| |
12-03-2008, 09:02 PM
|
#1 (رابط ثابت)
|
|
Banned
تاريخ التسجيّل: Mar 2008
المشاركات: 18
|
خلاص زهقت .... عاوز أموت بقى
بسم الله الرحمن الرحيم
مش عارف إذا كان ما ينفعش أتكلم في الموضوع ده و لا لأ ؟
علشان كدة أنا عملت مستخدم جديد علشان أتكلم بصراحة , لأني معاكم هنا في المنتدى ..
أنا حاسس اني زهقت خلاص ,
ما ليش نفس أعمل أي حاجة
مش عاوز أروح الكلية و لا أعمل أي حاجة خالص ,
زهقت من العيشة بقى , حاسس اني طولت قوي , و خلا ص بقى زهقت
مع اني الحمد لله ما عنديش مشاكل د كدة , بس .... مش عارف ,
حاسس إني زهقان و مش عاوز أكمل ,
بس برضه المشكلة إني مش عاوز أموت قوي !!!
هو فيه موت قوي و موت نص نص ؟
لأ بس أنا مش ضامن أخش الجنة , لأني برضه مضيع في حاجات كتيرة و باعمل ذنوب بالهبل ,
يعني مش عاوز أعيش و لا عاوز أموت , حاجة تقرف ,
المشكلة ان الموضوع ده كان بيجيلي قبل كدة أيام زمان , يعني من سنة كدة و لا حاجة ,
و الشيطان كان بيقعد يلعب في دماغي و يقول انتحر و خلص , و الانتحار مش كفر , هو كبيرة بس,
بس بعدها الحمد لله بقى عندي هدف في الحياة و بقيت ..... هه شغال يعني ,
بس مش عارف دلوقتي ايه اللي حصل , مش عاوز أحقق حاجة من اللي كنت ناوي أحققها من الأهداف المستقبلية ,
ما ليش نفس و خلاص ,
ما كنتش عاوز آجي للدنيا من البداية ,
بصراحة , حاسس اني اتدبست ,
اتولدت غصب عني , و ما أقدرش أموت نفسي لأن الانتحار من الكبائر ,
يعني شكرا كدة , لبست في الدنيا و خلاص ,
و كل ما أسألهم في البيت انتم خلفتونا ليه ؟ يردوا بإجابات غير مقنعة , علشان كل الناس بتخلف , علشان ربنا أراد , علشان تستمر الحياة -خايفين قوي على انقراض الجنس البشري- ,
و للأسف كل ما أقعد لوحدي و أفكر في الآية القرآنية : "و حملها الإنسان إنه كان ظلوما جهولا" , أقول طيب أنا مش عاوز أحمل الآمانه , و أنا ما طلبتش أكون في الدنيا دي أصلا ,
و بعدين حاسس انها أصلا ما لهاش فايدة
يعني الواحد بيعيش و خلاص , و ممكن يتبهدل في الدنيا و يدخل النار في الآخر و يبقى خلاص كدة ,
طيب الناس تخلف ليه من أصله و تعرض أولادها للابتلاء و التعرض إما لجنة أو لنار ؟
أنانية محضة , علشان يساعدوهم لما يكبروا , صح ؟
أنا عمال أقول أي كلام و خلاص .........
المهم أعمل ايه ؟
مخنوق و مش عاوز أكمل , لأني مش شايف فايدة أو ليس لدي رغبة أصلا ,
و برضه مش عاوز أموت لأني .............
