من كل بلد اكله ..

[وردة النيل]

انتظرو معانا الضيف الجديد

[وردة النيل]

ورجعنا مرة تانية مع متابعينا الكلام

اوعو تكونو قلبتو المحطة

مع توتي وردة في برنامج من كل بلد اكلة

مش حتقدر تغمض عنيك

ومعانا ضيفنا الكريم

ويارب الحلقة تنال اعجابكم

ولوعو تقلبو المحطة

صحيح مين العضو الي معانا

يه يه انا على الهوا

فاصل مع الاغاني الروشة طحن

اكون عرفت الاسم من الكنترول

فاصل ونواصل

[نقطة عطر]

توتى

وردة

اشكركم واتمنى لكم كل الخير

وكل عام وانتم بخير وسعادة

أختكم

نقطة العطر

[توتى3000]

نقطه عطر شكرا لوجودك الجميل معانا وياريت تكونى معانا متابعه فى البرنامج دايما
واعزائى المشاهدين
زى ما ورده قالتاستنونا واوعوتغيرو المحطه

[وردة النيل]

نقطة عطر استمتعنا بحديثك الشيق

لا تحرميني من وجودك العطر

[وردة النيل]

توتي هو الكنترول راح فين ؟؟؟؟؟؟

نعتذر اعزائي المشاهدين لتاخر الكنترول قليلا في الاعلان عن الضيف الجديد

فاصل ونواصل

بعد نشرة التاسعة

ربنا يستر

[توتى3000]

اهلا ورده لازم نبدا طبعا سورى عالتاخير
وضيفنا انهارده
مش اى ضيف
مين هو ياترى
هو



half magic
اهلا بحضرتك معانا فى البرنامج
جاهز تلبس لبس الشيف انهارده

[وردة النيل]

يادي النور يادي النور

هاف ماجيك

منور مطبخنا المتواضع

انا حتغدى النهارضة

يسلاااااااااااااام

يارب تقضي معانا لحظات ممتعة

وانتم متابعينا

ابقو معانا

عارفين لو قلبت المحطة

ياولكم

من كل بلد اكلة

مش حتقدر تغمض عنيك

[Half-Magic]

أولا انا سعيد جدا بالمشاركة معاكم ... و مستعد يالا بينا ...

معاكم الشيف هالف ماجيك ...

[وردة النيل]

ياهلا ياهلا

والله المطبخ نور

وانا اقول انا جعانة ليه

حناكل يا جماعة

اكل الشيف ماجك مش اي حاجة

اوعى تكسفنا

ههههههه

منور البرنامج

[توتى3000]

اهلا بيكى ياورده
انا اعرف ان ليك مشوار مع المطبخ ممكن تحكيلنا البدايه وازاى بدات تدخل المطبخ

[وردة النيل]

ويريت كمان تحكلنا عن اول تجربة ليك مع المطبخ ؟

[Half-Magic]

ههههههههه... محدش يستغرب انا دخلت المطبخ اول مره و انا فى الجامعة و كنت مضطر كمان و الصراحة كانت تجربة فظيعة كل ما افتكرها اضحك ...

كان وقتها ابويا و أمى فى الحج و كنت لوحدى و كان نفسى أكل لأنى كنت زهقت من الأكلات الجاهزة و وقتها نويت انى اعمل فرخة !!

و بالفعل قمت بتحضير كل شئ لأنى كنت سألت صاحبتى فى الكلية على الطريقة و كتبتها كمان لكن وقت التنفيذ كانت مفاجأة ... لأنى لاقيت نفسى امام تحدى رهيب من وجهة نظرى لأنى كان اكتر حاجة بقدر اعملها هى البيض المقلى و الشاى فقط ...

المهم قمت بتنفيذ الطريقة كما قالت صديقتى !! و سلاقت الفرخة و كل شئ تمام بس انا كنت عايز الفرخة مشوية ...

و علشان كده دخلتها الفرن .. بس الحلة كانت كبيرة فقت بتفريغ الفرن من كل شئ فيه لحد ما دخلت الحلة كاملة و تركتها فى الفرن و كل شوية اروح اشوفها الاقى لسه فيها ميه ( اللى هى الشوربة لأنى مش كنت أعرف موضوع الشوربة ده ) فأقول لنفسى لأ لسه شوية ...

المهم فات وقت كتير قوى قوى قوى لحد ما انا نسيت أصلا الفرخة لحد ما شميت ريحة فظيعة فجريت على الفرن و كانت المفاجأة الفرخة بقيت فرخة جاية من جنوب افريقيا لونها اختلف تماما !!

فكان التصرف هو وضعها تحت الحنفيه ختى يهدأ الدخان و بعد كدا ... لفتها فى كيس و اخذتها و رميتها و رحت اشتريت من مؤمن ساندوتش فراخ بانيه .. ههههههههه

و دى كانت حكايتى مع المطبخ

[توتى3000]

ههههههههه احلى حاجه لما فضيت الفرن لو كنت كلتها مسلوقه كانت احسن هههههههه
وازاى بقى اتعلمت الطبيخ

[Half-Magic]

الطبخ !! أنا من ساعتها لم ادخل المطبخ إلا فى حالات ضيقة جدا جدا و كل اللى اعرف اعمله هو البيض المقلى بس اتعلمت اعمل مكرونه .. هههههههه .. طبعا مكرونه اسباجتى فقط ..

و هى دى كل علاقتى بالمطبخ

الف شكر لك يا توتى و لك يا ورده على هذا الموضوع الجميل اللى بجد فكرنى بموقف مضحك جدا كل ما أفتكره اضحك .. الف شكر لكم مره أخرى و بجد شرفنى جدا جدا المشاركة فى هذا الموضوع ...

تحياتى لكم و بالتوفيق

كان معكم الشيف هالف ماجيك ..