لماذا نخوض فى علاقات فاشلة؟

[الشافعى سرور]

بسم الله الرحمن الرحيم

يعلم الانسان ان الحب قد يصاحبة جرح كبيرفى معظم الاحيان ويبحث عنة!!!!!!!!!!!!!!!!!!!!!!!!!

هل يبحث الانسان عن شىء يجرح قلبة؟؟؟؟؟؟

فالحب بلا زواج لا داعى لة

نخوض فى علاقات وفى بعض الاحيان كلا الطرفين يعلم برفض الاهل وان االارتباط يكاد يكون مستحيلا ولكن يستمروا فلماذا؟؟؟؟؟؟؟

99.9% من علاقات وارتباطات ما قبل الزواج فاشلة سواء من انترنت او ارتباط عن طريق جامعة او اى وسيلة اخرى

يبحث الانسان عن الحب لانة يريد ذلك يريد الاحساس بانة انسان وانة مطلوب وانة محبوب

فلماذا لا نتعلم من اخطاء الاخرين ؟؟؟؟؟؟؟؟؟؟

كلنا نعلم بهذة الكلمات ولكن نستمر فى الخوض فى علاقات وارتباطات فاشلة

حقا ما بنى على باطل فهو باطل
كل هذة العلاقات مادامت بعيدة عن الشرع فانها تضيع حقوق اصحابها


فى انتظار ارائكم

[BATISTA]

السلام عليكم



عنك حق فى كل كلامك الى انت قولتة

وبالنسبة لسؤالك لية بنخوض فى تجارب فاشلة لان احنا مش بنتعلم من الاخطاء السابقة

مجرد مابتنتهى علاقة بنعمل على انا احنا ندخل فى علاقة تانية علشان ننسى زى عمرو دياب مابيقول لية ياقلبى كل يوم بتحب واحدة ولسة مش لاقى الى عايزة فى اى واحدة


كل دة علشان الواحد ينسى واحدة بس هل ياترى بينسى ؟

فالحب بلا زواج لا داعى لة

عندك حق وعلى فكرة ممكن الحب يجى بعد الجواز مش شرط يكون فى حب مسبق

ودليل على كدة ان معظم انواع الجواز الناشىء عن حب مسبق بيكون فاشل لسبب ان الحبيب قبل الجواز فى فترة الحب بيكون مش شايف عيوب حبيبتة كل عيوبها بتكون عندة مزايا والسيئات حسنات لكن بعد الجواز والمسئولية بتظهر بقى العيوب عيوب والسيئات سيئات لان الاول مكنش فى مسئولية وكدة يعنى

حقا ما بنى على باطل فهو باطل
كل هذة العلاقات مادامت بعيدة عن الشرع فانها تضيع حقوق اصحابها

تسلم ايدك بجد على التوبك دة وربنا يوفقك الى مافية الخير
ان شاء الله فى انتظار مواضيعك خصوصا ان كنت متابع لك موضوع لاتشرب الشاى وانت قدام الكمبيوتر

ربنا يجازيك كل خير

تحياتى لشخصك

[مشاعر دفينة]

السلام عليكم
يسعدنى ان يكون اولى مواضيعى معكم
فى هذا المتصفح

الحب فى الاساس شعور واحساس نشعر به فيحرك فينا بتاثيره على المخ مشاعر معينه واحاسيس اما تسعدنا او تجرحنا

صدقنى ان للحب متعته حتى ولو كان نهايته الالم
فالالم فى الحب ايضا نستعذبه كثيرا
وكثير من علاقات الحب الفاشله هى تجارب تقوى الانسان بعد ان تكون غذت جزء منه يحتاجها

مع انى اشجع طبعا الحب المبنى على الاخلاق والقيم الدينية والمتكافئ فى اطرافه

دمتم بخير
مودتى

[حنين مصر]

موضوع حلو ولاكن الشرع ليسى ضد الحب ان كان مبني على صح
واحنا بنخوض التجارب لاننا عيشين ولا احد منا يستغني عن الحب في كل امور الحياة
تحياتي

[قمر الليل_]

