<< خبر في الصفحة الأولى لجريدة الأخبار >>.. قواتنا تتوغل داخل إسرائيل..

[ابن شحطوطة]

هذه الصفحة الأولى من جريدة الأخبار المصرية
.
.
.
.
يوم السادس من يونيو 1976..

أي صبيحة << النكسة >>..
.
.
.
لاحظ العناوين الرهيييييييييييييبة.. و لاحظ تقدم القوات (العربية) على الخريطة في يسار الصورة..

لاحظ و اضحك من قلبك..

لاحظ و اعرف قدر (( شفافية التصريحات )) الممتدة حتى عصرنا الحااااضر ..
.
.
.
ثم ابك !!..
.
.
.

[hend]

ايه اللى فكرك بال هزيمه
بلاش نقول عليها نكسه لانها هزيمة بكل المقاييس

ياابو خالد يا حبيب بكرة هنتغدى فى تل ابيب

النهارده الشعب ما بياكلشى من كذب الحكام


احلى حاجه الخريطه
يعنى كمان موضحين الكذب حته حته

[النينجا المصري]

ههههههههه ما هو عبده كان بيحب الفشار هو ياكل فشار و الجنود المصريين يندبحوا في سينا في 67 بس دمهم في رقبته ان شاء الله .

[بنت بلدي]

السلام عليكم

فكرتنا بالذي مضي واه من الذي مضي علي فكرة خالي مات في الحرب أو بمعني أصح

كان أسير

وقتلوه من ضمن اللي قتلوهم وعمي استشهد في 73 . والاتنين الله يرحمهم مش شفتهم جدتي

كانت بتحكي لي عن أنها كانت فرحانة أوي وهي بتتخيل خالي وهو بيحارب في 67 لكن كانت

الصدمة أنهم مش حربوا . هم أستشهدوا وارتاحوا واحنا بنموت واحنا عايشين كل ثانية

وزي كل مرة بدعي وقول ربنا يتولانا برحمته ويبطلوا كذب

[proactive]

حلوة قوي يا بن شحطوطة

الصدق بيجري في دمهم من زماااااااااااااااااااااان

و ما زال !!!!
-

[BIG-BRAIN]

المشاركة الأصلية بواسطة النينجا المصري

ههههههههه ما هو عبده كان بيحب الفشار هو ياكل فشار و الجنود المصريين يندبحوا في سينا في 67 بس دمهم في رقبته ان شاء الله .

و الله عيب أوي عليك تتكلم بالطريقة دي على أعظم رجل مصري بلا شك ... اللي حرر بلدك من الاحتلال و انقذها من اغتصاب الغرب .. و اتحدى القوى العظمى و لم يخضع لأي دولة عشان كرامتك و كرامة المصريين ..يا راجل دا عمل في بلدنا أكبر ثورة صناعية في العالم .. و اللي كانت السبب الرئيسي في ضرب اسرائيل لمصر .. لأن لو كانت مصر إستمرت لفتره على هذا التفوق كان شكل العالم تغير و كان زماننا دولة عظمى بيتعملها حساب .. مش بتاخد على قفاها .. و ذلك باعتراف الاعداء .. أما شهداء سيناء كان السبب الرئيسي في موتهم هم الخونة اللي كانو حول عبد الناصر زي عبد الحكيم عامر .... و ماتصدقش أصوات الكلاب اللي بتحاول تشوه كل عظيم من عظماء مصر .. أما حكاية الكذب على المصريين في حكاية الهزيمة ... تقدر تعتبرها سيئة من عبد الناصر و لكن و الله لا تقارن بأفضاله علينا ... خصوصا إن الراجل دا ماكدبش عشان مصلحته بدليل إنه أراد التنحي بسبب النكسة الي ماكانتش ذنبه من الاصل ....

