بحث لوحة التحكم مصر
خروج التسجيل مواضيع اليوم

العودة   عالم ابن مصر > ----عالم ابن مصر---- > النص الحلو > طعم الكلاااااام
التسجيّل الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

المشاركة في الموضوع
   
 
قديم 01-03-2008, 10:42 AM   #1 (رابط ثابت)
مراقب عام
 
الصورة الرمزية لـ نرجسية
 
تاريخ التسجيّل: Jun 2007
الإقامة: مصر الحبيبة
المشاركات: 3,287
نرجسية is on a distinguished road
طاجن لسان العصفور على الطريقة النرجسية

السلام عليكم

ازيكم ؟
النهاردة ناوية أدخل المطبخ عشان أعمل لكم أكلة حتاكلوا صوابعكم وراها

طاجن لسان العصفور باللحمة

معلش مالقيتشى صورة

المقادير المطلوبة :-

- نصف كيلو لحمة قطع متوسطة
- 3 كيس لسان العصفور و يكون نوع كويس عشان ما يعجنش
- بصلة متوسطة الحجم مبشورة
- 4 طماطمات معصورين
- ملح
- فلفل
- حبهان ( هيل )


الطريقة :-

أولاً تحضير للحمة
نغسلها كويس و نحطها فى ماء مغلى و عليه 3 فصوص حبهان و ممكن نفتح الحبهان عشان النكهة تظهر أكتر
شوية ملح و شوية فلفل
نسلق اللحمة بس مش قوى عشان لسة حندخلها الفرن
يعنى نسلقها لمدة ساعة الا ربع

- ثانياً تحضير لسان العصفور

- نحمر المقدار كله ( فيه ناس بتسلقه ) بس أنا بافضل التحمير لأنه أطعم
يفضل التحمير فى زيت الذرة بلاش السمنة عشان الكوليسترول
التحمير ياخد لون بنى فاتح مش غامق لأنه حيغمق فى الفرن بعد كدة
- ملحوظة : عشان نصفى لسان العصفور من الزيت الزائد ممكن نحطه فى مصفاة لمدة ربع ساعة


ثالثاً تحضير صوص الطماطم مع البصل

نحط قليل من الزيت - قليل جدا- فى وعاء و نشوّح البصلة المبشورة لغاية ما تاخد لون ذهبى
نضيف عصير الطماطم و نقلب خفيف و نضيف شوية ملح و فلفل و نطفى النار


خلاص كدة
بقى عندنا ثلاث حاجات
1- لحمة مسلوقة
2- لسان العصفور المتحمر
3- صوص الطماطم و البصل

نجيب الطاجن أو البرام الفخار
و نحط فى القاع قليل جدا من الزيت عشان الأكل ما يلزقش
ناخد ثلث مقدار لسان العصفور و نفرده فى الطاجن
ناخد جزء من صوص الطماطم و نحط طبقة رقيقة فوق لسان العصفور
- نرص قطع اللحمة
نرش رشة خفيفة ملح ( لاحظوا ان الشوربة الى حنضيفها عليها ملح أصلاً )
- نغطى اللحم بباقى مقدار لسان العصفور
ثم نغطى الطاجن كله بصوص الطماطم مع البصل

- فاكرين الشوربة اللى سلقنا فيها اللحمة ؟
حنضيفها بالراحة على الطاجن من الطرف عشان الصوص يفضل على وش الطاجن

* الشوربة تكون مرتفعة عن لسان العصفور بمقدار عقلة الاصبع أو أكتر سنّة
نغطى الطاجن بورقة فويل عشان الوش بتاعة ما يتحرقش
نحط الطاجن فى فرن متوسط الحرارة لمدة ساعة الا ربع
و ممكن قبل انتهاء المدة نكشف الفويل عشان الوش ياخد لون

ملحوظة : الأفران مختلفة من بيت للتانى لذلك ممكن تذوقوا بمعلقة و تشوفوا لسان العصفور استوى و للا لأ
و ممكن تضيفوا قليل من الماء فى حالة ما كانش لسة استوى


التقديم بيبقى مع صينية بطاطس مطبوخة
استنوا أقول لكم عليها بسرعة
4 بطاطسات شرائح مع بصل مقطعة شرائح و نحطها فى وعاء مع ملح و فلفل و نسويه بباقى الشوربة و نتركهم ينطبخوا و قبل نهاية السواء نحطه فى طاجن فخار تانى و نسيبه يكمل فى الفرن

و بالهنا و الشفا

و خلى بالكم من صوابعكم


__________________

مراقب عام متخصص على قسم حوارات جريئة
( السياسة - المجتمع - فضفضة) - قسم طبيبك أونلاين
نرجسية is offline   الرد مع إقتباس
قديم 01-03-2008, 10:58 AM   #2 (رابط ثابت)
دودى
 
