أشهر دورة في التنمية البشرية - العادات السبع للأشخاص الأكثر فاعلية .

[فراق84]

المشاركة الأصلية بواسطة proactive

معلش يا فراق شكلي جالي انفلونزا غباء , مش فاهم قوي برضه ,

بس حسب فهمي انه فيه أنواع ما بنستناش رد فعل الطرف التاني , think win بنشتغل , و اياكش تولع تخرب تتظبط ما لناش دعوة بالطرف التاني خالص ,
و اللي أحسن منها think lose win اننا نخسر أنفسنا في سبيل نجاح و مكسب الطرب التاني , و هذا هو أرقى أنوع التعاملات الإنسانية , اللي غالبا م بيكونش زي ما تقدم إلا بين الأم أو الأب و الأبناء , أو بين قائد الفريق و باقي الأعضاء في سبيل نجاح مهمة الفريق الكلية ,

بس خطورة الطريقة دي لو اتنفذت خارج إطار الحاجتين دول , بين الأصحاب مثلا , إني أخسر علشان واحد تاني يكسب , يبقى أنا حطيت في دماغي إني عمل له جميل , و أنه المفروض يرده و يحفظ الجميل ده , و ده غالبا ما بيحصلش , و بيخلينا مستنيين حاجات من الناس اللي خسرنا من أجلهم, و غالبا هم بينسوا أصلا تضحيتنا , و بعد كده بنحبط و بنكتئب ,

مش عارف بجد غن كنت جاوبت و لا لأ , بس أنا مش عارف أنا دماغي مالها كده مش عارف اركز

شكرا يا بش مهندس
لا انت جاوبت على السؤال
بس الظاهر انا اللي مكنتش مركزة كويس بالانواع
هو دا اللي كنت اقصدو
وعلى فكرة في امثلة بين الاصحاب
بس قلييل اوي
انا شفت بعيني محدش قللي
وبيرجع لطبيعة الانسان
شكرا لك
حكمل العادة الاخيرة
وانتظر الباقي
اختك فراق

[فراق84]

غير الفعال :

الابن: أنا قرفان من المدرّسة بتاعتي جدا...
الأب : المدرّسة؟؟ حصل إيه؟
الابن: لغت حفلة الصيف اللي كلنا مستنينها...
الأب : بس كده أنا فاكر المشكلة كبيرة... عموما إنتو أكيد ضايقتوها... أنا عارفكم مزعجين
الابن: يا بابا ماحدش ضايقها... هي اللي مجنونة
الأب : إيه؟؟!!! عيب تقولكدهعلى مدرّستك انت ولد مش مؤدب
الابن: لا انا مؤدب... أنا مش عايز أروح المدرسة دي تاني
الأب : اتكلم كويس... انت عارف احنا تعبنا قد إيه علشان ندخلك المدرسة دي؟ انت ماتحمدش ربنا
الابن: مش ممكن تفهمني ... أنا غلطان ... أنا غلطان ... أنا غلطان
الأب : !!!!!!!!!!!!!!


نقاط تدمر الاستماع الفعال :
1- الاستماع لتحضير ما ترد به وليس للفهم
2- رفض المشاعر (مافيش سبب علشان تتضايق كدة) , انت كده تبقى "قفلته" من أولها , فكيف يكمل و هو يشعر أن المستمع لا يقدّر مشكلته ؟ و لا عواطفه و أحاسيسه .
3- النصيحة (انت عارف الصح تعمل إيه؟؟ ......... ) , اتركه يتحدث قليلا , حتى ينتهي , و لا تتعجل , سيطلب منك المساعدة بنفسه في النهاية ,
4- الأسئلة التفصيلية , ده بقى نظام الناس "الرخمه" , تسأل و تقاطع و تستفسر عن حاجات تافهه و خلاص.
5- دفاع عن شخص آخر (أكيد المدرسة مضغوطة ...) , لأنك كده بتحط نفسك في الطرف المعادي ليه من الأول , خليك محايد و اسمع للآخر .
6- التحليل النفسي (أصل انت عندك مشكلة من زمان .... ) , يا عم انت كنت طبيب العائلة ؟ غالبا المشكلة أو العقدة دي بتكون عندك أنت و أنت حاسس إن اللي العقد اللي جواك كلها عنده هو .
7- الشفقة (ده انت ظروفك صعبة قوي، انت صعبان عليا.... ) , هتخليه ينام في الخط , و يحبط و ييأس و ...
وأخيراً: لاتقس مشكلة الشخص على تجربتك الشخصية

