أشهر دورة في التنمية البشرية - العادات السبع للأشخاص الأكثر فاعلية .

[proactive]

تم تعديل المشاركة بتاعة العادة الثانية , لتحتوي رابط الكتاب المهم جدا قوي خالص في مسألة تحديد الاهداف ....
-

[proactive]

3 – العادة الثالثة : Put First Things First حدد أولوياتك :

ببساطة جدا , العادة هذه هي خاصة بتنظيم الوقت ,
بتعرفوا تنظموا وقتكم ؟ طب خلاص ؛)

بصوا يا جماعة
لو عندك كأس فارغ و ملأته بكرات كبيرة , هل يكون حقا قد امتلأ ؟
لا , فمازلنا نستطيع ملء الفراغات بين الكرات الكبيرة بكرات أصغير ,
و لكن هل بعد هذه الكرات الصغيرة يعتبر الكأس مملوءا ؟
لا , فمازلنا نستطيع أن نصب ماءا في الكأس , حتى يرتفع الماء إلي حافة الكأس و عندها لا يمكننا وضع أي شيء جديد بالكأس ,
مشكلتنا في حياتنا أننا نملأ الكأس بالماء أولا , ثم نشتكي أن الكأس ليس به مساحة لأي شيء إضافي ,
لكننا لو بدأنا بالحصى الكبير ثم الصغير ثم الماء , لكان كل شيء على ما يرام ,
فالحصى الكبير هو الأعمال الأكثر أهمية , و الصغير هي الأعمال الأقل أهمية , أما الماء , فهي التفاهات و الأمور الغير مهمة التي نملأ بها أوقاتنا ثم نشتكي من ضيق الوقت ...

الطريقة التي اقترحها المؤلف في كتابه لتنظيم الوقت , طريقة رائعة و بسيطة في نفس الوقت و هي كالتالي :

ارسم مربعا كبيرا و قسمه إلى أربعة أقسام :

1-أعلى اليسار : و فيه تكتب أي شيء (مهم و عاجل) (تقرير سيسلم غدا , واجب للكلية غدا ....)
2-أعلى اليمين : و فيه تكتب أي شيء (مهم لكن غير عاجل ) (تقرير يسلم بعد يومين , واجب بعد 3 ايام) –هو ما فيش غير أمثلة التقارير دي !!-
3-أسفل اليسار : و فيه تكتب أي شيء (غير مهم لكن عاجل) (أبعت نكتة لواحد بعت لي واحدة , عندي ميعاد مع صديق على الشات )
4-أسفل اليمين : و فيه تكتب أي شيء (غير مهم و غير عاجل ) (المسلسل العربي , قراءة صحيفة ...)

, إذا أردت أن تكون حياتك منظمة , فلتكن جميع مواعيدك في المربع 2 مربع الناجحين و المنظمين , و احذر أن تتأخر أعمالك فيه بدون أن تنجزها لأنها سوف تتحول إلى المربع 1 , مربع الأزمات و الأشياء المهمة العاجلة ,
أما المربع 3 فهو أكثر ما يضيع الوقت , الأشياء التافهة التي نعتبرها عاجلة , أما رقم 4 , فلا داعي للكلام عنه , فهو مربع البلهاء ,

و حاول قدر المستطاع أن تملأ ورقة أعمالك هذه قبل النوم أو في الصباح الباكر , و لا تتكاسل بحجة أنك تتذكر ما يجب عليك فعله , بل اكتب , لأنك إذا كتبت , زاد تركيزك على الإنجاز , و إذا أنجزت شيئا , قم بمسحه أو بشطبه من القائمة , لأنك إذا مسحت مهمة ما , ستشعر بسعادة الإنجاز , و يدفعك هذا لإنجاز المزيد و الانتهاء منه كي تشطب عليه هو الآخر و تشعر بالسعادة .... و الراحة النفسية بالانتهاء من الأعمال المفروضة عليك , و على فكرة أنا مجرب الطريقة دي و بأحاول أمشي عليها قدر المستطاع , لأنها بحق رائعة و بسيطة .


و بهذا نكون قد انتهينا من العادة الثالثة و العادات التي ترقى بالفرد نحو النجاح ,
و نبدأ بإذن الله , في العادات الثلاث اللاتي ترقى بك و "بمن حولك" نحو النجاح .

