عايزة احكى لكم ايه اللى حصل بعد كدة ومحتاجه رايكوا

[روح الجمال2007]

عايزة حل انا بقالى ست شهور فى نفس المشكله وعايزة حد يساعدنى عشان بجد مش عارفه اعمل ايه ؟
مشكلتى تتلخص ان فى واحد بحبه اوووووووووى وهو كمان بيحبنى اووووووووى وكنا زملاء فى الكليه بس فى الحقيقه هو مصرحنيش بالحب دة الا ما بعد ما جاه البيت عندنا عشان يتقدملى يعنى دخل البيت من بابه بس ابويا وامى مش موافقين عليه وكل ما اقنعهم بيه يرجعوا تانى وبعد ما يقعدوا معاه يغيروا كلامهم معايا على الرغم انه شارى لابعد حد ومستعد يعمل اى حاجه عشان يوافقوا بس هما مصمين على ان الشقه تبقى موجوده قبل اى حاجه وانتوا زى ما انتوا عارفين ان ظروف الشباب عامله ازاى عايزين الشقه تبقى تمليك وانتوا عارفين ان الشقق اسعارها عماله تغلى كل يوم عن التانى ودة حرام انه يجيب شقه بالشئ الفلانى يكمل جهازه ازاى بيقوليلى ما لهمش دعوه على الرغم انى قولتله انى موافقه على ان الشقه تكون ايجار وبكدة ان شاء الله كل حاجه هتبقى تمام وهنقدر نعيش ولكن بردوه هما مش راضين وعلى الرغم انهم شهدوا ليه باخلاقه وتربيته وانه شارى وهى دى العقدة فى الموضوع وانه مفيش حد بيساعده فى اى حاجه ربنا هو اللى بيساعده وبس بس هو امكانياته بالنسبه لشاب بيبتدى حياته انا شايفاها كويس جدا لكن هما مش شايفين دة مش قادرين يقتنعوا ان خدوهم فقرا يغنيكم الله انا بجد مش عارفه اعمل ايه واقنعت بابا بيه ودلوقتى جاى يقولى انى ما وافقتش على حاجه على الرغم انه قالى بالحرف الواحد انى هعتبرك مخطوبه لغايه ما تم الشبكه ودلوقتى جاى يقولى والعريس جاى بكرة يقولى انا ما قولتلكيش كدة على الرغم انه كان قصاد اختى واختى شاهده على كدة والله اناعايزة ارتبط بيه ومش عايزة اعمل حاجه من وراهم انا عايزة كل حاجه تبقى قدمهم وبرضاهم بس انا خلاص تعبت ومحتاجه حد يرد عليه ويقولى اعمل معاهم ايه معاهم واقنعهم ازاى ومعلش انا طولت عليكم بس محتاجه حد يرد عليه بسرعه....

عايزة اقولكوا اللى حصل بعد كدة وعايزة حد يفسروه ليه عشان بجد انا مش عارفه وما بقتش فاهمه حاجه اللى انا بحبه جاه تانى عندنا فى البيت وبابا بعد معاناه معاه اتفق معاه على ان بابا هو اللى يجيب الشقه وانه هيدفع ايجار لبابا كل شهر زى اى واحد غريب بس العريس وافق على كدة بعد ما بابا قعد يقولوا ان دة الحل الوحيد الى قصادى عشان بنتى تعيش فى استقرار عشان كمان بابا مش موافق على الايجار الحديث وانه هيجيبلى شبكه بعشر الاف جنيه بس بعد ما هو مشى بابا قالى انه ما ينفعش ومش مناسب ليه وعايزنى افكر تانى بس طب ما دام هو مش موافق على كدة اتفق معاه على كدة ليه انا عايزة افهم انا والله تعبت اوى وما بقتش فاهمه وليه بيعملو معايه كدة حد يرد عليه

[bent nas]

ya ro7 elmoshkela de kolyna ben3any menha w 2hlna wmsh by7awlo yfhamona w m3 el2sf sa3b tel2y el2nsan elkways maretn bs rbna ywf2k w te2dry tekny3yhm

[proactive]

