ارجو مساعده!

[avadakedavra]

السلام عليكم

انا عندى مشكله غريبه و محتاج مساعده بس يايرت اللى يرد عليا يكتب نخصصه ايه و سنه اد ايه علشان الموضوع فعلا مهم

احيانا لما بنام بحس انى مش قادر اتنفس اوى و بعد كده بحس ان دماغى بتتهز جامد بس بكون حاسس و ساعات كمان بقدر اخد نفسى وينتهى الموضوع و ده بيحصل اثناء النوم بس واليوم اللى بعده بأشعر بارهاق و تعب

وانا صاحى احيانا بحس انى مش قادر اتنفس بشكل سليم و رجلى و ايديا الاتنين بيكون فيهم تنميل

فى الاماكن المفتوحه والواسعه بحس بدوخه و تركيزى بيقل جدا !!


ياريت حد يجاوبنى بشكل علمى وطبى و يكون متخصص اذا امكن

وشكرا

[نرجسية]

هل أنت مدخن ؟
كم عمرك ؟
كم يبلغ وزنك ؟
منذ متى بدأت شكوتك؟ و هل هى مستمرة أم أنها متقطعة و تظهر فى مواسم معينة ؟

[avadakedavra]

لا لست مدخن وعمرى مادخنت

عمرى 19 سنه

بدأت الشكوى من4 سنوات حتى الان و هى متقطعه ولا تعتمد على مواسم واحيانا تزداد و احيانا تختفى

!!!!!!!!!!!! شكرا

[avadakedavra]

الوزن حوالى 57 وثابت

[نرجسية]

أنا بانصحك بتحليل الدم لأن احتمال كبير يكون عندك أنيميا


اذا ما ظهرت أنيميا فى التحليل أنصحك تستشير طبيب

و الموضوع ان شاء الله بسيط

[avadakedavra]

السلام عليكم

مشكوره على الافاده

بس ممكن اعرف اذا كان ده ممكن يكون مرض عصبى او تشنجات على اساس ان دماغى بتتهز

و الموضوع ده بيحصل اكثر لما اكون نمت ساعتين مثلا فى نصف اليوم وبعدها بكام ساعه ادخل انام تانى
بالليل و على فكره عندى قولون عصبى و بعانى من التوتر من غير اسباب!!!!!!!


لكم خالص الشكر و التحيه وبارك الله فيكم

[نرجسية]

لا يا أخى لا يوجد مرض عصبى و لا شئ

وانا صاحى احيانا بحس انى مش قادر اتنفس بشكل سليم و رجلى و ايديا الاتنين بيكون فيهم تنميل

هذه من أعراض الأنيميا و ضعف الدورة الدموية

ما عملتش تحليل للدم ؟

[avadakedavra]

اشكرك جدا على مساعدتك .انا معملتش تحليل علشان بدأت اخد فايتامين فيه تحسن بس موضوع التوتر و القولون العصبى مضايقنى جدا و بيأثر على نشاطى كله غير انى بعانى من الاكتئاب و الارق

يايرت لو فيه دواء يساعد على تقليل التوتر مثلا او يحل اى مشكله منهم
و فى الصباح اشعر بأنى عايز اكل بشده و عندى امساك على طول لو ده له علاقه بمشاكل هضميه ياريت افاده

بارك الله فيكم

[حنين مصر]

الله يشفك
آآآآآآآآآآآآآمين

[نرجسية]

أنا عايزة أعرف بس الأدوية اللى انت بتاخدها

و عايزة أسأل اذا كنت كشفت عند طبيب قبل كدة و كان ايه تشخصيه ؟

و هل كنت بتاخد علاج قبل كدة ؟

[العمراني]

انا نفس المشكلة واوكد انه قولون

[avadakedavra]

انهى مشكله اللى قولون؟؟ كلهم ولا مشاكل البطن بس؟

[avadakedavra]

السلام عليكم

معلش هتعبكوا معايا تانى

انا عمرى ما تناولت اى دواء غير ادويه البرد العاديه او المغص او الصداع كلها عاديه جدا و بصوره عاديه

بس الموضوع ده عندى احساس ان له بعد عصبى و ده مخالف للكلام اللى انتوا بتقولوه
انا سألت فى منتديات تانيه واحد قال روح لدكتور نفسى و التانى قال انه تشنجات

انا باكل بصوره معقوله برضه رغم ان وزنى مش كتير و حتى مع اخد الفيتانينات القويه برضه الموضوع مازال موجود و مره عملت تحليل دم و مطلعش فيه حاجه و كانت المشكله موجوده
و الموضوع ده مستمر من اربع سنوات مضت حى الان و مسببلى مشاكل كتير

يعنى لما بيحصل بحس بارهاق و بطنى بتكون مش مظبوطه و الارق بيكون شغال برضه و التنميل وكل الاعراض

اللى بيحصل انى بدخل كده فى مود غريب تقريبا بين اليقظه والنوم ساعات بكون قادر اتحكم فى جزء منى يعنى مثلا مره فتحت عين واحده بس مش قوى و كنت حاسس بنصف من جسمى تحت تحكم جزئى منى بس النصف التانى لا وساعات بقدر اسحب نفسى بعد فتره و ساعات بشوف هلاوس وحاجات مبتحصلش بس مش كتير دا مؤخرا بس

ارجو الافاده

[avadakedavra]

عايز اضيف ان بحس ساعات وانا على السرير بان نبضات قلبى ضعيفه او مكتومه مش على طول يعنى
و ساعات قبل الاهتزاز ده بحس بان فيه مناطق محدده فى دماغى بتوجعنى بشكل بسيط يعنى لو حطيت ايدى على قشره الرأس عند المناطق دى بحس بتوجع بسيط

[نرجسية]

أنا شكيت انك بتاخد عقاقير و هى السبب فى الأعراض اللى بتشتكى منها

لكن طالما انك بتقول انك مش بتاخد اى ادوية الا العادية

احتمال تكون عوامل نفسية

و انت برضو ما قلتش اذا كنت كشفت عن الدكتور قبل كدة أو لأ


و على أى حال اذا كنت ما كشفتش

فالحالة تستدعى استشارة طبيب للكشف و التشخيص الدقيق

و ان شاء الله يكون الأمر بسيط
دعواتى لك بالشفاء التام

و ياريتك ترجع تانى و تطمنى