[proactive]

و لا يهزني ... هكمل برضه

[proactive]

و نخش يا رجالة حارتنا على العادات اللي بينك و بين الناس التانيين و تخليك تقدر تتعامل مع "البشر" بفاعلية ..



4-العادة الرابعة : Think Win/Win انجح و دع الآخرين ينجحون معك :

بص يا معلمي ...
- أنواع المعاملات بين البشر على 6 أنواع :

• Win/Win

يكون النفع عائدا على كلا الطرفين في العلاقة , كالصفقات التجارية مثلا , المصنع سيكسب لأنه أنتج و التاجر سيكسب أيضا لأنه باع , و المشتري أيضا سيكسب لأنه سيسد احتياجه بسلعة سعرها مناسب لقيمتها

• Lose/Lose

غالبا ما يأتي نتيجة اصطدام شخصين يعملان على أساس"أكسب/يخسر الآخرون" – شرحه لسه جاي- فتكون النتيجة أن كلاهما سيخسر لأنه أهتم أصلا بخسارة الآخر,

أو يكون الشخص يائس و محطم , فلا يهتم بخسارته و يهتم بخسارة الآخرين , مثل أسطورة" شمشون" اللي حطم المعبد عليه و على أعدائه .- منها لله ميمونة و لا دليلة باين اللي اللي بوظت الراجل ..-

• Win/Lose

و فيها يكون استغلال المنصب أو القوة التي فيها هذا الطرف للكسب على حساب الأطراف الأخرى

و اظن دي مشهورة كتير جدا في بلادنا المحترمة

• Win

المهم إني أنجح , و لا أهتم بالآخيرين أن ينجحوا أو يفشلوا , ليس هذا من شأني , يولعوا ما يولعوش مش شغلي ..

و هذا الاسلوب غالبا ما يتبع في حالة فساد المجتمع و عدم قدرة الفرد على تغييره فيهتم بنفسه فقط

"إذا رأيت شحا مطاعا , و هوى متبع , و إعجاب كل ذي رأي برأيه"

• Lose/Win

غالبا لا توجد إلا بين الوالدين و الأبناء ,

و أحيانا بين القائد للمجموعة و باقي الفريق , في سبيل نجاح العمل ككل .

• Win/Win or No Deal

لو لم نتوصل لحل يرضي أو يكون في مصلحة الطرفين , فلن تكون هناك صفقة ,

كما يحدث بين الأصدقاء , فإذا لم يكونا كليهما سيكسبان , يفضلان عدم المضي في الصفقة

,

في كل النقاط السابقة فإن الصفقة تعني المعاملات , اجتماعية أو مادية أو أي نوع من المعاملات ,

ماشي ؟

طبعا أكيد عارفته أي الطرق هيا الأفضل في التعامل مع الآخرين , علشان يحبوك و يطمئنوا لك , أول طريقة أو آخر طريقة , علشان الناس تحب تتعامل معاك ,- و يحبوا طعمك و ريحتك و يشربوك و هم مبسوطين , ماشي يا عم إنجوي ؟ –

و بهذا و الحمد لله نكون قد أنهينا العادة الرابعة باختصار
و ربنا يسهل و نكون قدرنا نفيدكم بأي حاجة لحد دلوقتي


و ندخل على العادة الخامسة إن شاء الله , و هي من وجهة نطري , من أهم العادات كلها ... ألقاكم بعد الفاصل ...

[proactive]

برضه مش هزهق و لا هبطل

و راكم و راكم لحد ما أخلص
سواء حد بقى قرأها و لا لأ ...

[proactive]

بصوا بقى ,
دي بجد أهم أهم عادة فيهم كلهم .,
علشان كدة أنا طولت فيها و قسمتها على جزئين



5 – العادة الخامسة : seek 1st to understand then to be understood , افهم الآخرين أولا ثم اطلب منهم بعد ذلك أن يفهموك :

