مجــــرد مـلاحظــــة

[شاعــ الليل ــر]

أثناء مروري في المنتدي وجدت موضوع في دهاليز المجتمع
بعنوان : تخاريــــــــــف
للعضوة المميزة دائماً .... سها
فكرة الموضوع رائعة وهي شبيهة بموضوعنا ده

ودي كانت مجرد ملاحظة

[koko15]

ملاحظتى انا
" ان استحالة تركب مترو او ميكروباص او اتوبيس نقل عام الا لما تلاقى حد معاة شنطة عين وتلاقية مش طايق نفسة وماسك الشنطة جامد اوى متقولش فيها الماظ والله فعلا العيش دلوقتى بقا اهم من الماظ وسنوليكم بباقى ملاحظاتى " المخابرات المصرية

[شاعــ الليل ــر]

هههههههههههههه

نورتي يا شيرين

حلوة الملحوظة ده
معكيش خمسة ألماظ
قصدي خمسه عيش

نحن في أنتظار آخر ما توافينا به من ملاحظات
مراسلنتا من الشوارع المصرية
شيرين كوكو

[amr_miza1]

المشاركة الأصلية بواسطة koko15

ملاحظتى انا
" ان استحالة تركب مترو او ميكروباص او اتوبيس نقل عام الا لما تلاقى حد معاة شنطة عين وتلاقية مش طايق نفسة وماسك الشنطة جامد اوى متقولش فيها الماظ والله فعلا العيش دلوقتى بقا اهم من الماظ وسنوليكم بباقى ملاحظاتى " المخابرات المصرية

فيه ملاحظة بقى بمناسبة المترو او الميكروباص

هو بصراحة مفيش وسيلة مواصلات بتكون رايقة او فاضية ..

اركب الميكروباص .. احسن ان الجمهورية كلها بتركب ميكروباص
تطلع فى دماغى اركب المترو .. اكتشف ان الناس اللى كانوا فى الميكروباص جم علشان يركبوا المترو

اجى اركب تاكسى بقى واقول هعيش حياتى واوصل بسرعة .. ألاقى كل البشر زيي مش لاقيين تاكسى فاضى .. ولو فاضى بيقول انه مش فاضى ..

طيب نعمل ايه علشان نلاقى موصلات رايقة

[شاعــ الليل ــر]

تجري الآن الأنتخابات التمهيدية للرئاسة الأمريكية
ورغم تحكم ساكن البيت الأبيض في مصائرنا جميعاً كعرب وكمسلمين

إلا أني لا أجد أهتماماً بهذه الأنتخابات بيننا حتي في الأوساط الشعبية
ء لهذا الحد صار الأستهتار بمقدراتنا ؟؟؟
ء لهذا الحد لم نعد نبالي بمستقبلنا أو مستقبل أبنائنا ؟؟؟

ومتي يكون للوبي الأسلامي دور فعال في هذه الأنتخابات كما للوبي الصهيوني هناك ؟؟؟

ودي كانت مجرد ملاحظة

[شاعــ الليل ــر]

كلمة سمعتها مراراً من صديقي عمرو :
إن الكاتب و الشاعر خاصة لابد وأن تقترن تجربته بالإحساس كي يكتب لها النجاح

إلا أني أقول :
إن الأحساس حينما يتوغل بالمشاعر ويمتلك الأنسان ، يتعاظم ليكن أكبر من أن توصفه كلمات

ودي كانت مجرد ملاحظة

[شاعــ الليل ــر]

أستمعت حديثاً إلي أغنية ... الضمير العربي

وجدت فيها ما لم أجده فيما مات من ضميرنا العربي

أتمني أن توقظ بضعاً مما مات فينا

ودي كانت مجرد ملاحظة

[سها soha]

المشاركة الأصلية بواسطة شاعــ الليل ــر

أثناء مروري في المنتدي وجدت موضوع في دهاليز المجتمع
بعنوان : تخاريــــــــــف
للعضوة المميزة دائماً .... سها
فكرة الموضوع رائعة وهي شبيهة بموضوعنا ده

ودي كانت مجرد ملاحظة

مجرد ملاحظة

بس انا لقيت اختلاف

انت ممكن تلاقى جمع ملاحظة

لكن انا لحد دلوقتى مش لقية مفرد تخاريف

هو موضوع تخاريف موضوع ساخر اوى

بينتقد اى حاجة وكل حاجة

بعمل دعايا للمنتج بتاعى



الدنيا كلها ملاحظة .. اشارة رايحة اشارة جاية

صفراء ولا حمراء عليا عنيا حارسة

تشوف القدر مرة تقولة حاسب عند ملاحظة

الدنيا دى ازازة رقبتى اتحشرت واتقفلت بجنازة

ملاحظة للدنيا الفاية وانا هاخد اجازة

ملاحووظاية

دى اعلان للمنتج بتاع اسلام



وليا عودة

يلا سلام دلوقتى

[سها soha]

شوية ملاحظات

سائق التاكى ... اوعى تقولة ياسطى ولا يابشمهندس ولا عندك هنا ولا الكلام الفارغ دة

الطريقة لتوقيف التاكسى

تقف براحة وبهدوء اوعى تشاور بصباعك بدماغك

اوعى تقولة فاضة ياوسطة

ممكن بعد اذنك توصلنى انا رايح....

