......ههههههه

اهلا نونه حبيبتي
صباحك سكر يا سكره
ده التراث يا بنتي
و انتي عارفه ان ده هو التميز
بصى يا جميل
اكيد طبعا المثل صح فى حياتنا كلنا.......بدليل ان اصحابى لانهم طبعا بيحبونى(هههه) بيعدولى حاجات كتير لانهم عارفين انى مش اقصدها بالمعنى الحرفى
وبالمثل معايا
انما جزئيه ان عدوى يتمنالى الغلط.....دى مش متاكده منها
بس الظاهر ان لو حد مش تعرفيه كويس وكل علاقتكم زمايل وخلاصى
يبقى مش حيعدى الامور .....بس جزئيه انه يكون سعيد لما اغلط
جايز وجايز لا


بلتمس النيه الطيبه فى اللى قدامى لحد ما يثبت عكسها....ده مبدا......الا اذا كان احساسى بيقولى حاجه تانيه

فهمانى يا ورد؟؟؟

الا فاهماكي يا حبيبتي
طبعا منتي عارفه

منوراني يا جميله في الموضوع

[الورد الجوري]

المشاركة الأصلية بواسطة رؤيه

وتحياتى ليكى ولموضوعك الجميل
دمتى بخير دائما

اهلا رؤيه حبيبتي
معلش النت دائما ليه الاعيب لطيفه موت
بالنسبه لردك لمست فيه الصراحه فعلا في اجوبتك
و انا واثقه فعلا انك ملكيش في سناره الصيد دي
مع علمك الكامل باللي بيدور حواليكي
ميرسي حبيبتي على صراحتك و مرورك اللذيذ

[الورد الجوري]

المشاركة الأصلية بواسطة proactive

موضوع حلو جدا أختي الورد الجوري
و كانت جت لي فكرة مشابهة برضه لأني فكرت في حاجة زي دي من مدة ,
ندخل في الموضوع :

ياترى بتبلع الزلط لاحبابك كلهم ؟؟ و لا في كده و في كده ؟؟
حسب نوع الحبايب و نوع الزلط نفسه , لأن مش كل الزلط اللي يتبلع و لا كل حبيب يتبلع زلطه

ياترى ليك اعداء بتتمنالهم الغلط ؟؟
الحمد لله , مش عاوز أبقى مثالي , بس بصراحة اللي ما بينزليش من زور ما بحبش أبقى عدو ليه , يعني ما بحبش أكسب عداوات , اللي مش بطيقة ما باحتكش بيه و خلاص , و خلي له زلطه لنفسه ..

ياترى قبل كده مسكت سناره و فضلت تتصيد لحد اخطاؤه ؟؟
يمكن أيام الابتدائي و الاعدادي , بس الحمد لله , الواحد كبر , و بقى يكبر دماغة من الحاجات دي

طيب امتى حصل ؟؟ و كانت ايه مبرراتك ؟؟
كان لعب عيال

و ياترى ممكن الكلمه ايا كانت تتعامل معاها باكتر من وجه ؟؟
هو بصراحة , الواحد "بيحاول" يفترض حسن النية , لكن طبعا ما بينجحش في ده على طول , و ده حسب الحالة النفسية , يعني لو انت فايق , هتتقبل أي حاجة بضحك و خلاص , أما لو متنرفز يبقى هتقف لأي واحد على الواحدة ...

يعني لو حبيب قال (...) هتضحك و لو عدو قال (...) هتتعصب ؟
حسب الـ(....) دي برضه ,


معلش أنا ردودي معظمها دبلوماسية , بس نعمل ايه ؟ باحاول أبلع الزلط !!!
لا زلط ايه ؟ أنا بهزر

اهلا م / ابراهيم
سعيده ان الموضوع عجبك
و ردودك برغم دبلوماسيتها الا انها لا تفتقر الى الصراحه
شكرا لمشاركتك الطيبه