و ما حدش يقول لي تكلم في الأمر مع الوادلة أو الوالد أو مع صديق أو شخص تثق به .... لأنه ما ينفعش !!!
|
|
|
|
12-03-2008, 09:35 PM
|
#2 (رابط ثابت)
|
|
لولو بنت ابوها
تاريخ التسجيّل: Feb 2008
الإقامة: بيت ابوي
المشاركات: 1,919
|
مش عارفة اققولك ايه
انا كنت كدة قبل كام سنة بردو
وانا كتبت الكلام ده قبل كدة اني كنت عاوزة اموت قبل كل مرحلة بمر بيها
لاني مش حاسة ان حياتي لها اي قيمة او اي لازمة
او في اصلا حد ممكن يزعل لو مت
لاني مش فارقة مع حد
بس في حاجة واحدة رجعتني للحياة وخلتني احبها
اني بقيت بعمل حاجة جديدة
الحاجة دي اني بحاول اسعد كل الناس الي حوالي
رغم حزني والمي
وده كان بيحقق لي قدر كبير جدا من السعادة والرضا عن نفسي
بحاول امسح الدمعة من عين كل بني ادم بقابله
ويوم مع يوم بقيت بحس بحب الناس ليا
بردو ده خلاني احس بالسعادة اكتر بكتير
وبان حياتي لها لازمة
في طريقي دلوقتي لاكفل يتيم
علشان اسعده
وفي نفس الوقت اخد اجر
يمكن تقولي
طيب ايه الفايدة
مانا كدة مش بعمل حاجة لنفسي ؟؟
هقولك ان سعادة الاخرين
بتخليك تحس انك اهم واحد في حياتهم
واكيد من وسط كل الي حاولت اسعادهم دول
هتلاقي شخص هيحاول يسعدك
وساعتها هتنسى كل همومك والمك
هتحس ان حياتك لها لازمة
هتحس في انسان او اكتر ممكن يضيع لو انت مش موجود في حياته
ساعتها هتحب الدنيا
واتمنى اني اسمع عنك كل اخبار حلوة
__________________
"الَّذِي خَلَقَنِي فَهُوَ يَهْدِينِ"
"وَالَّذِي هُوَ يُطْعِمُنِي وَيَسْقِينِ"
"وَإِذَا مَرِضْتُ فَهُوَ يَشْفِينِ "
"وَالَّذِي يُمِيتُنِي ثُمَّ يُحْيِينِ "
"وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ "
[
|
|
|
|
|
12-03-2008, 09:49 PM
|
#3 (رابط ثابت)
|
|
الجمال الطائر
تاريخ التسجيّل: Aug 2007
الإقامة: مصر
المشاركات: 2,454
|
استغر الله العظيم
ايه اللي انت بتقوله ده
واضح جدا ان ايمانك ضعيف علشان تسمح للشيطان انه يوسوسلك بحاجة زي دي
والمشكله اللي انت فيها ان ماعندكش مشكله
حاول تحمد ربنا وتعرف ان الدنيا مليانه مشاكل
ومشاكل صعبه جدا مابين مرض وفقر وتعذيب وذل
وانت الحمد لله الحمد لله مافيش اي حاجه
يعني اللي عندك ده وسوسة شيطان
اوعى تخليهيضحك عليك في لحظه ضعف
وقرب من ربنا اكتر وقول اذكار الصباح والمساء
وانا اؤكد لك انك هاتحس انك انسان تاني
وربنا يهديك ويوفقك
__________________
|
|
|
|
|
13-03-2008, 10:18 PM
|
#4 (رابط ثابت)
|
|
Banned
تاريخ التسجيّل: Mar 2008
المشاركات: 18
|
إقتباس:
المشاركة الأصلية بواسطة مجرد شعووور
مش عارفة اققولك ايه
انا كنت كدة قبل كام سنة بردو
وانا كتبت الكلام ده قبل كدة اني كنت عاوزة اموت قبل كل مرحلة بمر بيها
لاني مش حاسة ان حياتي لها اي قيمة او اي لازمة
او في اصلا حد ممكن يزعل لو مت
لاني مش فارقة مع حد
بس في حاجة واحدة رجعتني للحياة وخلتني احبها
اني بقيت بعمل حاجة جديدة
الحاجة دي اني بحاول اسعد كل الناس الي حوالي
رغم حزني والمي
وده كان بيحقق لي قدر كبير جدا من السعادة والرضا عن نفسي
بحاول امسح الدمعة من عين كل بني ادم بقابله
ويوم مع يوم بقيت بحس بحب الناس ليا
بردو ده خلاني احس بالسعادة اكتر بكتير
وبان حياتي لها لازمة
في طريقي دلوقتي لاكفل يتيم
علشان اسعده
وفي نفس الوقت اخد اجر
يمكن تقولي
طيب ايه الفايدة
مانا كدة مش بعمل حاجة لنفسي ؟؟
هقولك ان سعادة الاخرين
بتخليك تحس انك اهم واحد في حياتهم
واكيد من وسط كل الي حاولت اسعادهم دول
هتلاقي شخص هيحاول يسعدك
وساعتها هتنسى كل همومك والمك
هتحس ان حياتك لها لازمة
هتحس في انسان او اكتر ممكن يضيع لو انت مش موجود في حياته
ساعتها هتحب الدنيا
واتمنى اني اسمع عنك كل اخبار حلوة
|
ممممم
شكرا جزيلا على التواصل
أهو أنا حاسس بأول .... باراجراف كتبتيه أكنه عني بالضبط
فعلا مش لاقي أي لزمة أو معنى للحياة ....
