"هل من مواصفات شريكه حياتك اول شئ انها بتعرف تطبخ ولا مش هتفرق معاك "
هو مفروض اقول انها مش حتفرق بصفتى باعرف اطبخ يعنى
لكن بصراحة بقى تفرق معايا
لانى ساعتبر انه جزء من اهتمامها بيا,, مثلا لما تحب تسعدنى تعمل لى اكلة عارفه انى بحبها جدا وتتفنن فيها كمان
"ايه الاكله اللى تحب تاكلها ومتحبش تعملها "
احب اكل المحشى والبصارة وما احبش اعملهم (رغم انى باعملهم حلو جدا)
" اكله اتعزمت عليها وقررت انك معدش تاكلها تانى"
كانت أكل يابانى وما عجبنيش خالص رغم انى اعشق الاكل الصينى. الاكل اليابانى ما فيهوش "النفس"
ومعظمه حاجات نية كده
"هل بتحب العزومات يعنى تحب تعزم ولا تتعزم "
انا بحب اعزم اكتر ما أتعزم,,, والحكاية دى بوظت العلاقات بينى وبين زوجات أصحابى لانهم بعد العزومة بيغضبوا على اكل ستاتهم
"ايه الحاجه اللى مبتقدرش تستغنى عنها فى مطبخك زى مثلا نوع من التوابل فهل ليك خلطات خاصه بتحطها فى الاكل"
حاجات كتير ياتوتى ,,, انا بحب التوابل تكون من مصدرها الاصلى مثلا لو شطة تبقى هندى او اندونيسى ولو كارى يبقى هندى مش باكستانى ومش اى هندى لازم بتاع مدراس (بلد فى الهند),, وبحب التوابل تبقى فريش يعنى باطحنها قبل ما اعمل الاكل مباشرة,, صدقينى بتفرق فى الطعم جدا,,, لان التوابل اصلا رائحة وكل التوابل الناعمة قلما تجدى فيها رائحتها
اما عن الخلطات الخاصة فانا فعلا غاوى كل شوية كده ابتكر خلطة
عارفة واحد من اصحابى كان مصمم يفتح لى مطعم فايف ستارز ونتشارك فيه,,,ما رضتش طبعا
انا باطبخ لمزاجى وليس لكى أاكل,, يهمنى جدا الكيف وليس الكم
تحياتى
النمط الخطي
