حط نفسك مكان الريس

[مجرد شعووور]

كتير بنتكلم عن المشاكل الي في البلد
كتير بنتكلم عن تقصير الريس والمسؤولين
وطبعا كتير جدا بنتكلم عن حبنا لمصر

طيب مش ممكن احنا نحاول نقدم حلول لبلدنا وللريس ؟؟؟

هتقولولي ازاااااااااااااااااااااااااااي ؟؟
اققولكم انا
بصو بقى

حط نفسك مكان الريس وقولنا اول حاجة هتعملها ايه ؟؟




نحاول نقدم اقتراحات لكل اوجه الفساد والخراب في البلد ؟
أي حاجة مش عاجباك اكتبها واكتب الحل ليها
بكو متهيالي بنخدم البلد وبردو بنتكلم ونفضفض


انا بصراحة اول حاجة هبدا بيها
الله يكرمكم يعني (الزبالة )

لانها مشكلة مأزماني جدا
ليه الشعب المصري مش عنده ثقافة النظافة ؟؟

ليه مش بيبقى في حاويات كبيرة بدل الحاويات الصغيرة الي بتتملي بسرعة
وبعد كدة الناس بتحط الزبالة جنب الحاوية وحوليها وبيبقى منظر بشع...

وتبقى في سيارات جمع القمامة المتطورة الي موجودة في كل الدول
والي تلم الزبالة كل يوم قبل مالناس تصحى وتقوم على مناظر تقرف

ليه الناس بترمي الزبالة من البلكونة ولا الشباك وياذو الي حواليهم ؟

ليه بياعين الخضار بيخلو المنطقة الي موجودين فيها مناطق لاتطاق
هيقولو بيكالو عيشهم من بيع الخضار
طيب ياعم الكسيب ، ماتعرفش تاكل عيشك بنظافة شوية .. وبنظام شوية
لازم تشوه البيئة علشان تسترزق ؟؟؟!!

ليه نحرق الزبالة في وسط المدن ... واحنا عندنا الصحراء بالهبل
ليه حرق الزبالة بدل مايعمل سحابة سواداء على المدن مش يتحرق في الصحراء
بعيد عن المدن علشان مش يسبب التلوث والامراض ؟...

ليه مش يكون في غرامة على رمي الزبالة في الشارع ... ؟؟



يمكن هتقولولي في حاجات اهم من الزبالة ..!!
عارفة
بس انا بدات بيها لاني ليها بعض الحلول عندي

و مشاكل زي رغيف العيش
والغلاء في الاسعار
والمواصلات
ومشاكل كتير مستنية منكم الاقتراحات والحلول ليها ....

[مصراوي على طول]

الموضوع ابسط من كدا بكتير
الحل في اعادة املاك الدولة للدولة وايقاف مشاريع بيع البلد الفاشلة وتاميم الشركات التي بيعت لاننا دولة بمنتهى الصراحة لا يلصح معاها النظام الرأسمالي أم النظام الاسلامي اقصد في الاقتصاد او النظام الاشتراكي الذي يضمن للفقراء العيش الكريم على الاقل ، يبقى نقدر نقول ان اول خطوة هي ايقاف البيع والخطوة الثانية الخصخصة والثالثة اقالة نظيف وحكومته محاكمة احمد عز محاكمة الشاذالي محاكمة يوسف والي محاكمة فتحي سرور محاكمة وزير التعليم السابق الذي لا اعرف اسمه محاكمة علاء مبارك رد اعتبار ماهر الجندي ومرتضى منصور اعتقد ان دي ممكن تكون بداية

[proactive]

على فكرة أنا ممم ماليش في السياسة
لأنها حاجة خنيقة و عمرها ما هتوصل لحل
دي حاجة كدة ..... مش عارف فايدتها ايه ؟

و عموما أنا مش شايف ان العيب في سيادة الزعيم و القائد أطال الله بقاءه
كلنا معاك يا ريس و عشت لمصر و لكل المصرييين

لا بجد , الحوار ما لهوش دعوة خالص بالريس
دي ثقافة شعب ,
و احنا الشعب بتاعنا ما شاء الله "مُسَأَّف" طحن , و إيجابي و فعال بطريقة "فزيعة"
ده طبعا و احنا بنتكلم عن الزبالة بس , انما فيه حاجات تانية ما للشعب بها يد ,

