الشمس هى التى قتلته.....قصة قصيرة

[شذا الأمواج]

بسم الله

اليوم أحكى لكم قصة قصيرة قرأتها لكاتب لا أذكر اسمه الآن ولكن القصة أعجبتنى وأثرت في

وأكتبها من الذاكرة

يحكى أنه كان فرنسى يعمل فى بلد عربى ويعيش فيه

ولم يكن شيئا يكرهه فى البلد العربى الذى يعيش فيه أكثر من حرارة الجو ,


فقد اعتاد برودة بلاده وألفها واعتادت نفسه وجسده على طقس بلاده

فصار شيئا طبيعيا بالنسبة له...فكان دوما ما يذهب الى الشاطئ بهوائه الطلق

ويأخذمظلة البحر ويذهب الى هناك ليستمتع بالهواء العليل .......

المهم........أخينا الفرنسى التقى مع فتاه عربية ووأخذا يتضاحكان

فأحبته لبراءة مقاصده, المهم أنهما كانا حينما يلتقيان يتجاذبا أطراف الحديث

(طبعا ينكر عليها شرعا ذلك..!!!بس ما لنا دخل .....خلينا نشوف ما حدث...........)

المهم.......

تصادف فى يوم أن مر صديق أخو الفتاة ورآها واقفة تتحدث مع الرجل الأجنبى .......

المهم انه ما كدبش خبر وذهب سريعا فأخبر أخوها بما شاهده فغضب الأخ

فكان كلما مر الأجنبى فى شارعهم خرج الأخ ووقف بجانب بيتهم يتهدد الأجنبى

باشارات معناها ابتعد عن أختى والا عينك مش هتشوف النور .....

ومرت عده أيام وقرر الأجنبى الخروج الى الشاطئ هربا من الحر

ولكن تصادف وجود أخو الفتاة التى تعرف عليها الأجنبي على الشاطئ أيضا........

هنشوف حصل ايه فى الحلقة التالية والأخيرة...

اذا أعجبتكم القصة هنزلها حالا ان شاء الله

[شذا الأمواج]

واضح القصة لم تعجبكم

الحقيقة القصة رائعة لكن بكيفكم ..........

مع السلامة

[ماسة البحر]

لا القصة عجبانا بس ياريت تكمليها

[the sun]

لا كمليها يا شذا الله يخليكي

[Dr.Hammood]

كملي انا معاكم

[فراق84]

انا اتابع ايضا
فراق

[شذا الأمواج]

شكرا

ماسة البحر

the sun

د.حمود

ليه كنت زعلان

فراق حبيبة قلبى

[شذا الأمواج]

بسم الله

وبعدين...اللهم صلى على محمد

......................................

آه ..........احنا وصلنا لما العربى الجزائرى شاف الواد الفرنساوى قاعد بيستجم على الشط

وهو فاكره انه بيسلى نفسه........لكن الحقيقة ان موضوع الحر ده كان عامله زى عقدة

بالضبط زى ما يكون العربى فى بلاد الثلج متعقد من السقعة ومتكلفت فى اللحاف مش قادر

يتحرك من مكانه من شدة البرد اللى بيكون بالنسبة للغرب البارد شئ عادى وطبيعى وربما

يلبسون الخفيف من الثياب لأن أجسامهم أخذت على الزمهرير القارص

المهم ان اخينا العربى ولاعلى باله غير حاجه واحده بس وهى موضوع أخته

فحب يظهر أمام صديقه رجولته وتصادف ان كان معاه سكين صغيره

أتى بها على الشاطئ بغرض تقطيع الطعام........المهم اخينا العربى طلع السكين

ملوحا بها للفرنسى من بعيد يتهدده ويتوعده بها وكلنا عارفين طبعا ان الموضوع

كان كده وكده يعنى العربى طبعا مش هيقتله بجد...فى نفس الوقت

كان الفرنسى يتفصد جبينه عرقا من الحرارة

التى لم يعتادها وخلاص هيتجنن مش طايق الحر وكان معاه مسدس

لأن عمله كان يتطلب أن يحمل مسدس وفى عز حر الظهيرة ترك العمل

وأتى الى الشاطئ لكى يحصل على بعض الرطوبه النسبية المهم

واخينا العربى مطلع السكين يتوعد ويتهدد أول مرة الفرنسى لم يلقى بالا لتهديده

وبعد قليل برده صاحبنا العربى مطلع السكين مرة تانية كما فعل فى المرة الأولى

وهنا انعكست الشمس على نصل السكين فارتدت اشعتها فى عين الفرنسى

الذى كان قد وصل الى حد اللاوعى من شدة الحرارة التى لا يتحملها

فطلع المسدس وأطلق رصاصاته باتجاه العربى فأصابته فى مقتل

وبعدين الناس اتجمعت حول الفرنسى وقادوه للشرطة

التى أحالته الى المحكمة الجنائية وثبتت عليه تهمة القتل العمد .....

المهم أثناء محاكمته .....القاضى بيسأله ...انت قتلته لأى سبب.......

رد الفرنسى

أنا لم أقتله.........الشمس هى التى قتلته......؟؟!!!!!!!!!!!!





.....النهاية

القصة عربية والمؤلف عربى جزائرى

والقصة تعطينا كثر من فكرة وتسمح لنا بالتجول فى مكامن النفس البشرية

والتأمل فى أحوال البشر ...



وكمان فكرتنى بموقف حدث لى

عندما كنت أدرس فى الجامعة

كنت مرة واقفة فى منطقة قريبة من باب جامعة القاهرة أنتظر مواصلة لتقلنى الى بيتى وفى عز
الضهر وكنا فى الصيف والحرارة عالية والمواصلات بشق الأنفس وبعد ما ركبت ميكروباس مافيش خمسة متر اعترض طريقنا امرأة شكلها غريب جدا حاطة بروكة صفراء وفوقها ايشارب وماسكة شنطة بطريقة مهرجلة رغم ان يظهر من ملابسها انها غنية وجت اعترضت طريق الميكروباس
واقفت قدامه كان هيدوسها ويمش واضطر يفرمل
وهى تقول بأعلى صوتها.........وقيييييييييييييف....وقييييييييف...وا ضح من لهجتها انها شامية
وركبت الميكروبس وهى تقول....شوب.....شوب....شوب
هههههههههه.........يعنى حر......حر......حر...........مسكينة ......بلادهم فى عز الصيف مفيهاش حر ..........والعجيب طول مهى قاعدة فى الميكروباس تحدث نفسها بصوت عالى تشكو من الحر