من كل بلد اكله ..

[omarr]

توتى ..

عمرى ما عملت مكرونه بالشاميل ...

لكن شوفت بتتعمل ازاى ...

- بنحضر الباشاميل .. ( دقيق + لبن + شوربه او ميه .. زبده ..)

- بنحضر العصيده ( لحمه مفرومه وبصلصه وبصل )

_ سلق المكرونه الى " القلم " ..

- خلط المكرونه المسلوقه مع البشاميل

- وضعها فى الصينيه مع العصيده

.. بيضه على الطبقه الخارجيه

بنحط الصينيه فى الفرن ...

بنفس الطريقه ديه نقدر نعمل اللازانيا .. بس لها نوع مكرونه طويل يشبه الشرايط ..

بنسلقه الأول فى صنينه ..


انا شاطر فى عمايل المكرونه الأسباجيتى ( البلونيز ) .. مشهور بها اهل مدينه بولونيا فى

ايطاليا .. بنسميها هنا مكرونه باللحمه المفرومه ..


بعمل مكرونه قلم مع التونه .. ولو فى قطع سمك هاتكون احلى واحلى ..

لو فى جمبرى وقطع كاليمارى هاتبقى تحفه ... ممكن كمان نعملها بالأنشوجه

بتكون غريبه بس حلوه ..

[توتى3000]

ياااااااه انا كده هجوع منك هههههههههههه
ياريت مش تبخل علينا وتقولنا طريقه المكرونه بالتونه حسه انها غريبه شويه مش هنسيبك انهارده ماصدقنا نلاقى حد بيعرف يطبخ هههههههه

[omarr]

المشاركة الأصلية بواسطة توتى3000

ياااااااه انا كده هجوع منك هههههههههههه
ياريت مش تبخل علينا وتقولنا طريقه المكرونه بالتونه حسه انها غريبه شويه مش هنسيبك انهارده ماصدقنا نلاقى حد بيعرف يطبخ هههههههه

توتى ..

طريقه عمل المكرونه بالتونه ...

اولا .. افضل نوع المكرونه " القلم " عشان بتشيل جواها الصوصو وقطه التونه ..
افضل من الأسباجيتى و الأنواع الصغيره الأخرى ..


انا عندى طريقتين لعمل المكرونه بالتونه ..

الطريقه الأولى ...

- المكونات ..
كيس مكرونه قلم ( ريجينا ) هايكون افضل عشان القمح بتاعها صلب ومش بيعجن

بصله كبيره او بصلتين ..

- علبه تونه .. اى نوع ..مفتته او قطع ..

-حبه طماطم + حبه فلفل رومى + ريحان او نعناع + ملعقه خل او ليمونه كبيره


الطريقه ..

- فى زيت دره او زيت زيتون يتم تحمير قطع البصل الصغيره جدا لغايه لما تبدل البصله
اوعى تخلى البصله توصل للون الذهبى او البنى .. مجرد انها تدبل فقط ..حطى الرياحان
شويه صغيره عشان الرائحه والطعم .. لو ريحان طازه مش ناشف يبقى احسن ..
اضيفى شويه خل ..ملعق او اعصرى ليمونه كبيره

- اضيفى الى البصله مكونان علبه التونه بعد ان تصفيتها من السائل اللى بيحفط التونه ..

- سلق المكرونه ...وتصفيه المكرونه بعد السلق .. انا مش بغسل المكرونه .. فى ناس
بتغسلها .. كل واحد حر فى رناته ..

- اخلط المكرونه البيضاء الى خليط البصل والتونه واضيفى اليها قطع الطماطم والفلفل الرومى




ديه الطريقه الأولى ..

يتبع

[omarr]

الطريقه التانيه لعمل " المكرونه بالتونه "

المكونات ...

- 7 حبات طماطم مستويه طبعا ..
- كيس مكرونه
- اى حاجه خضراء ( بقدونس ..كوزبره , ..الخ ..
- جزره مبشوره
- علبه تونه ..


طريقه العمل

- خلط الطماطم فى الخلاط .. عشان نعمل عصير طماطم

- فى شويه زيت .. معلقتين زيت كبار ..ينضيف عصير الطماطم و الجزره المبشوره ..