-الاتصال الفعال مع الآخرين هو أهم مهارة يجب أن تكتسبها في تعاملك مع الآخرين
-إذا أردت أن تتعامل بفاعلية مع الآخرين و تؤثر فيهم فيجب عليك أن تفهمهم أولا ...
-لكن كيف نفهم الآخرين ؟؟ عن طريق الاستماع الفعال أو الـempathic listening و الترجمة الحرفية أو الدقيقة لها هي أن تستمع و تُشعر المتكلم بأنك مهتم و متعاطف لما يقوله .
و معظم الناس يقع في أخطاء شائعة عند الاستماع للآخرين , أو أننا لا نأبه أصلا لسماع أي شيء , نريد أن نتكلم فحسب , و قد ذكر المؤلف بعض النقاط التي تتعلق بالاستماع الفعال :
- معظم الناس يستمعون بنية الرد , أي أنهم يجهزون الرد بينما يستمعون , أو أنهم لا يريدون أن يستمعوا , يريدون أن يتكلموا فيجهزوا أي شيء كي يقتحموا به الحديث , و يوقفوا تدفق أفكار الطرف الآخر .
- عندما يتكلم الآخرون , فإن استماعنا يكون بين إحدى أربع درجات أو مستويات من مستويات الإنصات :
1- التجاهل : و مبدأ" ارغي يا عم الأمور" , و "ودن من طين و التانية من عجين زي ما بنقول" , و يكون عدم اهتمامنا بالمتكلم ظاهرا له .
2- التظاهر : هو أن نتظاهر بالاهتمام بما يقوله المتكلم , بينما نحن في واد آخر , و لا نعي شيئا مما يقول , و ده غالبا ما بينتهجه الطلبة الأفاضل في الكليات ,لما يكون بيحضر علشان الغياب , و مش فاهم حاجة , و مش قادر حتى يلعب في الموبايل , فيعمل نفسه منتبه بينما هو هائم في أحلام اليقظة , علشان الدكتور ما يطردهوش بره بس J
3- التخير في السماع : أي تخير ما يهمنا في الموضوع فنسمعه و نهتم , فإذا انتقل المتحدث لنقطة لا تهمنا فإننا لا نركز و نبحث عن أي شيء آخر نفكر فيه بينما هو .... عمال يرغي ,
4- الاستماع باهتمام : و هذا أقصى درجات الاستماع , أي أنك تكون مقبلا بجوارحك كلها على المتكلم , و تكون راغبا في هذا فعلا , و لا تتظاهر , مثل أن تستمع من زميل لك ليلة الامتحان لشرح مسألة ما , فتكون منتبها أشد الانتباه لما يقول من غير ما تظاهر و لا تشتت . علشان لو جت ما تقولش ياريت اللي جرى ما كان J

,
- 10% من اتصالاتنا مع الآخرين و تعاملاتنا معهم تمثلها الكلمات و المفردات التي نستخدمها , بينما 30% عن طريق درجة الصوت و الأسلوب الذي نتحدث به , و 60% عن طريق لغة الجسد و طريقة الوقوف أو الجلوس و شكل الجسم و حركة اليدين و تعبيرات الوجه و غيرها .

[proactive]

بصوا بقى ,
دي بجد أهم أهم عادة فيهم كلهم .,
علشان كدة أنا طولت فيها و قسمتها على جزئين

--------------

5 – العادة الخامسة : seek 1st to understand then to be understood , افهم الآخرين أولا ثم اطلب منهم بعد ذلك أن يفهموك :

-الاتصال الفعال مع الآخرين هو أهم مهارة يجب أن تكتسبها في تعاملك مع الآخرين
-إذا أردت أن تتعامل بفاعلية مع الآخرين و تؤثر فيهم فيجب عليك أن تفهمهم أولا ...
-لكن كيف نفهم الآخرين ؟؟ عن طريق الاستماع الفعال أو الـempathic listening و الترجمة الحرفية أو الدقيقة لها هي أن تستمع و تُشعر المتكلم بأنك مهتم و متعاطف لما يقوله .
و معظم الناس يقع في أخطاء شائعة عند الاستماع للآخرين , أو أننا لا نأبه أصلا لسماع أي شيء , نريد أن نتكلم فحسب , و قد ذكر المؤلف بعض النقاط التي تتعلق بالاستماع الفعال :


