شعبولا الأسطورة

[ahmed speedo]

الاول وقبل اي شيء السلام عليكم

لا شك في ان طريقة شعبولا لعرض ما نعانيه سواء كان داخلياً أو خارجياً ممكن تكون عند البعض منها طريقة متدنية

لكن رغم كل شيء تجسد مأسي الشعب المغلوب علي أمره

سواء كانت ارتفاع الاسعار في الاكل في الشرب في الملابس في البنزين في مواد البناء في التجهيز في العقارات والسيارات وتليفونات وكهربا ومياه وغاز ..............

وأزمة الرغيف ....... لا تعليق مصر غنية بالزراعات

ليه منزرعش قمح ليه الحكومة مش بتشجع زراعته وايه الحكمة ان إحنا نستورده

المهم ده مش موضوعنا وربنا يستر

الجديد ان شعبولا غني كمان للرغيف ممكن يكون البعض منكم مش عارف لكن أخبار MBC
أمس ذاعت الأغنية

ومننساش ان شعبولا نقل معاناة الشعب من خلال اغانيه بدايتاً ب عناوين الاخبار وبكره اسرائيل
وحرب العراق وفلسطنين ومعاناة لبنان ونقده لبوش وحمايته للريس وانتقاده للحضري و حماية الملكية الفكرية وانفلونزا الطيور وأرتفاع الاسعار وأخيرا الرغيف

كلمة في حق شعبولا هقولها وياريت الكل يسمعني وقبل ما يسمع يفهم ممكن نوصل ويبقي لينا معني

شعبولا حبيب الكل وحبيب الملايين
ولو عندك ملاحظة هيقولها فكلمتين

خلاص بقي له صوت وجمهور كبير معاه
وبقت الحكومة جنبه والشعب كمان وراه

ليه ميبقاش كل واحد فينا زي عبد الرحيم
منخافش من أي حاجة ونبقي في السليم
حقينا يكون في إيدينا ونقدر نرجعو
منسبش فرصة واحدة للي يفلسعو

لو كل واحد فينا كان له صوت مسموع
مكنش حد منهم قـدر يكون لـه ضلـوع

إييييييييييه إييييييييييه

مبقتش اخاف من حاجة وماشي في السليم
أنا اللي عـندي هقوله إشـمعنا عبد الـرحـيم
إيييييييييييييه إييييييييييييييييييييييه

[mahmoud 35]

مع انى مش بحبه لكن فعلا كلامك مظبوط انى لما ارجع وافكر بلاقى انه الوحيد اللى بيتكلم فى القضايا الداخليه و الخارجيه من غير خوف
بس اكيد من غير خوف من السجن لانه اكيد مجربوا ولا ايه
ومن غير خوف من تاريخه الفنى لانه هو اساسا ملهوش تاريخ
لكن ارجع واقول انه الوحيد اللى بيتكلم عن جميع قضايانا
الف شكر على الموضوع

[ahmed speedo]

شكرا محمود علي المشاركة ورأيك في محله