اخي ابراهيم
المشكلة انو الاشياء دي هي اللي بتحصل مع الجميع
صعب تلاقي الاستماع الفعال
الفهم الصحيح
لانه من الاساس لم يكن ..منذ النشأة
متل مثال الاب وابنه في البداية

على العموم شكرا لك
ربنا يهديك ويغفرلك
وانا استفدت كتير
وهي عادة مهمة جدا
اختك فراق

[proactive]

المشاركة الأصلية بواسطة لاجئة

اولا يعطيك الف عافية ع الموضوع الحلو والتلخيص اللي اكيد كان متعب!!!!!!!
فعلا شوقتني اقرأ الكتاب..ز
انا بشوف لقاءات تنمية بشرية لمحاضر فلسطيني (من حيفا) اسمه اشرف قرطام...
هو كمان عنده طريقة القاء حلوة ومحمسة وفعلا اثر فيي كتير وغير كتير اشياء في شخصيتي (طبعا للاحسن)
بس موضوعك كمان اضاف لي معلومات زيادة وجديدة "ومنكم نستفيد" لهيك الف شكر والف عافية!!



واصل تميزك... لاجئة.

ألف ألف شكر على تعليقك المشجع

و فعلا الكتاب مفيد
أنصحك تقرأيه أو تحضريه في دورة هيكون أحسن بكتير ...

[proactive]

المشاركة الأصلية بواسطة فراق84

اخي ابراهيم
المشكلة انو الاشياء دي هي اللي بتحصل مع الجميع
صعب تلاقي الاستماع الفعال
الفهم الصحيح
لانه من الاساس لم يكن ..منذ النشأة
متل مثال الاب وابنه في البداية

على العموم شكرا لك
ربنا يهديك ويغفرلك
وانا استفدت كتير
وهي عادة مهمة جدا
اختك فراق

للأسف فعلا يا فراق
الكلام ده ما اتطبقش معانا خالص
بس الفرصه قدامنا احنا نطبقه

لو ما كانش بينا و بين أبنائنا لسه
يبقى بيننا و بين معارفنا

على فكرة أنا أحاول أن أطبقه مع زملائي , و ما بحبش أتكلم و أتحشر في الكلام لو فيه واحد عاوز يتكلم , لحد ما يخلص خالص أو حتى ما يخلصش , إن شا الله ما اتكلمت خالص ,

بس بجد الواحد بيحس انه مختلف و هو بيسمع و شايف الناس بتتهافت على الكلام ,
أو و هو بيسمع لواحد و حاسس انه بيساعده و بيسمعه صح

ألف شكر على تواصلك فرا ق ...

[proactive]

6 – العادة السادسة : Synergize التعاون مع الآخرين للحصول على نتائج أفضل :

1+1>2 .... العلاقة دي هي اختصار لكل ما سيقال في هذه العادة ,
فعلا , إذا قام اثنان بعمل ما بحيث يقوم كل منهما بنصف العمل بمفرده , فإنهما سيحققان نجاحا أقل منه لو قاما بالعمل سويا على العمل كله , حد فاهم حاجة ؟؟ .