- معظم الناس يستمعون بنية الرد , أي أنهم يجهزون الرد بينما يستمعون , أو أنهم لا يريدون أن يستمعوا , يريدون أن يتكلموا فيجهزوا أي شيء كي يقتحموا به الحديث , و يوقفوا تدفق أفكار الطرف الآخر .
- عندما يتكلم الآخرون , فإن استماعنا يكون بين إحدى أربع درجات أو مستويات من مستويات الإنصات :
1- التجاهل : و مبدأ" ارغي يا عم الأمور" , و "ودن من طين و التانية من عجين زي ما بنقول" , و يكون عدم اهتمامنا بالمتكلم ظاهرا له .
2- التظاهر : هو أن نتظاهر بالاهتمام بما يقوله المتكلم , بينما نحن في واد آخر , و لا نعي شيئا مما يقول , و ده غالبا ما بينتهجه الطلبة الأفاضل في الكليات ,لما يكون بيحضر علشان الغياب , و مش فاهم حاجة , و مش قادر حتى يلعب في الموبايل , فيعمل نفسه منتبه بينما هو هائم في أحلام اليقظة , علشان الدكتور ما يطردهوش بره بس
3- التخير في السماع : أي تخير ما يهمنا في الموضوع فنسمعه و نهتم , فإذا انتقل المتحدث لنقطة لا تهمنا فإننا لا نركز و نبحث عن أي شيء آخر نفكر فيه بينما هو .... عمال يرغي ,
4- الاستماع باهتمام : و هذا أقصى درجات الاستماع , أي أنك تكون مقبلا بجوارحك كلها على المتكلم , و تكون راغبا في هذا فعلا , و لا تتظاهر , مثل أن تستمع من زميل لك ليلة الامتحان لشرح مسألة ما , فتكون منتبها أشد الانتباه لما يقول من غير ما تظاهر و لا تشتت . علشان لو جت ما تقولش ياريت اللي جرى ما كان

,
- 10% من اتصالاتنا مع الآخرين و تعاملاتنا معهم تمثلها الكلمات و المفردات التي نستخدمها , بينما 30% عن طريق درجة الصوت و الأسلوب الذي نتحدث به , و 60% عن طريق لغة الجسد و طريقة الوقوف أو الجلوس و شكل الجسم و حركة اليدين و تعبيرات الوجه و غيرها .



------------
و نكمل أجمل حته في العادة دي في الجزء الثاني بإذن الله تعالى

-

[proactive]

و نكمل ... قصدي أكمل , علشان شكلي بكلم نفسي العادة الخامسة و دي زي ما قلت هي في رأيي أهم عادة بينك و بين الناس .
نخش في الموضوع




.... الاتصال الفعال من أهم المهارات التي يجب أن نتمتع بها في حياتنا , فهي تجعلنا محبوبين و مألوفين من الناس , فكثير من الناس قد تحل مشاكلهم "بالفضفضة" , و قد ذكر المحاضر الذي حضرت له هذه الدورة مثالين –جامدين قوي- يوضحان الفارق بسن الاستماع الفعال و الاستماع غير الفعال :

غير الفعال :

الابن: أنا قرفان من المدرّسة بتاعتي جدا...
الأب : المدرّسة؟؟ حصل إيه؟
الابن: لغت حفلة الصيف اللي كلنا مستنينها...
الأب : بس كده أنا فاكر المشكلة كبيرة... عموما إنتو أكيد ضايقتوها... أنا عارفكم مزعجين
الابن: يا بابا ماحدش ضايقها... هي اللي مجنونة
الأب : إيه؟؟!!! عيب تقولكدهعلى مدرّستك انت ولد مش مؤدب
الابن: لا انا مؤدب... أنا مش عايز أروح المدرسة دي تاني
الأب : اتكلم كويس... انت عارف احنا تعبنا قد إيه علشان ندخلك المدرسة دي؟ انت ماتحمدش ربنا
الابن: مش ممكن تفهمني ... أنا غلطان ... أنا غلطان ... أنا غلطان
الأب : !!!!!!!!!!!!!!


طا طا طا طاااااااا !!!!!!!!
شفتم الحوار عامل ازاي ؟ ده حتى طلع عن مساره الأصلي و صار صراعا الأب و الابن و انتهى في النهاية بـ....قفلة !!!

شوفوا بقى المثال هذه نموذج للأب "اللي بيفهم" و نموذج للاستماع الفعال ... خش عليه :



الابن: أنا قرفان من المدرّسة بتاعتي جدا...
الأب : ياه شكلك متضايق
الابن: لغت حفلة الصيف اللي كلنا مستنينها...
الأب : دي الحفلة اللي بتجهزلوها من زمان... دي أكيد حاجة محبطة قوي
الابن: كل ده علشان بعض الأولاد عملوا شغب في الفصل
الأب : همممم – يعني ساكت يعني -
الابن: وكمان هي بتقول ماحدش فينا حافظ دوره
الأب : فهمت
الابن: قالت إذا حفظتم أدواركم خلال يومين هاتعطينا فرصة تانية
الأب : هممممم–طبعا لسه فاكرين إن دي يعني ساكت -
الابن: بابا... ممكن تساعدني أحفظ دوري؟؟؟
الأب (يبتسم )