و كل اللي أسأله , يقول متعة الحياة انك تعيشها زي ما هيا , خدها ببساطة و ما تفكرش كتير , أكن الاخ بقى فيلسوف ,
و أنا فعلا حاولت فكرة مساعدة الناس دي ,
و رحت قدمت في جمعية خيرية كمتطوع ,
لكن كنت صليت استخارة قبلها ,
و كل ما أنوي أروح تحصل حاجة تعطل , كل مرة
و صممت أروح
و رحت ... مرتين ,
و المرتين حصلت حاجات هناك في الجمعية عطلت الموضوع ,
فصرفت نظر و قلت يبقى ربنا لم يرد هذا ,
و حاولت برضه أساعد الناس بس بمجال آخر ,
هو فعلا ساعات الواحد بيحس بالسعادة لما يساعد حد و ما بيبقاش محتاج شكر و لا حاجة
بس .... في الأول بس بحس اني سعيد , بعد شوية تلاقيها قلبت روتين ,
و الشيطان يشرف كالعادة و يقعد يقول بتساعد الناس ازاي و انت أصلا مش عارف تساعد نفسك ؟ و بعدين الناس دي لو عرفتك أصلا ... مش هتعوز من وش اللي زيك حاجة و .... الخ .
بصراحة ... شايف ان اللي بيعملوا كدة ... بيضحكوا على نفسهم و خلاص
يعني حاجة بيتصبروا بيها علشان ما يفكروش هم ليه عايشين ,
حاجة يتلهوا بيها يعني , لكن لما بيقعدوا مع نفسهم أكيد بيعرفوا انهم .... بيضحكوا على نفسهم ...
آسف جدا على التطويل ,
بس الموضوع ده شبع معايا مسكنات و كل شوية يطلع و ينزل
و مش لاقي له حل !!!! |
|
|
|
|
13-03-2008, 10:25 PM
|
#5 (رابط ثابت)
|
|
Banned
تاريخ التسجيّل: Mar 2008
المشاركات: 18
|
إقتباس:
المشاركة الأصلية بواسطة فرجينيا
استغر الله العظيم
ايه اللي انت بتقوله ده
واضح جدا ان ايمانك ضعيف علشان تسمح للشيطان انه يوسوسلك بحاجة زي دي
والمشكله اللي انت فيها ان ماعندكش مشكله
حاول تحمد ربنا وتعرف ان الدنيا مليانه مشاكل
ومشاكل صعبه جدا مابين مرض وفقر وتعذيب وذل
وانت الحمد لله الحمد لله مافيش اي حاجه
يعني اللي عندك ده وسوسة شيطان
اوعى تخليهيضحك عليك في لحظه ضعف
وقرب من ربنا اكتر وقول اذكار الصباح والمساء
وانا اؤكد لك انك هاتحس انك انسان تاني
وربنا يهديك ويوفقك
|
شكرا جزيلا على التواصل و الاهتمام ...
