نسخه جديده من ....."ممكن تكون مراسلنا؟!! "

[وفاء]

السلام عليكم
اسمحوا لى انى اقدم الموضوع تانى واتمنى يكون بشكل جديد
--------------------------------------------------------------------------------

اكيد واحنا بنقرأ كتاب او بنتصفح النت او بنقرأ جرنال او جريده (معارضه او حكومه ) فى كلمات بتعجبنا وفيه كلمات بنعترض عليها
ياريت تكون مراسلنا بين الكتب ومندوبنا فى المواقع وتقولنا ايه عجبك وايه معجبكش
وممكن تضيف تعليقك عليه
ممكن تكون معدى الشارع وشوفت موقف عجبك او برده معجبكش
ممكن تقوله وتحلله لو عاوز
من الاخر عاوزين الاعضاء يكونوا عيونا فى كل مكان
ممكن

[محمد كمال على]

الفكرة جديده وممكن تخلى الواحد يبقى مراسل صحفى من بيته الموقف اللى باشوفه كتير اليومين دول طوابير العيش

[سها soha]

وفاااااااااء

وحشتينا كتير اووووووووووووووى

فكرتك جميلة وممكن نقول دى الجزء التانى منها

وانا احب اكون مراسلتكم فى كل انحاء القاهرة

والاسكندرية وهبأقى اعدى على بور سعيد واخدة بالك طبعا

اول ظاهرة هى الحديد

ارتفع الحديد بطريقة شرسة وبسرعة البرق وكأنة يلحق بقطار

مشروع الشباب الذى اقمة الوزير(ابنى بيتك)

ومع ارتفاع اسعار الحديد وانا انهردة سمعت واحدجارنا بيقول بقة 7000جنية

حتى تحول مشروع ابنى بيتك الذى ينص على ان يترك الوزير لكل شاب قطعة ارض مقابل مبلغ من المال وعلى اقساط

تحول المشروع من ابنى بيتك لخراب بيت بيتك والبيت الى جنب بيتك

ويقول المسؤلون ويصؤحون بان المشكلة لم تعرف اصلها حد ولا سبت

وقالونا اسالوا التجار سألنا التجار

قولى ياعم حنفى: لية اسعار الحديد بقة كدة

قالوالنا اسالوا الحكومة احنا مالنا احنا ناس غلابة انتوا هتسيبوا الحمار .. وتشطاروا على البردعة

اما عجايب !!

ولم نصل الى اى حل فى هذة القضية

وياما ينزل سعر الحديد

ياما هتنسحب الاراضى من الشباب لان البنى لة ميعاد محدد

كانت معكم مراسلتكم : سها

لقناة :ممكن تكون مراسلنا

القاهرة

[وفاء]

اولا بشكرك جدا يا سها على مشاركتك الفعاله والجميله جداااا
وفعلا تقرير مهم جدااااا
انا مش هعلق عليه دلوقتى عشان الوقت



انا كنت عاوزه اقدم تقرير
الزمان :يوم الثلاثاء قبل اللى فات
المكان :هندسه بورسعيد
الحدث مظاهره ضد الهولوكست الاسرائيلى فى غزه والعقاب الجماعى
اللى حصل ان المظاهره كانت سلميه جداجدا ومكنتش اكتر من هتافات
يعنى كالعاده بنكلم نفسنا
والناس واقفبن فى المظاهره يضحكوا (طبعا مش كلهم )
والموقف معجبنيش
معجبنيش كمان ان الامن كان قافل البوابه ومحاصر المظاهره

المهم مش هو ده المهم
المهم بقت رده الفعل
جيت بوم الاحد لقيت البنات بيقولوا ان كان فى مظاهره
قلت لهم عن غزه برده
وكان الرد انها
كانت عشان الطلاب اللى انفصلوا عشان عملوا المظاهره
وعرفت انهم 44 طالب وبنت
وبعيدا عن التفاصيل اللى بجد مهمه
بس الوقت مش هيسمح


لكن ابسط تعليق
ان حتى حريه الكلام بقت كتير علينا
اما اشوف اخره المصريين دول ايه؟!!