شفتم بقى الروعة بتاعة الأب الناصح الواعي , لما الأب سكت , و ما تدخلش إلا ببعض الكلمات التي تبين الاهتمام و لا تقاطح حديث الابن, الابن فضل يتكلم عادي و تمت معرفة المشكلة و تم حلها بكل سلاسة –سلاسة و أربعة -

و أخيرا , نلخص أهم النقاط التي تدعم أو تدمر الاستماع الفعال :
* نقاط تدعم الاتصال الفعال :
¡أن تتفاعل مع المستمع بكل جوارحك , أن تكون مهتما بما يقول ظاهريا و باطنيا .
¡ليس معناه الشفقة بل التعاطف , مهمة جدا هذه النقطة , لأن الشفقة قد تزيد من مشاعره السلبية و تجعله محبطا أكثر , يعني لو واحد جاء يقول لك الدراسة صعبة و المناهج منيله بنيلة و كله حفظ حفظ – ما فيش شتيمة - ما تقعدش تقول أيوه يا أخويا , التعليم بقى زبالة , و بعد كل الهم ده هتتطلع ما تلاقيش شغل و مش هتستفيد بالكلام اللي احنا حارقين دمنا فيه ده.... , لأ ما تتكلمش كده , إنما تقول له فعلا إنت شكلا مش تعبان قوي من حكاية الحفظ دي , هي فعلا صعبة شوية , لكن ممكن تعملها , أيوه أنا معاك أنك ممكن ما تستفيدش منها بعد الدراسة , لكن انت مطالب بيها علشان تجيب درجات دلوقتي و بعدين لما تتخلص تبقى في موقع يسمح لك انك تدرس للي تحت ايدك بطريقة أفضل ما فيهاش حفظ و ....... إلخ .
¡الاستماع بنية فهم الطرف الآخر , مش علشان أجهز الرد عليه , لأنه فعلا ساعات الحوار بيخلص لوحده , لو بس صبرت شوية و استمعت و لم تقاطعه .
¡أن تضع نفسك مكانه و هو يتكلم, أن تشعر بما يحس به , أن تشعر بحالته و كم هو في حاجة إلى أن يتكلم بحرية و يخرج ما في صدره و ....... يفضفض .

• نقاط تدمر الاستماع الفعال :

1- الاستماع لتحضير ما ترد به وليس للفهم
2- رفض المشاعر (مافيش سبب علشان تتضايق كدة) , انت كده تبقى "قفلته" من أولها , فكيف يكمل و هو يشعر أن المستمع لا يقدّر مشكلته ؟ و لا عواطفه و أحاسيسه .
3- النصيحة (انت عارف الصح تعمل إيه؟؟ ......... ) , اتركه يتحدث قليلا , حتى ينتهي , و لا تتعجل , سيطلب منك المساعدة بنفسه في النهاية ,
4- الأسئلة التفصيلية , ده بقى نظام الناس "الرخمه" , تسأل و تقاطع و تستفسر عن حاجات تافهه و خلاص.
5- دفاع عن شخص آخر (أكيد المدرسة مضغوطة ...) , لأنك كده بتحط نفسك في الطرف المعادي ليه من الأول , خليك محايد و اسمع للآخر .
6- التحليل النفسي (أصل انت عندك مشكلة من زمان .... ) , يا عم انت كنت طبيب العائلة ؟ غالبا المشكلة أو العقدة دي بتكون عندك أنت و أنت حاسس إن اللي العقد اللي جواك كلها عنده هو .
7- الشفقة (ده انت ظروفك صعبة قوي، انت صعبان عليا.... ) , هتخليه ينام في الخط , و يحبط و ييأس و ...
وأخيراً: لاتقس مشكلة الشخص على تجربتك الشخصية


و كما رأينا , فإن كل النقاط يمكن تلخيصها في كلمة واحدة "استمع" , اصبر و استمع للنهاية و لا تقاطع , و سوف تجد النتيجة إن شاء الله .

