خبر طريف

[جناب العمدة]

امرأة تتصل بالشرطة لمساعدتها على إدخال خيط بالإبرة


ولينغتون ـ المصريون (وكالات) : بتاريخ 4 - 3 - 2008

اتصلت سيدة نيوزيلندية برقم طوارئ الشرطة طلبا لمساعدة عاجلة لادخال الخيط بالإبرة كي تنهي عملية خياطة للحاق بحفل مقام في حديقة مفتوحة. وذكر متحدث باسم الشرطة لصحيفة نيوزيلند هيرالد بأن مسؤولي الشرطة الذين تلقوا الاتصال من سيدة مجهولة لم يكن بوسعهم تلبية طلبها للمساعدة لأنهم يفتقدون للمهارة المطلوبة.

[شذا الأمواج]

اقولك كلمة سر

حتى بعض الدول العربية ممكن تتصل بالشرطة عشان يساعدوك بس مش لدرجة الابرة يعنى

بس الدول الأروبية أكتر طبعا وهى دى الحاجة الوحيدة اللى حاستها تفرق عن مصر بس فيه حاجة

وحشة برا الناس نفسهم صعب يساعدوا حد لكن اعتقد فى مصر الناس متعاونة اكتر

[الورد الجوري]

اهلا جناب العمده

ضحكني الخبر بجد
لو دي في مصر كان 500 جاره ساعدوها
هو ده التميز بتاعنا بقى
ميرسي للخبر الطريف

[رينجو المصراوي]

صباح الفل جناب العمدة

طبعاً صحبتنا لو في مصر كانت يا دوب تفتح الباب او الشباك وتنده لاي حد هيساعدها علي طول
بس لو طلبت الشرطة - في مصر - هيردوا عليها ويقولوا اقفلي الخط با بنت 50 × 60.
هههههههههههههههههههههههه

وسبحان الله علي احترام شعوب لناسها وشعوب تانية لا.

[eshoo4ever]

ههههههههههه
اوقلك تعليقى
تاخد اول طيارة وتيجى على مصر ومن المطار تطلب من ايه سيدة
مصرية مساعده

[جناب العمدة]

المشاركة الأصلية بواسطة شذا الأمواج

اقولك كلمة سر

حتى بعض الدول العربية ممكن تتصل بالشرطة عشان يساعدوك بس مش لدرجة الابرة يعنى

بس الدول الأروبية أكتر طبعا وهى دى الحاجة الوحيدة اللى حاستها تفرق عن مصر بس فيه حاجة

وحشة برا الناس نفسهم صعب يساعدوا حد لكن اعتقد فى مصر الناس متعاونة اكتر

يا سلام يا شذا لو كنا متحضرين زيهم والواحدة لو غلبت مثلا فى عمل
المحشى تقوم تطلب الشرطة وتقولهم كام كوباية رز على كرنبتين .
اسعدنى مرورك يا شذا

[omarr]

جناب العمده ...

الخبر فعلا طريف جدا .... بس فعلا وصلت الدرجه ان مش لاقيه حد يساعدها .. فاتصلت

بالبوليس .. الدنيا بتتغير فعلا فى كل مكان ..

تسلم لنا يارب

[جناب العمدة]

المشاركة الأصلية بواسطة الورد الجوري

اهلا جناب العمده

ضحكني الخبر بجد
لو دي في مصر كان 500 جاره ساعدوها
هو ده التميز بتاعنا بقى
ميرسي للخبر الطريف

صح يا ورد هي بس وقفة فى البلكونة .. ويا ست ام محمد يا ست عديلة
بسرعة الضميلى الابرة علشان الحفلة .. ثوانى والجيران ييجوا يخلصوا المهمة .
شكرا مرورك العطر يا ورد .

[جناب العمدة]

المشاركة الأصلية بواسطة رينجو المصراوي

صباح الفل جناب العمدة

طبعاً صحبتنا لو في مصر كانت يا دوب تفتح الباب او الشباك وتنده لاي حد هيساعدها علي طول
بس لو طلبت الشرطة - في مصر - هيردوا عليها ويقولوا اقفلي الخط با بنت 50 × 60.
هههههههههههههههههههههههه

وسبحان الله علي احترام شعوب لناسها وشعوب تانية لا.