هو ممكن .. أو أكيد إن ايماني ضعيف للأسف ,
لكن الموضوع مش موضوع شيطان
أنا لما بفكر في الموضوع بااخده بناحية عقلية بحته
يعني ما لهاش دعوة بشيطان و لا غيره
و متهيأ لي أي واحد هيفكر هو عايش ليه ؟
و لو كان خير قبل أن يولد ما بين أن يولد و يختبر و يبتلى ثم يقذف في النهاية في جنة أو نار , أو أن يعافى من ذلك كله و لا يوجد أصلا, لكان اختار عدم الوجود ,
و لو كل واحد فكر هو بيعمل ايه في حياته , و ليه ؟
هيلاقي انه مش عارف أو مش لاقي حاجة يعملها
هو بيعمل أي حاجة يلهي بيها نفسه و خلاص , .... و ينسى .
و على فكرة أنا عندي مشاكل برضه يعني ,
اجتماعية و أسرية و كله , أنا قصدت بس المادية أو الدراسية العقلية ,
و أنا و الحمد لله بحاول أقرب من ربنا , و بحرص على الاذكار لكن من غير تدبر طبعا ,
و الصلاة لكن برضه من غير خشوع ,
بس متهيأ لي ده أصلا مش وسواس
ده فكرة عاوزة فكرة تضادها و إقناع بالمثل ,
و آسف برضه على الإطالة و وجع الدماغ .. |
|
|
|
|
13-03-2008, 10:47 PM
|
#6 (رابط ثابت)
|
|
عضو مسجل
تاريخ التسجيّل: Oct 2007
المشاركات: 2,004
|
بص يا عم انت
والله شكلك كده بتشتغل في برنامج تنظيم الاسره
كلامك بيقول كده ههههههههههههههه
اعد تقول الجنس البشري وينقرض ايه يا عم هما فران؟
اضحك كده وزقطط وروق وزجطط وروق وزجطط
بص انا هقولك علي حاجه
تعرف تحمد ربنا انك مش عندك مشاكل
متعملش زي جحا اللي بيدور علي مشكله علشان تزعله ويعد يعيط عليها وخلاص
هاتلي بني ادم واحد مش عنده اي مشاكل كده
والله مش هتلاقي بس في ناس بتقدر تتحمل
وتقدر علي الشيطان اللي بيعد يقولك انتحر واشرب سم فيران والحاجات دي
اوع تعمل كده احسن بيوجع البطن علي فكره
وممكن تموت بجد
اضحك كده وقوم صلي انا عارفه انك هتنفضلي بس حاول يا عم
وماتفيش حاجه مستهله انك تزعل عليها مابالك بأه ان مافيش حاجه اصلا تزعلك
يارب تفهمني
يلا يلا انا هنا اهه
سوري للتطويل
__________________
|
|
|
|
|
13-03-2008, 10:53 PM
|
#7 (رابط ثابت)
|
|
شيرين
تاريخ التسجيّل: Dec 2007
الإقامة: هوة فى غيرها (مصر حياتى)
المشاركات: 1,031
|
بص انا بجد والله حاسة باللى انت فية بس انت لو عايز تعرف قيمة الحياة انزل اى منطقة (شعبية اوى ) زى ما كنا بنقول زمان المهم هتلاقى نعمة الحياة ونعمة ان معندكش مشاكل والله فعلا المثل صح اللى بشوف بلوت الناس تهون علية بلوتة يعنى انت كل مشكلتك اعتقد من وجهة نظرى (انك معندكش مشكلة ولا هدف ) لكن فى ناس عندها مشاكل بالهبل يكفى انها مش قادرة تاكل اولادها مش قادرة تجيب مكان او عشة يسكنوة فيها مش عارفين يعيشوا انت ربنا ادالك نعم كتير اوى كفاية نعمة التعليم كفاية نعمة الصحة كفاية نعمة العقل كفاية نعمة البصر والله لو تشوف فى كلية الاداب كفيف البصر تعرف نعمة بصرك واللى مشلول تعرف نعمة رجليك امسك ورقة وقلم واكتب نعم ربنا عليك وهات ورقة تانية واكتب انت عملت اية تشكر بية ربنا على كل النعم دى هتعرف مشكلتك اية ؟؟؟؟؟؟؟
معلش كنت اسيا اوى عليك بس انت بجد لازم تفوق من حالة اللا هدف دى
تحياتى اختك شيرين
|
|
|
|
|
13-03-2008, 11:14 PM
|
#8 (رابط ثابت)
|
|
عضو مسجل
تاريخ التسجيّل: Sep 2007
الإقامة: السعوديه
المشاركات: 1,761
|
غير من مسار حياتك
|
|
|
|
|
14-03-2008, 09:09 AM
|
#9 (رابط ثابت)
|
|
Banned
تاريخ التسجيّل: Mar 2008
المشاركات: 18
|
معلش أنا خنقتكم معايا قوي
و باشكركم جدا على الاهتمام ...
