من كل بلد اكله ..

[سها soha]

بصى بقة ياتوتى انا بحب الاكلات الى مش تقليدية وغريبة شوية .. وما غريب الا شوشو طبعا

البندورة المحشية (بغض النظر عن الصورة الشخصية )

المقادير:

ك طماطم جامدة
2 كوب ارز مفلفل
بقدونس
بصل مفرى
ملح
توابل
جبنموازريلا مبشور


الطريقة

1: تفرغى الطماطم مع الاحتفاظ بالغطاء
2: تخلطى الارز المفلفل مع البصل والبقدونس والملح والفلفل والتوابل
3: تحشى الطماطم بالحشوة طبعا
4: ترشى الطماطم بالجبن الموزاريلا المبشور
5: تدخليها الفرن متوسط الحرارة لمدم 10 ـ 15 دقيقة
6: تقديميها ساختة بعدوضع الغطاء مع صنف من اصناف اللحوم . ويفضل المشويات

واااااو انسى ياتوتى خطيرة وانا بموت فى الطماطم
تصدقى جوعت ههههههه

الف هنا وشفا


ناقص الحلو بقة
وهعمل كمان باتون سالية بس بالزيت

يلا سلام

[يوبانكا]

السلم علكم ورحمة الله وبركاتة
بصى الموضوع بتاعك دا حلو اوى
وكمان انا زواقة اوى
انا عندى اكلة حلوة وبسيطة اوى
بيتزا وياريت تعمليها
يوبانكا

[سها soha]

اهلا يوبانكا .. مش بعرف اعمل البيتزا .. بس بعرف اكلها هههههههه

اهم حاجة فى البيتزا العجينة بتعتها لو عرفتى مقدريها بالضبط بعد كدة
هى سهلة اوى

بس انا ممكن اعملك باتون سالية انا بحبة جدا

هقولة وتقوليى رأيك

منورنا ياقمر

[جناب العمدة]

انتى متأكدة من البندورة المحشية دى يا سها ؟
يعنى اكتبها واديها لزوجتى على ضمانتك
وللا بعد ما ناكلها هبات برا البيت واسمع منها
((( سمعنى السلام عليكم )))

الواضح انها هتكون لذيذة طبعا ..

[سها soha]

باتون سالية بالزيت ياقوى

المقادير :
واحد ونصف كوب مياة
واحد كوب زيت
واحد قطعة خميرة بيرة صغيرة ( وتستشويها وتقولى احط حتة كمان وحياة ابو خالة عمة جدك بلاش)
ملح
كمون
سمسم
والدقيق حسب الطلب وحسب سمك العجينة



الطريقة:
1: تدعكى الخميرة مع شوية سكر عشان تسيل
2: تحطى الزيت والخميرة والماء الدافىء وتعجنى وبأضافة الدقيق حتى تصبح العجينة يابسة (ياسلام على الغة العربية الفصحة )
3تشكلى اصابع وبعدين تدهنى السطح بالبيض وبعدين ترشى شوية ملح وكمون وسمسم
4: تخبزيها بقة فى فرن متوسط الحرارة
5: وتسبيها شوية عشان تبرد وتكليها

يلا محرمتكوش من حاجة
وانتوا بتكلوا ابقوا ادعولى


بالف هنا وشفا
يلا سلام

[سها soha]

المشاركة الأصلية بواسطة جناب العمدة

انتى متأكدة من البندورة المحشية دى يا سها ؟
يعنى اكتبها واديها لزوجتى على ضمانتك
وللا بعد ما ناكلها هبات برا البيت واسمع منها
((( سمعنى السلام عليكم )))

الواضح انها هتكون لذيذة طبعا ..

ههههههههههههه

لا بص ياعمدة .. انت تفاجئها كدة بان العشاء انهاردة عليك

وقبل ما تدخل المطبخ .. تقولها اتفضلى اميرتى العشاء انهردة عليا

بس لو الاكلة طلعة .. حلوتها زيادة كتير ... انا مليش دعوة


تسلملنا ياعمدتنا

[توتى3000]

ضيفتى العزيزه سها منوره
وكمان طبعا ورد وجناب العمده ويوبانكا بجد منورين الحلقه
والاكله دى غريبه جدا اتعلمتيها فين ياسها
ومين مثلك الاعلى فى الطبيخ
وهل انتى من النوع اللى يسال عن طريقه الاكل اللى تسمعى عنها
ولو صادف واتعزمتى على اكله غريبه ممكن تاكليها زى البندوره دى ههههههههههه
تتمنى فى زوجك انه يكون اكول ولا لا وهل انتى اكوله
كام سوال كده عما تيجى

[فرجينيا]

بسم الله ماشاء الله
الشيفه سها
ايه الاكل اللي يجوع الشبعان ده
نورتي ياسوسو
وكان عندي ليكي سؤال

ليه دايما بنربط الاكل بالنسيان
يعني دايما الواحد بيقول هو فاكر انا كلت ايه النهرده
تفتكري ليه برايك

[فرجينيا]

توتي تحياتي ليكي
متوصيه بضيوفنا صح
بعد الحلقه ماتخلص انا عزماكي على سندويتشين فول وطعميه
على بال مااقبض وهاهيصك

[توتى3000]

فيرى ايه ده اخيرررررررررا حنيتى علينا ههههههههه

[فرجينيا]

انا موجوده اهو يابنتي بس النت بقى
بيجي نص ساعه في اليوم
ويوم ماييجي بيبقى بطئ جدا
البركه فيكي ياقمر
وماتنسيش ساندويتشين الطعميه والفول اللي عزماكي عليهم

