وسرت رعده في جسدي

[duha]

السلام عليكم
كنت في ابتدائيه وبحب اقرأ قصص اجاثا كريستي
كانت عندي مجموعه كبيرة منها وكنت اقضي اليوم كله اقرا فيها
وانتم تعرفون ماذا تحتوي قصص اجاثا كريستي من وصف للجريمة والقتل
فكانت دائما تتردد عبارة وسرت في جسدي رعده
يعني يمكن في القصه الواحده تتردد اكثر من 20 مرة
وانا كنت صغيرة مو عارفه معنى سرت في حسدي رعده وكنت هاتجنن اريد اعرف وانكسف اسال على اساس اني كبيرة وبافهم
المهم فهمت بعدين معنى وسرت رعده في جسدي
يعني بالمختصر اتكهربت
تعرفو رغم ماحصل في العراق من حروب وشفت مناظر قتل وحاجات مقرفه الا انه لم تسري رعده في جسدي كنت يغمى عليا على طول
اليوم
في ناس قالولي اسمعي هذه الاغنيه والاغنيه اسمها المحكمه
وقالوا لي دي قابله الدنيا في مصر منين ما تروحي هتسمعيها
وانا نزلتها عندي واول ما سمعتها
سرت رعدة في جسدي
بجد
سرت رعدة في جسدي
اتكهربت
وقلت يا عيني على المصريين لو يسمعوها وتسري في اجسادهم رعده مثلي
يتكهربو
اتخيلو بقى المصريين وهوم كل يوم رايحين الشغل ويسمعو الاغنيه غصبا عنهم ويمشو متكهربين
يا سلاااااااااااااااااااام

[amr_miza1]

ضحى ..
والله لست بفاهم !!

طيب فين الاغنية .. يمكن تسرى رعدة فى جسدى انا الاخر ..

ممكن توضيح ..

[Dr.Hammood]

معقوله ما سمعتهاش يا عمور دا مشهوره

اركب اي توك توك واطلبها

وهتتكهرب زينا ان شاء الله

تحياتي الممغنظه لضحى

[omarr]

ضحى ...

د.حمود

عمرو


ونا كما ماسمعتش عنها .. محكمه ايه ..

[Dr.Hammood]

الاغنيه بتاعت واحد اسمه سيد الشيخ

كانت بتذاع على قناة مزيكا

انا عرفتها من العيال اللي بتيجيلي السيبر

[Dr.Hammood]

ده الرابط اهوه ام بي 3

############################

انحروا قلبكم بقى

بعد الفاصل هجيب الكلمات انتظروني

[Dr.Hammood]

محكمـــــــه

كنت ماشى فى يوم جراحى جوه قلبى معلمه
والدموع على خدى نازله وعينى ليها مسلمه
قولت ادعى ربنا
رفعت ايدى للسما
اتلاقتنى فجأه واقف عند باب المحكمه
ناس كتيره متجمعين والحيره ماليه وشهم
كلهم مستنيين والخوف بيجرى فى قلبهم
قولت أدخل لما أشوفهم وابقى واحد منهم
شوفت قاضى وناس واقفه وصوت بينده
محكمـــــــــه

شوفت أم والدها واقف جنبها قريب منها
الحديد بينه وبينها عايزه تاخده فى حضنها
الدموع ماليين عينيها
والقلق باين عليها
قلبها محروق عليه
ابنها ضاع منها
فضلت تصرح تبكى وتدعى ولا حد حاسس بيها

وأدى أب علشان بناته
مد أيده للحرام
النهاردة بيشكى حاله
مين هيسمع له كلام
خاف عليهم من الزمان
قال يسيبهم فى الامان
باع ضميره غصب عنه
كل دا فى لحظه شيطان
وهو دلوقتى بيبكى وخايف من اللى هيحصل تانى كمان

شوفت شاب ياناس بيبكى فى القفص لما جابوه
كان بيحلم يبقى حاجه كان أمل أمه وأبوه
جم صحاب السوء خدوه
وبكلامهم غيروه
نسوه كل عزيز وغالى
وفى طريهم ضيعوه
ولما فى وقت الشده احتاجهم أتخلوه عنه وسابوه

