انت عارف انت عايز اية

[روما الشعنونة]

مش عارفة انا عايزة اية وساعات بحس اني عايزة الحاجة دية وفجاة الاقيني مش عايزها يعني انا متقدملي عريس كويس اوي ومحترم موت واخلاقة عالية جدا هو ظابط ساعات بحس اني موافقة وخلاص وساعات اقولهم لا انا مش عايزاهيمكن عشان مش بحبة بعمل كدة اكيد لوكنت بحبة كنت هوافق عليةيعني انا مش عارفة انا بحس اني مجنونة بس انا مش عايزة ارتبط بحد غير لما اكون بحبة واكون واثقة ومتاكدة انه هو كمان بيحبني موت يمكن تكون المشكلة اني من كتر رومانسيتي بقيت انسانة خيالية بقيت عايزة حد مش موجود ومش عارفة اذا كنت هلاقية ولا لا انا عارفة اني طولت عليكو معلش سامحوني ها عايزوك تقولولي بقي انتو بقي عارفين انتو عايزين اية يعني كل واحديعقد كدة ويشوف هو عايز اية ويقول اه وقولولي هو انا كدة مجنونة

[^^صمتى يدهشنى^^]

لا طبعا انتى مش مجنونه وعندك حق الجواز عن حب احسن بكتير بس ممكن تلاقى انسان متقدملك كويس وترتاحيله وتوافقيه
اما انا عاوزة ايه تعرفى انى مش عارفه انا عاوزة ايه زمان كنت ممكن اقول كنت عاوزة ادخل فنون جميله لانى كان حلمى انى ابقى مهندسه ديكور بس متحققش دلوقتى بحمد ربنا انه متحققش لانى لاقيت نفسى فى حاجه تانيه بس لو قصدك عن تقلب المزاج فاده طبعا بحس بيه وانا مضايقه بس بس فى النهايه بسكت ومبقلش عاوزة حاجه علشان مفيش حاجه بتعجبنى غير انى اقعد فى البيت اسفه طولت عليكى بس موضوع حلو اوووى بجد

[روما الشعنونة]

ماتقوليش اسفة انتي نورتي موضوعي وبعدين عايزة اقولك ان كلنا محدش دخل الكلية الي كان بيحلم بيها ان كنت بتمني ادخل اعلام بس ربنا ما اردش ودخلت حقوق ودلوقتي بحب الكلية بتاعتي موت

[وائل المصري]

سيدتي انتي ليه بتقولي علي نفسيك مجنونه
انتي لستي مجنونه انت عبيطه.
اسف لكن من جائت لها فرصه الارتباط مع انسان محترم ومتميز كما انتي تقولين اذا ما المانع فان تتزوجيه
ما دخل الحب هنا من الممكن ان تكون هنا السعاده التي تبحثي عنها .
ومن الممكن ان يحبيك وتحبيه اكثر من اي شخص اخر
سيدتي تزوجي وتوكلي علي الله .
اسف علي كلامي لكن لاني احب كل عضوات المنتدي كما احب اختي واكثر لذلك اتحدث معهم بكل حب وحرص عليهم وعلي مصلحتهم.
ومتنسيش تعزميني علي الفرح
وائل المصري قاضي المنتدي.

[روما الشعنونة]

اقولك ع حاجة كمان هو ظابط ومن عائلة جامدة موت بس انا موث موافقة

[^^صمتى يدهشنى^^]

مع احترامى واقل ده نصيب واكيد ربنا عاوز كدا احنا صحيح مخيرين فى الدنيا وفى كل حاجه بنعملها ولكن سبحانه وتعالى يعلم مافى الغيب وده مش نصيبها يمكن يتجوزوا وميحصلش نصيب ويطلع انسان مش كويس

[روما الشعنونة]