حدث كمان مهم
يوم الاحد الجاى اجازه فى الكليه لييييييييييييييييه

مش عشان عيد الام ولا عشان المولد (كل سنه وانتم طيبين )ولا عشان سواد عيونا
لا عشان هيعملوا اعتصام لرفع اجور الدكاتره بسبب غلاء الاسعار


اشوفكم على خير مع تقرير جديد

[وفاء]

المشاركة الأصلية بواسطة محمد كمال على

الفكرة جديده وممكن تخلى الواحد يبقى مراسل صحفى من بيته الموقف اللى باشوفه كتير اليومين دول طوابير العيش

مستنين مشاركتك
او مشاهداتك اللى اكيد هتسعدنا

[بوسي احمد]

السلام عليكم ورحمة الله وبركاته

ايه العسل ده يا وفاء

وسها هنا كمان

ده الحبايب متجمعين هنا بقا

عموما

انا يا ستي بتابع اخبار مصر في الطبعة الاولى بتاع الاستاذ المحترم اللي بيعجبني اوي اسلوبه
الاستاذ احمد المسلماني ربنا يجازيه خيرا لانه بصراحه فعلا متقن جدا في تقديمة للاخبار
وبتابعه يوميا

القصد اني مش موجوده في مصر حاليا فمعرفش حاجة غير اللي بسمعه في البرامج

بس فيه تقرير برده يمكن اللي مشفش الحلقه دي يعرف ايه اللي حصل فيها

احمد المسلماني يوم الخميس اللي فات استضاف عمرو خالد

واتكلموا عن الفتنة الطائفيه

الموضوع ده مقلق جدا بصراحة

وكل كووووووووووووووووووووووم والادمان كووووووم تاني

4 مليون مدمن !!!!!!!!!!!!!

في مصر 4 مليون مدمن !!!!!

يالهوي ده انا اخاف امشي لوحدي بعد كده

الموضوع ده يا جماعه لازم كلنا نساهم فيه بكل طاقتنا لحسن بعدين ينتشر اكتر وتبقه مصيبة كبيرة


انا كنت اعرف واحد صديق واحد قريبنا .....انا كنت افتكره وانا صغيره لانه كان لما بيجي عندنا احيانا

كان بيجبلي معاه شكولاته وشيبسي وحاجات من دي

بس فجأ’ اختفى ولما جت سيرته بالمصادفه وانا بتكلم مع اهلي

عرفت انه أتصاحب على شلة شباب مش كويسة وأدمن ودخل مصحة !!!!!!!!

انا اندهشت ومصدقتش

بس قالوا بعد كده انه اتعالج وشفي بقالوا 3 سنين وبقى تمام واتجوز كمان ربنا يسعده ويوفقه

ويبعد الشر عن كل شبابنا واخواتنا قولوا اميييييييييييييييين


على فكرة يا وفاء اول ما دخلت مكنتش عارفه هقول ايه بس بجد موضوعك جنان

تسلمي

[hay_sam]

يااااااااااه

الموضوع ده بجد كان المفروض نطلعه تاني

لأنه كان من المواضيع إلي بحب اشارك فيها

كويس إنك عملتيه تاني يا وفاء

طبعا أنا مراسل قديم عندك

يارب تقبليني تاني بس في المراسلين بتوعك

وعموما إن شاء الله أشارك معاكو

أصل الواحد الأيام دي مرارته مفقوعه

وموضوع طوابير العيش فاضحنا هنا في بلاد (بره)

كل واحد يقابلني يقولي (ايه موضوع العيش عندكو)

مصر اتفضحت خلاص (والناس هنا مفكره إن إحنا بقي عندنا مجاعه)

عموما انتظروني ,,,,,

مراسلكم هيثم

من الرياض (المملكه العربيه السعوديه)

[وفاء]

المشاركة الأصلية بواسطة بوسي احمد

السلام عليكم ورحمة الله وبركاته

ايه العسل ده يا وفاء

منوره يا بوسى
دا انت اللى عسل

وسها هنا كمان

طبعا وكمان طلعت مراسله ممتازه جدا
ده الحبايب متجمعين هنا بقا

عموما

انا يا ستي بتابع اخبار مصر في الطبعة الاولى بتاع الاستاذ المحترم اللي بيعجبني اوي اسلوبه
الاستاذ احمد المسلماني ربنا يجازيه خيرا لانه بصراحه فعلا متقن جدا في تقديمة للاخبار
وبتابعه يوميا

القصد اني مش موجوده في مصر حاليا فمعرفش حاجة غير اللي بسمعه في البرامج

يارب ترجعى بالسلامه
بس فيه تقرير برده يمكن اللي مشفش الحلقه دي يعرف ايه اللي حصل فيها