لكن الظاهر ... ما فيش فايدة .
|
|
|
|
|
14-03-2008, 10:07 AM
|
#10 (رابط ثابت)
|
|
وأظل صامداً ...
تاريخ التسجيّل: Nov 2007
الإقامة: مابين الصرخة والشهقة أكمن
المشاركات: 5,623
|
ومين سمعك يا اخويا
الحال من بعضه
لما تلاقي حل
ابقى كلمني عالفودافون
شبكة المحمول الاولى في مصر....والعالم
مع تحيات مجلس العشب والبرسيم
انا مع كل اللي انتا قلته
قاعد لوحدي
من 4 سنين
على رأي عبد الحليم
بعضي يمزق بعضي
__________________
| |
- يرسوا بجفني حــرمان يمـص دمي ويستبيـح إذا شـــــــاء ابتسامـــاتي معذورة أنتي إن أجهضتي لي أملي لا الذنب ذنبــك .. بل كانت حماقاتي
|
|
|
|
|
14-03-2008, 11:25 AM
|
#11 (رابط ثابت)
|
|
ناقلة الإحساس من الداخل
تاريخ التسجيّل: Dec 2007
الإقامة: يوما ما كنت هناك ...في فلسطين!!
المشاركات: 7,069
|
مش عارفة اضيف ايه بعد الاعضاء ما ضافوه
بس ممكن اقول
ربنا يهديك
ويفرج همك
ويشيل كربتك
وتقدر تصبر على حياتك زي ما هي
اختك فراق
__________________
اللهم هؤلاء عيني لا تراهم ..فبعينك اللهم ارعاهم ..ولا تحرمني لقياهم اذا كانت الحياة تقاس بالسعادة .. فاكتبوا على قبري مات قبل ان يولد
|
|
|
|
|
14-03-2008, 01:36 PM
|
#12 (رابط ثابت)
|
|
lovely princess
تاريخ التسجيّل: Sep 2007
الإقامة: Dream world
المشاركات: 4,233
|
هو انا بصراحة مش عارفة اقولك اية هو فعلا تقرييا على رأى فراق انك ايمانك ضعيف فا حاول على قد ما تقدر تذكر ربنا و استغفرة و ان كنت عملت ذنوب كتير زى ما تقول فا ربنا فاتح باب المغفرة لكل الناس بس على فكرة هو فى حاجة مضيقاك او حصلك موقف ضايقك و لسة مئثر فيك لحد دلوقتى و مش عارف تنساة او فى مشكلة مثلا مش قادر تنساها اصل مش معقول يعنى انك عاوز تنتحر او كدة غير انك نفسيتك تعبانة و بعدين دة ربنا قال فى اية من اياته اننا منخفش من الموت ان جاء و منتطلبش اننا نموت فا حاول بجد تقرب من ربنا اوى و اشكيله و هو ربنا باذن الله هيهديك و على فكرة انا جت عليا ايام كنت مكتئبة اوى اوى و زى ما بيقولو كدة كنت بعيدة عن الكون كنت على طول بكون لوحدى مش احب اكلم حد لو اتكلمت مع حد اتعصب علية و اتنرفز بس بجد عملت كل الى انا قلتلك علية بقيت احسن كتير دلوقتى و بقيت بحب الدنيا جدا فا اسمع كلامى و مش هتندم
تقبل مرورى |
|
|
|
|