الصورة الرمزية لـ love_baby
 
تاريخ التسجيّل: Aug 2007
الإقامة: (الاسكندريه) احسن ناااااس
المشاركات: 1,408
love_baby is on a distinguished road
اهلا نرجسه
الريحه جايبه المنتدى من اوله
ايه الجمال ده بس
لا ان شاء الله نجربوها عندنا
وتسلم ايدك
تحياااااااااتى....
dody...
love_baby is offline   الرد مع إقتباس
قديم 01-03-2008, 11:23 AM   #3 (رابط ثابت)
مراقب عام
 
الصورة الرمزية لـ نرجسية
 
تاريخ التسجيّل: Jun 2007
الإقامة: مصر الحبيبة
المشاركات: 3,287
نرجسية is on a distinguished road

ضحكتينى يا دودى
انتِ أول ضحكة لى النهاردة
بقى الريحة جايبة المنتدى من أوله ؟
افتحى الشبابيك و الهوايات بقى

و عشان انتِ ضحكتينى حاتوصى بيكى فى حتة لحمة زيادة
__________________

مراقب عام متخصص على قسم حوارات جريئة
( السياسة - المجتمع - فضفضة) - قسم طبيبك أونلاين
نرجسية is offline   الرد مع إقتباس
قديم 01-03-2008, 12:24 PM   #4 (رابط ثابت)
أبي .. احتسبتك عند الله
 
الصورة الرمزية لـ الورد الجوري
 
تاريخ التسجيّل: Jun 2006
الإقامة: المنصورة
المشاركات: 12,551
الورد الجوري is on a distinguished road
صباح الخير يا دكتورتنا
ايه الطاجن اللذيذ ده
بجد عجبني قوي
و عجبني الوصف الدقيق جدا
ميرسي يا حبيبتي و اكيد هجربه
مفيش شويه في طبق على سبيل التجربه لاختك ورد
__________________



إشراف عام متخصص
" قاعة الكلمات - النص الحلو - رياضة * رياضة - اضحك كركر .. بس تفكر- طبيبك اون لاين "
الورد الجوري is offline   الرد مع إقتباس
قديم 01-03-2008, 12:35 PM   #5 (رابط ثابت)
مراقب عام
 
الصورة الرمزية لـ نرجسية
 
تاريخ التسجيّل: Jun 2007
الإقامة: مصر الحبيبة
المشاركات: 3,287
نرجسية is on a distinguished road
و الله لو ينفع كنت عملتها
الا انتِ يا ورد
ده مش طبق
ده طاجن مخصوص ليكى لوحدك
__________________

مراقب عام متخصص على قسم حوارات جريئة
( السياسة - المجتمع - فضفضة) - قسم طبيبك أونلاين
نرجسية is offline   الرد مع إقتباس
قديم 01-03-2008, 12:59 PM   #6 (رابط ثابت)
أبي .. احتسبتك عند الله
 
الصورة الرمزية لـ الورد الجوري
 
تاريخ التسجيّل: Jun 2006
الإقامة: المنصورة
المشاركات: 12,551
الورد الجوري is on a distinguished road
إقتباس:
المشاركة الأصلية بواسطة نرجسية مشاهدة مشاركة
و الله لو ينفع كنت عملتها
الا انتِ يا ورد
ده مش طبق
ده طاجن مخصوص ليكى لوحدك
اهلا نرجسيه
ربنا يكرمك يارب انا عارفه انك كريمه
تسلميلنا و يارب دائما تجيبلنا اكلات لذيذه
__________________



إشراف عام متخصص
" قاعة الكلمات - النص الحلو - رياضة * رياضة - اضحك كركر .. بس تفكر- طبيبك اون لاين "
الورد الجوري is offline   الرد مع إقتباس
قديم 02-03-2008, 02:07 PM   #7 (رابط ثابت)
مراقب عام
 
الصورة الرمزية لـ نرجسية
 
تاريخ التسجيّل: Jun 2007
الإقامة: مصر الحبيبة
المشاركات: 3,287
نرجسية is on a distinguished road
إقتباس:
المشاركة الأصلية بواسطة نرجسية مشاهدة مشاركة

الطريقة :-

أولاً تحضير للحمة
نغسلها كويس و نحطها فى ماء مغلى و عليه 3 فصوص حبهان و ممكن نفتح الحبهان عشان النكهة تظهر أكتر
شوية ملح و شوية فلفل
نسيت أقول حاجة مهمة
لازم بصلة مصححة تتسلق مع اللحمة
__________________

مراقب عام متخصص على قسم حوارات جريئة
( السياسة - المجتمع - فضفضة) - قسم طبيبك أونلاين
نرجسية is offline   الرد مع إقتباس
قديم 02-03-2008, 02:49 PM   #8 (رابط ثابت)
ابو البنات
 
