صدقتي الله يرحمهم!!
الاكلة الاكثر شعبية هي رز ولبن ودجاج (محشي او مش محشي)..
بداية بحضروا بصل وبقطعوه.. وبحطوه في الزيت على النار لحد ما يصير لونه ذهبي
بعدها بحطوا قطع الدجاج (اذا كان مش محشي) على البصل وبحطوا ماء مغلي (حتى الغمر) وملح حسب الرغبة.
بنخليهم ساعة ونصف تقريبا على النار وبعدها بصيروا جاهزين.
بنشيل الدجاج وبنخلي الماء والزيت والبصل (لانها بتكون بمثابة مرق دجاج للبن- طعمها بكون ازكى من المُصنع)
-------
ثانيا اللبن..
اللبن (مش الحليب!!) بيكون جامد وفي البراد طبعا..
بنسكبه في طنجرة فارغة وبنحطه على النار حتى يصير اكثر سيولة.. وبعدها بنكسب فوقه الماء والزيت والبصل بس عن طريق شبكة (صفايه) علشان البصل ما ينزل على اللبن..
وبنضل نحرك حتى تتماسك المواد مع بعض ويصير تجانس بينها ومعظم الناس بتضيف شوية ملح خلال التحريك.
العملية كلها تستغرق تقريبا نصف ساعة
--------------
الرز.. اكتر شغلة بحب اعملها
بنحط الرز في ماء مغلي لحتى "ينفش" (تكبر الحبة) لحتى يبرد الماء.
بنحط زيت في طنجرة وبنرفعها على النار.. ولما يغلى الزيت بنصفي الرز من الماء وبنضيفه للزيت.. وبنضل نقلب فيه تقريبا مدة 10 دقايق.. بعدها بنضيف كركم وملح.
بنسكب ماء مغلي على الرز (حتى نغمره).
وبنستنى عليه تقريبا 0.5 ساعة..
وبس.. هيك بطلع الرز جاهز!
مواضيع مشابهة
النمط الخطي
