محتاجة مشاركة الشباب والبنات

[روما الشعنونة]

بصراحة هو موضوع مهمة جدا وبجد اتمني الكل يشارك ويقولي رايه هي مشكلة حصلت لاحدي صديقاتيوحدة صحبتي كانت بتحب واحد جدا وهو كمان وبعدين اتعرفت علي واحد تاني وحبيته وهو كمان حبها وهي بقيت محتار لانها بتحب الاتنين ومش عارفة تختار مين فيهم مش عايز تسيب اي واحد فهم فانا عايزة اعرف ممكن ان الواحدة تحب اتنين بنفس الدرجة وبردو السوال للشباب ممكن يحب اتنين بنفس الدرجة ولا مجرد ان ممكن يكون الحد الي ظهر فجاة في حياتك مجرد انه بيكمل الشخصية التانية وممكن الواحد يغير الانسان الي بيحبة

[روح الجمال2007]

بالنسبه للبنت ازاى تحب اتنين دة تهريج هو ينفع يعنى تتجوزهم هما الاتنين هو الحب نهايته ايه غير الجواز الا ذا كان تسليه وبعدين اعتقد ان بالنسبه للبنت شبه مستحيل تحب اتنين الا اذا كانت بتتسلى اما الولد فانا بصراحه بعتير الراجل المحترم انه يحب واحده كفايه يعنى لما بيجى يختار بيحاول يختار بنت تناسبه وتتوافر فيها كل احتياجاته بس اعتقد ان مفيش مانع انه يحب اكتر من واحده لان الراجل ساعات بيلاقى فى واحده حاجات والتانيه حاجات تانيه بردوه بيحبها لان ساعات بحس قلب الراجل عامل زى الفندق اللى بيسيع من الحبايب الف

[روما الشعنونة]

متشكرة لمرورك علي موضوعي بس انا مش معاكي لية يكون من حق الولد انه يحب كتير والبنت لا بصي الي يحب بجد بيكون شايف ان حبيبه فيه كل حاجة حلوة وانا قولتلها انه الحل انه تبعد عنهم هما الاتنين لانها مش بتحبوهم هما الاتنين

[مراره]

بصى يا روما بصراحة مفيش حاجة اسمها بتحب اثنين سواء كان الولد او البنت الحب بيكون لشخص واحد بس ولو بص لانسان تانى يبقى مش كان بيحبة من الاول اساسا كان موهوم من الاول يبقى مابالك لما يحب اثنين مع بعض يبقى مبيحبش حد فيهم اساسا ودة يبقى اضطراب فى المشاعر مش عارف يحدد هو عاوز اية بلظبط سواء البنت او الولد فلبنت دى مبتحبش حد فيهم ممكن تكون لسة مراهقة يعنى المشاعر مش ناضجة لسة خليها تركز مع نفسها وتفكر كويس

[عاشق الترحال]

شكرا ليكى سؤالك واسمحى لى اشارك الرد اولا الحب الحقيقى هو حبها الاول لكن شعورها تجاه ما تتخيله حب تانى ليس اكثر من تمرد وصرخه كبرياء تجاه افعال من اخترق قلبها اولا وسكن فيه ولكنها فى داخل روحها يوجد شئ يضايقها فى افعال حبيبها الاول او انه قد يكون لا يبادلها نفس مقدار ما تحمله من احساس تجاهه او يكون ناتج عن احساسها بعدم الامان معه فياخذها عنادها وكبريائها وخوفها من افعال من تتغنى بحبه محاولا ان يلقى بها مره ثانيه فى بحار الحب ولكنها فى اغلب الاحيان هى من تترك حبها الثانى لانها ارتبطت به فى لحظه ضيق وعناد والشئ الوحيد الذى يجعلها تتاخر فى انهاء هذا الحب هو احساسها بالذنب والشفقه تجاهه فقط لكنها فى النهايه سيبقى حبها الاول ساكن قلبها مهما اخترق طريقه من افعال قد تسبب الم لها وارجو ان لا اكون خرجت عن حدود الرد وشكرا لكى

[وائل المصري]

ممكن وبعد أذنيك تغيري كلمه بتحبهم الاثنين لان وأنا أسف علي هذا الكلام بس أنتي عرفاني أنا مش بحب المجاملات صديقتكي لا بتحب ده ولا ده كل إلي هي فيه اسمه مراهقة حتى ولو كانت كبيرة علي المراهقة هذه
سيدتي كثير من الناس تعرف أن المسؤل عن الحب هو القلب لا سيدتي القلب مخلوق من قبل الخالق لكي يتحكم في ضخ الدم من والي الجسم أما المسؤل عن الحب أو عن أي اشاراة للجسم كله هو العقل
إلا الحب فهو هبة من الرحمن عز وجل ومن المستحيل أن يستطيع الإنسان أين كان أن يحب شخصين بنفس الدرجة حتى الأبوين لا يستطيع الابن أن يحبهم الاثنين بنفس الدرجة
وعندما قال الرسول صلي الله عليه وسلم ولن تعدلوا كان المقصود من العدل هنا العدل في الحب والحنان.
أما فعن سؤاليك أنا لا اعتقد أن هناك أي شخص من الممكن أن يحب شخصين في نفس الدرجة
تقبلي تحياتي

[True_Face]

على ما اعتقد انها تعمل بالمقوله القائله

هذا احبه
واهذا اريده

وهذا اتزوجه

للاسف وارجو عدم الهجوم

نفقد معانى الحب

وتحول الاعجاب لنطلق عليه حب

واحيانا كثيره يتحكم العقل فى الاختيار قبل الفلب

الله يجعله عامر

[foash]

السلام عليكم
اولا تقبلى مرورى انا مع وائل المصرى انها لا بتحب ده ولا بتحب ده هيه مش عارفة هيه عاوزة ايه كمان انا عاوز اسالك سؤال وياريت تساليه لصاحبتك وتبقى تكتبى اجابته هيما الاتنين دلوقتى فاهمين او كل واحد فيهم فاهم انها بتحبه ومخلصة ليه فتخيلى لو حد فيهم عرف ايه هيبقى رد فعله اكيد هيبعدوا عنها هما الاتنين هيه دلوقتى مش حاسة بحاة فاة هتلاقى الاتنين ضاعوا منها وازاى تقبل انها تشغل اتنين بيها انا واثق انه فيه حاجات فى شخصيتها ناقصة كتير لازم تفعد مع نفسها وتعرف هيه عاوزة ايه قبل ماتظلم قلبين كل زنبهم انهم حبوها بصدق لازم تعرف هيه بتفكر فى ايه وان كان من رايي انها تبعد عن الاتنين مع بعض ومتظلمش واحد فيهم لانه فى نظرى طالما هيه حطت الاتنين فى موضع الاختيار فهيا مبتحبش حد فيهم فتعبد عنهم احسن وتلاقى نفسها الاول وتعرف هيه بتفكر فى ايه
تقبلى مرورى
Ahmed

[حنين مصر]

مستحيل تحب اثنين
هي تبعد عن الاتنين وهي حتعرف بتحب مين فيهم