الصورة الرمزية لـ محي الدين عبد ا
 
تاريخ التسجيّل: Nov 2007
الإقامة: مصر
المشاركات: 187
محي الدين عبد ا is on a distinguished road
ايه الجمال ده يادكتوره لاتتخيلي مده سعادتي في طريقه شرحك الجميل بالتفصيل للوصفه
فعلا هي بتتعمل كده بالظبط بس في المنازل لاكن في الروستران مختلفه بعض الشيء
لاكن ممكن تضيفي لها بعض من الجزر المبشور وقليل من الكرفس هتكون طعمها جميل طبع الاضافات ده مع تسويه لسان العصفور الف هنا وشفا لكل الاعضاء

كان معكي ابو البنات
__________________
ابو البنات
محي الدين عبد ا is offline   الرد مع إقتباس
قديم 02-03-2008, 05:15 PM   #9 (رابط ثابت)
عضو مسجل
 
تاريخ التسجيّل: Feb 2008
المشاركات: 129
بنت غزة is on a distinguished road
نرجــــــسة

بجد يسلموووو ايدك

ربنا ما يحرمنى منك ولا من مواضيعك

بجد جوعتينى

هههه

تحياتى الك

اختك نــــــدى
بنت غزة is offline   الرد مع إقتباس
قديم 03-03-2008, 09:26 AM   #10 (رابط ثابت)
مراقب عام
 
الصورة الرمزية لـ نرجسية
 
تاريخ التسجيّل: Jun 2007
الإقامة: مصر الحبيبة
المشاركات: 3,287
نرجسية is on a distinguished road
إقتباس:
المشاركة الأصلية بواسطة محي الدين عبد ا مشاهدة مشاركة
ايه الجمال ده يادكتوره لاتتخيلي مده سعادتي في طريقه شرحك الجميل بالتفصيل للوصفه
فعلا هي بتتعمل كده بالظبط بس في المنازل لاكن في الروستران مختلفه بعض الشيء
لاكن ممكن تضيفي لها بعض من الجزر المبشور وقليل من الكرفس هتكون طعمها جميل طبع الاضافات ده مع تسويه لسان العصفور الف هنا وشفا لكل الاعضاء

كان معكي ابو البنات
تلميذتك يا شيف

هو دايماً الناس يتهموا الصيادلة انهم ما بيعرفوش يطبخوا و عكاكين
بس أكتر ناس بيطبخوا حلو هم الصيادلة
عارف ليه ؟
عشان احنا متربيين فى المعامل و عارفين المقادير المضبوطة
حتى تصنيع الدوا ماهو الا طبخة

بس انت بتقول فى الرستوران مختلفة
ايه هو الاختلاف بقى ؟
الكميات قصدك ؟

و فكرة حلوة قوى حكاية الجزر المبشور دى
المرة الجاية حجربها

ميرسى قوى يا أبو البنات أسعدتنى
و حاسرق منك جملتك الشهيرة و أقول


كان معكم الشيف نرجسية
__________________

مراقب عام متخصص على قسم حوارات جريئة
( السياسة - المجتمع - فضفضة) - قسم طبيبك أونلاين
نرجسية is offline   الرد مع إقتباس
قديم 03-03-2008, 09:29 AM   #11 (رابط ثابت)
مراقب عام
 
الصورة الرمزية لـ نرجسية
 
تاريخ التسجيّل: Jun 2007
الإقامة: مصر الحبيبة
المشاركات: 3,287
نرجسية is on a distinguished road
إقتباس:
المشاركة الأصلية بواسطة بنت غزة مشاهدة مشاركة
نرجــــــسة

بجد يسلموووو ايدك

ربنا ما يحرمنى منك ولا من مواضيعك

بجد جوعتينى

هههه

تحياتى الك

اختك نــــــدى
ندى
منورة المنتدى

تسلمى لى و يسلموا أهل غزة كلهم
و لو بايدى كنت عملت لكل فرد فيهم طاجن مخصوص و ألف عليهم واحد واحد
ربنا ينصركم يارب
__________________

مراقب عام متخصص على قسم حوارات جريئة
( السياسة - المجتمع - فضفضة) - قسم طبيبك أونلاين
نرجسية is offline   الرد مع إقتباس
قديم 03-03-2008, 09:50 AM   #12 (رابط ثابت)
عضو مسجل
 
تاريخ التسجيّل: Feb 2008
المشاركات: 129
بنت غزة is on a distinguished road
نرجــسة تسلمى حبيبتى

ربنا يخليكى وما يحرمنى منك يارب

ربنا ما يحرمنى من مواضيعك

شكرا حبيبتى ما قصرتى

اختك ندى
بنت غزة is offline   الرد مع إقتباس
قديم 05-03-2008, 07:24 PM   #13 (رابط ثابت)
مشرف
 
الصورة الرمزية لـ amr_miza1
 
تاريخ التسجيّل: Oct 2007
الإقامة: مصــــر
المشاركات: 7,666
amr_miza1 is on a distinguished road
إرسال رسالة عبر MSN إلى amr_miza1
فاكرين الشوربة اللى سلقنا فيها اللحمة ؟


بجد طريقتك فى الشرح جميلة انا شخصيا جوعت ...