مش عارف أقول حاجة
و مش عاوز أمشي من غير ما أقول حاجة

غالبا الأبوين بيكونوا أدرى بحكاية العريس دي , و ظروفه و هم أكيد زي ما انتي عارفة عاوزين مصلحتك ,
بس .... يعني هو حالته المادية أخبارها ايه -بافتراض انك موافقة على جميع جوانب شخصيته و واثقة منه تمام التمام و الماديات بس هي اللي مقصرة - , يعني يقدر يدفع ايجار جديد كل شهر 400 جنيه مثلا . و لا هتعيشوا في الشارع أو عند أي حد من عيلتك أو عيلته بعد أول شهر ؟

مع انه مش عيب انكم تسكنوا في بيت العائلة زي أيام زماااااان قوي , و متهيأ لي الناس المفرض ترجع تعمل كدة في ظل الغلاء الفاحش في أسعار الشقق ده ,

و هو العريس وجهة نظره ايه ؟ أصلي أنا مثلا لو رايح أتقدم لوحدة أكيد هبقى عامل حسابي هاعمل ايه في قضيه مهمة زي قضية الشقة دي , هو ايه خطته يعني و هيتصرف ازاي في الموضوع ده ؟

أنا عارف اني ما قدرتش أفيدك قوي
بس ربنا معاكي ,
و ادعي ان ربنا يوفقك لما يحب و يرضى , و ما تنسيش تصلي استخارة , مهمة جدا , يمكن و الله أعلم يكون فيه خير تاني جاي , صلي و خلاص مش هتخسري حاجة ...

[روح الجمال2007]

انا مش فاهمه اللى انتى كتباه ممكن تكتبى عربى

[روح الجمال2007]

المشاركة الأصلية بواسطة proactive

مش عارف أقول حاجة
و مش عاوز أمشي من غير ما أقول حاجة

غالبا الأبوين بيكونوا أدرى بحكاية العريس دي , و ظروفه و هم أكيد زي ما انتي عارفة عاوزين مصلحتك ,
بس .... يعني هو حالته المادية أخبارها ايه -بافتراض انك موافقة على جميع جوانب شخصيته و واثقة منه تمام التمام و الماديات بس هي اللي مقصرة - , يعني يقدر يدفع ايجار جديد كل شهر 400 جنيه مثلا . و لا هتعيشوا في الشارع أو عند أي حد من عيلتك أو عيلته بعد أول شهر ؟

مع انه مش عيب انكم تسكنوا في بيت العائلة زي أيام زماااااان قوي , و متهيأ لي الناس المفرض ترجع تعمل كدة في ظل الغلاء الفاحش في أسعار الشقق ده ,

و هو العريس وجهة نظره ايه ؟ أصلي أنا مثلا لو رايح أتقدم لوحدة أكيد هبقى عامل حسابي هاعمل ايه في قضيه مهمة زي قضية الشقة دي , هو ايه خطته يعني و هيتصرف ازاي في الموضوع ده ؟


أنا عارف اني ما قدرتش أفيدك قوي
بس ربنا معاكي ,
و ادعي ان ربنا يوفقك لما يحب و يرضى , و ما تنسيش تصلي استخارة , مهمة جدا , يمكن و الله أعلم يكون فيه خير تاني جاي , صلي و خلاص مش هتخسري حاجة ...

بص هو ظروفه الماديه عامله ازاى انه بيقبض كل شهر 1200 جنيه وكمان بياخد فوائد كل تلت شهور حوالى 1500 او 2000 جنيه هى دى ظروفه الماديه ومعاه حاليا 15000 جنيه ومن ناحيه انى واثقه فيه فانا فيه اوى وواثقه انه هيحافظ عليه اوى ان شاء الله بس المشكله فى اهلى اللى انا مش عارفه بعد ما اتفقوا معاه بيرجعوا فى كلامهم ليه دة اللى انا مش فاهماه

[proactive]

