من كل بلد اكله ..

[Half-Magic]

و لا يهمك يا وردة ... انا لسه معاكم اهووو ...

و بالنسبه لأسئلتك ...

هل عندك استعداد تدخل المطبخ تاني ؟

الصراحة .. ممممم لأ .. كفاية اللى حصل فى المره الأخيرة و انا على العموم لما بحتاج أكل و مش لاقى حد يعملى الأكل بظبط نفسى ديلفرى ...

وهل في رايك ان الراجل لا يجب ان يتواجد في المطبخ ؟

لأ طبعا ... فيه رجالة غاويين موضوع المطبخ ده و فيه زوجات كتير بتشتكى من مزاحمة الزوج لها فى المطبخ ... يعنى ممكن تقواى موضوع المطبخ ده مزاج ..

[توتى3000]

اهلا هاف ماجيك
سوالى ليك هل بتحب تعزم ولا تتعزم
وبمناسبه رمضان كل سنه وانت طيب طبعا ايه الاكلات اللى تحب تكون على السفره فى الفطار

[Half-Magic]

سوالى ليك هل بتحب تعزم ولا تتعزم

بحب الأتنين الصراحة لأن الأكل بيبقى أحلى مع اللمة .. يعنى اللمة بتفتح النفس ...

وبمناسبه رمضان كل سنه وانت طيب طبعا ايه الاكلات اللى تحب تكون على السفره فى الفطار

و انتى بالصحة و السلامة ... الأكلات اللى بحب تكون موجودة على السفرة طبعا طبق الفول . بحب المكرونة الباشميل و السمبوسك و الفراخ المشوية ...

ايه الواحد جاع كده .. ههههههه

رمضان كريم .

[توتى3000]

هههههههه الاكل موجود بس مش من مؤمن هنطلب منك فى نهايه الحلقه بنشكرك على وجودك معانا
انتظرو الضيف القااااااااااادم

[توتى3000]

مساء الخيرعليكو كل سنه وانتو طيبين
معايا ضيفه طيبه اوى
دخلت قلوبنا بسرعه هى





هى







ريفيرا
منوره ياريفيرا اهلا بيكى فى المطبخ

[**ريفيرا**]

المشاركة الأصلية بواسطة توتى3000

مساء الخيرعليكو كل سنه وانتو طيبين
معايا ضيفه طيبه اوى
دخلت قلوبنا بسرعه هى





هى







ريفيرا
منوره ياريفيرا اهلا بيكى فى المطبخ

السلام عليكم ورحمة الله وبركاته
كل عام وانتم بخير جميعا

اولا احب اشكر توتي علي الاستضافة الجميلة دي
ويا رب اكون ضيفة خفيفة عليكم
واقدر اقدم حاجة علشان رمضان
تحياتي لكم جميعا

[توتى3000]

كل سنه وانتى طيبه ياريفيرا يلا عرفينا بقى عندك كام سنه واالمطبخ اخباره ايه معاكى

[**ريفيرا**]

وانتي بالف خير وصحة

اسمي ريفيرا
عندي 19 سنة
المطبخ معاي الحمد لله تمام

[توتى3000]

يعنى هنستعين بيكى فى الاكلات الصعبه اكيد
قوليلنا الاكل فى رمضان اكيد بيبقى انواع كتير اكتر اكله بتعملى ايه بقى فى رمضان بخصوص الاكل فى ناس بتستنى ساعه الفطار وتدوس فى الاكل هههههههه انتى بقى يومك المطبخى بيبقى ازاى

[**ريفيرا**]

هههههههههه يا قوي

انا الحمد لله الي مسؤلة عن المطبخ في بيتنا

بس ده طبعا جه بعد تعب شديد ومجهود

اقولك سر انا اول ما مسكت المطبخ لما كنت في ثالث اعدادي

خليتهم ياكلو بيض لمدة شهرين بانواعة المختلفة

يلا ما علينا ......... بس اوعي تقولي لحد علي الشطارة بتاعتي

المهم في رمضان بنخلص شغل البيت الاول وبعدين بندخل علي المطبخ

ابدا اطبخ ولما اخلص ممكن لو في وقت اعمل لهم نوع من الحلويات او يكتفوا

بالعصي الي بنعمله ده سهل قوي ولذيذ في نفس الوقت هبقي اقولكم عليه

[**ريفيرا**]

احنا بنكون مجهزين الاكل واول ما ياذن المغرب هجوووووووووووم ههههههه

ولكن ساعات بنشرب مياة كثيرة قبل الاكل فبنصلي وبعدين نبدا فطورنا(لكن ده من النادر مخبيش عليكي)

[توتى3000]

ههههههه مش هقول لحد
فى فرق فى رمضان فى مصر عن قطرفى نوعيات الاكل

[**ريفيرا**]

المشاركة الأصلية بواسطة توتى3000

ههههههه مش هقول لحد
فى فرق فى رمضان فى مصر عن قطرفى نوعيات الاكل

اه طبعا في فرق كبير هنا كل اعتمادهم في الاكل علي الارز

هنا اهم اكلة عندهم وتعتبر الاساسية اكلة اسمها (المكبوس)
وتعتبر الاكلة اليومية لهم سواء كان المكبوس مع لحم او دجاج او سمك

وفي اكلة تانية انا بحبها قوي اسمها مضروبة

بس طعمها جميل قوي يا توتي

[توتى3000]

طب اوصفيلنا المكبوس والمضروبه دى اسامى غريبه اوى

[**ريفيرا**]

هههههههه ماشي انا هقولك علي المكبوس
لكن المضروبة بصراحة صعبة قوي بس انا هقولك هي عبارة عن ايه؟؟


عندك المكبوس عبارة عن

1)ارز بسمتي ذات الحبة الطويلة
2) لحم او دجاج او سمك
3) توابل المكبوس وهي(قرفة وليمون اسود وحبهان وكركم ) وباقي التوابل زي الملح والفلفل والكمون........ وبالنسبة لينا احنا لما بنيجي نعمل المكبوس اذا لم تتوافر عندنا عادي مش بنحطها بس لازم الكركم.

الطريقة..

اول حاجة بتكوني طبعا منظفة الدجاج وتحطية وتسلقية وتحطي معاه بصل مقطع والتوابل والكركم دول اهم حاجة ولما الدجاج يستوي بتشيليه وبتحطي الارز في الشوربة بتاعت الدجاج وتخلي الارز لغاية ما يستوي.... والهنا والشفاء

ده ابسط انواع المكبوس.... ساعات في ناس بتحط في الشوربة خضار مشكل زي البسلة والفاصوليا والجزر والبطاطس وبيكونوا طبعا مقطعين قطع معتدلة الحجم وبعديت يحطوا عليها الارز ويستوي كله مع بعضه.

اما المضروبة بقي هي عبارة عن قمح وجزر ودجاج وشبت وبقدونس وكزبرة وخضار مشكل وكل دول بيتحطوا علي بعضهم في حلة وتفضل علي النار حوالي يوم بحاله يطلع كله مضروب في بعضه حتي الدجاج بعضمها تلاقيه كله مضروب