بصراحه يا عتاب
من جوايا هكون سعيده ومبسوطه جدا جدا ان هيكون ليا
اخ او اخت كمان
بس امام الناس هبين انى مش مبسوطه ما انتى عارفه الناس الحشرين بقا
والغلاسه الى مش بيسيبوا حد فى حالهم
بس هكون خايفه طبعا على ماما لحد ما ربنا يتمم على خير وتقوم بالسلامه
موضوعك جميل اوي ياعتاب
انا بالنسبالي هفرح اوي
لأن من زمان نفسي يبقى عندي اخ تاني ويبقى صغنون
عشان العب معاه وأدلعو وكدا
هو صحيح ان هيبقى في فرق في السن جامد
بس أتمنى يبقى عندي اخ
تسلمي ياعسل على الموضوع الحلو
تقبلي مروري ..
اهلا سها .. وحشتيني
انا عارفة ان الاحساس بيكون غريب
ما بين فرحتك بالطفل وبين ان ده عضو جديد في الاسرة مكوناش عاملين حسابه
وربنا يخليلك عمر ويفرحكم بيه يارب
بس انا شايفه انه مش عيب ولا حرام يبقى ليه نعملها مشكله فيه ناس كتير ممكن تنحرج من النقطه دى علشان الفرق وممكن دا فعلا يؤثر على علاقتى بالوليد ودا لانى قد اصلح لاكون امه اكثر من اخته ولكن لا يبرر دا انا اقف ضد هذا الحمل
فربما العب دورا هاما فى حياته كأم بديله مساعدة ومسانده لامى
اهلا هند
الموضوع محير لان المجتمع في المدن بالذات بيرفض الموضوع ده
او بيقابله على انه شيء شاذ
انما انا شايفاه عادي في ظل ظروف معينة
يعني ان الام تكون صغيرة الى حد ما والحمل مش هايضرها
ان الظروف الاقتصادية متكونش صعبة بحيث مايكونش عبء زيادة على رب الاسرة
ان الاولاد يكونوا بالوعي الكافي انهم يفهموا ان ده لا عيب ولا حرام
وانهم يكونوا بيحبوا الاطفال وشقاوتهم ودوشتهم
إقتباس:
المشاركة الأصلية بواسطة مجرد شعووور
بصراحة انا بالنسبة لي عادي لاني اصغر مني اخت واخ كمان فلو بقى في واحد تالت كمان مافيش مشكلة خالص
وهي مش حاجة تكسف ولا حاجة مش عارفة بصراحة ايه وجهة النظر الي تخلي الناس تكسف من الحمل على كبر انا بشوف انه عادي دا حتى بيدي شباب اكتر للمراة
وشكرا على الموضوع ياعتاب
اهلا مجرد شعور
شعورك جميل واحساسك حلو
ماهو برده هايبقى اخوكي او اختك
يفرق ايه لما يكون اصغر منك بسنة او عشرين سنة
بالعكس
اعتقد اللي اصغر منك اوي هاتحبيه اكتر
إقتباس:
المشاركة الأصلية بواسطة محمد كمال على
لا انا ما فكرتش فى حاجة زى كدة لانى انا نفسى عندى بنت زى القمر
اهلا ابو رقية
طيب عايزينك تتخيل كده لو حاليا بقالك اخ او اخت
هاتفرح والا هاتتضايق ؟؟
جريمة مرة واحدة
يارب يحصل الموضوع عشان نشوف هتعمل ايه
والهاوس هايتحمل تاني والا لا
إقتباس:
المشاركة الأصلية بواسطة eme
عادي مش هتضايق بجد وحتي لو انا كمان كنت متجوزه وعندي اطفال
بس الحاجه الـ بتضايقني الناس الـ لا حول ولا قوة الا بالله مش بيسيبوا حد في حاله
ومش بيبطلوا رغي وحوارات ملهاش لزمه
هبقي فرحانه اوي من اول الحمل لاخره ولحد ميكمل سنه
لكن بعد كده هقتله واخليها تجيبلنا تاني هههههههههه
عشان مش بحب السن الـ بعد سنه وبالذات الولاد
ربنا يسعدك يا حبيبتي
ويكملك بعقلك
بس سنة واحدة بس صعبة اوي .. خليهم اتنين
إقتباس:
المشاركة الأصلية بواسطة duha
اهلا عتاب
انا بيني وبين اختي سبع سنين
وعلى ما كبرت يوووه
يعني عشت فنرة طويله لوحدي
وايه ماما بتشتغل يعني كنت انا ماما لاخواتي
يعني لو انا في الجامعه وماما حملت كنت هاموت
بتجيبي الافكار دي منين
بعدين اقولك على حاجةسر
تموت من الضحك
شكرا عتاب
عرفت السر يا حبيبتي
ربنا يخليكي ليهم ويفرحكم ببعض
والله بيكون شيء جميل لما تبقي كبيرة كده وعندك نونو (مش ابنك لا ده اخوكي )
والله انا مش فارقة معايا خالص بالعكس انا هافرح انى هالاقى حد صغير العب معاه انا بحب الاطفال مووووووت.. بس بصراحة مرة حصلت مع واحد قريبنا كان عنده 19 سنة ومامته جابتله اخ واتفاجىء بعد السنين دى انه هيدخل الجيش ههههههههه ساعتها بصراحة كان متغاظ جدا .. كان عاوز يضرب اخوه ( متهيئلى له حق انه يتغاظ شويه) بس والله الاطفال دول نعمه محدش يكره وجودهم يعنى وميرسى للتوبيك الروعة عتاب
اهلا رحاب
عاش من شافك يا حبيبتي
فعلا موضوع الجيش ده بيغيظ
لانه بيكون رتب حياته على حاجة وفجأة يلاقي نفسه رايح حته تانية خالص
إقتباس:
المشاركة الأصلية بواسطة حنين مصر
الموضوع دا فعلا" حصلي وردت فعلي زعلت والسبب خوفي على صحت ماما وكمان التربية صعبة
هو ده السبب اللي فعلا يخوف
هو خوفنا على صحتهم
انما غير كده اكيد هانكون فرحانين
دي الاطفال نعمة كبيرة اوي
إقتباس:
المشاركة الأصلية بواسطة امل حياتى
اكيد هفرح
مش هيبقى اخويا او اختى..