[ابن شحطوطة]

المشاركة الأصلية بواسطة hend

ايه اللى فكرك بال هزيمه

أنا ما افتكرت الهزيمة عشان الظروف دلوقتي شبه الظروف أياميها تماااااااااااااااااااااااااااااااااااااااام ..
الكدب شغال .. و الفساد .. و احنا مصدقين نفسنا ..
تفتكروا نتيجة ده دلوقتي إيه .. لو حصلت (( اللي اسمها إيه )) ..
مش برضه التاريخ بيعيد نفسه ؟؟!!..

[ابن شحطوطة]

المشاركة الأصلية بواسطة بنت بلدي

جدتي

كانت بتحكي لي عن أنها كانت فرحانة أوي وهي بتتخيل خالي وهو بيحارب في 67 لكن كانت

الصدمة أنهم مش حربوا .

هو ده .. إني أوصلك (( للفخر و الاعتزاز )) لكن في الوهم ..

طبعًا إعلامنا كان وقتها من أنجح الإعلام في العالم

و لا زلنا في الريادة

[ابن شحطوطة]

المشاركة الأصلية بواسطة proactive

حلوة قوي يا بن شحطوطة

الصدق بيجري في دمهم من زماااااااااااااااااااااان

و ما زال !!!!
-

المصري هيفضل مصري ..

(( الفول رواه .. و الكدب يا محلاه )) ..

[ابن شحطوطة]

المشاركة الأصلية بواسطة BIG-BRAIN

و الله عيب أوي عليك تتكلم بالطريقة دي على أعظم رجل مصري بلا شك ... اللي حرر بلدك من الاحتلال و انقذها من اغتصاب الغرب .. و اتحدى القوى العظمى و لم يخضع لأي دولة عشان كرامتك و كرامة المصريين ..يا راجل دا عمل في بلدنا أكبر ثورة صناعية في العالم .. و اللي كانت السبب الرئيسي في ضرب اسرائيل لمصر .. لأن لو كانت مصر إستمرت لفتره على هذا التفوق كان شكل العالم تغير و كان زماننا دولة عظمى بيتعملها حساب .. مش بتاخد على قفاها .. و ذلك باعتراف الاعداء .. أما شهداء سيناء كان السبب الرئيسي في موتهم هم الخونة اللي كانو حول عبد الناصر زي عبد الحكيم عامر .... و ماتصدقش أصوات الكلاب اللي بتحاول تشوه كل عظيم من عظماء مصر .. أما حكاية الكذب على المصريين في حكاية الهزيمة ... تقدر تعتبرها سيئة من عبد الناصر و لكن و الله لا تقارن بأفضاله علينا ... خصوصا إن الراجل دا ماكدبش عشان مصلحته بدليل إنه أراد التنحي بسبب النكسة الي ماكانتش ذنبه من الاصل ....

يا أخي خليك حيادي ..

عبد الناصر له حسنات كتير .. بس ما كانش نبي أكيد .. و لا إيه ..

خلينا نشوف الحق حق .. والباطل باطل ..

و ما فيش حد معصوم من الخطأ ..

و لا ناسي مظاهرات (( اليسار المصري )) يوم التنحي ؟؟!!..

أ..ه ... أ..ه .. لا تتنحى !!..

<< أكمل الحرف الناقص مكان النقط >>

[بنت فلسطين]

ضحكتنا وأبكيتنا يا اخي على الصبح

الي يطمن انه ربنا عامل يوم للحساب والجزاء
وكلٌ يوف يلاقي جزاء ما عمل .. كل صغيرة وكبيرة

فما بالك لو كانت أكبر الكبائر !!!!

تحياتي

[ابن شحطوطة]

المشاركة الأصلية بواسطة بنت فلسطين

ضحكتنا وأبكيتنا يا اخي على الصبح

الي يطمن انه ربنا عامل يوم للحساب والجزاء
وكلٌ يوف يلاقي جزاء ما عمل .. كل صغيرة وكبيرة

فما بالك لو كانت أكبر الكبائر !!!!

تحياتي