[سها soha]

المشاركة الأصلية بواسطة توتى3000

ضيفتى العزيزه سها منوره
وكمان طبعا ورد وجناب العمده ويوبانكا بجد منورين الحلقه
والاكله دى غريبه جدا اتعلمتيها فين ياسها
ومين مثلك الاعلى فى الطبيخ
وهل انتى من النوع اللى يسال عن طريقه الاكل اللى تسمعى عنها
ولو صادف واتعزمتى على اكله غريبه ممكن تاكليها زى البندوره دى ههههههههههه
تتمنى فى زوجك انه يكون اكول ولا لا وهل انتى اكوله
كام سوال كده عما تيجى

الاكلة بتاعة الطماطم غريبة ؟ !

هى اكلة عمانية اساسا بس هى جميلة للى بيحب اساسا الطماطم جربيهه واعزمى اخواتك عليها
هتلقى نفسك رجعتى فى كلامك وبتكلى لواحدك هههههههههههه
عملتها فين !
عملتها فى المطبخ ــــــــــــــــ اهى هى دى الاسئلة الى تودى فى داهية

وهل انتى من الى بيسأل طريقة الاكل الى تسمعى عنها؟؟؟
اصدك انى ممكن اكل وخلاص هههههههه
ساعات والله ياتوتى لما باكل اكلة عجبتنى اقول ... عملتيها ازاى
لو لقتها كتير كدة وهتلخبط ااقولها كفاية .. مش عايزة اعرف
لو بسيطة بحفظها واجرب


لو اتعزمت على اكلة غريبة ممكن اكلها ؟
انا اساسا بحب الاكلات الغريبة مش بحب الاكل التقليدى
هاكل
بس مش تعزمينى على اشهر اكلة فى فرنسا (زى مثلا شوربة الضفادع ) وتقوليى كلى ههههههه
حجات معقولة ممكن تقبلها .

هل انا اكولة ؟ فكرة انى ادخل المطبخ انى انا اساسا اكولة بس فى اصناف كتير مش بحبها

تتمنى فى زوجك انة يكون اكول ؟ هى الدرسة اثبتت ان الشباب معظمهم مفجوعين ههههههههه
بس طالما اكول هيبقى عندة فكرة كويسة اوى عن المطبخ
وانا مش عايزة حد يتطفل عليا وانا فى المطبخ هههههههه

شكرا ياتوتى وانا كنت سعيدة انى معاكم
يلا سلام

[سها soha]

المشاركة الأصلية بواسطة فرجينيا

بسم الله ماشاء الله
الشيفه سها
ايه الاكل اللي يجوع الشبعان ده
نورتي ياسوسو
وكان عندي ليكي سؤال

ليه دايما بنربط الاكل بالنسيان
يعني دايما الواحد بيقول هو فاكر انا كلت ايه النهرده
تفتكري ليه برايك

فرجينيـــــــــــــــا ....

النور نورك انتى ومروة

لية دايما بنربط الاكل بالنسيان ؟!

يمكن عشان احنا زى القطط بناكل وننكر ..هههههههههه
مشعرفة بس هو (انا فاكر انا كلت اية امبارح ) اكيد ليها دراسة ..مش من فراغ


بس اية رأيك فى البندورة المحشية ... تجنن

انا بقة اهديلك انتى وتوتى (تورتة الموز )

المقادير:
1: اتنين ونصف فنجان دقيق
2: واحد ونص سكر بودرة
3: نصف فنجان سمن
4: مسحوق بيكنج بودر بحجم معلقة شاى
5: مسحوق كربونات الصوديوم بحجم معلق شاى برضة
6: 5 موز
7: 6بيضة
8: فانيليا
9: كوب زبادى
ومكسرات مفرية او سودانى مفرى برضة


الطريقة:
1الطريقة الدسمة :: تدعكى الزبدة كويس مع السكر
تخفقى البيض وتضفى لة الفانليا الى الخليط الى قبل كدة
تضفى الدقيق والبيجنج بودر ودة تبقى العجينة بتاعة التورتة

تدعكى السمن مع السكر جيدا ويضاف البكنج بودر واللبن الزبادى والمكسرات
يدعك الموز وتضفية للسابق
تخفقى البيض كويس اوى اوى وتحطى الدقيق والبيض للخليط الى قبل كدة
تحطية فى ثلاث صوانى متساوية مدهونة بالسمن ومرشوشة بالدقيق
وتحطيها فى فرن متوسط الحرارة
بعد ما تستوى تزخرفيها بقة بالكريز وممكن تضفى انتى الزخرفة الى انتى بتحبها

بس ... وبالف هنا وشفا ... بس اهم حاجة تعملى البندورة المحشية وتكليها وبعدين تخشى على التورتة

واى خدعة

سلام

[فرجينيا]

سها انتي بجد نورتينا ياقمر
والاكلات بتاعتك تحفه
بس هاتبوظ اجدعها رجيم
بس انتي نورتي
وياريت ماتبخليش علينا ولو بنصيحه في الاكل

[سها soha]

فرجينيـــــــــــــا ...
انا برضة كنت سعيدة انى معاكم
مرسى على الاستضافة الجميلة دى
وشكركبير اووووووى لتوتى

رجيم اية ما احنا بنخس النص كل يوم فى المواصلات هههههههه
شكرك تانى يانهى

تحياتى ليكى ولتوتى

يلا سلاااااااااام