احمد المسلماني يوم الخميس اللي فات استضاف عمرو خالد

واتكلموا عن الفتنة الطائفيه

الموضوع ده مقلق جدا بصراحة

اسمحي لى اقول رأيى فى التقرير

انا معاكى فعلا انه مقلق جدا
بس صدقينى كل الناس عاوزه تعيش فى امان
ومصر مفيهاش فتنه طائفيه صارخه
يعنى بيحصل حاجات زى ما بيحصل بين الناس وبعضها
وعلى فكره دا مش دفاع عنهم ولا بدفن راسى فى التراب
بس مش دى اخطر مشكله فى مصر فى حاجات تانيه اخطر زى الفساد والرشاوى ورغيف العيش زى ما( هيثم )وضح
وكل كووووووووووووووووووووووم والادمان كووووووم تاني

4 مليون مدمن !!!!!!!!!!!!!

في مصر 4 مليون مدمن !!!!!
فعلا العدد كبير جداااا

يالهوي ده انا اخاف امشي لوحدي بعد كده

الموضوع ده يا جماعه لازم كلنا نساهم فيه بكل طاقتنا لحسن بعدين ينتشر اكتر وتبقه مصيبة كبيرة
انا معاكى وبجد اسوء حاجه فى الدنيا ان الانسان يكون مغيب عن الوعى

انا كنت اعرف واحد صديق واحد قريبنا .....انا كنت افتكره وانا صغيره لانه كان لما بيجي عندنا احيانا

كان بيجبلي معاه شكولاته وشيبسي وحاجات من دي

بس فجأ’ اختفى ولما جت سيرته بالمصادفه وانا بتكلم مع اهلي

عرفت انه أتصاحب على شلة شباب مش كويسة وأدمن ودخل مصحة !!!!!!!!

عارفه "المرء على دين خليله فلينظر احدكم من يخالل " بجد معناها جميل جدا
والصداقه اما انها تصلح او تفسد

انا اندهشت ومصدقتش

بس قالوا بعد كده انه اتعالج وشفي بقالوا 3 سنين وبقى تمام واتجوز كمان ربنا يسعده ويوفقه

ويبعد الشر عن كل شبابنا واخواتنا قولوا اميييييييييييييييين
الحمد لله ان ربنا شفاه
امييييييييييييييييييين وربنا يكرمه يارب ويسعده

على فكرة يا وفاء اول ما دخلت مكنتش عارفه هقول ايه بس بجد موضوعك جنان
شكرا يا بوسى على ذوقك
اتمنى تشاركى على طول
وكمان لو حبيتى تعلقى على اى تقريردا يسعدنا جداا

تسلمي

الله يسلمك

[وفاء]

المشاركة الأصلية بواسطة سها soha

وفاااااااااء

وحشتينا كتير اووووووووووووووى

انتى وحشتينى اكتر فكرتك جميلة وممكن نقول دى الجزء التانى منها
نقدر نقول كده وانا احب اكون مراسلتكم فى كل انحاء القاهرة

والاسكندرية وهبأقى اعدى على بور سعيد واخدة بالك طبعا
طبعا اخده بالى بس انا هيبقى لزمتى ايه بقى فى بورسعيد
انتى عاوزه تقطعى على اول ظاهرة هى الحديد

ارتفع الحديد بطريقة شرسة وبسرعة البرق وكأنة يلحق بقطار

مشروع الشباب الذى اقمة الوزير(ابنى بيتك)

ومع ارتفاع اسعار الحديد وانا انهردة سمعت واحدجارنا بيقول بقة 7000جنية

حتى تحول مشروع ابنى بيتك الذى ينص على ان يترك الوزير لكل شاب قطعة ارض مقابل مبلغ من المال وعلى اقساط

تحول المشروع من ابنى بيتك لخراب بيت بيتك والبيت الى جنب بيتك

ويقول المسؤلون ويصؤحون بان المشكلة لم تعرف اصلها حد ولا سبت

وقالونا اسالوا التجار سألنا التجار

قولى ياعم حنفى: لية اسعار الحديد بقة كدة

قالوالنا اسالوا الحكومة احنا مالنا احنا ناس غلابة انتوا هتسيبوا الحمار .. وتشطاروا على البردعة

اما عجايب !!


