من كل بلد اكله ..

[eme]

اهلا ورد

ايوه كده اوعي تضحكي عليا انا دلوقتي بقيت طباخه ايه ههههههههههه نص نص

اهو بقي نعمل ايه كنا بنذاكر بقي ومش فضيين نتعلم اي حاجه في الشقه

بس انا اعجبك اوي في نظافه الشقه بجد

[eme]

لا ولا يهمك ياتوتي عشان انا كمان مضطره اقفل

يلا سلام ليكم كلكم

سنعود باذن الله مع الشيف ايمي هههههههههههههه

سلاااااااااااااااااااااااام

[teto_g14]

المشاركة الأصلية بواسطة توتى3000

ههههههههههههههههههههههههههههه اهم حاجه ان ريحه الرز حلوه مش مهم الطعم
تيتو منور البرنامج انت عمرك شفت مذيعه بتعرف تطبخ هههههههههههههه
ايه رايك فى المقولات التاليه يا ايمى
اقرب طريق لقلب الراجل معدته
الجوع كافر
كل اللى على مزاجك والبس اللى على مزاج الناس

على فكره انا باكل كل حاجه ليه اينه نعمه من عند ربنا

بس انا بقى العكس باكل على مزاج الناس وبلبس على مزاجى

[eme]

توتي

اسفه جدا مش هبقي موجوده معاكم الخميس ولا الجمعه

لو ينفع تستضيفي حد تاني لحد ما اجي ان شاء الله يوم السبت ياريت

اسفه جدا ياجماعه بس دي ظروف شغلي ومعنديش نت في البيت

[توتى3000]

ايمى انا معاكى دلوقتى نكمل الحلقه
اكتر اكله بتحبيها ايه وياترى بتعرفى تتطبخيها

[ابتسامة الحياة]

اهلا فيرجينيا واهلا توتى
منورين
اول مرة اخد بالى من البرنامج فعلا
بس جميل

[الورد الجوري]

اهلا بالجميع
في انتظار استكمال الحلقه مع ايمي

[eme]

صباح الخير
انا جيتلكم تاني

يلا ياتوتي نكمل انا جاهزه

اكتر اكله بتحبيها ايه وياترى بتعرفى تتطبخيها؟


اكتر اكله بحبها اوي المحشي (الكرنب ) والبطاطس(الصنيه)

والحمد الله الاتنين بعرف اعملهم

[توتى3000]

اهلا بيكى يا ايمى
وطبعا صديقه البرنامج ورد
وابتسامه نورتى ياريت تتابعينا على طول
طب الحمد الله يا ايمى انك بتعرفى تتطبيخيم ممكن توصفيى المحشى هى صعبه بس يلا انتى قدها هههههههه

[eme]

ههههههههههههههه

ليه كده بس
المحشي مره واحده

دا مفيش اسهل منه

شوية رز وتحطيهم في ورقه الكرنب وتلفيها وخلاص ههههههههههههههه

وابقي قبليني لو حد كل منه


ايه ده بلاش هزار نتكلم جد
انا مش بعرف اشرح اوي بس هحاول علي قد ما اقدر

بصي ياستي

اولا بنقطع الكرنبه ونكون غليين ميه ونحط الورق فيها بس منسبهوش كتير احسن يتهري مننا يادوب يطري شويه

وووحده وحده لحد ما الكرنبه تصغر حجمها وممكن تحطيها في الحله افضل من انك تحطيها ورقه ورقه
بس تبقي صغرت علي حجم الحله

بس وتقطعي العرق الـ بيبقي موجود في الورقه( مش هعرف اوصف ازاي )

ثانيا الرز أو خلطة الرز
1- الصلصه
بتحطي شوية زيت ومعلقة سمنه في الحله لحد ما يقدح
وبعدين تقطعي بصلتين متوسطين في الزيت وتقلبي لحد ما يحمر البصل
وبعد كده تحطي الطماطم (تكوني عصراها مش صحيحه ههههههههههه لحسن نروح في داهيه)
وتستني بقي الصلصه تغلي غلوتين
وتحطي الملح والدقه والحاجات دي وكمان ممكن تجيبي من العطار تحويجه للمحشي بتبقي جاهزه عنده بتخلي المحشي ليه طعم وريحه خرافه
وبعدين تحطي الرز (يكون مغسول)وتقطعي الخضره بتاعت المحشي (شبت وبقدونس وكسبره)
تجيبيها من عند الـ هتجيبي من عنده الكرنب قوليله بس خضره للمحشي

وتقلبي ده كله علي بعضه

ثالثا تجيبي الورق الـ انتي كنتي عملاه (الكرنبه) وتلفي بقي المحشي

وده كمان مش هعرف اوصفه

بس بعد ما تخلصي الرص في الحله
حطي بقي الشوربه ووطي النار بس مش قوي

وسيبيه شويه بقي مش عرفه اد ايه بس هتلاقي ريحته طلعت ولو مسكتي واحده هتلاقيها باين عليها اذا كان استوي والا لأ

وبالهنا والشفا ههههههههههههههههه
وربنا يستر

[توتى3000]

الله الله ايه ده كله دى الريحه طالعه جوعتينا ههههههه
الحلقه معاكى يا ايمى كانت خفيفه جدا يا ايمى
وكويس طلعنا منك بطبخه هههههههههههه
فى نهايه حلقتنا بنشكرك جدا يا ايمى وشكرا لوجودك معانا

[الورد الجوري]

صباحكم سكر ايمي و توتي
ههههههههههه
اه في انتظار المحشي بقى

[توتى3000]

صباحك عسل يا ورد المحشى اتطبخ اهو يلا اتفضلى معانا

[eme]

انا بجد الـ بشكرك جدا ياتوتي علي استضافتي بجد مبسوطه جدا اني كنت معاكم

وان شاء الله تستضيفيني في برنامجك الجديد هههههههههههههه

ويارب يكون عكي عجبكم

دوقوا وقولو رايكم

[توتى3000]

ودلوقتى ضيفى وضيفكو








عمرررررررر
اهلا بيك ياعمر نورتنا جاهز تكون الشيف