فالتعاون و العمل بروح الفريق يزيد من مهاراتك الاجتماعية
كما أنه قد يلفت انتباهك إلى أشياء في العمل لم تكن لتنتبه لها وحدك , فكما يقال , لو أن الاثنين لها رأي واحد , لم تكن هناك حاجة إذا إلا لموظف واحد ,
أي أن الفريق يجبر عجز بعضه بعضا
كما أنه يعلم الإيثار و التعامل بمبدأ win/win لأجل مصلحة الجميع
و نتعلم منه قبول الآراء الأخرى أو إقناع الآخرين بآرائنا لكي يسير المشروع ,
كما أن العمل الجماعي يعطيك طاقة و تحفيزا أكثر من العمل الفردي ,
فلو كنت تعمل شيا ما بمفردك , فستجد أنك ستتكاسل من حين لآخر , أما إذا كنت ضمن فريق , فسيشجع كل منكم الآخر ,

أخيرا , كان فيه حاجة عاوز أقولها , لما كنت في المدرسة , كان نفسي الامتحان يبقى جماعي , يعني نبقى 3 أو 4 على ورقة واحدة , كان متهيأ لي انه هيبقى أحسن , لأن كل واحد دماغه و تفكيره مختلف عن التاني , فأكيد كانت الإجابات هتبقى صحيحة و فعالة , و لو واحد نسى حاجة أو فكر غلط , هتلاقي الباقي يصحح له , و تكون النتيجة النهائية إن الجميح سيصلون ما صبت إليه نفوسهم .,
و بعدما قرأت هذا الكتاب و هذه العادة بالذات , أيقنت أني كنت على صواب –متهيأ لي يعني- , على فكرة , أنا واخد 2 جني –جنيه يعني بس بالاسكندراني- لما كنت حاضر الدورة دي في الاسكندرية من المحاضر الباشمهندس محمد , علشان عرفت أترجم كلمة Synergize دي , مع إني كنت غاششها من القاموس في الموبايل , إلا إن الراجل أصر , و قالي هتاخدهم هتاخدهم , حطهم حتى في أي جامع ,
فيا ترى أنا حطتهم فعلا في جامع ؟ و لا طمعت فيهم ؟؟ طا طا طا طا ؟

لمعرفة هذا اللغز الخطير , تابعونا في الحلقة القادمة للتعرف على العادة الأخيرة من العادات السبع , و انسوا حكاية ال2 جنيه دي خالص , و ما تنسوش تدوروا على ترجمة كلمة Synergize بس من قاموس انجليزي/انجليزي علشان تشوفوا المعني بالضبط ,
و لا بلاش ما تتعبوش نفسكم , التعريف أهو .. على الله يطمر J -ايه زعلتوا , أنا بهزر بس- :
The joint effect of agents that is increased beyond the effects of each agent separately .

و على فكرة , كدة تبقى التلات عادات اللي بيخلوك ناجح مع الناس خلصوا هم كمان .. أمال العادة اللي فاضله دي علشان ايه ؟؟
تابع معانا يا سيدنا الأفندي الحلقة الأخيرة إن شاء الله ....

[proactive]

و أخيرا هنخلص بقى من العادات الخنيقة دي

و مع العادة الأخيرة ..


7- العادة السابعة : Sharpen the Saw أو اشحذ المنشار :
يعني "سنّ" المنشار مش "اشحت" المنشار -ما حدش يدي منشاره لزميله , جاي الامتحان من غير منشارك ؟ -

يعني ايه بقى نسن المنشار , و هو ايه المنشار ده أصلا ؟
بص يا سيدي ,
انت مش ساعات لما بتسمع محاضرة أو كلام حلو أو أي حاجة بتعجبك بتلاقي نفسك معجب بيها قوي , و تقرر أن تكون في حالتك تلك من التفاؤل و الإيجابية و غيرها من الصفات و المشاعر الإيجابية ؟
ثم ماذا ؟
لا يمر عليك يوم أو يومين أو حتى بضع ساعات إلا و تجد نفسك كسابق عهدك من المشاعر السلبية و العادات الخاطئة و غيرها من الأشياء التي كنت قررت الإقلاع عنها , و رجعت ريمة لعادتها القديمة , صح ؟
العادة دي بقى تساعدك في شحذ طريقة حياتك و جعل حياتك دائمة التجدد لكي لا تمل أو تنتكس إلى سابق عهدك ... و لكن كيف ؟؟
بص يا سيدي , انت عندك شوية محاور لتجديد حياتك , لو اهتممت بهم هتلاقي حياتك اتظبطت إن شاء الله :