بصي يا أختي
هو من وجهة نظري برضه , البنات بيبقوا متسرعين شوية في الحكاية دي , خصوصا لو العريس جاي من ناحيتهم هم , يعني يعرفوه قبل كدة ,
يعني بصراحة أنا شايف ان حكاية الثقة دي لازم تيجي من عند الاهل الأول لأن هو في مثل هذه الظروف اللي بيفكروا بالعقل مش بالقلب
يبقى لازم هم يقتنعوا , أنا معاكي انهم ممكن يكونوا بيطلبوا طلبات شبه مستحيلة في زماننا هذا و بيقيسوا على زمانهم , أو على فلانه بنت طنط ناظلي و علانه بنت عمتو ألمظ ,
بس هم في الأول و الآخر عارفين الأصلح -العبارة المستهلكة بتاعة كل الناس- , بس بجد هي عبارة صحيحة ,
مع إني أعرف ناس متجوزين في شقق إيجار جديد و عادي الحمد لله ,
بس لازم هم يقتنعوا الأول , و لو حد من قرايبكم كبير بيحترموه و بياخذوا رأيه يبقى عليكي و عليه تقنعيه و هو يقنعهم ,
و ما تنسيش تصلي استخارة , و تخليهم هم كمان يصلوها , و الله و الله و الله مفيدة جدا , أنا جربتها كتير جدا و بتلاقي الحاجة لو شر بتلاقي العقبات كتيرة قدامها فخلاص ما تحاوليش لأنه شر , و لو كان خير بتلاقي العملية ماشية سهلة ,
ربنا يوفقك لما يحب و يرضى ...

[روح الجمال2007]

مرسيه على ردك وان شاء الله هصلى استخاره تانى واللى فيه الخير ربنا يقدمه

[روح الجمال2007]

بس انت عارف المشكله انهم بيبصوا كتير اوى للمظاهر وانا ببص لحاجات تانيه انا شايفاها اهم زى اخلاقوه تربيته انه شارى انه هيصونى ويحافظ عليه كل دة انا ببص ليه ياترى انا غلطانه فيه والله ما بقيت عارفه انا بفكر صح ولالا

[proactive]

بصراحة أ،نا مش عارف إذا كانت "المظاهر" اللي بيبصوا عليها دي , مظاهر زي ما انتي بتقولي و لا لأ , لأن غالبا وجهة نظرنا غير وجهة نظر الأبوين !!!
و برضه وجهة نظرك لتربيته و أخلاقه ممكن تبقى غير وجهة نظرهم ..

أما بالنسبة لكونك بتفكري صح و لا غلط , فبصراحة ما أقدرش أفيدك , لأني ما جربتش و لسه بدري قوي علشان أفكر زيكم في الحاجات دي

بس أكيد فيه ناس هنا في المنتدى يقدروا يفيدوكي ... عن تجربة و خبرة

[روح الجمال2007]

شكرا لمرورك وبجد انا حسيت انى بتكلم مع واحد كبير وشكرا على انك بتحاول تساعدنى حتى لو بالكلام

[بنت غزة]

روح الجمال

ما بعرف شو اقلك

ربنا يجيب الى فية الخير

وربنا ما يحرمك منووووووو

انا نفسى الشى حبيبت واحد

واتقدملى وربنا اسعدنى فية على طول

وان شاءلله راح نتزوج عن قريب

ان شاءلله ربنا يسعدك فية يارب

تحياتى الك

[eme]

المشاركة الأصلية بواسطة روح الجمال2007

ربنا هو اللى بيساعده وبس

اكيد طالما انه ربنا الـ بيساعده اكيد عون شديد ان شاء الله

وبابا بعد معاناه معاه اتفق معاه على ان بابا هو اللى يجيب الشقه وانه هيدفع ايجار لبابا كل شهر زى اى واحد غريب بس العريس وافق على كدة


بس بعد ما هو مشى بابا قالى انه ما ينفعش ومش مناسب ليه وعايزنى افكر تانى بس طب ما دام هو مش موافق على كدة اتفق معاه على كدة ليه انا عايزة افهم انا والله تعبت اوى وما بقتش فاهمه وليه بيعملو معايه كدة حد يرد عليه

هو انا شايفه ان في مبالغه شويه
انا من راي انه خلاص ده المفروض اتفاق رجاله
وهو مش ادامه حاجه يعملها تاني هو عمل الـ عليه
ويساعده ربنا بقي