وانت راكب رجل على رجل والانعرة دى لا

تازقز لب .. انت اتجننت بتخرف

هتاكل لب قدام قفا السواق

هتقولة عندك هنا

هنزلك قبل الهنا بسنة

هتقولة طبعا لا لسة العمارة الى قدامها شجرة كبيرة

اوعى

لو رايح عباس العقاد ونزلك فى فيصل انزل

وابقى خد الاتوبيس

مجرد ملاحظة سواقين التكسى حاسة انهما بقى الوزرة

والعربيات بقة اكتر من الناس

والواحد اتخنق من المواصلات وزحمة الموصلات

وكرة الخروج من البيت بسبب الزحمة

هى الناس بتكتر ولا الشوارع بتتضيق

[BATISTA]

مجرد ملاحظة

ان من تدخل فيما لايعنبة وجد مالايرضية

وأن السعى لإرضاء الناس أصبح جريمة فى هذا العصر

[نيهال]

اهلا بيكم يا شباب
ملاحظتى النهارده عن يوم الخميس وازاى لو فكرت انى اخرج بره بيتى بلاقى الشوارع زحمه جدا

ويا ريتهم مثلا بيشتروا حاجه

لا


دلوقتى بشوف الولاد والبنات واقفين ولا المظاهره
ولوك لوك لوك
طيب امشى فين انا بس


بجد حاجه تضايق
لانى مش بحب الزحمه والدوشه

[omarr]

فى بلاد الحور الجنه والياسمين فيها الفلوس ملايين

كله بيفهم فى كله , وكله عارف يرد على كله

طيب مش يمكن كله مش فاهم اى حاجه عن كله ..؟؟؟:

ليه مش بنرضى نقول ابدا " مش عارف " ... ؟؟؟!!

حد يقولى ..

موجرد مووووولاحظه ...

[BATISTA]

فكرة مية مية

وأعضاء مشاركين فوق الوصف

فى موضوع أكتر من رائع هو (مجرد ملاحظة)

ودى كانت


مجرد ملاحظة

[سها soha]

من فترة قرات فى شوفت على قناة فضائية

القبض على 12 فلسطينى تسللوا عبر معبر رفح الى شرم الشيخ وطابا

والعثور معهم على اسلحة وذخيرة ومتفجرات ودوائر كهربائية للتفجير عن بعد...

والقناة تانية فضائية سمعت
القبض على فلسطينى ومعة تسعة اخرون قام برفع علم فلسطين على صارى مركز الاتصالات بمدينة الشيخ زويد .. بعد انزال علم مصر!

والقى القبض على ثمانية فلسطينين يستقلون سيارتهم وبحوزتهم مسدسات وذخيرة وجهاز لاسلكى

وخمسة فلسطينين فى طابا معهن احزمة ناسفة ومسدسات وذخيرة وضبط مجموعة من الشبان
التابعين لكتائب عز الدينالسام وبحوزتهم خرائط مرسومة باليد توضح تفاصيل دقيقة لبعض النافذ الحدودية المصرية الاسرائيلية واسلحة متطورة بينها اسلحة قناصية..

وخبر غريب اوووى فوق ما تتخيل قالة خالد مشعل رئيس المكتب السايسى لحماس

اعلن ان الفلسطينين الذين عبروا الى مصر لن يعودوا الى غزة الا بعد قيام دولة فلسطين المستقلة!!!!

اية سياسية لوى الدراع دى انا مش فاهمة

هى دى سياسة التهجير الى اسرائيل بتسعى اليها

وخلى بالك فى خبر تانى بيوكد اننا بنتلقى ..... الاخوة بشىء من النخوة

علاج 53فلسطينيا بمستشفيات العريش والقاهرة والاسماعلية

نحن مع غزة واهل غزة ولا تنسوا حرب 48

احنا اخوة والله معكم

مجرد ملاحظة

[hend]

مجرد ملاحظه فى عالم السياسه

ان يتفنن البعض فى تكرار نفس كلمات الاخر

وان تتحول السياسه الى مكان لتبادل الاخبار قبل ان نتناقشها ونفهمها
ان يدافع البعض عن البعض بدون وجه حق او معرفه
ان يدخل الجبن الى الاراء بشكل مقزز
او ان يدخل التمسك بالاراء الى حد التعنت


ملاحظه فى عالم المنتديات
التميز عن طريق موضوعات او مشاركات صارخه فنشتهر فى المنتدى
وربما كانت فى اكثر الاحيان شهرة رخيصه
الرغبه فى زيادة المشاركات ربما عن طريق دخول موضوعات لا نقرأها او نفهمها
وكانما زيادة المشاركات هى دليل التميز
السعى وراء منصب مشرف وكانه منصب بمرتب خيالى بعيدا عن كونه جاء بتميز صاحبه فى موضوعاته ومشاركاته
وصفاته الشخصيه من حيث طولة البال وحسن الخلق
دخول النت واعتباره عالم تنافسى وليس مجال للتقارب


موضوع جميل بجد اخى
وان شاء الله لى عوده