1-الجانب الروحاني :
و هذا الجانب هو أهم الجوانب على الإطلاق , فالاتصال بالله عز وجل و شعورك بأنه راض عنك يجعل حياتك رائعة
هذا فضلا عن الإيمان بالقضاء و القدر و أن ما أصابك لم يكن ليخطأك و ما أخطأك لم يكن ليصيبك , و تعلم أن أمر المؤمن له كله خير , إن أصابته سراء فشكر كان خير له و إن أصابته ضراء فصبر فكان خير له , و من كان مع الله فماذا فقد , و من ترك الله فماذا وجد

2-الجانب الجسماني :
صحة البدن تؤثر على حالتك النفسية
تذكر حالك و أنت مريض , ماذا كنت تتمنى ؟ أن تتعافى , صحيح ؟
و حينما تكون مريضا و من حولك أصحاء فإنك قد تشعر ببعض الحزن , مع العلم أن هذه الأمراض قد تأتي و تذهب , فما بالك بحالتك الجسمانية الدائمة , هل أنت سمين أم نحيف , هل تمشي كثيرا أم قلما ؟ هل تمارس أي نوع من أنواع الرياضة بانتظام ليجري الدم في عروقك و يصعد إلى الرأس فيجدد الخلايا ؟
ممارسة الرياضة بانتظام و لو حتى الجري في المكان فقط كل صباح سيغير كثيرا من حالتك النفسية , لكن احرص على ... الانتظام .

3-الجانب الاجتماعي :
طبعا مهم جدا لأن الإنسان لا يستطيع أن يعيش وحده , و إنما داخل مجتمع لذا يجب أن تطور علاقاتك الإجتماعية في المجتمع الذي تعيش فيه و تكون لك علاقات كثيرة ناجحة .

4-الجانب العقلي و الثقافي :
من المهم جدا الاعتناء بالعقل و تطويره ليواكب كل ما هو جديد , لذا احرص على القراءة , قراءة الصحف لتكون على دراية بما حولك و لكن ليس فقط الصحف , بل احرص على اقتناء الكتب و حدد قدرا يوميا تقرأه من كل كتاب , و ستجد أنك لو قرأت صفحة فقط كل يوم , فستكون قرأت في السنة العديد من الكتب , و احذر أو قلل من مشاهدة التلفاز فإنه سارق للوقت –و بيطول الودان و بيتخن الصوت و بيطلع لك ديل و هتلاقيهم يقولو لك "شي حا" في الآخر - فلا تشاهد إلا المهم فقط , و حدد عدد ساعات للمشاهدة كل يوم , علشان ما تسرحش قدامه .

5-و أخيرا :
اصنع شيئا جديدا كل يوم , و لو كان ضئيلا , لو انتهى يومك و وجدت أنك لم تفعل أي شيء جديد أو لم تعرف أي شيء جديد فلا تنم , نعم يجب أن تفعل أي شيء في اليوم –طبعا بخلاف الواجبات و العمل اليومي- , لا تجعل يومك ينتهي من دون أن تكون قرأت شيئا جديدا , تعلمت كلمة جديدة من أي لغة أخرى , تعرفت على شخص جديد , تعاملت مع أحدهم بلطف , ساعدت أحدا ........ المهم أن لا تنهي يومك بدون أن تكون حققت أي إنجاز ,
و في نظري هذه أهم نقطة توصلك للقمة بدون سقطات و بدون ملل , لأنك بهذه الطريقة ستجد نفسك تقترب من القمة و لو بضع سنتيمترات قليلة كل يوم , المهم أن تفعل شيئا مهما كان صغيرا ... يقول صلى الله عليه و سلم : "أحب الأعمال إلى الله أدومها و إن قل "


