من كل بلد اكله ..

[BATISTA]

سهرة سعيدة

وتصبحو على خير

اكمل معاكم بكرة يامروة ان شاء الله

[توتى3000]

ياريت باتستا يشرفنا بعد الفاصل
لوالاندومى ده مكرونه مسلوقه ممكن تحط عليه صلصه اوكاتشب ولا ايه
وعلى فكره كويس انك تجرب كل جديد بس هل انت من النوع اللى يحب يغير فى اصناف الاكل
وهل بتحب الاكل من خارج البيت وبتثق فيه

[BATISTA]

معذرة
لى عودة للرد عليكى مرة اخرى يامروة

سهرة سعيدة ان شاء الله


تحياتى

[**ريفيرا**]

ايه فينكم مش كملتو ليه
تحياتي لكم

[الورد الجوري]

اهلا توتي و محمد و ريفيرا
ازيكم ؟
في انتظار محمد للرد على الاسئله
و طبعا بما اني لازم مجيش و ايدي فاضيه
لابد اسأل كام سؤال
1- عايزين نعرف اكله مش مصريه دقتها و عجبتك ؟؟
2- شكل الاكل و ترتيبه بيمثل عندك جانب فاتح للشهيه ؟؟

معلش بقى يا توتي انا قلت اجيب سؤالين اساعدك يا مذيعتنا
تحيتي لكي و للجميع

[BATISTA]

المشاركة الأصلية بواسطة توتى3000

ياريت باتستا يشرفنا بعد الفاصل
لوالاندومى ده مكرونه مسلوقه ممكن تحط عليه صلصه اوكاتشب ولا ايه
وعلى فكره كويس انك تجرب كل جديد بس هل انت من النوع اللى يحب يغير فى اصناف الاكل
وهل بتحب الاكل من خارج البيت وبتثق فيه

اهلا مروة عذرا على التأخير انتى عارفة بقى مشاغل وكلام من دة

المهم اخبارك اية والنتيجة اية ظروفها ولا هيلغو النتايج السنة دى ويوزعو عليكو امساكيات واجندات

رد على اسئلتك .


هو الاندومى فعلا عامل زى المكرونة الاسباجتى وبيبقى جاى مع العلبة الطعم الخاص بيها بيبقى صلصلة وفراخ أو صلصة وشطة أو الكاتشب حسب النوع

بخصوص التغيير أكيد اه باغير بس لى اصناف صعب التخلى عنها فى الاكل زى السلطة

الأكل الى برة البيت لا مش باثق فية ( لو كان كلامك على المطاعم والكافتريات ) لما اكون مسافر غالبا بيكون الاكل الى مافيش خوف منة هو السمك لكن اللحوم والفراخ غالبا مابتكون مجهولة الهوية وبالتالى بيبقى فى نوع من القلق بس حسب اسم كل مطعم وشهرتة فى الغالب مع العلم ان الايام دى مافيش حاجة مضمونة


تحياتى وسهرة سعيدة ليكى

المشاركة الأصلية بواسطة **ريفيرا**

ايه فينكم مش كملتو ليه
تحياتي لكم

أهلا ريفيرا

ان شاء الله بخير

متابع معاكم

تحياتى وسهرة سعيدة ليكى

الورد الجورى

أهلا بيكى شرفتينا

1- عايزين نعرف اكله مش مصريه دقتها و عجبتك ؟؟
2- شكل الاكل و ترتيبه بيمثل عندك جانب فاتح للشهيه ؟؟

1- أكلة مش مصرية ( البريانى ) وطبعا هى معمولة على الطريقة العراقية بس هى بتكون عبارة عن أرز أصفر وبطاطس ومكونات كتير بصراحة مادققتش فى الطبق لانى كنت مشغول شويتين بباقى الاصناف بس هو كويس بس برضة مها رحنا ومهما جينا الأكل المصرى لايعلى علية


2- شكل الاكل وترتية طبعا الترتيب والشكل بيكون عامل للشهية خصوصا لما يكون الأكل كلة متماشى مع بعضة يعنى الأرز والشوربة واللحمة والبطاطس - غير لما يكون - فراخ ومكرونة يعنى غالبا افضل اللحوم مع الأرز والمكرونة مع الفراخ ولازم يكون فى سلطة فى الأكل على الرغم من احتواء كل مكونات السلطة على خضروات يقال ان نسبة الاملاح فيها كتير زى الطماطم والخيار بس برضة بيكون فى فوائد للجزر والبقدونس والخضرة بالاضافة الى زيت الزيتون على السلطة