15-03-2008, 11:02 PM
|
#13 (رابط ثابت)
|
|
bent baba
تاريخ التسجيّل: Feb 2008
الإقامة: mansoura
المشاركات: 342
|
بصراحة هما قالو كل حاجة بس واللة كلنا بنمر بنفس الظروف دى بس هنعمل اية
ربنا عاوز كدا بيختبر قوة ايمانا
نضعف بئا ولا نحاول نقول لربنا لا احنا مؤمنين بيك و مش هنعمل حاجة نغضبك بيها
بجد انا مريت بنفس ظروفك بس اما قربت من ربنا و بقيت اواظب على الصلاه بجد ارتحت
بجد حاول مش هتخسر حاجة و ابقا طمنا عليك
|
|
|
|
|
16-03-2008, 03:28 AM
|
#14 (رابط ثابت)
|
|
عضو مسجل
تاريخ التسجيّل: Mar 2008
المشاركات: 3
|
الدنيا متستهلش
اولا سلام عليكوا كلامك لفت نظري بس ليه كل دا الحياه جميله وتفكرش ف الموت ابدا عشان متبقاش دنيا واخره شوف الدنيا بطريقه احسن من كدا كلنا عندنا فراغ وكتير بنفكر زيك بس دا مش حل اقرب لربنا اكتر واشغل واتك اصحاب وكدا بس موت حرااااااام اوي دا كفر ولو زهقت خالص سافر غير جو انا مش بدخل ف حياتك ولا حاجه بس اهو كلام اقتنعت بيه عادي محبتوش برضو مفهاش حاجه وشكرا وسوري لو كنت طولت عليك
|
|
|
|
|
16-03-2008, 05:14 PM
|
#15 (رابط ثابت)
|
|
الصمت من دهب ولكن
تاريخ التسجيّل: Mar 2008
الإقامة: مصر
المشاركات: 46
|
مين قال انه معندوش مشكله ده بجد مشكلته كبيرة جدا وهو انه مش عارف هو عايش ليه اوعى تفكر بالطريقه دى اقعد مع نفسك ولو ساعه واحده واسئل نفسك ربنا خلق الكون ليه وليه فيه جنه ونار وليه اى ظالم بياخد جزائه ومين احسن الكافر ولا المؤمن لو فكرت فى كل ده هتلاقى ان حياتنا كلها اتكونت واترتبت من قبل الله عز وجل بلاش تشاؤم ده اسؤء شئ هو التشائم خليك قوى ولما تقع قوم وبثبات وقول انى اقوى من اى شئ
انا اول مرة اشوف حد بيفكر كدا انا كنت زيك بفكر فى الانتحار بس لانى كان عندى مشاكل كتير من الناس اللى حوليه وبرده مفيش حد فهمنى وزى مقالت مجرد شعور لو مت مش هفرق مع حد
بس دلوقتى انا محدش بيفرق معايه ولو كنت لسه برده مش مقتنع احنا ليه عايشين وليه فى جنه ونار خها بطريقه تانيه ربنا خلقنا ليه ؟؟؟؟؟ علشان نعبده ونعمر ونبنى ............
صحيح مبنعملش ده وكله بيحسبن على الحكومه ومريح دماغه بس الاهم ان ده سبب وجودنا ايمانا ونشر الاسلام وتعمير ارضنا ...........................
|
|
|
|
|
|
مواضيع مشابهة
حب من غير أجنحه
النمط الخطي