و بهذا و الحمد لله , أكون قد انتهيت من هذه الدورة و من أول شرح أو تلخيص لكتاب قمت به في حياتي ,
و جزاكم الله خيرا .
و أقدم جزيل الشكر للمهندس محمد بدران اللي شرح لينا الدورة دي في الـM.I.E. و كانت أول و آخر مرة أشوفه , بس كل ما أفتكرة أدعيله و الله ربنا يكرمه .
و لا تنسونا من دعوة صالحة بظهر الغيب كي يقول لك الملك "آمين و لك بمثل" , ادع الله لي : "اللهم اغفر له و تب عليه و وفقه لما تحب و ترضى و أدخله الجنة و أجره من النار" آمين و لسائر المسلمين و المسلمات ....
و صلى اللهم و بارك على نبينا محمد و على آله و صحبه و سلم ,.
سبحانك اللهم و بحمدك , نشهد ألا إله إلا أنت , نستغفرك و نتوب إليك .

و لا تنسونا من دعوة صالحة : "اللهم اغفر له و تب عليه , و وفقه لما تحب و ترضى , و أدخله الجنة و أجره من النار, آمين و لجميع المسلمين و المسلمات "

-

[فراق84]

اللهم اغفر له و تب عليه و وفقه لما تحب و ترضى و أدخله الجنة و أجره من النار" آمين و لسائر المسلمين و المسلمات ....

شكرا اخي ابراهيم على العادات السبعة المهمة
اما بالنسبة للعادة الاخيرة
فالمحور الاخير اصلا ملخص للسابقين
لانو بيضمهم كلهم
لان كل واحد منهم يعتبر انجازه شيء جديد
يغير النفسية
ويحسنها
شكرا لك
ننتظر الجديد
اختك فراق

[M.S.B.]

جزاك الله خيرا على مجهودك و الأسلوب الرائع اللي لخصت بيه الكتاب

[proactive]

المشاركة الأصلية بواسطة فراق84

اللهم اغفر له و تب عليه و وفقه لما تحب و ترضى و أدخله الجنة و أجره من النار" آمين و لسائر المسلمين و المسلمات ....

شكرا اخي ابراهيم على العادات السبعة المهمة
اما بالنسبة للعادة الاخيرة
فالمحور الاخير اصلا ملخص للسابقين
لانو بيضمهم كلهم
لان كل واحد منهم يعتبر انجازه شيء جديد
يغير النفسية
ويحسنها
شكرا لك
ننتظر الجديد
اختك فراق

ألف شكر ليكي يا فراق

استحملتي كل الدورة دي معايا

ربنا يخليكي , يا رب

و ألف شكر على تواصلك المستمر ...

[proactive]

المشاركة الأصلية بواسطة M.S.B.

جزاك الله خيرا على مجهودك و الأسلوب الرائع اللي لخصت بيه الكتاب

شكرا جزيلا ليكي
و لتعليقك ..
و إن شاء الله يكون أفادك الكتاب ...

[فراق84]

المشاركة الأصلية بواسطة proactive

ألف شكر ليكي يا فراق

استحملتي كل الدورة دي معايا

ربنا يخليكي , يا رب

و ألف شكر على تواصلك المستمر ...

اخي ابراهيم
انا بالفعل استفدت من الدورة
ومش استحملتها..زي ما انت بتقول
لانها بالفعل مفيدة
وانتظر تكملة لها ..او دورة مماثلة لها
لا تطل علينا
اختك فراق

[proactive]

المشاركة الأصلية بواسطة فراق84

اخي ابراهيم
انا بالفعل استفدت من الدورة
ومش استحملتها..زي ما انت بتقول
لانها بالفعل مفيدة
وانتظر تكملة لها ..او دورة مماثلة لها
لا تطل علينا
اختك فراق

ألف شكر على تشجيعك, فراق
و إن شاء الله نكمل في نفس المجال ..
لكن بأبح عن حاجة تكون ... قد المقام , علشان الافادة ..

[jassmina2010]

انا وقفت لحد العاده الرابعه
اكملها بليل بقى انشاء الله
وبجد بجد ماشاء الله
اسلوب حلو موووت
واستفدت من الكلام ده قويييي