نضع الخليط على النار حتى " تتسبك " الطماطم

- سلق المكرونه .. تصفيه المكرونه

- اضافه المكرونه على الصوص و نضيف علبه التونه و اى شىء اخضر ..

وقدمى المكرونه فى طبق عميق ..


ملحوظه : انا افضل انى اسلق المكرونه 1/2 سلق و واحب انها تكمل السلق فى الحله مع

صوص الطماطم مع التونه ..

[توتى3000]

ماشاء الله دى حاجه جميله جدا جدا على فكره انا هكتب الوصفات دى حالا
هل الاكل مرتبط معاك بالوزن
وبالمره وزنك قد ايه
وفى مقوله بتقول كل اللى على مزاجك والبس على مزاج الناس رايك ايه فيها
وليه اول سوال بنساله لما نصحى من النوم هناكل ايه انهارده وحتى قبل ماننام هناكل ايه بكره
هو الانسان بياكل عشان يعيش ولا بيعيش عشان ياكل من وجه نظرك

[omarr]

توتى

اشكرك

.. لى عود لكى ارد على " حزمه " الأسئله اللى طرحتيها لدوقتى ...

الى لقاء قررررررررررررررريب ..

[omarr]

المشاركة الأصلية بواسطة توتى3000

ماشاء الله دى حاجه جميله جدا جدا على فكره انا هكتب الوصفات دى حالا
هل الاكل مرتبط معاك بالوزن
وبالمره وزنك قد ايه
وفى مقوله بتقول كل اللى على مزاجك والبس على مزاج الناس رايك ايه فيها
وليه اول سوال بنساله لما نصحى من النوم هناكل ايه انهارده وحتى قبل ماننام هناكل ايه بكره
هو الانسان بياكل عشان يعيش ولا بيعيش عشان ياكل من وجه نظرك

توتى

الأكل عندى لا يرتبط بالوزن .... الحركه هى التى تربتط بالوزن ..

فأنا اعشق الأكل الجيد

وزنى 82 كيلو ...

انا مع المقوله اللى بتقول: "البس اللى على مزاجك وكل اللى تطبخه مراتك"

انا مش بعرف نوع الأكل الا لما ادخل البيت عشان اتغدى ... مش بعرف مسبقا نوع الأكل

مراتى كل ماتسألنى عايز تاكل ايه بكره؟ بقول لها نفس الأجابه " اى حاجه " .. هى يئست منى

خلاص وبقت تطبخ اللى بتحبه هى ..

طبعا الأنسان بياكل عشان يعيش ..

الأنسان اللى عايش علشان ياكل ..اكيد عنده خلل او مرض او فلوس كتير اوى ...


توتى ..

انا معاكم اهه ... منتظر اى اى اسئله تكون فى الأطار ومناسبه للموضوع

[توتى3000]

اهلا بيك تانى يا عمر
لو جبنا ليك سمك وفراخ ولحمه وخضار هتطبخ ايه منهم وتقولينا طريقه الطبيخ

[omarr]

توتى ...

اعذرينى ما شوفتش السؤال الا دلوقتى .. انشغلت كتير ..اعذرينى وسامحينى


طبعا من غير تفكير هاختار ان اطبخ السمك ..

لأنه مش بياخد وقت

لأنه من افضل انواع الأكل عندى ..


السمك مافيش اسهل منه فى طبخه ..

هاختار انى اطبخ لكم سمك فيليه على الجريل ...

1/2 كيلو سمك فيليه .. يارب تقدرى تشترى سمك طازه و تخلى الراجل فى المحل هو اللى
يفليه عشان تتأكدى انه سمك طازه .. يعنى لو سمكه 2 كيلو ممكن يطلع منها او تصفى
تلتها او ربعها او اكثر من النصف ..حسب نوع السمكه ... السمك الصغير زى البورى والدنيس
والباربونى مش بيتفلى .. السمك اللى ممكن تفليه هايكون بياض او مرجان او بلطى كبير

الطريقه سهله جدا ..

ضعى قطع السمك فى طاسه تيفال ...

نار هاديه جدا .. زى الشمعه كده ..

غطى الطاسه ..

بعد حوالى 5 دقائق هاتلاقى السمك بداء ينزل الميه .. ضعى قليلا من الملح ...

قليلا من النعناع .. اعصرى ليمونه ...

