ممكن اسألك سؤال وتجاوب عليه بكل صراحه........................................؟؟؟؟؟ ؟؟

[sama0]

ممكن يكون احساس الحزن حلو ويساعد اوى
بس لما يجى وراه لحظه فرح.........هتحس فعلا بافرحه بجد مهما كان السبب.
شكرا لمرورك dr hammood

[sama0]

هاى eshoo4 اهلا بيك
الجو مش حر عندكو انتو بس احنا هنا فالمنصوره هانموت مالحر
ربنا يرحمنا
شكرا لمرورك

[حنين مصر]

حاسى اني عيزا اسيب قلبي يحب
السبب اهداء وصالني(( اغنية العندليب _ مداح القمر))

[sama0]

سيبيييييييييييييييييييييه يحب براحتك
بس خدى بالك من اللى هايحبه ممكن يسعده وممكن يدمره
شكرا لمرورك

[m_eladly]

انا حاسس انى بحب مصر قوى قوى وانى هاتهبل واشوف ترابها والسبب انى مسافر برا مصر وبقالى حوالى سنة مشفتش بلدى وهوة دا السبب اللى خلانى اصلا ادور على مندى مصرى اكلم فية مصريين - يا جماعة والله العظيم مصر دى اجمل بلد فى العالم ومهما حصل لك فيها عمرك ما هتعرف تكرهها حتى لو سافرت وسبتها (بحبك يا مصر زى منتى - بحب سلبياتك قبل إجابياتك)

[الفتى المصرى]

انا الحمد لله مبسوط دلوقتى

عشان التقدير اللى انا جبتة فى امتحانات الترم ،



وشكر خاص منى الى كاتب الموضوع ,






الفتى المصرى

[sama0]

اهلا بيك محمد المصرى معانا فالمنتدى ويارب تكون مبسوط معانا هنا
اختك سما

[sama0]

الف مبرووووووووووووووووووووك وربنا يوفقك كل ترم ان شاء الله
وعقبالنا

[قمر الليل_]

انا دلوقتي مش عارف عايزه ايه بالظبط عادي يعني حاسه بهدوء

[سها soha]

حاسة بتأنيب ضمير انى مرحتش الكلية بحجة الدنيا حر
وفى البرد بحجة الدنيا برد

وبنت عمى ياعينى هى الى بتروح وبعتمد عليها فى كل حاجة
اشى محاضرات بشرحها .. اشى تسجلنى حضور

ضميرى وجعنى

[m_eladly]

المشاركة الأصلية بواسطة sama0

اهلا بيك محمد المصرى معانا فالمنتدى ويارب تكون مبسوط معانا هنا
اختك سما

ميرسى جدا ليكى يا سما - اجمل حاجة ان الواحد يلاقى حد يحكى معاة - بجد منتدى جميل قوى وطبعا موضوع رائع

[النينجا المصري]

انا حاسس انى بحب مصر قوى قوى وانى هاتهبل واشوف ترابها والسبب انى مسافر برا مصر وبقالى حوالى سنة مشفتش بلدى وهوة دا السبب اللى خلانى اصلا ادور على مندى مصرى اكلم فية مصريين - يا جماعة والله العظيم مصر دى اجمل بلد فى العالم ومهما حصل لك فيها عمرك ما هتعرف تكرهها حتى لو سافرت وسبتها (بحبك يا مصر زى منتى - بحب سلبياتك قبل إجابياتك)

انا آسف على المداخله اللي مش في محلها بس انت كلامك ميه ميه صح لاني جربت نفس تجربتك ومعرفتش اد ايه حبي لمصر الا لما بعدت عنها ودلوقتي استحاله اسيب بلدي وحبي لمصر مالوش حدود زيك بالظبط وانا متأكد ان كل الناس اللي هتقرا الكلام ده وتضحك مش هيعرفوا قيمة مصر الا لو بعدوا عنها واسف مرة تانيه على المداخله ..

[مصطفى الحبوب]

موضوع راااااااائع جدا يا سما

انا بقى حاسس اني تايه

عارفين فيلم تاية في امريكا
بس انا بقى تاية في نفسي
مش عارف اعمل اية قدامي 500 طريق مش عارف اي واحد هو الطريق الصح
وميرسي جدا يا سما على الموضوع دة

[امل احمد محمد]

اخرجى ولا يهمك حتى لقى الايام دى سيبها للة اختك فى الاسلام امل

[امل احمد محمد]

انا بجد مخنوقة عشان مشاكلة مع حبيبى شوفتة باقة