وبعدين بما ان انا الصغيره فى الاسره يعنى انا دلوعه ماما
واتدلعت بما فيه الكفايه
خلاص بقى اسيب المكان لغيرى
وبعدين هتدرب يمكن ينفعنى فى المستقبل ان شاء الله
ههههههههههههههههههه
عسل يا اموله
معاكي حق برده
اهو تدريب وكلها خبرة هاتنفعنا
هو بصراحة انا كان نفسى يكون ليا اخ اصغر منى .. لكن مش بكتير .. سنتين تلاتة .. انما مش اصغر منى بعشرين سنة مثلا .. هحس ان انا اللى جيت غلط مش هو .. بس فى الاخر هيبقى اخويا يعنى
لى صديق متخرج من كلية الطب .. وكان وحيد اخواته .. لكن شاء القدر وهو فى سنة التكليف يجيله اخ زى القمر مع الاسف هو فى الجيش دلوقتى بيعانى
لكن على اى حال .. اكيد خير يعنى
شكرا عتاب للموضوع ..
اهلا عمرو
الله يكون في عون صاحبك
اكيد بيحب اخوه اوي
بس احساس جميل لما اخوك يبقى عيل كده وماسك في ايديك
إقتباس:
المشاركة الأصلية بواسطة برديس
بصراحه يا عتاب من جوايا هكون سعيده ومبسوطه جدا جدا ان هيكون ليا اخ او اخت كمان بس امام الناس هبين انى مش مبسوطه ما انتى عارفه الناس الحشرين بقا والغلاسه الى مش بيسيبوا حد فى حالهم بس هكون خايفه طبعا على ماما لحد ما ربنا يتمم على خير وتقوم بالسلامه
هههههههههههههه
هاتخافي من الحسد والا ايه
بتهيالي احنا كبنات شعورنا بالامومة بيتولد معانا
فاكيد هانتقبل وجود اخ صغير زي ابننا
نورتيني ياقمر
انا بالنسبالي هفرح اوي
لأن من زمان نفسي يبقى عندي اخ تاني ويبقى صغنون
عشان العب معاه وأدلعو وكدا
هو صحيح ان هيبقى في فرق في السن جامد
بس أتمنى يبقى عندي اخ
تسلمي ياعسل على الموضوع الحلو
تقبلي مروري ..
اهلا ياقمر
بيتهيالي كلنا عايزين اخ صغير نلعب بيه مش معاه
هايبقى اد البلية واحنا كبار
خلاص هاقول لمامتك تجيبلك نونو صغير بناء على رغبتك
بس يارب تسمع كلامي
إقتباس:
المشاركة الأصلية بواسطة نرجسية
بتحصل يا عتاب كتير
أنا أعرف واحدة كان عندها ثلاثة أبناء الكبير 20 سنة و اللى بعده بنت 18 سنة و اللى بعدها بنت 15 سنة
و فجأة مامتهم حملت غلطة طبعاً
رد فعلهم زعلوا داً و كانوا عايزينها تسقط الحمل
و هى حاولت تعمل مجهود عشان الحمل يسقط لوحده
لكن ارادة ربنا ان الجنين يكتمل و يخرج للدنيا
طبعا كان أول ما اتولد عنده مشاكل صحية لأن الأم سنها كان 40 سنة أو أكتر شوية
لكن سبحان الله لما الولد بقى فى ايديهم حبوه و فرحوا بيه و بقى زى ابنهم مش أخوهم
لكن المظلوم فى الحكاية دى كلها هو الولد الصغير لأن فارق العمر بينه و بين أخواته بيخليهم مش معاه على الخط
لما يحب يلعب اقعد ساكت لما يتكلم أسكت شوية
تحس أنه جاى فى زمن مش زمنه
هو فعلا انتي قولتي نقطة مهمة
الطفل الصغير
بيتولد مش بيلاقي حد يلعب معاه
مفيش حد تفكيره قريب منه
حتى الام نفسها نسيت الولادة والتربية والكلام ده
نسيت التعامل مع البيبيهات
فبتكون مشكلة للطفل
إشراقة المنتدى 
السلام عليكم ورحمه الله
والا هاتزعل ؟ 