ياللى فاكر أنك أنت بس وحدك فى العذاب
لاء تعالى فى ناس كتيرة
دا انت ورقه فى الكتاب
قول يارب وهتلاقيه
عيش وخلى إيمانك بيه
دا اللى شايف جرح غيره
جرحو هو يهون عليه
إحمد ربنا مهما أدالك
وأوعى تقول يارب دا ليه

[Dr.Hammood]

مش فاهم ايه المشكله يا ميسم

ما ياما ناس حطت

ومشكله الروابط ممكن توضيح

وايه السرعه العجيبه دي

[نيهال]

اهلا بيكى يا ضحى
اسالينى يا بنتى وانا اقولك يعنى ايه تسرى فى جسدك قشعريره بدل ما تسمعى اغانى مش حلوه خالص
ههههههههههههه

[omarr]

د.محمود شكرا .. انا بنزل الأغنيه .. بس باين كده من كلامتها انه كئيبه مووووت ..


ضحى .. احلى حاجه موسيقيه من العراق بحبها هى موسيقى نصير شمه

واحلى مقطوعتين بحبهم له هما .. قصه حب شرقيه و بغداد والأندلس

روووووووووعه ..

[Dr.Hammood]

المشاركة الأصلية بواسطة omarr

د.محمود شكرا .. انا بنزل الأغنيه .. بس باين كده من كلامتها انه كئيبه مووووت ..


ضحى .. احلى حاجه موسيقيه من العراق بحبها هى موسيقى نصير شمه

واحلى مقطوعتين بحبهم له هما .. قصه حب شرقيه و بغداد والأندلس

روووووووووعه ..

العفو

بس في سؤال محيرني



محمود مين هههههههه

انتي فكرتني بفيلم عادل امام

الحته بتاعت المؤذون حبيبه محمود خطاب

بس ولا يهمك انا كل شويه اقفشك وانت بتقول محمود

[سها soha]

انا كل يوم لازم تحصلى رعدة فى جسدى ...

لو رحت الكلية واقفة عشان اركب تحصلى رعدة فى ودانى من صوت كلاكسات العربيات ودوشت الناس وكلة كوم والمواصلات كوم تانى لو فى البرد او الحر .. رعدة فى جسدى وبينوبنى نوع من انواع التشاؤم

ولو قعدت فى البيت وقلت اتفرج علىالتلفزيون يتكهرب جسدى مما اشاهدة من قتل وقصف وذبح وبكاء ودماء ابرياء

وبرغم الخصاو والزعل بينا وبين الى بنحبهم الا انى بفكر فى الحظة الى هنتصالح فيها

فى جسدى رعدة موضوع جميل بس ممكن البعض يحتار فى مضمونة

شكرا ضحى

[amr_miza1]

اهااااااا افتكرت الاغنية دى .. فعلا بسمعه فى الميكروباصات

بس مش بتعمل اى نوع من القشعريرة دى !!! .. ربما تكون كلماتها كويسة لكن الموسيقى بتاعتها مش تشجع على الاندماج ...

شكرا محمد ..

شكرا ضحى ..

[Dr.Hammood]

لا يا عمرو ممكن تكن سمعتها من حد تاني غير سيد

صحيح انا مش بحب الشعبي واغلب اللي با اسمع لهم Hard rock بس الاغنيه جامده

[maysam]

المشاركة الأصلية بواسطة Dr.Hammood

مش فاهم ايه المشكله يا ميسم

ما ياما ناس حطت

ومشكله الروابط ممكن توضيح

وايه السرعه العجيبه دي

اهلا د. حمود

لو تراجع قوانين المنتدى حتلاقي بند كبير بيقول يمنع وضع لينكات اغاني في المنتدى

يعني مش اي رابط بيتم حذفه طبعا

لكن الرابط المخالف فقط

ان شاء الله اكون وضحت الأمور

تحياتي لك