يعني هي بس عاوزه واحد يحس بالغيرة ان بلده تبقى مش نظيفة و البلاد التانية نظيفة , , و على فكرة أنا أعرف ناس كتير و الحمد لله "بيحافظوا على نظافة مدينتهم" و لما بياكلوا حاجة في الشارع ما بيرموهاش و بيستنوا لما يلاقوا مكان مخصص , ..... إنما ساعات ما بيلاقوش مكان فبيرموه افي الشارع و أمرهم لله , و لسان حالهم يقول ... "جعلوني مجرما"

و مرسـ... , قصدي شكرا جزيلا على الموضوع الحلو ده

[مجرد شعووور]

شكرا يامصراوي
وفي جملة بسمعا كتير بس بصراحة مش فاهماها

وايقاف مشاريع بيع البلد الفاشلة وتاميم الشركات التي بيعت

يعني ايه بيع البلد والشركات
انا بجد عاوزة اعرف
ومش 7عيب الواحد يسال
مش كدة

تحياتي ليك
وربنا يخليك

[مجرد شعووور]

شكرا ابراهيم على تعلقك

وانا ماقولتش ان كل الناس مش نظيفة
بس فعلا سلبيين
ومافيش حد بيغلط حد ولا بيتكلم

ومرسـ.... قصدي شكرا على تعليقك

[جناب العمدة]

هعمل حاجتين بس
1 - انتخابات نزيهة وبإشراف قضائى كامل واستبعد أى حد من الحزب الوطنى
فى اللجنة المشرفة .
2- اسيب كل ثروتى وثروة العيال للبلد تكفيرا عن سنوات الفقر اللى تسببت فيها .

شكرا مجرد شعور على الموضوع .

[ahmed643]

انا هقول كلمتين بس


انااااااااااااااااااااااااااا عاااااااااااااااااااااااااااااااوز حقىىىىىىىىىىىىىىىىىىى

[مجرد شعووور]

- اسيب كل ثروتى وثروة العيال للبلد تكفيرا عن سنوات الفقر اللى تسببت فيها

ياه ياجناب العمدة انت بجد راجل كريم قوي
ربنا يكتر من الي زيك

شكرا على ردك الرائع

[مجرد شعووور]

شكرا ياحمد على مرورك

بس حق ايه الي انت زعلان علشانه كدة ؟

[دمعه حزن]

حكم بلدنا دا حمل ثقيـل * * اصعب من عيش الطوابيــر

[مستر كاراتيه]

انا بس عاوز اتكلم فى نقطه واحده ممكن تخلى الشعب المصرى ده من أعظم شعوب العالم وأغناها ... لما يكون فى عداله فى التوزيع كل حاجه هاتتحل ..

لكن خلاص المجتمع دلوقتى طبقتين فقط
1/ الطبقه العليا وهيا مليونير وانت طالع
2/ الطبقه الدنيا واللى كلنا منها واللى احنا بنعيش بالعافيه وفاكرين ان احنا اغنيا ..

لما واحد بياخد مرتب 250 الف جنيه وواحد تانى بياخد مرتب 250 جنيه ..يبقى ده معناه ايه ؟؟؟
لو ده خد 10 آلاف والتانى زييه مش هاتكون البلد ساعتها احسن لما يكون فى عداله فى التوزيع ؟

......

صحيح نسيت اقولك مش الجنيه المصرى بقى عمله ... عارفه ده معناه ايه ؟؟ معناه ان فى عملات زى الشلن او البريزه خلاص هايختفوا من على الساحه ..هما فعلا مختفيين بس انا اقصد ان خلاص هاتبقى عمله زى المليم والقرش كده اتلغت خلاص ... والربع جنيه جى فى السكه مش هايبقى ليه لزمه ...
طيب مش احنا نعمل بقى قناه السويس بالجنيه المصرى ولا ايه ؟

....

كفايه كده النهارده .

[مصراوي على طول]

الاخت مجرد شعور انا مش عارف انتي بجد مش عارفة يعني ايه بيع البلد
على العموم دا موضوع بسيط خالص بيع البنوك بيع عمر افندي بيع الاتصالات بيع الكهرباء دي اسمها شركات نفع عام يعني اللي بيتحكم في الحاجات دي بقى شخص مش دولة غير انه بيحدد اسعارة نفسه دا كمان بيخلي الدولة ليس لها دخل كمان مش هيكون في مكان للوظائف زي الأول والقطاع الخاص طبعا مش بيشغل عماله زيادة طبعا انتي هتقولي المفروض الحكومة كمان كدا اقولك ممكن صح بس لازم يكون فيه حاجة اسمها بدل بطالة وهي التي تكفل الحد الادني للعيش الكريم اما المشروعات الفاشلة زي توشكى وما ادراكي ما هي توشكي وما ادراكي عن حجم خسارة البلد في توشكي ممكن تعمل بحث في جوجل عن توشكى علشان دا مش مجال للكلام فيها لان الموضوع كبير جدا خاصة توشكي وبنك القاهرة