شكرا نرجسية وهحاول اعملها .. انا مجرم فى المطبخ وببهدل الدنيا
__________________
اعطنى القدرة حتى ابتسم ..
عندما ينغرس الخنجر فى صدر المرح
ويدب الموت ، كالقنفذ ، فى ظل الجدار
حاملا مبخرة الرعب لأحداق الصغار
اعطنى القدرة .. حتى ابتسم
أمل دنقل

مشرف القسم الأدبى
amr_miza1 is offline   الرد مع إقتباس
قديم 05-03-2008, 07:31 PM   #14 (رابط ثابت)
مشرف
 
الصورة الرمزية لـ duha
 
تاريخ التسجيّل: Jan 2007
المشاركات: 4,311
duha is on a distinguished road
نرجسيه
الاكله باين عليها لذيذة وحلوة وشهيه
بس مش تضحكي عليا
يعني ايه لسان العصفور ما بعرفه
شكله كدة مكرونة ولا؟
ممكن تفسري لي
__________________
ترى هل كانت النعامة امرأة تقرأ كثيراً وتحزن كثيراً لفظاعة ماتقرأ واللامبالاة من حولها, حتى دفنت رأسها ذات يوم في الرمال وتحولت الى نعامة؟؟
بروميثيوس..أو..النعامة..
قدران لا.ثالث لهما؟....
فلينفجر القلب من آن إلى آخـر..!
مشرفه قاعه ابن مصر العامة و language time
duha is offline   الرد مع إقتباس
قديم 05-03-2008, 08:05 PM   #15 (رابط ثابت)
شهيــدة للـــــــه
 
الصورة الرمزية لـ عتاب
 
تاريخ التسجيّل: Nov 2005
الإقامة: عالم الخيال
المشاركات: 15,938
عتاب is on a distinguished road
إقتباس:
المشاركة الأصلية بواسطة duha مشاهدة مشاركة
نرجسيه
الاكله باين عليها لذيذة وحلوة وشهيه
بس مش تضحكي عليا
يعني ايه لسان العصفور ما بعرفه
شكله كدة مكرونة ولا؟
ممكن تفسري لي
بعد اذن نرجسية انا هارد
لسان العصفور فعلا نوع من انواع المكرونة
بيكون اكبر من حبات الرز بحاجة بسيطة وبيكون بيضاوي
او على شكل لسان العصفور ( اوعي تجيبي عصفور وتقطعيله لسانة عشان تشوفيه )

نرجسية الاكلة جميلة جدا
تسلم ايديكي
احنا بنعملها بالكبدة وبتكون لذيذة جدا
وبنعملها بلحمة الراس بس انا مش باكلها
__________________
اشراف عام متخصص لبوابة ابن مصر
(القاعة العامة .. البيت بيتك)
عتاب is offline   الرد مع إقتباس
 
   
المشاركة في الموضوع


خيارات الموضوع
طريقة العرض قيّم هذا الموضوع
قيّم هذا الموضوع:

قوانين المشاركة
لا يمكنك إضافة موضوع جديد
لا يمكنك إضافة مشاركات جديدة
لا يمكنك إضافة مرفقات
لا يمكنك تعديل مشاركاتك

كود [IMG] متاح
كود HTML غير متاح
Trackbacks are متاح
Pingbacks are متاح
Refbacks are متاح

مواضيع مشابهة
المواضيع كاتب الموضوع المنتدى الردود آخر مشاركة
ويندوز Xp بكــار عالم الكومبيوتر والانترنت 17 10-09-2008 02:00 PM
تعلم الهاكر من الالف الى الياء 4 Mr.ghost عالم الكومبيوتر والانترنت 24 26-08-2008 02:42 AM
أشهر 10 "زلات لسان hend قاعة ابن مصر العامة 3 20-10-2007 03:26 AM
العصفور وجنسيات العالم تاج فخر الملوك أرشيف الضحك.. 5 16-05-2007 03:27 PM
كتاب وجبات المطاعم السريعة ووصفاتها السرية للوميض الازرق كاملا الصفر البارد طعم الكلاااااام 8 23-04-2007 09:16 PM


جميع الأوقات بتوقيت مكة المكرمة. الساعة الآن » 11:10 AM.

ترجمة كلمات - دليل مواقع ابن مصر - مواقع صديقة - منتدى ابن مصر
1 2