و بهذا تنتهي هذه العادة , التي هي فعلا من أهم العادات , في التعامل مع الناس ,
و لا أنسى أن أكرر شكري للمهندس محمد بدران الذي حاضرنا في هذه الدورة الرائعة و الذي اقتبست كثيرا من كلماته و جمله في هذه العادة بالذات , فلقد شرحها بشكل أكثر من رائع ,

و الآن ........ إلى العادة السادسة ..... لو مش عاوزين خلاص

[فراق84]

1-أعلى اليسار : و فيه تكتب أي شيء (مهم و عاجل) (تقرير سيسلم غدا , واجب للكلية غدا ....)
2-أعلى اليمين : و فيه تكتب أي شيء (مهم لكن غير عاجل ) (تقرير يسلم بعد يومين , واجب بعد 3 ايام) –هو ما فيش غير أمثلة التقارير دي !!-
3-أسفل اليسار : و فيه تكتب أي شيء (غير مهم لكن عاجل) (أبعت نكتة لواحد بعت لي واحدة , عندي ميعاد مع صديق على الشات )
4-أسفل اليمين : و فيه تكتب أي شيء (غير مهم و غير عاجل ) (المسلسل العربي , قراءة صحيفة ...)

طريقة فريدة من نوعها
وقفت للحظات ..افكر كيف فكر بها؟؟
شكرا لك
اختك فراق

[فراق84]

المشاركة الأصلية بواسطة proactive

و نخش يا رجالة حارتنا على العادات اللي بينك و بين الناس التانيين و تخليك تقدر تتعامل مع "البشر" بفاعلية ..



4-العادة الرابعة : Think Win/Win انجح و دع الآخرين ينجحون معك :

بص يا معلمي ...
- أنواع المعاملات بين البشر على 6 أنواع :

• Win/Win

يكون النفع عائدا على كلا الطرفين في العلاقة , كالصفقات التجارية مثلا , المصنع سيكسب لأنه أنتج و التاجر سيكسب أيضا لأنه باع , و المشتري أيضا سيكسب لأنه سيسد احتياجه بسلعة سعرها مناسب لقيمتها

• Lose/Lose

غالبا ما يأتي نتيجة اصطدام شخصين يعملان على أساس"أكسب/يخسر الآخرون" – شرحه لسه جاي- فتكون النتيجة أن كلاهما سيخسر لأنه أهتم أصلا بخسارة الآخر,

أو يكون الشخص يائس و محطم , فلا يهتم بخسارته و يهتم بخسارة الآخرين , مثل أسطورة" شمشون" اللي حطم المعبد عليه و على أعدائه .- منها لله ميمونة و لا دليلة باين اللي اللي بوظت الراجل ..-

• Win/Lose

و فيها يكون استغلال المنصب أو القوة التي فيها هذا الطرف للكسب على حساب الأطراف الأخرى

و اظن دي مشهورة كتير جدا في بلادنا المحترمة

• Win

المهم إني أنجح , و لا أهتم بالآخيرين أن ينجحوا أو يفشلوا , ليس هذا من شأني , يولعوا ما يولعوش مش شغلي ..

و هذا الاسلوب غالبا ما يتبع في حالة فساد المجتمع و عدم قدرة الفرد على تغييره فيهتم بنفسه فقط

"إذا رأيت شحا مطاعا , و هوى متبع , و إعجاب كل ذي رأي برأيه"

• Lose/Win

غالبا لا توجد إلا بين الوالدين و الأبناء ,

و أحيانا بين القائد للمجموعة و باقي الفريق , في سبيل نجاح العمل ككل .

• Win/Win or No Deal

لو لم نتوصل لحل يرضي أو يكون في مصلحة الطرفين , فلن تكون هناك صفقة ,

كما يحدث بين الأصدقاء , فإذا لم يكونا كليهما سيكسبان , يفضلان عدم المضي في الصفقة

,

في كل النقاط السابقة فإن الصفقة تعني المعاملات , اجتماعية أو مادية أو أي نوع من المعاملات ,

ماشي ؟

طبعا أكيد عارفته أي الطرق هيا الأفضل في التعامل مع الآخرين , علشان يحبوك و يطمئنوا لك , أول طريقة أو آخر طريقة , علشان الناس تحب تتعامل معاك ,- و يحبوا طعمك و ريحتك و يشربوك و هم مبسوطين , ماشي يا عم إنجوي ؟ –

و بهذا و الحمد لله نكون قد أنهينا العادة الرابعة باختصار
و ربنا يسهل و نكون قدرنا نفيدكم بأي حاجة لحد دلوقتي