ممكن اسألك سؤال وتجاوب عليه بكل صراحه........................................؟؟؟؟؟ ؟؟

[نيهال]

حاسه انى لوحدى.......
تفكيرى لوحدى.......مش قادره اشرك حد فيه
اصحابى متغيرين فى كل حاجه
حاسه انى عايزه اخد بريك من كل حاجه حوليا......نفسى ابعد
جايز تحصل معجزه ويفوقوا للى همه فيه

[مجرد شعووور]

بصي سما هقولك انا حاسة بايه دلوقتي

انا بصراحة مش مبسوطة
نزلت الكلية النهاردة وكان يوم خنيق جدا

ومن ساعت مارجعت وانا مخنوقة
لان اليوم الي مش بتبسط فيه في الكلية

بيبقى يوم تقيل قوي

ماعلينا مصيرنا نتبسط يعني هنروح فين

تحياتي ليك يقمر
على الموضوع الحلو ده

صلي على حبيبك المصطفى
اللهم صلي وسلم وبارك عليه

[روح الجمال2007]

حاسه انى مخنوقه اوى لان الانسان الوحيد اللى حبيته وفاهمنى وانا كمان فاهماه ضاع منى بسبب اهلى ومش قادره ارتبط بحد غيروه

[sama0]

ليه حاسه بوحده نيهال احنا كلنا معاكى
ياريت تدورى على واحده تكون قريبه اوى منك واكيد هتلاقيها وتحكيلها على كل اللى مضيقك
صدقينى مفيش احسن من انك تفضفضى مع حد تثقى فيه وصدقينى فى كتير بس دورى متستسلميش .........
شكرا لمرورك

[sama0]

ايه يا لولو ليه منبسطيش فى الكليه مع انى عرفت انك عديتى على هندسه الاخبار وصلتنى كلها
بس روقى لو ملقتيش اللى يبسطك فالكليه اكيد فى حاجات كتير تفرح فالبيت او تعالى عندنا
وانتى مجرد شعور لازم تنبسطى

[sama0]

بس يا روح الجمال الحاجات دى كلها قسمه ونصيب وتيقنى مليون فى الميه ان اهلك هما الصح واى حد تانى غلط هما عارفين اكتر منك وعايزينلك الاحسن
فانتى سلمى امرك لله وقولى الحمد لله
شكرا لمرورك

[hooma]

dear all
i am sorry cuz i dont have arabic on my PC, and i will be very happy if i can be a friend for all of you
Dreams are closer than you think, you realize this when you loose them, never let them escape, because the time is flying in a one way direction
hooma

[نيهال]

مرسيه يا سما..........الحمد لله ربنا اعطانا نعمه النسيان.......عارفه انها مؤقته
بس بجد استريحت جدا امبارح لما حكيت

لعل الامور تمر على خير ان شاء الله........فعلا خايفه


Dreams are closer than you think
عندك حق بجد...........hooma

على فكره نورت ابن مصر........واكيد احنا اخواتك واصحابك ان شاء الله

[eshoo4ever]

الدنيا حر فى القاهره جدا

لية لان الدنيا حر

[نيهال]

فى اللحظه دى .......محتاره من موقف
مش عارفه ايه اللى حاصل
وازاى الانسان بيكون عنيد كده

[H.E.R.O]

موضوع جميل اوي وتسلم ايدك
انا حاسس ان الدنيا كلها واقفة بيا
رغم ان الوقت بيمر بس الدنيا واقفة محلك سر
حاسس اني وحيد رغم كثرة الاصحاب
حاسس اني غريب رغم وجودي في بلدي
انت عارفة الواحد بيتمني ان الوقت يرجع بيه ويعمل حاجات تغير المود اللي هوا فيه دلوقتي
او ما يعملش الحاجات اللي تسبب المود داه
انا حاسس ان الناس اللي حواليا كلهم بقول اعداء وانا الطرف المحايد الوحييييييييد
دي احساساتي ويمكن اكون مش عارف اسباب معظمها بس جوي النفسي كده

وشكرا مرة تانية علي الموضوع الحلو داه

[Dr.Hammood]

والله مش بطال

حزين بس هادي

حاطط اعصابي على حرف البلكونه فعمله زي القله ساقعه بس مش اوي

[sama0]

اولا احب اقول ل hoomaاهلا بيك فى ابن مصر وشرفتنا
وياسيدى اكتب انجلش براحتك فى اختراع اسمه قاموس نازل جدي اكيد هيساعدنا
ونورتناااااااااااااااااا

[sama0]

استهدى بالله يا نيهال واستجمعى قواكى وان شاء الله خير
قدر الله ما شاء فعل وحطى فى فكرك حاجه واحده (كل واحد بياخد نصيبه)

[sama0]

هاى هيرو اهلا بيك
اكيد انت حاسس بكدا عشان مش بتعمل حاجه جديده فى حياتك بمعنى بالبلدى كدا
(اللى بتصبح فيه بتنام فيه ) تعرف لو عملت تغيير مهما كانت تفاهته اكيد هتحس بحاجه جديده واحساس جدي هايخليك تقدر تعمل الاحسن والاحسن ولما توصل للاحسن هاتفرح اوى وهتحس ان الدنيا فعلا بتجرى بس انت سابقها مش واقف مكانك محلك سر.............ياريت تكون فهمت قصدى

شكرا لمرورك