[Tears in Smile]

اولا احب بس اشكر كل اللي شارك فى لموضوع و شكرا ل مجرد شعور على الفكرة و خصوصا ان فيها نوع من الواقعية و الموضوعية فى حل المشكلة ....
بكل بساطة في حاجات كتير غافلة عننا فى موضوع اننا نكون رؤساء الموضوع مش سهل و لا هو بسيط لان فيه عوامل كتير جدا بتحكمة يعنى على سبيل المثال القوى الاقتصادية للبلد ايه هو نوع النظام الاقتصادي المستخدم فى الدولة نفسها علاقة الدولة الاقتصادية بالدول الجوار أولا و بعد كدة على نطاق الاقليم ثانيا و بعد كدة على النطاق الدولي ثالثا.. دى من الناحية الاقتصادية أو جزء من الناحية الاقتصادية
تانى حاجة علاقة الموارد الطبيعية بالدولة هل الدولة بتملك موارد طبيعية و هل الدولة عندها وفر و احتياطي لمواجهةاى ظروف طبيعية قبل ظروف الحروب أو اى شيء
هل الدولة نفسها عندها القدرةلايجاد بديل فى حالة الطواريء ...
كل دى عوامل أولوياتها قد تكون مقدمة على حياة الكثيرين من الناس ( نقدر نقول نص الشعب تقريبا لو حكم الامر ).

من الناحية العسكرية ..
هل الدولة تمتلك جيش قادر على حمايتها فى مواجهة أى خطر قادم من الخارج.
هل الدولة تمتلك جيش قادر على المساعدة فى مواجهة الكوارث الطبيعية
هل الدولة تمتلك أسلحة متطورة لصد أى هجوم خارجي عليها

من الناحية الدينية
هل الدولة مستقرة دينيا
كم عدد الطوائف و الديانات لموجودة فى الدولة
ما هى النسبة لكل الطوائف و ما هى نسبة الأغلبية
هل الدولة بها أى مؤسسة دينية تقوم بدورها كمرجعية دينية شاملة للطائفة نفسها فى اكتر من دولة ( الأزهر الشريف - الكنيسة المصرية ) على سبيل المثال .
هل يوجد صراع طائفي؟؟؟؟؟؟؟

نييجي للنقطة الرابعة و دى مهمة جداااااااااااا
الناحية الطبية فى الدولة ..
هل فى الدولة عدد كافي من الاطباء مجهزين للتكليف فى حالة الطواريء
هل فى الدولة أمراض و اوبئة اشتهرت بيها ؟؟
هل فى الدولة عدد كافي و مخزون استراتيجي كافي لمواجهة الامراض و الاوبئة
كم عدد المستشفيات
كم عدد الأسرة فى المستشفيات
تعداد السكان
هل يوجد مخطط طواريء لانتشار وباء مجهول أو معروف و خطةلمواجهة الاخطار الوبائية التي قد تنتشر فى فترة زمنية بسيطة و هل الأطباء نفسهم مدربين لمواجهة خطر مثل الأوبئة


طبعا فى الكتير اوى من الاسئلة دى المفروض قبل ما نحط نفسنا مكان الريس يكون معانا اجابات ليها علشان دى اللى على اساسها يتحدد ايه اللى ممكن يتم عمله و دة بكل بساة هو اختلافى معاكم جميعا فى الموضوع ....
شكرا و تقبلوا تحياتى .

[مجرد شعووور]

شكرا يادمعة حزن على مرورك

حكم بلدنا دا حمل ثقيـل * * اصعب من عيش الطوابيــر
على رايك

[مجرد شعووور]

معاك حق مليون في الميه
مستر كراتيه
متهيالي داجانب مهم قوي
وفعلا احنا مفتقدينه
ولو اتحقق مش هيزداد الفقراء فقرا والاغنياء غنى

وحكاية الجنيه العملة
عمرك في حياتك شفت بلد في 2008
وبستخدم العملة
الناس بتتقدم ولا بتتخلف

ولا هو فعلا الجنيه مابقاش له قيمة ؟؟؟
تعرف من عشرين سنه
كان الجنيه المصري بعشرين ريال سعودي

دلوقتي الجنية بنص ريال
تخيل
الناس كلها بتتطور واحنا الي واقفين محلك سر
ربنا يستر من الايام الجاية

اشكرك على التعليق