سهرة سعيدة ياورد تحياتى

[توتى3000]

اهلا بالجميع
النتايج سيبها فى حالها يامحمد بلاش احراج هههههههه
سوالى ليك
هل انت بتعتمد على الريجيم فىحياتك وهل جربت تعمل دايت قبل كده
ايه الاكله اللى اخواتك بيعملوها حلو جدا ومتحبش تاكلها الا منهم
هل انت بتحب تتعزمولاتعزم
اصناف الاكل اللى بتحبها

[BATISTA]

المشاركة الأصلية بواسطة توتى3000

اهلا بالجميع
النتايج سيبها فى حالها يامحمد بلاش احراج هههههههه
سوالى ليك
هل انت بتعتمد على الريجيم فىحياتك وهل جربت تعمل دايت قبل كده
ايه الاكله اللى اخواتك بيعملوها حلو جدا ومتحبش تاكلها الا منهم
هل انت بتحب تتعزمولاتعزم
اصناف الاكل اللى بتحبها

أهلين مروة


ماشى ان شاء الله نسمع خير بس ماتنسيش البيبسى
بخصوص الرجيم لا ماليش انا فى الحاجات دى الحمد الله الوزن مناسب مش فاكر حاجة وستين

والله الأكل متعدد بس أكترها المكرونة البشميل

العزومات طبعا حسب المناسبات مع العلم انى مش باحب أكل برة البيت كتير غير فى الحالات القصوى

أصناف الأكل

المكرونات بجميع انواعها ومحشى ورق العنب بالاضافة الى السمك والسبيط والفراخ واللحوم
(شوربة العدس) ..........الخ

[توتى3000]

طب كويس فى ناس عايشه على الدايت
هل ممكن تتابع برامج الطبخ او تشوف مواقع للطبيخ على النت
واخر سوال
لازم تسيب لنا بصمه وتقولنا على وصفه اكله

[BATISTA]

المشاركة الأصلية بواسطة توتى3000

طب كويس فى ناس عايشه على الدايت
هل ممكن تتابع برامج الطبخ او تشوف مواقع للطبيخ على النت
واخر سوال
لازم تسيب لنا بصمه وتقولنا على وصفه اكله

ربنا يكون فى عون الناس الى عايشة على الدايت

اه باشوف بسيط كدة برنامج تابع الأكل على قناة اسمها فاتفيت بس على استحياء يعنى مش قوى يعنى بتكون صدف وكنت باتابع برنامج الشيف اسامة على قناة أبوظبى

بخصوص الوصفة أو البصمة

هتكون الأندومى ( شيكولاتة بالشطة) زى ناس كانت بتقول كدة

بتجيبى العلبة وتفرغيها فى الماء وتقلبيها فى المية زى خمس دقايق كدة بعد كدة بتجيبى الطعم وتحطيها على الأكل

برضة فى الوصفات العادية للمكرونة واللحمة والفراخ بس دة بيكون فى حالة لما أحمرها فى الزيت فقط



شكرا يامروة على البرنامج والاستضافة

واعتذر على التأخير فى الردود

واتمنى انى اكون كنت ضيف خفيف

تحياتى للجميع

وسهرة سعيدة

[توتى3000]

هتكون الأندومى ( شيكولاتة بالشطة) زى ناس كانت بتقول كدة
ههههههههه لاتعليق
انت فعلا ضبف خفيف جدا
وشكرا على وجودك معاناوبالنسبه للتاخير انت اللى هتتحمله
شكرا ليك يامحمد مره تانيه
وانتظروا ضبف المطبخ القادم
سلام

[الورد الجوري]

السلام عليكم
توتي ..
ازيك ؟
ربنات يطمنا عليكي

محمد ..
ميرسي على الحلقه الطيبه
موفق ان شاء الله

في انتظار الضيف الجديد

[توتى3000]

اهلا بيكو انا عارفه ان المطبخ مقفول اليومين دول
بس هيفتح حالا دلوقتى تابعونا

[توتى3000]

شوفو نفذت وعدى ليكو اهو
والوقتى معايا ومعاكو ضيفه كلنا بنعزها ونحترمها هى













لاجئه

[لاجئة]

انا جيت..
ازايكم يا جماعة!!
شكرا يا توتي ع الاستضافة!