ارجوا الرد سريعاً على مشكلتي..

[بقاياإحساس]

بسم الله الرحمن الرحيم..

سيدي الدكتور المحترم..

من مدة بدأت عندي مشكلة صعبة وهي اني بدأت فجأة وبدون أي

مقدمات احس وكأن فيه حاجه محشورة في زوري ومش راضيه لا

تطلع ولا تنزل في البداية ظنيت انه هواء مش قادرة أطلعه لكن بعد

كده عرفت أنه مش هواء هو كأنه لا سمح الله انتفاخ أو ورم في بداية

المريء أو نهاية البلعوم وفي الحقيقة هيه حاجة مزعجه جداً بتسبب

لي حرارة وضيقة وبتحسسني اني مخنوقة..

وهي لما بتيجي بتظل يوم أو يومين وبتروح وبترجع تاني بعد اسبوع

أو عشر ايام...

بليييز دكتور ارجوا الإفادة بسرعة لو سمحت,,

[H.E.R.O]

تقريبا والله اعلم يمكن عندك اللوز بس انصحك روح اكشف في اي حتة علشان الواحد ما يضمنش وعمره
والف سلامة عليك يا جميل

[بقاياإحساس]

لأ لأ لأ..

انا عارفة اللوز كويس..

ده مش بيوجعهني زي اللوز ولا بيصاحبه التهاب للحق ولا حاجه..

[ميدو الجامد اوى]

خير ان شاء الله فى انتظار نرجسية للتشخيص

الف سلامة عليكى

[نرجسية]

ميدو الجامد قوى
أنا لا أشخص الأمراض و لكن بنعطى احتمالات و على المريض مراجعة طبيب متخصص
و أشكرك على الرد


الأخت صاحبة الشكوى
ألف لا بأس عليكِ
ظنى أنه التهاب فى الحلق
لذلك يجب مراجعة طبيب متخصص فى الانف و الأذن و الحنجرة يفحص حالتك و يشوف اذا كان فيه التهاب أو لا
و توقعى أنه التهاب عادى و هو اللى بيسبب الورم ده و يخلى فيه صعوبة فى بلع الطعام
و أحياناً يكون معاها شكة ( وخزة) فى الحلق مع الأكل أو الشرب

وهي لما بتيجي بتظل يوم أو يومين وبتروح وبترجع تاني بعد اسبوع
أو عشر ايام...

و ده بنسبة كبيرة يؤكد أنه التهاب و ليس ورم لا قدر الله
قد تكون مناعتك ضعيفة ولذلك الاصابة متكررة

ابقى طمنينا عليكِ

[بقاياإحساس]

ألف شكر على مرورك اخت نرجسة..

أنا عايزة اروح بس انا دي الوقت حامل والمرض ابتدى

معاية قبل الحمل بمده بسيطة إن شاء الله لما أولد

بالسلامة حبقى اروح للدكتور...

ادعولي...

[نرجسية]

طيب و ما المانع اذا كنتِ حامل؟
بالعكس كونك حامل يخليكى لازم تستشيرى طبيب
الكشف لا يؤذى الحمل
لكن طبعاً لازم تعرفى الطبيب انك حامل قبل ما يكتب علاج دوائى

ربنا يشفيكى يارب و يقومك بالسلامة