بالهندسة الوراثية تطوير بصل لا يسبب الدموع

[نرجسية]

أصبحت الهندسة الوراثية أحد أهم أسلحة التقنية الحديثة التي تستخدم بشكل متنامٍ في زيادة الإنتاج الزراعي، والتي حققت نتائج علمية باهرة في القرن الحادي والعشرين، لذا يسعى علماء من نيوزيلندا في تطوير نوع من البصل لا يتسبب بذرف الدموع، ولكن الأمر سيستغرق عشر سنوات علي الأقل لطرح هذا النوع من البصل في الأسواق.

وأشار علماء إلى أنهم تمكنوا من خلال استخدام الهندسة الوراثية من التخلص من المادة التي تسبب ذرف الدموع لدي تقطيع البصل، مؤكدين أن العلماء تمكنوا بعد ست سنوات من الأبحاث من وضع حد لتساقط الدموع خلال تقطيع البصل.



ويعتقد العلماء الذين عملوا مع فريق في اليابان أنهم تمكنوا من اختراق الرمز الجيني للبصل وتعطيل الإنزيم "الخميرة" التي تجعل الناس يذرفون الدموع لدي تقطيع البصل، مشيرين إلى أنهم إذا قاموا الآن بأخذ بصلة عادية وشمها فستشم رائحة حادة، ولكن إذا أخذت بصلة "من البصل المعدل" فلن تشم أي رائحة، ومن خلال هذه الرائحة يتم التعرف على أن مركبات الكبريت المسؤولة عن النكهة ما تزال في البصل

[نرجسية]

الخبر طبعاً يهم سيدات البيوت
و ان كان لسة عشر سنوات على ما يخرج البصل المعدل الى النور

لكن اللى عجبنى ان التكنولوجيا بدل ما تستخدم فى أمور عليها جدل زى الاستنساخ
أو الهندسة الوراثية على النباتات اللى طورت فى الفاكهة
فأصبحت مالهاش طعم و لا ريحة
ممكن يستخدموا العلم بحيث لا يتأثر المنتج النهائى و فى نفس الوقت تقدم فائدة

افرحوا يا ستات لا دموع بعد اليوم

[الورد الجوري]

اهلا دكتورتنا
موضوع البصل طبعا يهم كل اللي بيطبخو
بس مش عارفه يا نرجسيه
يعني لما فكرت في الموضوع
لقيت انه اكيد المعدل جينيا لابد له من مضار
و انه اكيد اكيد نزع الانزيم المساعد على افراز الماده
المحفزة للدموع ده اكيد هيأثر على شيء تاني في البصل
او ماده فعاله فيه و وقائيه لانه اكيد متخلقش كده من فراغ
ده غير ان البصل مذكور في القران و دائما اسمع
ان كل ما ذكر في القرآن فيه فائده كبيره و شفاء لداء
الله العالم بيه
زي العسل و التمر و البصل و الفول و العدس و الرمان
و التين و غيرها من اصناف الطعام المحموده في القران

والا يا نرجسيه يا حبيبتي بيني و بينك
افرضي حرمونا من ريحة التقليه اللي بتجيب اول الشارع
نعمل ايه احنا ساعتها

موضوع مهم جدا يا نرجسيه
و ربنا يارب يهديهم الى الصالح دائما
و اختراع ما هو مفيد
شكرا عزيزتي

[نرجسية]

اكيد اكيد نزع الانزيم المساعد على افراز الماده
المحفزة للدموع ده اكيد هيأثر على شيء تاني في البصل
او ماده فعاله فيه و وقائيه

و الله كلام معقول برضو يا ورد

بس أنا فى اعتقادى انهم حينزعوا الجين المسئول عن اطلاق المادة التى تسبب الدموع فقط
لكن العناصر الموجودة فى البصل ستظل كما هى

فهل ممكن تكون المادة الطيارة دى لها فائدة صحية ؟
جايز

افرضي حرمونا من ريحة التقليه اللي بتجيب اول الشارع

ماتخافيش على ريحة التقلية
ماهو البصل ما يبقاش بصل من غير الريحة برضو
يعنى ممكن يخلوا الريحة بس يمنعوا الدموع

معضلة صعبة دى

نورتى يا ورد

[maysam]

يا سلام على الاخبار المفيدة

الواحد محتاج هيك تطورات بصراحة
دا انا بعاني معاناة من البصل!! ان شاء الله يوصلنا ونحن لسا على قيد الحياة

[نرجسية]

المشاركة الأصلية بواسطة maysam

يا سلام على الاخبار المفيدة

الواحد محتاج هيك تطورات بصراحة
دا انا بعاني معاناة من البصل!! ان شاء الله يوصلنا ونحن لسا على قيد الحياة

يا حرام !!

ده أنا مش باطبخ الا حسب المزاج
و باكره البصل و ريحته و دموعه اللى بتخلى عينى زى السحاب الثقال

مابالك بقى بالناس اللى مضطرة تطبخ يوميا

و الأكل ما بيحلاش الا بالبصل بصراحة

كان الله فى عونك و الله !!

عموماً ان شاء الله يوصل البصل المعدل و انتِ بألف صحة و عافية

[محمدحسين]

خبر جميل يانرجسيه
بس الواحد يروح يشتر بصل البياع يقول له عايزه بدموع ولا من غير دموع
طيب ماشى بدون دموع أوعى تقولى لى كمان بدون رائحه
كده يبقى البصل بدون دموع ولارائحه
لا لا يانرجسيه
أنا كده محتاج فحل بصل علشان استوعب الموضوع قبل ماتغلى الدموع
مش عارف الاهنود هيعملوا افلام ازاى ده نص الفيلم دموع والنص التانى بيشورا عقلهم يدمعوا
ههههههههههههه
شكرا على الموضوع يانرجسيه

[عتاب]

هو البصل يبقى بصل من غير دموع
ده حتى بيغسل العين هههههه
مفيش حاجة ربنا وجدها لينا من غير سبب او من غير فايدة
فاكيد لما ينزعوا المادة المسببة للدموع دي البصلة هاتتأثر
بس عامة اهم يعملوها ونجرب واذا ماعجبناش البصل المعدل ده
ننزل البلد نجيب بصل بخيره ههههههههه

شكرا يا نرجسية على الخبر ولو انها متأخرة

[نرجسية]

ا/ محمد حسين
عتاب



أنا شايفاكم معترضين على البحث

يعنى انتوا مبسوطين بالبصل و ريحته و دموعه ؟!!

أيوة أصل اللى ايده فى الماية مش زى اللى ايده ف النار

أنتوا بتاكلوا على الجاهز



لكن يعينى عليها اللى بتطبخ

عينيها باظت من دموع البصل






نورتوا الموضوع

[فراق84]

ليه انا الوحيدة اللي مش مبسوطة على الاكتشاف دا!!!
يمكن لاني بحب الدموع..وخصوصا من البصل
لانو الدموع منو مفيدة جدا !!!صح؟
يعني حيمنعو الفايدة منها!!!!
بس اكيد لو واحد قاعد يقشر بصل فترة طويلة
حيكون دا رحمة ليه
شكرا كتير نرجسية على الاخبار المهمة
اختك فراق