صح انا بقول كدة المشكلة انه محدش عايز يفهمني كل الي في البيت وكل العائلة متمسكة بيه جدا وانا مش عايزاه لان دة جواز ولانة مينفعش اتجوز واقولهم لا انا مش عجبني مشكلتي ان محدش فاهمني ومحدش عايز يقتنع بكلامي وكل زمايلي يابنتي وافقي دة مستواه كويس ومرتاح ماديا انا مش بدور علي الفلوس انا مش عايزة كدة انا بدور علي الحب انا عايزة انسان اكون بحبة وهو كمان حتي لو كانت ظروفه المادية زفت مش مشكلة

[سراب]

روما ياحبيبتي انتي مش مجنونه ابدا..

روما انا حقولك انك ممكن تحبي بعد الزواج..

مش مهم تعرفي قبل الزواج هو بيحبك او لا ..

لانك حتعرفي بعد الزواج..

[bahaa pop]

كلكم غلط لأنه الحب بعد الزواج مش بيبقى اسمه حب يبقى اسمه تعود انه يشوف الانسانة دى كل يوم ويصحى من النوم يشوفها لأ كده غلط لازم ولابد ان يكون فى رضا من الله اولا واشتياق من الزوجين ثانيا انا احيكى ياروما على اللى انتى عملتيه وعاوز بس اقول للأخ العزيز وائل المصرى عمر ما فى حب بعد الجواز مفيش حاجة اسمها انسان محترم وانسان غير محترم كتير قبل الجواز كانو محترمين وبعد الزواج كان من ابشع ما يكون لا يطاقو ان يعاشرو اما الحب اللى روما تقصدو ان يكون فى اشتياق بين الزوجين حتى وهما مع بعض هو ده الحب ياجماعة حتى وهو بره البيت مش بيقدر يقعد الا لما يسمع صوتها اسف انى اطلت عليكم شكرا

[روما الشعنونة]

المشاركة الأصلية بواسطة bahaa pop

كلكم غلط لأنه الحب بعد الزواج مش بيبقى اسمه حب يبقى اسمه تعود انه يشوف الانسانة دى كل يوم ويصحى من النوم يشوفها لأ كده غلط لازم ولابد ان يكون فى رضا من الله اولا واشتياق من الزوجين ثانيا انا احيكى ياروما على اللى انتى عملتيه وعاوز بس اقول للأخ العزيز وائل المصرى عمر ما فى حب بعد الجواز مفيش حاجة اسمها انسان محترم وانسان غير محترم كتير قبل الجواز كانو محترمين وبعد الزواج كان من ابشع ما يكون لا يطاقو ان يعاشرو اما الحب اللى روما تقصدو ان يكون فى اشتياق بين الزوجين حتى وهما مع بعض هو ده الحب ياجماعة حتى وهو بره البيت مش بيقدر يقعد الا لما يسمع صوتها اسف انى اطلت عليكم شكرا

مظبوط كلامك يابهاء انا فعلا مش عايزة حد اكون مش بحبة لان اكيد لو اخد انسان بحبة هكون سعيدة معاه اكتر وكمان هستحمل معاه اي حاجة بجد انا سعيدة انك فهمتني لاني كنت حاسة انه مفيش حد هيفهمني متشكرة علي مرورك

[مهاحسن]

اهلا بيكم بجد انا مش عارفة ابدأ ازاى بس بجد انا مش هاطول عليكم خالص ومشكلتى مع الانسان اللى بحبه جدا وبيحبنى اكتر هى الحوااااااااااااااااااااااااااار بجد مش بنلاقى مواضيع جدية نتكلم فيها خالص والفموضوع دة مسببلى مشكلة دة احنا حتى ساعات ممكن نقعد ساكتين ونطر نقفل مع بعض عشان مش لاقيين كلام نقوله

[عسول قوي]

انتي من طنطا ؟ ولا ايه؟ وياريت تردي عليه لاني حاسس اني عارفك

[عسول قوي]

انا بتكلم بجد والله