فالحب بلا زواج لا داعى لة


طيب الحب بيجي في اي وقت نعرف منين ان نهايته هتكون جواز ولا لا


يعني اذا حسيت ان مشاعرك بتتحرك نحو انسان ما هتستني وتقول لا انا لازم اعرف هيكون نهايته جواز ولا لا

واذا كنت هنا بتدعو ان احنا منحبش الا لما نتاكد ان نهايه الحب ده جواز يبقي ياريت تقولنا ازاي نمنع قولبنا انها تحب او تتوقف عن حب شخص ما


ازاي اقول لنفسي لا انا مش هحب واصلا قلوبنا واحساسنا مش بادينا

[الشافعى سرور]

بجد انا بشكركم اوى على الكلام ده واتمنى الشاركه من الكل

[مشاعر دفينة]

ازاي اقول لنفسي لا انا مش هحب واصلا قلوبنا واحساسنا مش بادينا

الامر يبدا من اول لحظة شعور بتحرك المشاعر فى النفس
عندما تلوح بوادر الاعجاب الشديد بالشخص الذى يتحول فيما بعد الى حب
يجب ان يتدخل العقل فيخبرنا ان كان هذا الحب سليما ومكتوب له النجاح فنسير على الدرب
او يخبرنا بانه حب نهايته فاشله فعلينا الابتعاد على الفور عن هذا الشخص
مع ملاحظة ان الاحوال دائما لا تسير وفق المنطق او العقل فقد يبدو الحب واعدا وينقلب على عقبيه والعكس صحيح فقط علينا الاخذ بالاسباب اولا وترك النتائج بعدها

مودتى

[النينجا المصري]

وجهة نظري ان الحب بتاع الافلام وهم ومكانه الافلام بس لان مفيش حاجه اسمها ان واحد يحب واحده معينه ولو محصلش نصيب يبقى عمره ما هيحب غيرها لان الواحد ممكن يحب اكتر من واحده وفي نفس الوقت كمان وفي رجاله متجوزه اربعه وبيحبوهم الاربعه والبنت نفس الكلام ممكن تحب واحد وتبقى فاكره انه اما هو او متتجوزش وده وهم كبير وعادة بيكون في السن الصغير ولما بنكبر بنعرف اننا كنا في وهم
وبالنسبه للاجابه على سؤالك في ناس بتخوض في علاقات عارفين انها هتفشل والسبب انهم بيسلوا وقتهم لان عندهم فراغ .

[نيهال]

طبيعهالانسان انه مش ملاك بيعمل الصح
وده مش يعطيه انه يبدا بالغلط علشان يعرف الصح فين

القلب .......نعمه كبيره ربنا منحها لينا.........وللاسف مش بنعرف نختار الانسان المناسب ليه فى معظم الاحيان

فالعلاقات المشبوهه ربنا مش بيبارك لها الا اذا رجعوا عن المعصيه وتابو توبه نصوحه...........فالله غفور رحيم بعباده متى تابوا

[وائل المصري]

هل يبحث الانسان عن شىء يجرح قلبة؟
****************
اولا
****
اود تقديم تحيه اسره محكمه المنتدي الي سيادتك علي الموضوع الجميل.
ثانيا
****
لماذا نأخذ الدواء برغم انه كثيرا ما يألمنا طعمه
واحياننا نأخذ مضدات حيويه مع اننا نعلم اننا نتألم منه
وايضا لحب والعلاقات الاجتماعيه نعرف انها من الممكن ان تجرحنا لكنها اكسير الحياة اي شر لابد منه
ومن منا سيدي يعلم اين يضع قدميه نحن مسيرون لسنا مخيرون في لمشاعر ولحب سيدي.
مع تحياتي
*******
وائل المصري قاضي لمنتدي.

[زينا]

انت عندك حق
بس فعلا زي مابتقول انا الانسان بيحب يكون مرغوب فيه بس ماعتقدش ان ده السبب الرئيسي
السبب هو الفراغ اللي عند الشباب واحتيجهم للحب حتي لو كانو مش هيحسوا بيه
ميرسي ليك علي الموضوع ده هو موضوع مهم فعلا

[الشافعى سرور]

انا بشكركم جدا على الردود الجميله دى وانا بشكرك اوى يا زينا على ردك

اتمنى ان الكل يستفاد