وبعدين باباكي يراعي الظروف
ومش مهم ماديات طالما انه متيسر ويعرف يعيشك مرتاحه
خلاص بقي بلاش الطلبات الكتير دي

ويبص لانه راجل وهيقدر يراعي ربنا فيكي ويقدرك ويحافظ عليكي ويحميكي

بصي انا بتكلم عموما
عشان معرفش وجهات النظر اكتر
انا علي الاساس الـ انت بتقوليه انا بعطيكي رايي

المهم زي ما proactive قال صلي وادعي ربنا يقدملك الـ فيه الخير
ومتغضبيهمش ولا تعملي حاجه من وراهم وان شاء الله طالما انك بترضي والديكي ربنا اكيد هيرضيكي بما يحب ويرضي

عليكي بالدعاء والصبر
وصلاة الاستخاره بس من غير ما تكوني عايزه
يعني تصليها وانت طالبه من ربنا ان الـ فيه الخير يقدمهولك حتي لو الخير ده انه يبعد الشخص ده عنك
فهماني
وحاولي بالراحه تتكلمي مع باباكي انت وحد يكون مقتنع وفاهم الموضوع كويس وياريت يكون اكبر منك كمان

يارب اكون افادتك!!؟

[روح الجمال2007]

المشاركة الأصلية بواسطة بنت غزة

روح الجمال

ما بعرف شو اقلك

ربنا يجيب الى فية الخير

وربنا ما يحرمك منووووووو

انا نفسى الشى حبيبت واحد

واتقدملى وربنا اسعدنى فية على طول

وان شاءلله راح نتزوج عن قريب

ان شاءلله ربنا يسعدك فية يارب

تحياتى الك

الف مبروووووووووووووووووووووووووك ويارب يرزقكوا بالذريه الصالحه يارب ويسعدك يارب ويكون عون ليكى لدخول الجنه يارب باذن الله واتمنى ليكى كل السعادة باذن الله ويارب يقدملى اللى فيه الخير يارب وانا راضيه باى حاجه والله والحمدلله راضيه وعندى قناعه كامله يمكن هو دة اللى مصبرنى شويه

[روح الجمال2007]

المشاركة الأصلية بواسطة eme

هو انا شايفه ان في مبالغه شويه
انا من راي انه خلاص ده المفروض اتفاق رجاله
وهو مش ادامه حاجه يعملها تاني هو عمل الـ عليه
ويساعده ربنا بقي

وبعدين باباكي يراعي الظروف
ومش مهم ماديات طالما انه متيسر ويعرف يعيشك مرتاحه
خلاص بقي بلاش الطلبات الكتير دي

ويبص لانه راجل وهيقدر يراعي ربنا فيكي ويقدرك ويحافظ عليكي ويحميكي

بصي انا بتكلم عموما
عشان معرفش وجهات النظر اكتر
انا علي الاساس الـ انت بتقوليه انا بعطيكي رايي

المهم زي ما proactive قال صلي وادعي ربنا يقدملك الـ فيه الخير
ومتغضبيهمش ولا تعملي حاجه من وراهم وان شاء الله طالما انك بترضي والديكي ربنا اكيد هيرضيكي بما يحب ويرضي

عليكي بالدعاء والصبر
وصلاة الاستخاره بس من غير ما تكوني عايزه
يعني تصليها وانت طالبه من ربنا ان الـ فيه الخير يقدمهولك حتي لو الخير ده انه يبعد الشخص ده عنك
فهماني
وحاولي بالراحه تتكلمي مع باباكي انت وحد يكون مقتنع وفاهم الموضوع كويس وياريت يكون اكبر منك كمان

يارب اكون افادتك!!؟

متشكرة على مرورك ورايك ريحنى كتير بس انا فكرت انى ادور على حد يكلمهم لان دة المفروض اتفاق رجاله زى ما بتقولى والمفروض ما يرجعش فى كلمته معاه لكن للاسف مش لاقيه حد مناسب يتكلم معاهم وانا عملت اللى عليه وهو كمان وبزياده اوى كمان وربنا يقدم اللى فيه الخير ان شاء الله واتمنى ان يكون كل اللى حاصل دة خير لانى صليت كذا مرة صلاة استخاره بس عايزة منكم انكم تدعولى