ولم نصل الى اى حل فى هذة القضية
ولا هنوصل اصلا
طالما العز داخل فى الموضوع

وياما ينزل سعر الحديد

ياما هتنسحب الاراضى من الشباب لان البنى لة ميعاد محدد

شايفه بقى بيعرفوا يلعبوها صح
اوكى احنا هنديكم اراضى بس لو متبنتش فى وقت معين هناخدها تانى
حاجه حلوه خالص
انا شايفه ان بلاش نبنى
امال هما بيبنوا مشتشفيات للمجانين لييييييه
ومتخافوش انا اعرف مستشفى بتتبنى من 10 سنين ولسه مخلصتش
انا هحجز فيها
حد عاوز يحجز
على فكره المستشفى حكوميه

كانت معكم مراسلتكم : سها

لقناة :ممكن تكون مراسلنا

القاهرة

تقرير رائع
مستنين بقيت التقارير يا جميل

[وفاء]

المشاركة الأصلية بواسطة hay_sam

يااااااااااه

الموضوع ده بجد كان المفروض نطلعه تاني

لأنه كان من المواضيع إلي بحب اشارك فيها

كويس إنك عملتيه تاني يا وفاء

طبعا أنا مراسل قديم عندك
طبعاااا
يارب تقبليني تاني بس في المراسلين بتوعك
انتى بتستأذن دا القناه قامت على اكتافك
هما بيقولوها كده برضه

وعموما إن شاء الله أشارك معاكو
اكيد هتنورنا وهتفدنا
أصل الواحد الأيام دي مرارته مفقوعه

وموضوع طوابير العيش فاضحنا هنا في بلاد (بره)

كل واحد يقابلني يقولي (ايه موضوع العيش عندكو)

مصر اتفضحت خلاص (والناس هنا مفكره إن إحنا بقي عندنا مجاعه)
لا لسه يومين كده والمجاعه هتيجى
اصحابى هيموتوا من ساعه ما اشتروا سندويتش طعميه بجنيه
وقرروا يقاطعوا بتاع الطعميه
لانه غلى السندوتش


كمان العيش اللى بيجلنا فى المدينه مش من بورسعيد لأ من المنزله
لان بورسعيد فيها ازمه عيش
واكيد فى مصر كلها
عموما انتظروني ,,,,,

مراسلكم هيثم

من الرياض (المملكه العربيه السعوديه)

منتظرين طبعااا
لان محدش ينسى تقاريرك الهايله فى الموضوع القديم

[مجرد شعووور]

انا اول مرة اشارك في المراسلة

بس الفكرة عجبتني موت

انا بصراحة من المنصورة

وفيه هنا حاجات كتير قوي بتخنقني

بصي اول حاجة التكسيات
انا رحت مدن كتير في مصر ماشفتش سواقين تاكسي زي بتوع المنصورة

مش عارفة ياشيخة شايفين نفسهم على ايه

تلاقيه في اماكن مش بيرضو يروحها
ولو رضو يستغلونا بقى يعني بيزود اجر التوصيلة الضعف

وبعدين شغالين كل يوم في رفع الاجرة بدامغهم
ومافيش عليهم رقيب

داغير بقى انه بيقعد يبيع ويشتري في الواحد
علشان خاطر هيوصله

حاجة بجد تخنق

يلا ربنا على المفتري

تحياتي ليكي فوفة
الموضوع بجد جامد

صلي على حبيبك المصطفى
اللهم صلي وسلم وبارك عليه

[مجرد شعووور]

انا كتبت عن حاجة خنقتني

اكتب بقى عن حاجة عجبتني

اكتر حاجة عاجباني الايام دي

انتشار الحجاب والاحتشام في جامعة النصورة بشكل غير عادي

بقو اغلبية البنات لابسين اسدال الي انتشر بطريقة كبيرة جدا

وحتى الاقل تدينا بقو بيلبسو عبايات سوداء بس بيروشنوها

والاقل منهم بيلبسو عبايات ملونة

الحقية الاحتشام بقى جامد جدا

وبقى سلوك كتير قوي من طالبات جامعة النصورة

حتى ان اغلبية المحلات بقت تغير نشاطها وتفتح محلات عبايات لانها
عارفة انها اكيد هتكسب

ونادرا لما تشوفي واحدة مسلمة سايبة شعرها
ولا لابسة لبس مش ولابد

لان الكل بقى بيبص لها نظرة قرف

المهم ان دي حاجة بتبسطني قوي

صلي على حبيبك المصطفى
اللهم صلي وسلم وبارك عليه