المستحيلات السبع عند الشباب تعالو كلنا نشوف اية هى؟؟

[nice lolo]

1* مستحيل انه يمسك كتاب و يقراه ( طبعا هيفضل يموت على انه يكتسب معلومة، هيتعب نفسه يعني مسكين يا حرااااام )

2* مستحيل انه تمشي بنت قدامه كدة ومايطلعش عينيه وينزلها من عليها ( خير اللهم اجعله خير، معلش دة بيطمن عليها بس )

3* مستحيل انه يقعد في البيت ليوم كامل ولازم يخرج الشارع ع الاقل مرة وحدة ( ماهو لازم يشوف أحوال الجو و يقارنها مع النشرة الجوية )

4* مستحيل ان أخته تقوله أنا نازلة عندي مشوار ويقولها طيب من أول مرة ( لازم عامل التعذيب والذل والمهانة شوية عشان يوافق )

5* مستحيل انك تلاقيه عارف كل حاجة عن بيتهم ( احنا نحمد ربنا أصلا انه عارف لون أوضته )

6* مستحيل انه يصحى من النوم من غير ما يقول "فين الأكل" ( أكيد، همهم على بطونهم )

7* مستحيل انه يفكر في الجواز قبل 25 سنة حتى لو كان عنده فلوس ( طبعا لازم يستمتع بحياته بالطول والعرض والارتفاع، وبعديها بقى ربنا هيقدم اللي فيه الخير )

[The Myth]

هههههههههههههههههههههه
كل ده علي الشباب
ده انتي شايله فقلبك حاجات كتير بقي

شكرا ليكي يا لولو

[انا مصريه]

هههههههههههه صح كلامك والله

[Killer22]

طيب ماااااااااااااااااااااااااااااااااااااشي احنا لينا مستحيلات سبعة طب البنات ليهم كام انشاء الله

[بنت الاردن]

معك حق شباب متل هيك بس حبيت احكيلك يا اخkiller22 ازا الشبا عندهم سبعه مستحيلات البنات عندهم الضعف ميت مره والبنات ازا حطوا براسهم شي لازم يعملوه

تحياتي بنت الاردن

[وردة النيل]

هههههه
والله صحيح كلامك دول هم على القلب ...... انا شكلي حضرب دلواتي
تسلم ايدك

[عيون الملاك]

بشكرك جدا على الموضوع ده بجد مبطلتش ضحك طول ما انا بقرأه
بس أحب أقلك اني عندي اخ بس لما آجي أؤله اني خارجه مبيعزبنيش
بس بيسأل شوية أسئله بسيطه بس زي العسل على ألبي لأن الأسئله دي بتعبر عن خوفو عليا
و حبو ليا و حكاية الأكل مش ديما .......... و يريت متحسدونيش على أخويا .ههههههه

[زوزو لماضه]

حلوه يا لولو هههههههههههههههه

[goga mostafa]

ههههههههههههههههههههههههههههه
تسلم ايدك يا حبيبتي علي الكلام ده والله فعلا عندك حق

[امبر العذاب]

بالعكس ده احنا غلبانين اووووووووووى.احنا لقينا جواز وقولنا لا فيه غير بس البنات المعنطزة الىل عايزة عربية فول اوتوماتيك وغسالة 19 قدم ودش وشقة فى الزمالك

[teto_g14]

ههههههههههههههههههههه


حرام عليكى مش كل دا

[goga mostafa]

ههههههههههههههه
والله حرام عليك ده انت ظالم البنات اوي
ده الرسول قال(استوصوا بالنساء خيرا)

[zm_18]

ههههههههههههههههه
لازم اى شاب يعمل السبع حاجات دى

[فراق84]

حلوة اوي
وبتحصل كتيير

[مستر كاراتيه]

* مستحيل انه يمسك كتاب و يقراه ( طبعا هيفضل يموت على انه يكتسب معلومة، هيتعب نفسه يعني مسكين يا حرااااام )

مين قال كده .. على طول بنقرى رجل المستحيل وملف المستقبل ههههههههههه

2* مستحيل انه تمشي بنت قدامه كدة ومايطلعش عينيه وينزلها من عليها ( خير اللهم اجعله خير، معلش دة بيطمن عليها بس )

والله ابدا انا عينى فى الارض على طول ..وكمان البنات تعدى من قدامنا ليه مايروحوا من سكه تانيه ..

3* مستحيل انه يقعد في البيت ليوم كامل ولازم يخرج الشارع ع الاقل مرة وحدة ( ماهو لازم يشوف أحوال الجو و يقارنها مع النشرة الجوية )


آه فعلا دى مستحيل 4*

مستحيل ان أخته تقوله أنا نازلة عندي مشوار ويقولها طيب من أول مرة ( لازم عامل التعذيب والذل والمهانة شوية عشان يوافق )

الحمد لله مش عندى الموضوع ده ..
5* مستحيل انك تلاقيه عارف كل حاجة عن بيتهم ( احنا نحمد ربنا أصلا انه عارف لون أوضته )

هههههههههههه تصدقى فعلا مش عارف لون أوضتى ايه .. ولما بصيت عليه دلوقتى مش عارف اسم اللون اصلا ايه هههههههه تقريبا فحلقى او بحلقى
6* مستحيل انه يصحى من النوم من غير ما يقول "فين الأكل" ( أكيد، همهم على بطونهم )

يا ريت اعمل كده والله


7* مستحيل انه يفكر في الجواز قبل 25 سنة حتى لو كان عنده فلوس ( طبعا لازم يستمتع بحياته بالطول والعرض والارتفاع، وبعديها بقى ربنا هيقدم اللي فيه الخير )

مين قال كده بس .. والله كنت بفكر من سن 22 ... بس كل شئ قسمه ونصيب

..