صباحك جميل يا رنجو .. صباح الخيرات
عندنا لو طلبت الشرطة على طول هيروحلها
بس هيدبو الابرة فى عينها .

صباحك عسل .

[جناب العمدة]

المشاركة الأصلية بواسطة eshoo4ever

ههههههههههه
اوقلك تعليقى
تاخد اول طيارة وتيجى على مصر ومن المطار تطلب من ايه سيدة
مصرية مساعده

احنا فعلا شعب بيعشق مساعدة الآخر .. والله بجد ولو طلبت من حد
مثلا يوصفلك مكان يبقى مش عايز يسيبك الا لما تكون عرفت الوصفة
كويس .. تقولو خلاص عرفت . متشكر
يقولك يعنى اكيد عرفت توصل ازاى .. ويمكن يسيب مصلحته ويروح
لحد المكان اللى انت عايزه .
شعب اصيل بجد
ابهجنى تواجدك فى الموضوع ايشو .

[جناب العمدة]

المشاركة الأصلية بواسطة omarr

جناب العمده ...

الخبر فعلا طريف جدا .... بس فعلا وصلت الدرجه ان مش لاقيه حد يساعدها .. فاتصلت

بالبوليس .. الدنيا بتتغير فعلا فى كل مكان ..

تسلم لنا يارب

برافو عليك يا عمر .. اول ما يتبادر للذهن فى الموضوع
هى الصورة الحضارية .. ولكنك لمست الجانب المظلم
فيه والذى لا يهتدى اليه الا لبيب .... الصورة المخفية
وهى انعدام روح الالفة بين الجيران .. ملقتش حد
اتصلت بالشرطة .
نورت الموضوع بمرورك يا عمر .

[eme]

ههههههههههههههه

بجد مش للدرجه دي

خلاص يعني مفيش اي حل غير انها تتصل بالبوليس؟

وبعدين ما شاء الله عندهم اختراعات فظيعه

كانت بقي كمان تتصل بعالم او مخترع وتقترح عليه يعملها جهاز تلضم بيه الابره
دا اذا اساسا مفيش عندهم الجهاز ده

بجد ناس فاضيه
معندهمش يعني خياط اسهلها

يوووووه مش عرفه ليه انا اخدت الموضوع برخامه كده

يلا معلش تقبل رخامتي
اصلي حاميه اوي ومش بحب الحال المايل

هههههههههه
اما هي مش بتعرف تلضم الابره بتتجوز ليه ؟

[جناب العمدة]

المشاركة الأصلية بواسطة eme

ههههههههههههههه

بجد مش للدرجه دي

خلاص يعني مفيش اي حل غير انها تتصل بالبوليس؟

وبعدين ما شاء الله عندهم اختراعات فظيعه

كانت بقي كمان تتصل بعالم او مخترع وتقترح عليه يعملها جهاز تلضم بيه الابره
دا اذا اساسا مفيش عندهم الجهاز ده

بجد ناس فاضيه
معندهمش يعني خياط اسهلها

يوووووه مش عرفه ليه انا اخدت الموضوع برخامه كده

يلا معلش تقبل رخامتي
اصلي حاميه اوي ومش بحب الحال المايل

هههههههههه
اما هي مش بتعرف تلضم الابره بتتجوز ليه ؟

ههههههههههههههههههههه
بجد بجد .. اسعدتينى بطلتك الجميلة على الموضوع ايمى

[توتى3000]

هههههههه بجد اخر روقان كانت فعلا تيجى مصر وهنخيطلها مش تدخل الابره فى الخيط هههههههههههه
شكرا على الخبر الظريف ده

[فارس اصيل]

شوف يا اخى احترام الشرطه للشعب ازاى


سبحان الله


افتكرت كنت مره جالس فى الحرم مع صديق لى بجوار الاذاعه ورأينا الشيخ الشريم يدخل لاداء الصلاه
قام احد من رجال الشرطه وقبل كتفه
قال صاحبى شوف الشيوخ هنا بيحترومهم اما فى مصر بيعلقوهم من رجليهم