اتركيه 5 دقائق اخرى .. وبس

هاتكلى سمك بطعم السمك ونكهه السمك .. صحى و لذيذ ..


اكله سمك فى 10 دقائق .. مناسبه للعازبين و اللى متخانقين مع مراتاتهم

[omarr]

فى طريقه تانيه ..

طريقه مشهوره ولذيذه جدا و عائليه جدا جدا .. تنفع كمان فى المناسابات اللى فيها ضيوف

كتيررررررررررررر ..


المكونات ..

2 كيلو سمك حجم كبير ..

كيلو طماطم

4 حبات بصل كبيره

جزره او اتنين

بطاطس ( لو الناس كتيره اوى ) عشان بطنهم تتملى ...البطاطس بتاخد طعم السمك وبتبقى
روعه و الأطفال بيحبوها كتير ..

بقدونش او اى حاجه خضره .. كوزبره ..سبت ..او حتى كلهم مع بعض يبقى جميل ..


طريقه التحضير ..

- قطعى السمك جزل ( قطع ) ...

- ضعى السمك فى تتبيله ( ثوم + خل +فلفل رومى + جزر +كمون + ليمون .. الخ ..
كل شيخ وله طريقه فى التتبيل .. المهم ان السمك يفضل فى التتبيله اكتر من نصف ساعه


- ضعى قطع السمك المتبله فى الدقيق ..

- اقلى قطع السمك فى الزيت الساخن .. ( اوعى السمك تتركيه لغايه لما يتحمر ) غلط

يعنى اقليه نصف سوا ...

- باقى الأكل ( لو انت عارفه طريقه صنيه البطاطس فى الفرن هاتقدرى تفهمينى )

- هاتحمرى قطع البصل ( طرنشات على شكل دوائر ) فى الزيت ... ( معلقتين زيت فقط ) ..
- هاتضيفى الطماطم المقطعه ( برضه طرنشان على شكل دوائر ) ..
- هاتضيقى الجزر و البطاطس .. الجزر هايكون مبشور والبطاطس على شكل شراح طويله
- تضيفى كوب كبير من عصير الطماطم ...

- تقومى بوضع المزيج على النار حتى " تتسبك " عصير الطماطم ويفقد الماء

- قومى البقدونس و بعدها قطع السمك المقلى فى الصنيه ..

- ضعى الصنيه فى الفرن ..

- اوعى تنسى تغيرى من وضع الصنيه فى الفرن .. شويه فوق وشويه تحت ..

- اطفى على الفرن فى اى وقت .. لحم السمك بيستوى فى ثوانى .. تقريبا بعد

15 دقيقه فى الفرن هاتقدرى تقدمى وجبه رائعه .. لعدد كبير ..


وبالهنا والشفا

[الورد الجوري]

اهلا توتي و عمر
اعذرني عمر اتاخرت في القدوم لرؤية ابداعاتك
و عجبتني الابداعات دي
و كمان عجبتني المقوله الجديده دي
"البس اللى على مزاجك وكل اللى تطبخه مراتك"


ربنا يخليك لبيتك و لاهلك يارب
و تفرح بالحلوين الصغيرين و تعلمهم الطبخ

[عتاب]

عمر
جوعتني
الاكلات اللي قولتها جميلة
وعجبني اوي السمك اللي بطعم السمك ونكهة السمك ههههههههه
احنا هانسميك الشيف عمر

[توتى3000]

عمر انت بجد شيف ررراااااااااائع جدا وكلنا استفدنا منك انت جوعتنى اوى وكنت بطبخ مكرونه انهارده بفتكرك هههههه
وورد وعتاب طبعا منورينا كالعاده شكرا لوجودكم
عمر دى حلقه من الحلقات القويه لينا شكرا ليك على وجودك
لنتظرو الضيف القادم معااااناااااااااااا
بعد الفاصل

[عتاب]

في انتظار الشيف الجديد

[omarr]

توتى .. اشكرك على استضافتى .. ربنا يخليك يارب

الورد ... الله على كلامك .. اشكرك يا رود من كل قلبى ..تسلمى لينا يارب

عتاب ... اشكرك عتاب .. الحمد لله ان طريقتى فى الطبخ عجبتك ...


اشكركم من كل قلبى